ياصبيه

يا صبيه
يا أم عيون غزلان عسليه
وضفاير
تتمايل على كتافك زي الشمس
الذهبيه
أشوفك على الشط
تتمخطري زي الموجه بكل
حنيه
وأنا المركبي
فارد قلوعي ساعة صبحيه
أنده عليكي
في الراحه والجايه
يا بت يا متحنيه.. يا موجه .. يا شقيه
حني عليا
شويه
تعالي بين أديه
أفرشلك ضلوعى وأنشرلك قلوعي
واعملك من شباكي
سجاده بحريه
نتمشا عليها
أيدي في أيدك ونحس بطعم
الحريه
تعالي يا صبيه
أنا المركبى وأنتي النوتيه
نجدف
في بحر الحب
رموشي مجداف وعيونك
قمريه
تعالي
وخلي صباحي ورد ..فل ..وزهرة
نديه
تعالي
وريحي قلبي يا شقيه
آه منك يا صبيه