أجامل وأبتسم واضحك وانا في داخلي مقهور
بسم الله..(..
اجامل وابتسم واضحك وانا في داخلي مقهوره
احاول اكتم احزاني ورى صدري وأخبيها
أحاول اكتم همومي واخبيها وأنا مجبوره
واحاول قد ما أقدر أبعد عن حراويها
لو اني كنت بنطقها مع انها واقفة بالزور
ولكن لازم اكتمها ولا ابين معانيها
ولو بعض البشر تدري وتكشف في خافقي المستور
أببلش في شماتتها وابتعب من حكاويها
طبيعة ماتفارقهم طبيعة من قديم عصور
ورا حكي القفى تطرد وتنبش في خوافيها
واذا طاح القلب مرة وصار من الزمن مكسور
تجيله طعنه بظهره تفاجأ مادرى فيها
تفاجئ مادرى باللي بيصير ومن وراه يدور
وخابت هقوته فيهم بعد ماكان هاقيها
لجل هذا كتمت الهم في صدري وانا معذوره
همومي في وسط قلبي أخبيها واخليها
واذا زاد الحزن فيني كني وحيده بعالم مهجور
كأني بدنيتي وحدي وكل الناس جافيها
واذا ودي أبوح بهم أبد ما اكتبه بسطور
همومي بس في نفسي الحنها واغنيها
مصير الهم يترحل وأعيش بدنيتي مسروره
مصير الهم ينساني ونفسي ما يعنيها
مصير القلب لو يظلم يجي يوم ويشوف النور
مصير الناس تتبدل وتتغير مماشيها
اذا صار إنه بودي أبيح بخافي المستور
واخلي الناس تدري بي وبهمومي أبكيها:
تحيآآآآتي العطره لكم
رد: أجامل وأبتسم واضحك وانا في داخلي مقهور
