تونة ابو مدخنه باقي تحبوها ياشباب ولا بعتوها بعلبه ثانيه؟

(تونه ابو مدخنه- خبز المدخلي حار- شطا- بيبسي بارد) ياللوجبه الارستقراطيه البرجوازيه المخمليه::d:: صدقوني لو جربوها الاغنياء اللي ياكلو ( الكافيار) ماعاد يتركوها ابد لكن
ليش ياشباب ماعاد نشعر بنفس المتعه اللي كنا نشعر فيها زمان من اللي تغير احنا ام التونه
أكيد احنا اللي تغيرنا خدعنا بروستد واصابع السمك بمكياجه وارتمينا في ا حضانه ونسينا حتى في الاجازات نشتري علبه وناكلها زي زمان

ولأنا في حضرة التونه لازم نقف دقيقة صمت على تونة السردين الصفرا الله ياهي تونه اظن الكثير من الاعضاء ما أكلها لكن بعض القحومه في المنتدى كانوا يفطرون منها الصباح ويروحوا مدارسهم ( كورن فليكس حقهم)
ولأنها سيرت وانفتحت لازم نذكر( بسكت) ابو ميزان والبسكت هو البسكويت ذاته
وهذا البسكت له اخ شقيق هو بسكت مينو ابو قرطاس أخضر الله الله من عاد يعطي هاذي المخلوقات الغريبه وجه
كل هاذي الذكريات جالت بخاطري هذا المساء وانا في احد شوارع الخبر ( الثقبه) قلت لأصدقائي اللي معايه في السياره اني أجد ريح صامطه لولا ان تفندون وماهى الا امتار معدوده واذا ببقاله مكتوب عليها بقالة صامطه لما شفت الاسم قلبي خفق ورددت بنشوه اسمها ونزلت اركض لعلي آتي منها بخبر ولما دخلت ابتسمت للعامل ابتسامه عريضه ابغاه يفهم ان المعروض هنا هو ذكرياتي ورحت اجول ببصري على الرفوف واذا بالتونه ابومدخنه وقد اكتست بثوبها الابيض وكأنها عروس تنتظر فارس احلامها ولسان حالها يردد ( مقادير ياقلبي العنا مقادير) وبجوارها شطه حاره تندب حضها على هذا الجيل ( الكوووول) وعلى الأرض ( منبر ) يردد ( عافوني ليه ليه باعوني ليه ليه من اجل كنبه للاسف باعوني) وبجواره قعاده تردد( تناظر الساعه وش فيك متملل ) وفي الجهه المقابله مالذ وطاب من الحلويات مشبك يردد ( ياصباح الخير ياللي معانا ) وفي الركن البعيد ( سليط ) يردد الايامطوله صبري وسمن بلدي يردد ( اي دمعة حزن لا لالا ) فكرت اشتري اي شي من باب الوفاء علشان استلهم الماضي الجميل لكن ايش اشتري تونه ابو مدخنه اسمحي لي يالغرام ( صرتي تجيبي حموضه) مشبك ( انا آسف اذا في يوم حبيتك ) ماعاد اقدر اتحمل زيوتك
منبر( لسه فاكر كان زمان) قعاده ( الاماكن كلها مشتاقه لك الابيتي) تركت البقاله وخرجت اجري خفت اضعف وانا ماشي سمعت تلك الاغراض تردد ( حسيبك للزمن لاعتاب ولاشجن)::sa08::
ملاحظه هامه جدا
في المحل شفت واحد منهمك معاه كيس ويجمع فيه من تلك الاغراض
الله اعلم انه المشرف ماجد الشرقيه