الشيوخ اذا قبعت بينهم(شعر اثري )
السلام عليكم ورحمة الله وبركاته
احب اختصر معكم ياجماعه القصه....
القصه تتكلم عن اشهر واشجع فرسان قبيله وحده
والقبيله هي تعتبر من اشهر القبايل بالشجاعه والفروسيه وغير ذالك من مكارم الاخلاق .
القبيله هي عنزه
والفرسان هم
خلف الاذن
محدى الهبداني
وكلهم اشتهرو بالشجاعه والفروسيه والشعر ...
خلف الاذن في احد المعارك بين ابن مهيد احد شيوخ عنزه وجماعه خلف لاذن (الاذن الشيابه)
خلف الاذن كان يسمى ابا الشيوخ لانه مايذبح بالمعركه الا الشيوخ او الفرسان <IMG SRC="cwm12.gif" border="0">
وطبعا في ذي المعركه اكبر الشيوخ هو تركي ابن مهيد وتركي ابن مهيد كان شجاع وهو اتعب الخصم (عجزو لايطرحونه من فرسه) لكن ان كنت ريح فقد واجهت عجاج
http://vb.eqla3.com/images/smilies/biggrin.gif
المهم خلف الاذن ذبح تركي ابن مهيد ويقال انه <<<< يبي يوصف توصيف لايقراه الي قلبه حنين <IMG SRC="cwm4.gif" border="0"> يقال طول الله عماركم انه قطع خشمه بالسيف قطع وبعدين نتش راسه<<<< كان بالمدرجات يشجع
http://vb.eqla3.com/images/smilies/biggrin.gif
لا والله الوصف ذا انا سمعته بكذا شريط ولكذا راويه .
المهم بعد ماانتهت المعركه ارسل محدى الهبداني القصيده ذي لخلف الاذن يتوعده فيها
ياخلف الاذان بالك تغبا.... يذكر لنا عندك قعود جلابه
بالحرب عندي لك حمول تعبا .... وبيني وبينك يالرويلي طلابه
اما خذينا الثار والا نهبا... ويبقى علينا عقب تركي جنابه
نصبر ولابد الهبايب تهبا...... ونجيك فوق القحص مثل الذيابه
ندور ثار الي ببطنك مسبا.... شيخ الشيوخ الي كريم جنابه
ورد عليه خلف الاذن
كان انت يامحدى لعلمي تنبا... عيب على الي مايثمن جوابه
انشد وتلقاني على سرج قبا....مع سربة الاذان والا الشيابه
قب لعصمين الشوارب تربا.... ياما غدا بنحورهن من طلابه
كم شيخ قوم من طعنا تكبا... عدونا سم الافاعي شرابه
وفيه بيتين ناقصات لاني عجزت لاسمعهن زين في الشريط ومعناها يبدو لي صعب جدا
وسلامتكم
