إلى من يهمه أمري.......أقول

ضناني الحزن في بعدك وصرت من الوله مشتاق

وكــــــــل الكون لو يقرب أشوفه ناقص بدونك

نعـــم والله في بعدك عرفــــــت الحبــــر والأوراق

وصرت لخاطرك أنسج حروف الشعر لعيونك

كفـاك أنك مع الغربة تسلي خــــاطري لو ضــاق

نهـــــاري يشرق بشمسك وليلي يضحك بلونك

بخفـــــــــــة ظلك الباسم بصـــورة وجهك البراق

بجــــــنة وردك الحالـــــــم تفوح بعطره فنونك

إذا شــــــــوقي لك بقربك فبعدك حيـــل ما ينطاق

أبي أرخص لك الغالي وأجيك وألمس جفـــونك

تسافـــر تخرب الدنيا يضيــــق الكــــــون والآفاق

ويملاه الخريف اللي كسـر جنحان مضنــــونك

وشوفك يرسم الفرحــــة مع الضحكة مع الإشراق

مشــــــاهد تختفي فجـــأة وترجع يوم يلقـــونك

عــــــرفتك والوفا طبعـــــك وودك يسكن الأعماق

كفــــــوفك للزمن بلســـم وكل الناس يشـــرونك

كــــذا تتركني وترحل وأنا المبلي من العشـــــاق

وفي هذا الصدر يسكن غــرامك حبك جنــــونك

كذا تتركني وتركض وأنا المجني كسيـــر الساق

ولو بـــــــي للسفر حيله أبيع الكون وأصـــــونك

ألا ياليل بلـــغ لي الســـلام وضمــــــهم أعنـــاق

وقل للزيــــــن لا تبطي ترى المنسين يغــــلونك

تصبـــر قلبـــي وهدي مــــــــع العذال لا تنسـاق

عرفــــــــــتك ثابت المبدأ وأحبابك يحــــــــبونك

وخلي الــــراس ذا يصفا ترى للحين أبد ما راق

وخــــل الزيف لصحابه حبيبك حيــــــل ما يخونك

حبيبي ودك الغالي وســــــــام من العلي الرزاق

تعــــــــال وخــلك بقربــــي وعنـــــي لا يبعـــدونك

ترى بعض الجفــا يرسم لقرب العاشقين فراق

وحبــك في الحشــا غالي طلبتــــــك لا يرخصونك

وشرايكم؟؟؟::sa02::نظرة::DD

فخر جازان
نعـــم والله في بعدك عرفــــــت الحبــــر والأوراق


ونعم المعرفة والله .... وهنيئاً لمن تكتب ... شكرا على هذه (( وهذا الجمال من الشعر ... من المعتقد انه يهمنا جميعاً )) اكرر شكري ..

تحياتي ....