حديثي هنا، ليس من باب نقل لي أو قال لي مصدر، بل وقفت عليه شخصياً.
عصر يوم الخميس وبعد صلاة العصر، امتطيت راحلتي ووجهت وجهي صوب أسواق طيبة (شمال الرياض).
وماعندي من الشيطان طاري،،،
وصلت للسوق، وهممت بالبحث عن "العطار" مرادي منه شراء "حلبة"
وشيء من "الحبة السوداء".
البائع في محل العطارة أخ سوداني، غاية في اللطافة وقلبه أبيض من أسنانه،،،
هو المحل الذي أعتاد الشراء منه، أمين وبضاعته من الجودة ما يغني عن غيرها.
قلت: السلام عليكم ورحمة الله وبركاته، يازول!
ودلفت إلى داخل المحل مبتعدا عن الباب، تاركا بذلك فسحة لفتاتين ممشوقتين للدخول!
وليتني لم اسمح لهما بالدخول؟ بل ليتني "صفقت" الباب في وجيههن!
أعطيت الزول والفتاتين ظهري ولم أكن لأعيرهم سمعي وبالي!!!
لولا أن أحداهن صعقتني بما أخرجت من بين شفتيها من صاروخ حامل للبلاوي
المتلتلة وغير المتلتلة؟ عندما قالت:
لوسمحت عندك قمل!!!!!!!!!
قال السوداني: لا والله... انتهى؟
طيب ياخوي ماتقدر تجيب؟ ضروري الله يعافيك!!!
إن شاء الله يوم السبت؟...... بس طال عمرك كم قملة تبغين!!!
ست قملات!!!
يخرب بيتك أنتِ وياه (قلتها في نفسي وأنا تحت تأثير الصاروخ)... ألتفت بسرعة تجاههم؟ خلاص الدعوى ماعاد فيها احترام أو تقدير!
الدعوى صارت مساومة ومكاسر على قمل؟
آخر ماكنت أتوقع في هذا الزمن الغريب العجيب!!! أن يأتي اليوم الذي تباع وتشترى فيه القملة!!
ياشماتة الأعداء فينا!!!
الفتاتان توليان الدبر، خارج المحل، والسوداني اللطيف، يلتفت إلي، وقبل أن يظهر بياض أسنانه؟ سألته!.....أَيّ سَألته؟..... إلا هبيت في وجهه!
قلت الحرمتين اللي راحن وش يبن؟
دول، عايزين قمل؟
يازول، القمل هو اللي نعرفه، والا عشبة؟
لا ياخي! القمل زاتو؟
القمل الأسيود اللي في الشعر؟
أيوه هو زاته؟
يازول أيش الكلام هذا؟ قمل يباع ويشترى؟ يازول لاتقول لي قمل زاجل؟ الحرمتين ويش يبن بالقمل؟ قصدي الست قملات؟
ياخي هذا تاخذه الحورمة وتضعوا في راسها، وبإذن الله يطول شعرها؟
أعوذ بالله؟ قمل حي يازول؟
آآي قمل حي؟ و بيجري كمان؟
والله يازول الموضوع هذا سبب لي مخولة في راسي؟ طيب يازول بكم تبيع القمل؟
قال والله ياخي أنا أبيع القملة 150 ريال
ياوييييييييييييييييييل قلبي!!!! 150 ريال في قملة!!!!
يازول أنت صادز والا فيك مس؟
قال ياخي روح شوف العطارين في الديرة بكم يبيعوها؟
قلت لاياشيخ، تنكت أنت وخشمك على آخر الزمن تبيني أصير مسعر قمل؟
قال : لاياخي ماهو كذا المسالة؟ بس انا باغيك تتاكد من كلامي؟
قلت : ايوه تأكد مافيه مشكلة؟ طيب يازول القمل ذا من وين يجيبونه
لابارك الله فيهم ولافي روسهم؟
قال ماني عارف؟ بالزبط كيف بيجيبونه؟ بس صاحب العطارة
يقول أنو في الديرة ناس بتربيه، وماخذه العملية تجارة؟
يازول وشلون تربيه، وش تأكله طيب!! علف ولا عصير طماط!!!!
قال والله ماني عارف؟
قلت يازول، تكفى ماتقدر تجيب لي معلومات اكثر؟
قال : مايمنع ياخي، مر بعد اسبوع وانا بسأل لك؟
قلت طيب عطنا الحلبة والحبة السوداء؟ قال قملة بـــ150 ريال!!!
أجل الصيبان
بـــ 100 ريال بس مو بالحبة بالكيلووووو!!!!!
ههههههههههههه
شر البليه ما يضحك
منقول
يالربع تراني اعرف واحد راسة متروووس قمل اللي يبي يشتري يعطيني خبر ونسويلكم تخفيض القملة ب 100 ريال بس
مايحتاج ترووحون العطارين ويلعبون عليكم
