الجراح .. لاصحاب الذائقة

عسى ما زعلتك البارح وزدوت ألجراح جراح
عسى ما مرت الدمعه على أهدابك من أسبابي

جرحتك جرحتك من كثر شوقي وخليت الكلام أرماح
ولا أدري شلون ياعمري طعنتك حيل باعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سواء بي

حرام تغيب من عمري وتعطيني الفراق أوشاح
حرام الدمع في عيني مناديله يهدابي

غيابك غيابك يشغل عيون الزوايا وامتلي أشباح
وأنا أنثر صوتك بقلب المكان وأشعل أبوابي

تلفت تلفت للأمل دام الرجا في عمري الملواح
أنادي لك أنادي لك ولو شرهك وصولك تقطع أعصابي

أبيك الجاي من عمري أنا ما أبيك شي وراح
مدامك أجمل وأخر مدامك أول احبابي

أبي أرتاح ياعمري أنا أدري هم تبي ترتاح
تعال تعال وقبل ما أفرح ترى تفرح بك أثيابي

أحبك أحبك يابعد عمر الحزن والجرح والأفراح
أحبك أحبك كثر ما نامت عيونك داخل أهدابي
//
سالم السيار
اعجبت به فنقلته لكم

كم أعشق هذه القصيدة
وأعيش معها فكرا وروحا
كلمات معبرة
وإلقاء مؤثر
( شكرا ابو نوف)

اقتباس:

---

جرحتك جرحتك من كثر شوقي وخليت الكلام أرماح
ولا أدري شلون ياعمري طعنتك حيل باعتابي

---

ماذا عساني أن أقول !!

شهادتنا جميعا في ذائقتك مجروحة

رائع انتقاء جميل جدا ومؤثر

كما أن الشاعر سالم السيار شاعر جميل ومختلف

شكرا

شكرا أبو نوف

ابو محمد .. شكرا لذائقتك .. وبرسل لك احلى منها .. ,,

بنفسج .. ذائقتك ارقى من كل القصائد ممتن لحضورك ,,