متمسك بثوبك !!!
وانتشي بك نشوة اللي مصافح له أمير
داخل ن في مجلسه بين جمع أومرا
ياوجودي وجود اللي عزيز وفقير
والجماعة وربعه كلــــــــهم افقرا
ماطلب ياكود قرش وصبر صبر البعير
لا تكاثر حموله ووسط صحرا سرى !!
اعتبرني بربك مثل أخوك الصغير
أنت قدوة وعزوة وأنت له مايرى
لايذ (ن)في حماكم عن سموم وهجير
وامتحامي بجسمك عن هبوب الذرى
وامتمسك بثوبك وامتضائل صغير
وانت طولك مضللني شمال و ورى !!
طفلة ن وسط دارك بنت شيخ وضرير
هي لأبوها عيـــــــــــونه والسما والثرى !
آمنة في وجودك وانت سيفك شطير
وأنت جودك مخيلة سيلها قد جرى ..
خلني في حماكم وأنت أخوي الكبير
جاهل ن من جهل وإن درى من درى
بزهمك في فرح يا أخوي وبطير
لاتصددت عني ولا اا كنك ترى !!
صاحــــــبي ما أنا.. إلا.. بريء وغرير
غرته كلمـــــــتين ن في زمانه قرى
ما أنا لابنت تاجر ولا بنت لوزير
ومامشيت بحياتي مشية المنكرى
وإن تقاصر فوادك عالصبر ياكبير
أرم طفلك بقسوة لنفحات الذرى
