-
العريس ضيع عروسته
[c]
http://alshabi.jeeran.com/basmalah-h.gif
قصة عجيبة وطريفة وردتني عبر البريد أنقلها لكم كما هي حرفيا
===========================
هذا واحد توه معرس وخلصت الزفه والامور اللي في القصر.. اخينا في الله شغل ( يعني اخذ ) حرمته وركبوا في السياره .. ودعس للقصيم يعني اهل العروسه في الرياض وهو ساكن بالقصيم
والبنيه تستحي ومبرطمه طول الطريق .. والرجال ماغير يسولف ويهذر والبنيه سااااكته .. مااااا حولك احد
الرجال يأس من البنت انها تتكلم .. وقال يا ولد ما وراها هذرره اشغل المسجل وامسك الخط
في الوقت نفسه البنت كانت حسرانه ومتوهقه انها بس تتكلم عشان تقوله ابي الحمام الله يكرمكم
عاد هي طمرت على المرتبه الي ورا عشان تنسدح عشان يخف عليها الوجع .. الين يوصلون محطه
المهم الرجال ما وعى الا هذيك محطه ويصفط عندها
وينزل عند البقاله وياخذ له كيس فصفص وكم ببسي حق الطريق
هو كان وده يخذ له شريط لمحمد السليم عشان يسليه في الطريق بس
خبركم توه معرس وبايخه مشغل محمد السليم الناس تشغل عبد الحليم ولا ام كلثوم خذلك
البنت على نزلت زوجها الا وتقز هذيك الحمامات حقت الحريم الي عند المسجد الي جنب البقاله
قالت يابنت بيمديني اطمر واخلص وارجع قبل لا يرجع هو من البقاله
المهم المسكينه راحت واخذت وقتها
اخينا في هالوقت قد رجع للسياره وعلى باله مرته في المرتبه الي ورا وخبركم عبايه سودا واخر الليل ما انتبه انها مهيب في السيارة وهوشغل ودعسسسسسسسس
البنيه المسيكينه طلعت وهي مرتاااااااااااااااحه و نقص من وزنها كم من كيلووووو
وتناظر يا بنت وين السياره ... وتتلفت ما تشوف غير الهنود حق المحطه وابو يمن حق البقاله
عاد تخيلو الصدمه يوم عرفت ان زوجها دق سلف ومشى والبنت المسكينه حتى في نفسها مهيب راضيه تصدق انه مشى .. جالسه تتأمل انه يمكن راح منا ولا منا وبيرجع
شوي ما وعت الا ذ1ك الجمس اللي مقبل يوم وقفوا عند البقاله الي جنبها
وتقز الحريم اللي في الجمس ... قالت زين عائله وتروح وترمي روحها على الحرمه الي قدام .. وهي ام العيله وتقول لها خالتي انا داخله على الله ثم علييك .. وهذي قصتي والعجوز مسكت راسها وقالت .. يابنيتي انتي تعرفين سيارت زوجك .. قالت ايه اعرفها
قالت قومي اطمري نلحق على زوجك
ويعبون بنزين ويدعسون وراه
نعود الآن لصاحب الفصفص
اخينا في الله مريح وماشي .. بعد ما لقوه في الخط على بعد نص ساعة
عاد تخيل حبيب القارئ انك على طريق القصيم و فجأة وراك جمس يكبس بالنور بشكل مخيف يبيك توقف وش رده فعلك
اكيد الرجال دعسسسسسسسسس قال ياولد هذولا مهابيل بيضروني ومعي عروستي .. ويااافشيلة اذا انطقينا
والجمس وراه داعس يحاول معه انه يوقف .. المهم الذهين اللي يسوق الجمس عرف وش يسوي .. فقام يولع
نورا لجمس اللي في الداخل عشان العريس يشوف ان اللي في الجمس عائله
وأخيراااااااااااااا .. انتبه و يوقف ... قال وش عنده ذا
ونزل وهو معصب
عاد من اللي متوهق في هالموقف .. اكيد هو راعي الجمس يقول في نفسه وشلون اقوله ان مرته معنا
يبي يجيبها بأسلوب تدريجي عشان العريس ما ينصدم .. خبركم مثل هالموقف وش بيقولون عنك اهل العروسه ... اخذت بنتنا وضيعتها
ولله ان تلزق فيك السالفه طول عمرك و العالم يتمشووون ولا عندهم سالفة غيرك .. تصير علك دائم الحلى .. ولا تصف يم علك ابو سهم .. يتشمتون فيك.. المهم راعي الجمس سلم وقال له اخوي ما كأنك مضيع لك شي
قال له العريس ... لا ولله ما ضيعت شي
قال له تأكد
قال العريس ... وشلون
قال راعي الجمس .. رح طل في سيارتك شف في شي ناقص لك
العريس قام يوسوس حتى المشكله مرته ما جت على باله
المهم راح ودخل خشته داخل السيارة وقال يا مره في شي طاح مننا وحنى في المحطه محد رد عليه
ويوم لون وجهه بدا يميل للكرت الاحمر.. ووووووووين راحت المره
ورجع لراعي الجمس وقال هات السالفه 00
قال يا ولد مرتك لقيناها عند المحطه انا واهلي وقالت لنا انها
نزلت للحمام وانت مشيت ولا دريت عنها 00
عاد العريس كل انواع النفاضات نزلت عليه تلعثم ولا قدر يتكلم
المهم راعي الجمس راح وقال للعروسه يلااا طسي عند زوجك شوفيه متصوووومع عليك
المهم العروسه ركبت مع زوجها في السياره وانطلق لسانها اللي كان مربوط وقامت تتعذر له .
