اختناق الاصابع
رغم الفرح اللي كسا كل الوجوه
ورغم الزغاريد اللي كانت مثل الرعد
جت اللحظه اللي فيها حان وقت.. الاختناق
كانت يديه بارده ..وهي ترتجف حط بإصبعي خاتم الارتباط
غصب عني تم هذا الزواج
حسيت باصبعي من (الدبله) اختنق
رغم انه واسع بالمقاس
كان مثل حبل المشنقه
او حلقه مفرغه انا فيها ادور وهي حولي تدور
ليه ينكتب اضل اختنق (بدبلتي)
وجا وقت السكون وقت اجتماعي.. انا .. وهو
جلست بطرف السرير
اكتم عبراتي وقلبي يئن !!
وهو جلس مني قريب ...ونظراته فيني شاخصه!
ولا تبان عليه علامات الفرح ...
قال بصوت مبحوح
مبروك..............وسكت
رفعت راسي بعد ماقلت بنفسي ماعد يفيد رفض القدر
وبغيت ارد ....لمحت دمعات من محجر عيونه تنحدر
مثل حبات الخرز وهي تنتثر
سبقني وقال ...
حبيتها
من كل قلبي حبيتها ...وما اشتهيت تكون زوجه لي غيرها
هي كذا وكذا وكذا
هي نص روحي ونصها الثاني اهي
وسكت ...ولملم بقايا ذكرياته
والتفت.........
وقال آسف كنت قاسي بكلامي
بس غصب عني
بداخلي بركان....وده يثووور
كله من ابوي من يوم انا صغير وهو يقــول:
انت لبنت عمك وبنت عمك لك!!!
وسكت ينتظر مني جواب
لكن لا جواب
رجع وقال
انا حاولت فيه افهمه
ان هالكلام مايصير
وان قلبي في طريق لغيرها يسير
بس مافي فايده
قال لي انت لبنت عمك وبنت عمك لك ....وهذا اخر كلام
اسمحينيي يابنت عمي
لكن اللي قدامك عاشق وهايم من الغرام
وش حيلتي غير الكلام
اما رضاي او رضا ابوي
ومالي اختيار الا رضا ه
وسكت...............
لما يأس من الجواب
قال انا بالحيل تعبان ودي انــــــــــــــام
ورمى نفسه عالفراش
يااااااااااااااااه
اثاريه مثلي مغصوب عالارتباط
اااااااااه ياحظه قدر يرمي بناره
ويحرق كل شي حوله
اااااااااااااااه ...ياليت اقدر اعترف له اني غيره احب
واني بنار الغرام مثله احترقت
وان ابوي كان دايم يردد على مسمعي
انت لابن عمك وابن عمك لك
كان ودي اقوله
حبيته وماتمنيت غيره
حبيت ولد الجيران
وهو حبني
وكان يقول لي اني له بكون
وانه يناديني دايم بالقلب الحنون
وانه كذا ...وكذا.... وكذا....
كان ودي اعترف واثور مثل بركان واحرق كل شي حولي
بس يمنعني الحيا لكن مثل ماهو لي
اعترف!!!
انا بالصباح له بعترف
وطلعت شمس الصباح
وقمت من نومي وثوب عرسي مازال فوقي
والعريس مثل ماهو نايم بمحله
بثوبه وبشته وغترته وعقاله
فجأه الباب يدق
صباحيه مباركه ياعرسان..................>>>>>امه تقووول
وخفت تكتشف اللي جرى
وقمت بسرعه غيرت لبسي
وغسلت مابقى من حطام امسي
ورحت بسرعه اصحي ولد عمي
ولد عمي اصحى امك عند الباب
لكن ماتحرك
ولد عمي... اهزه... اهزه
ما تحرك...
اثاريه نــــــــــام نومته الأخيره بعد ماثار
وما حرق اللي حوله وبس
حرق نفسه ومات
ماقدر انه يعيش بدون روح
يا ليتني بعده أروح
وانا مابقى مني...الا
أرمله وقلب مجروح
وعزا... بعد الفرح
لا امس ماكان فرح
امس كان عزاي وعزاه
واليوم كل شي انتهى
وكل السبب...من
اختناق الأصابع.
من بوح قلمي...مشاعرفرفر::
