تعالوا يا مشجعين , تعالوا ياوطنيين .
بسم الله الرحمن الرحيم
السلام عليكم ورحمة الله وبركاته
المشرفين الكرام , فرحتي مع وصف شكل المباراة في مصر شكل ثاني .
أولاً أرجو من أبو نوف أو الأسامة أو الأسطورة جمع المواضيع كلها هنا ,
المواضيع اللي تخص المنتخب في مبارات اليوم .
أولاً / وصل اليوم أخوية أبو سلاف , فجأة للقاهرة , واتصل عليه العصر .
وأقابله , ومن الفرحة صرت مجنون وأنا مجنون ,
ثانياً , إتجهنا إلى قهوة مصرية تقع , في نهر النيل , الماء من حوالينا ,
واللي يعرفها إسمها فرايديز .
ثالثاً / قعدنا وشفنا التشكيلة ,
وأقوم على الطاولة , وبكل صوتي ,
حيو السعودي حيه والأخضر مافي زيه .
كانت الفكرة عشان أعرف كم سعودي في القهوة . ::d::
قامت القهوة كلها معاية , طلعوا أكثر من 100 متفرج سعودي , و2 إماراتيين .::d::
قمت عندهم وقلت لهم ياجماعة إذا فزتم , افرحوا واستانسوا , بس إذا فزنا .. إسمحوا لي ::d::
قالوا يارجال والله إننا نحبكم ونحب منتخبكم , وصيّح ::d:: على راحتك , وافرح أصلاً بالنا مو على المباراة . ::sa05::
قلت يلا بالإذن المباراة بدأت ,
المباراة بدأت , وقام مدير المطعم , ويشغل رابح صقر ::sa08:: عشان يحلي الجو .
وبعدها بدأ الحماس , والهدف الأول , ::sa08::
كالعادة طلعت فوق الطاولة وأصيح بكل صوتي , حيو السعودي حيووه والأخضر مافي زيه .
<<<<< قسم كأني صالح القرني ::sa08::
وبعدها خليت الجو يهدأ , وقلت : الله أكبر ::sa07:: <<<< بكل صوتي ::d::
الاهداف الإماراتية زعلتنا شوية بس كـ العادة , قدت رابطة مشجعين المنتخب في مصر .
وقمت قلت لهم ياشباب العزيمة أصلحكم الله . ::d::
وشدوا الهمّة , وإلا ترى أزعل وآخذ أخوية وأطلع ::d::
قالوا لا لا لا تكفى يازعيمنا ماتطلع .
مهزومين وأنا أصفق وأغني بكل صوتي .
أقسم بالله صوتي رااااااااح فيها ::sa03::
وأبو عمر نزل . <<<< يابعد روحي يا أبو عمر .
والقوووووووووول الثاني , من عرضية قاتلة .::sa06::
وأبو عمر يبدع , ونور يقاتل , ونايف هزازي يهدد .
والأظهرة تجري كـ الصواريخ >>> ماشاء الله .
وعيال عطيف في قمة العطاء ,
والقول الثالث , ونقزت من على الماصة , وطحت في الأرض ::sa03::
والله ياجماعة , من كثر الفرحة رفست الشيشة حق واحد جنبنا ::sa04::
وطيرت أبو الفحم , والكل يطالع وأنا أصيييييح ,
ورابح صقر يشتغل , وأنا ماخذ القهوة كلها على راسي .::sa05::
والقهوة أصبحت نااااااااار , والأعلام السعودية ,
والأسعااااااااااااار طااااااااااااارت ::sa10::
الحساب قبل يومين حاسبت نفس الأكل 30 جنيه:mad:
واليوم نفس الأكل حاسبت 100 جنيه ::sa10::
ويلا شاركوني ياجماعة , تروني أول مرة أفرح كذا وأحس إني شفت مباراة , من جد .
ياجماعة من 7 أشهر وأنا أعاني الوحدة والملل والطفش وأم الغربة ,.
محد وده يشاركني اليوم ,
والا بيجي المشرفين ويحذفوا موضوعي ::sa10::
