بالله ماطفشتوا من هالشي

والله طفح الكيل.....مليت

الانترنت صار مقرف .اول نفتحه ندور شي يوسع الصدر,
الحين ما فيه الا الاكلة هذي مسرطنة, والعصير هذا يسبب صلع ,وكيس الخبز اذا شقيته بدون تفك الربطة يسبب سرطان في الابط , والصابون اذا حطيته في فمك يسبب سرطان لثه.والله مليت
كل شي مسرطن .كل شي ضار ..يلعن بليسكم اذا كل شي مسرطن وضار وشلون عشنا.حتى الحب قالوا مسرطن..والشطة الي فيها مادة سو بي كورا مي دقني دقني دقني دق دق دق !!!..مسرطنة
الجح الي يباع في عز الصيف مسرطن.الماء الي تشربه بعد الوجبة يسبب حوله
طيب ياخي غصيت وشلون ادف اللقمة .اموت ..لا والمصيبة اذا صار مصدر الاشاعة شركة تعال شوف.شركة سنكرس تستخدم زيت الخنزير عشان تدعم اسرائيل
والله يا جماعه من كثر الخزعبلات تلخبططت الافكار.الشماغ اذا لبسته والمرزام مقلوب يسبب سرطان في الاصبع الصغير من رجل شغالتكم(عشانها هي اليي تغسله)
بلد اشاعات
واي شي تلقاه عندك ومبسوط فيه يقرفونك فيه ويقولون يسبب مرض.مثل عندك الخيار
تحبه ولذيذ والسلطة بدونه ولا شي .يطلع لك طلعة ويقول انالخياركبير الحجم يسبب سرطان قولون ولا معدة ولا اي شي يضيق صدرك
________________
الكوم الثاني
مليت من الرسايل الدينيه المكذوبة .كلها احاديث مكذوبة ومصطنعة.واخرتها يجي يقولك
قل هذي الجملة ؟؟؟؟؟ الان كسبت 398321</حسنه ..على كيف امك هي .توزع حسنات
لا ويقولك انتبه لا يضحك عليك الشيطان ارسلها .
وصدقوني انا كتبتها وبعد فترة بتجيكم اشاعة وان مخترع الكيبورد يهوديوحرام انك تطقطق عليه

انتبه انتبه ترى الشيطان واقف جنبك

ما درى ان الشيطان هو الي يضحك عليه وطاق معسل جنبه ويقول قم غير لي جمر يا حمار

والملاحظ ان مصدر هالخزعبلات الدينية هو صغار السن والجهلة .والا الي هم في جهه والدين في جهه ثانية..ما اقول اني انا كامل انا مثلكم بس ياخي قبل ما ترسل تاكد ان الاذكار يبغى لها تفكر وتامل واخلاص نية لله ..موب قاعد تقول الاذكار ومحمد عبده يدهر معك

سامحوني كل الحكاية ان الكيل طفح.....وعلى طاري الطفح ترى كثرة البربرة في النت تسبب طفح سرطاني

منقوووووووووووووووول

بصراحة انا عجبني الموضوع

بس حذفت منه بعض الألفاظ الغير لائقه

لا غرابة اخي الفاضل
عالم النت والمنتديات عالم واسع به الغث والسمين
والصالح والطالح والحسن والقبيح والعالم والجاهل
وهنا يبقى الدور المهم للمتلقي من حيث التميز بين النافع والضار
من تلك الأخبار والمواضيع المقرؤة

يازعيم ...
إسمع شوري
إعمل ماشئت ولا تلتفت لهم
الموت واحد
طيب الي قبلنا لم يحصل لهم شيئاًو ذحين جالسين تفلسفون!

تم التعديل من قبل الرقابة

هههههههههه

ياشيخ الغلط على اللي يصدقهم .

رائد إعقل ::d::

انتبه ....!

اذا قريت ردي هذا يجيك جنون البقر .. هههههههههه ..

ايه والله طفشنا وملينا وطفحنا ..

طيب وش رايك اللي يقول اذا ما ارسلتها تأثم وتتراكم الذنوب عليك وتتحمل ذنوب ومن هذه الخزعبلات ..

طيب انا وش دراني ان هذا صحيح والا غلط ... اللهم لك الحمد والشكر ...

شكرا اخي الزعيم على هذا الموضوع اللي جاء في الصميم ..

تقبل مروري .. والا اقول لا تتقبله يمكن يجيك شيىء وانا ما ادري انتبه ...!

مشكور أخي الزعيم على نقلك
وصدقت كثرة الخزعبلات في الوقت هذا