إذا لك شف في شوفي تراني
على شوفتك صحيت الاماني
زرعت الشوق كله بأنتظارك
واخذت الانتظار وجيت اعاني
نسيت الناس لكن مانسيتك
عجزت انساك حتى لو ثواني
مليت الكون واشغلت الجوارح
نظر عيني سماع أذني لساني
عطيتك شي ماهو عند غيرك
ولا قصرت لكنك أناني
انا أحبك وإذا ودك تأكد
شف الله كيف بيدينك هداني
غيابك صعب؟والأصعب وجودك؟
وانا فالحالتين أتعب وأعاني
حبيبي لا تواخذني ولكن
أبيك تحط نفسك في مكاني
أنا والله ترى اصعب حكايه
كتبني الوقت لكن ما قراني
مضى عمري وتقدر تعتبرني
غريب وفي زمن ماهو زماني
زماني راح مع نصفي ونصفي
نسى نفسه مع الوقت ونساني
أسافر حزن والصحبه ثلاثه
انا والصبر وسهيل اليماني
أنا يا بنت أنا دقه قديمه
بغيت اخذ من الوقت وخذاني
انا شاعر عيونك ياحبيبي
مع التحريف في بعض المعاني
وما نيل المطالب بالتمني
ولكن شوفتك كل الآماني
محبة صادق النيه قصايد
ومحبة ساقط النيه أغاني
قسم بالله لو موتي بيدك
وأموت الفين مره ماكفاني
ذبحتني فنقلتها لكم ,,,,,,,,,,؟؟؟؟