وتقول لا تزعل مني انا كنت مستحيه اني اقولك اني طول الخط وانا حسرانه .. وانت مشاء الله عليك ركبت السيارة وانطلقت
هههههههههه <==== يا شين التميلح .. توها تتميلح .. عاد انقلب الوضع صار العريس هو اللي مبرطم طول الطريق والعروسه الي قاعده تبربر ما بقى الا انها هي اللي تسوووق .. عشان اخينا في الله مرتاع من اللي صار
وبس
هذي السالفه اتمنى انها نااااالت على اعجابكم واستحسانكم
والسلام عليكم
=============== انتهى
تحياتي
http://alshabi.jeeran.com/asmaa%20allah-h.gif
[/c]
-
هكذا العرسان ولا بلاش المفروض عند مايصل الى البيت يقوم بتقطيع البصل ثم يكشن فرقة ويطلع حوايجها وملحها ........... ويعطي عروسته تنشفها وهى حااااااارة .
-
والله حلوه مرة
اتمنى يجيبونها في طاش ما طاش ذي السنة يا ليت
-
-
[c]
فعلاً تصلح حلقة من حلقات طاش
العريس يفكر في الكليجا ومدلخ والعروس حوطية والله يكفينا شر السفر
[/c]
-
[c]
يستاهل يكون مبرطم معاها طول عمره
ما اقول كان الله في عونها ......
وفي عونه !!!!
[/c]
[c]
********************************************
فــــ عيني تغيب الشمس وتشرق بعيني
في ناظري للشمس .....موت وميلاد
[/c]
-
أشوى وهي جات على كذا
خط القصيم معروف .. كيف لو إن العريس حط رجله ولا أمن الطرق مايجيبه .. كان جاب العيد صح
وفعلاً أرشح هذه القصة لتكون حاقة من حلفات طاش ما طتش
-
[c]
http://alshabi.jeeran.com/basmalah-h.gif
أخي
unregistered
هذا حال الكثير من الأزواج
أو بالأصح العرسان هذي الأيام
.
وعاده ما يطلع إلا بإذنها
ولا يلبس إلا بكيفها:D
http://alshabi.jeeran.com/asmaa%20allah-h.gif
[/c]
-
[c]
http://alshabi.jeeran.com/basmalah-h.gif
شذى البحر
تصدق إن الجماعة في طاش ما طاش
يدورون لقصص اجتماعية من هذا النوع
وقد أعلنوا أن من لديه شيء منها
يرسلها لهم على عنوان التلفزيون السعودي
.
يالله ارسلها لهم والجايزة بيينا مناصفة:D
http://alshabi.jeeran.com/asmaa%20allah-h.gif
[/c]
-
-
[c]
http://alshabi.jeeran.com/basmalah-h.gif
التاريــــــــخ
:D
العريس يفكر في الكليجا ومدلخ والعروس حوطية
:D
حلوة يا صايدهم
http://alshabi.jeeran.com/asmaa%20allah-h.gif
[/c]
-
-
-
وربي من جد تنفع حلقة من حلقات طاش ..ضاحك: ضاحك:
وش رايك نقسم الجايزه بعد بيننا الاربعه غمزة:
شكراً لك أبو اسماعيل على هالقصة الروووووووووعه اوكي:
وتقبلو تحياتي ابتسامة:
-
[c]
ابو اسماعيل
تحياتي الحاره
قصه جميله جدا
تدري ليش
لانك تحس انها تبحربك لأرض الواقع ضاحك: ضاحك: ضاحك:
وذلحين
لما خلصت القصه
احس بشيء
مع السلامه مستعجل
[/c]
-
الا عبله ياجماعه نسي ما ادميه وهو دافع فيها دم قلبه الا عبله وام الصبيان :D :D :D
ذحين في بدات حياته معاها يشاها تتهرج والله ذاك مده بعد شهرين ثلاثه يبقى شيقطع لسانها ومهو قادر :)
انا مره كان شا انسى خالتي في محطه لبس ربك ستر واذكرتوها لانها كل شويه واتقلي تشا شمه محقه حقها فضين وانا كل شزيه اقلها بعدين لقد وصلنا لحد وبعدين اقلها لقد وصلنا وبعدين الدرب لما وصلتوبها ابها فكان كل ما وصلنامحل فيه بنا قال اشا شمه تبغا تعبي محقه حقها فاستغربت اني ماني سامع صوتها وهو طول مطريق تهري رجعتولها المهم الحمد لله ربك ستر وكل واحد يصلح سيارته
-
[c]
http://alshabi.jeeran.com/basmalah-h.gif
رنين
العفو حبيبي
أبوأطياف
انتبه لروحك
ترى محد نافعك بعدين
حتى معروض : (أرجو وأسترحم) معد ينفع
MR_BigHeart
:D :D :D
وانت زد سالفتك سالفة
شتضيع محرمة
في سُبّ شمة
الله يستر علينا وعليك;)
http://alshabi.jeeran.com/asmaa%20allah-h.gif
[/c]
-
[c]
تشا مصدق
كان ما يستاهل الا جني جحفان ينطبقه لما يصحى
[/c] :D :D :D :D :D :D
