زجل بعنوان " خليك من جوة حلو "

خليك من جوه حلو
تشوف الدنيا حلوة
هـ يروق معاك الجو
وتحس كتير بنشوة
محدش خالي من العيوب
ليه باللسان بتحدف طوب
ياتقول خير ياإما تسكت
نضف قلبك وبلاش تشمت
فيه رب فوق الكل
وكتب موجودة بتسجل
الشر طول عمره قصير
بس انت اللي مستعجل
عايز تنصح انصح
بحكمة وموعظة حسنة
حل المشاكل أصلح
من وصفها بكلمة نتنة
عايز تغير غير
بس ف دايرة تأثيرك
وبلاش للجو تعكر
وتعكنن وياك علي غيرك
كلمة حلوة ف نصيحة
أحسن من ميت فضيحة
رب العباد قال ف كتابه
لرسوله وأعز أحبابه
ولو كنت فظا غليظ القلب
جواب الشرط الناس تنفض

مخلص من مصر