المنافي......... حامد بن عقيل

دخول أول :

المنافي كل شي .. الا حياتي
صاحبي .. بعضي .. جنوني
كل معنى .. ما يقاسمني صفاتي
أجفله رمشي .. وغاضت به عيوني

1

شوفي يمَّه ..
صار وجهي شعر
و أوطان
و تتمة .

2

دهشتي
برسمك روح .
دامك انتي
كيف ذا الهاجس يبوح ..؟
ودامك انتي
كيف اقول :
الله ما احلى
و كيف اقول :
الله ما حسن
و كيف اقول :
الله .. يا كثر الجروح ..!

تعريف ( 1 )

المنافي ..
رقصة إســـْــــــلَم / سَـــمْ
أو رقصة : عوافي .

3

ياه .. وش هذا البحر ..؟
يمكن انه ..
دمع عاشق
خانه المنديل
و الموعد
وسافره الشَـــــعَــــــــر ....
بعدها ..
أهدى جفونه للجبال
و ( آه .. يامدنيلها ...)
و يمكن انه ..........
...................
..............
ويمكن انه ............... وانتحر .

ذاكرة منفى :

كان ابوي يضم وجهي
والتحف كفه .. واغني
نظرة الجده .. على الغيمه البعيدة
أتذكرها حنون
كانت تموت بقصيدة
و كانت تعيش بقصيدة

4

ليه رجلك ..
تطوي المشوار لجلك ..؟

5

يجوك اسراب
خطاوي عجلة
نظرة عشم .. و عتاب
يصبون القصايد في يدك
_ عشرين مرة _
لين تشربها
و تطربها
و تلعن لهفة فيها فتحت الباب ..!

6

تشتهيك المعركة
دام روحك شي
من ركض
و هبال
و صعلكة .

تعريف ( 2 )

المنافي ..
مجد يلهث
في خيال انسان حافي

7

من زماني ..
و انا اعلم رقصتي
نفس الأغاني

8

علميني ..
ليه اصير الورد دايم .. واتديني ..؟
و ليه اصير الشوك دايم .. و انتهيني ..؟
علميني ..
ليه صار الشعر يركض
ثم يركض
ثم يركض
في عيوني ..؟

دخول ثاني :

الوطن باثنين .. و الريح .. و شمالي
و كل منفى رفّ في قلبك .. شمال
كنت واجد .. و كانت امجادك خوالي
و صرت واجد .. بس فعيونك سؤال
يشعلك عفو الغلا .. صحو الليالي
و انته انته .. عَـزم .. و اصحاب .. و دِلال
الوطن بثنين .. يا أول .. وتالي
دام لك فالغيب .. يمكن .. واحتمال.

ياناس كلام مثل حرام ما يكون في مقدمة المواضيع


يا عالم ابداع ابداع ابداع


نسج على خيوط الالم والامل والتفاؤل


تحريك لجمادات الكون


تحديث لمصطلحات الانتماء للنصر




ياسيدي


اقسم انني عاجز عن وصف روعة ابداعك



وحتما سأعود



مع حبي
القبس

عبدالله الحلوى
أسف على التأخير.
وأنتظر عودتك.

يا بن عقيل ...
صبر جميل ..!

أستاذ .. مسعد الحارثي ..

لا تحرمنا من ( فوضى ) المشاعر !


دمتَ ساطعـاً ..