دم شهداء قطار العياط بصعيد مصرعند مين؟ كلمات زجلية

صعبان عليا يابلدنا اللي بيتعمل فيكي


عملوكي لعبة فـ أيديهم وبيلعبوا بيكي


علي حساب ولادك الغلابة المخلصين نور عنيكي


مرمغوا اسمك في الوحل واللي بينتسب ليكي


أم الحضارة ياخسارة بقيت في آخر الصفوف


بيقتلوا ولادك وبيخدوا عزاهم والدم لسة ع الكفوف


نشروا الفساد والرشوة والمحسوبية


يأسوا الولاد خلوهم للهم ضحية


مبقاش فيكي مكان لشريف


كفاية بتوع التصقيف


قالوا ع اللص فهلوي وحويط


وقالوا ع الطيب فيكي عبيط


العالم جواكي مكبوت مقهور


يطلع برة نلاقيه مشهور


ساعتها يقولوا ده إبننا


وشرب العلم في أرضنا


عملتولهم ايه ساعة ما كانوا في يوم هنا


ياميت خسارة يابلد علي ولادك المستضعفين


زمان كان دم الشهيد تمن لمقاومة المستعمرين


دلوقتي التمن بيندفع ومش عارفين لصالح مين


بقي ده اللي عاهدتوا عليه ريسكم


مش كتير عليه لو طالب بروسكم


******************************


عصام الدين محمد " مخلص "

شكرا أخي الكريم مخلص [motr1] كلمات [/motr1][motr1]من صميمك [/motr1][motr1]مخلصة [/motr1] ممنّعــة بالجزاله اكرر شكري والله ينصرهم وينصر جميع المسلمين ...

للأسف يامخلص
أصبحنا في زمن تقلّب الأحوال
حيث بيع الأصالة والإنسانية بأرخص الأثمان
والتنصّل من القيم .

مخلص
كلماتك الجزليّة مؤثرة ودامية
وأهلاً بك مرارًا وتكرارًا.

تقديري لك.

اقتباس:

---

العالم جواكي مكبوت مقهور


يطلع برة نلاقيه مشهور


ساعتها يقولوا ده إبننا


وشرب العلم في أرضنا


عملتولهم ايه ساعة ما كانوا في يوم هنا

---

رائع يا أستاذنا
رائع ما سطرته أناملك من أحاسيس بالألم والقهر مما يجري حولنا وليس لنا قدرة بتغييره
أتعبنا الإحساس بالضيم والظلم والحسرة .
وأصبحت المحسوبية والواسطة أفعى تتمدد وتنتشر في كل أرجاء الوطن العربي .

كم أمتعتنا بجمال حرفك
وآلمتنا لألمك وحسرتك .

والله يبارك فيك

الاعزاء ابو طلال ولهفة وابو اسماعيل
شكرا لمروركم الجميل وردودكم التي أسعدتني واتمني ان اكون دائما عند حسن الظن بي
عصام الدين محمد" مخلص "