وش جديدي بعد : " أحبك " ؟ الإجابه : لا إجابه
وش أقول و ْ كيف اعبـّـر عن جديدي يالغرام
الزمن مهما مضى ما غيّر الحان الربابه
والشجر لاوراق غصنه كم وفى ريش الحـَـمام
وش جديدي ان غاب لحظه ؟ صحت طوّل في غيابه
ذا شعوري ما تغيـّـر ما نقض فعلي الكلام
كنت ابيه بـْـكل صباح يـضمـّـني ضمـّـه لــْـكتابه
وبالليالي لو أكون بــحضنه لعبه وْ ما ننام
اغسل احزاني بدمعي واتحسّـف ع الغلابه
روحي .. قلبي مع خفوقي هاليتامى يا حرام
والله اني لو بقلبه .. صدق زادت بي المهابه
ليتني أبقى بـْـعيونه أو في صدره كالوسام
مااجـْـمعتني للأسف به لا نسب حتى وْ قرابه
لكن اللي له لأمي من فؤادي : الاهتمام
آتقاسم معـْـه " مرّه " واحـْـسب لـ " حزنه " حسابه
واخـْـبز " الفرحه " و ْ ألقمه وادّعي إني بصيام
أنتظر يامر علي يطلب ولو يطلب سرابه
قمت أركض وين مدري .! ضايع بـْـوسط الزحام
صح أرد خايب ولكن ينتظرني عند بابه
وبعد لحظات العناق ابدا جنوني بابـْـتسام
وان سألني وش جديدك ؟ وش جديدي ؟ لا إجابه
أهوى أخباري القديمه وكل جديدي ذا الهيام
http://www.7ayaate.com/vb/picture.ph...&pictureid=118
