زينوها وادفنوها (قصيده موثره)
زينوها وادفنوها والكفـن ثـوب الزفـاف
غصب عنها زوجوها وسلموها للغريـب؟!!
مجبره ماشاوروها قصدهم شـرع العفـاف
مادروا إن البنيه مغرمـه ولهـا حبيـب!!
جهزوها وهي تبكي وترتشف دمع إرتشـاف
وخبروها إن موعد الفـرح منهـا (قريـب)
مالقت أحدا" فهمها وهمهـا ناظـر وشـاف
أن حكت باللي سكنها مالقت الهـا مجيـب
وكانها هـي وافقتهـم جرعوهـا الزعـاف
حالها من فعل أهلها صار محـزن ومريـب
والحفل قرب وقامت ترتجف خوف إرتجـاف
كل يوم تقول باكر الفـرج بـإذن الرقيـب
باكر يمكن يفهمون قصتـي بآخـر مطـاف
جا باكر ثم عدا وجـا بعـد باكـر عطيـب
وعلقوا عقد الإناره وإحتشـد فـرد وآلاف
أيقنـت إن الجـرح جرحهـا مالـه طبيـب
وإنها لازم تطيع أمرهم وترضـى الجفـاف
جو لها والدمع يغرق جفنها الحلو الرطيـب
قالوا ياالله إلبسـي ثوبـك اللـي للزفـاف
كفنوها وفـي نظرهـم زوجوهـا للأديـب
فرشوها الهم دايـم والأسـى لهـا لحـاف
ياحسافه دخلوهـا والحشـا يغلـي لهيـب
وأحكموا قيد البنيـه وإسجنوهـا بإلتفـاف
وادعتهم وهي تقول حسبـي الله الحسيـب
رحلتي ماهيب طويله ورجعتي بعد القطاف!
سافرت عن دار أهلها وقلبها خطر وصويب
سافرت مع منهو خطفها من أمانيها الضعاف
خايفه مستوحشه والعـرق منهـا صبيـب
وقلبها ينبض بذكرى ماضيه فيها إختـلاف
حاولت ترضى بقدرها وللحدث هي تستجيب
بس عيت تقتنع وعشقها ذاك <الضفـاف>
هو سألها جاوبيني ليه دمعاتـك (سريـب)
ليه لي ماتنظرين وأنازوجـك شخـص واف
قالت بنبره خجوله أنا فـي وضـع" رهيـب
غصب عني زوجوني وإطعنونـي بالرهـاف
هو سكت لحظة تأمل وش أسوي يامجيـب
عقله وقلبه نطقها صاحـب النخـوه يعـاف
قال منهو غير حبي يسكـن بقلبـك نجيـب
من تولى عرش قلبك إهتنـي بـه ياعفـاف
وباكر الرجعه تراها وإمسحي الدمع العجيب
خايف إني أمسكك وأقتـرف ذنـب إقتـراف
إضحكت ضحكه وقالت مابعد هالطيب طيـب
الله يجازيك عني بالأجـر ويسـر الطـواف
إرجعت وقالت رجعت ياأهل الشرعالغريـب
بنتكم جتكم ولكـن مـن بعـد ذل وحسـاف
وإبعثت مرسول عاجل أنا جيتـك ياالحبيـب
النذر اللي نذرته صـار وافـي يامنـاف?!
إجلست يوم وتأخـر لارسالـه (ولامجيـب)
وعقلها يمه تشتت وبـدت بالغيبـه تخـاف
مرها طفل صغير وإسألـت عـن الصحيـب
قال مات ليلة زفافك وإندفن بعـد الزفـاف
ناحت بحسره وطالـت الليالـي والنحيـب
وودعت قبل اللقاء حلمها الزاهـي وطـاف
قتلوها مرتيـن وشابـت ماقبـل المشيـب
منقووووووووول
رد: زينوها وادفنوها (قصيده موثره)
منقول جميل ومعبر يعطيك العافيه
رد: زينوها وادفنوها (قصيده موثره)
رد: زينوها وادفنوها (قصيده موثره)
رد: زينوها وادفنوها (قصيده موثره)
مشكورين على مروركم
واعذرونا
