أعظم وجع بالحب

أعظم (وجع) بالحب لا صرت تشتاق
ل اللي تحب ولا أنت قادر تشوفـه!
يكويك "جمرٍ" داخـل القلـب حـرّاق
زود ٍعلـى نـاره تهـدّك طيوفـه!
لا مرّ بعيونك كمـا نـوض بـرّاق
مالـك مجـال إلاّ تسايـر ظروفـه
ياصاحبي لو بينـي وبينـك آفـاق
نفسي معك في كـل حالـة شغوفـة
ما كنت "قبلك" خلف الإحساس أنساق
وإن شفت درب الحب أسكت وأطوفه
يلين جاني منعطف سيـل الأشـواق
بأمر الغرام اللي سطت بي سيوفـه
قاومت لكن! خافي الحـب ماطـاق
صابه صمود ٍ زلزل أجـزاء خوفـه
بغيت أردّه بس حسيـت بإخفـاق!
في لحظة ٍ"مـد" ل كفوفـك كفوفـه
جا لك ولا كنت أحسب الحب دفـاق
لين أغرق الخافق وسال ب نزوفـه
أثْـر المحبـة نبضهـا دوم سـرّاق
دمي وهو دمي بجسمـي تحوفـه!!
حاولت أداري حب قلبـي بـالأوراق
وأثْر الورق ماهـي أمينـة حروفـه
سلّ المشاعر من متاهات الأعمـاق
وأصبح يفسرّ كل وضـع بوصوفـه
يكتب تقارير الغلا وقـت الإشـراق
وعند المسا يعطيك باقـي كشوفـه
يا"جامع" ٍ حنيّـة الكـون بأخـلاق
معذور قلبي لـو يضمـك بجوفـه!


م ن ق و ل