كلمة حلوة صغيرة من اخوكم مخلص

الحب

كلمة حلوة صغيرة

بتخلي حياتنا منورة

حروفها يادوب حرفين

وممكن تقولها العين

وكتير بتقولها الشفايف

لكن مكانها في القلبين

لما يقولها الواد للبنت

بتخلي العقل معاها يشت

ولما تقولها البنت للواد

عشان خاطرها يلف بلاد

سهلة علي شفايف الناس

ومتوصلش إلا بإحساس

كتير أزواج مبيقولوهاش

لكن لسة عايشة ف قلوبهم

وكتير يقولوها واجب وخلاص

وبيعتبروها أكبر ذنوبهم

خدوا مني نصيحة ياللي

الحب يوم شبك قلوبكم

الحب نبتة صغيرة

محتاجة دايما لرعايتكم

محدش من المشاكل خالي

حلوها متخلوهاش تل عالي

أوعي تغمض لحظة عنيك

وانت من خلك زعلان

حبة عليه وحبة عليك

يروق الجو تعيشوا ف أمان

الحب وحده اللي يغير

شكل الوجود حوالينا

بيخلي صوتنا هادي

ويحلي الوحش ف عنينا

مسكين ياللي مدقتش

حلاوه طعم الحب

مظلوم ياللي معرفتش

في يوم تحب وتتحب

***************

كلمات مخلص