يوميات رديـمةوهي معتمره ..

يوميات رديـمةوهي معتمره ..

السلام عليكم ورحمة الله وبركاته
في إحدى العطل الصيفيه كان عندنا مناسبة زواج اثنين من عماني في جده طبعا
وقررنا نسافر كلنا في نفس اليوم وعاد مننا جيش وش كثرهم اعمامي وعيالهم
المهم قررنا نحضر الزواج ومنها ناخذ عمره فا نص الأهل سيده لجده والنص
الثاني راحو يؤدون مناسك العمره وانا من ضمنهم طبعا مع اخوي والوالد واختي
اما النص الثاني راحو لجده المهم وكان معنا جدتي وعمي وعياله وعمي الثاني شاب,,
فاانقسمنا البنات مع بعض وجدتي مع الوالد والبقيه تفرقو
تخيلو من البنات انا اكبرهم بعدين تجي بنت عمي الدلخه والبقيه بزران يعني
متوسط وابتدائي وانا ياللي مترأستهم والكل معتمد علي علموني بأي بوابه اذا
قضينا نروح وبعد يعني الكل معتبرني كبيره
جوالتهم كلهم كان في شنطتي
ومحافظهم ومفاتيحهم وخرابيطهم وذيك الوقت كان عندي جوال طلعتها عشان
اكشخبه في زواج عماني ويعنني شخصيات طبعا اول ماطلع بطايق سوى في
ذيك الايام الموهم نرجع لمحور حديثنا بعد ماقضينا من الطواف شوي وقفنا
عند مقام ابراهيم واعلمها ان هذا المكان وقف ابراهيم عليه السلام يشوف
ارتفاع الكعبه اللي بناها وتجي الرجه وتمسك بالسور او الزجاج اللي مغطيه
وتقول مااصدق هنا كان ابراهيم واسماعيل
وتمسح ومدري وش تسوي
شوي كذا جا الشيخ وقال ياأخوات وخرو مايجوز التبرك بمقام ابراهيم
واجرها من عباتها واقول يالله بس نروح للسعي وبدينا بالشوط الاول وكل شوي نشوف واحد
من افراد العايله الا ثلاثه من عيال عمي شفناهم بأول شوط يالسعي وبس وبعدها ماشفناهم
سألت عنهم قال اخوي وين كانو معي سعو شوطين وتعبو فقالوبنخرج نتعشى يعني ماكملوباقي
السعي قلت وش علي فيهم شوي قابلنا ابوي ومعه جدتي بالعربه رحنا لمهم فقال ابوي امسكو الوالده
شوي لانه راح مدري ويش يسوي فا حنا ماصدقنا خبر معنا جدتي وبالمسعى وعلى العربه
يعني كان مكانا في الصفا او المروه المهم في ذيك المرتفع الجبلي فاقلت لبنت
عمي اتحداني اطيرها ادفها واقوووووول رقــــــــــــيه زعمنا طاش ماطاش
هي صدق اسمها رقيه فسوينا الحركه وهي تصارخ وااااااع ويجي ابوي ويوقفها
ويقول وش سويتو يا اغبيه بدت التصاريف قلتله لا فلتت مننا ايه هين ومايدري
انه كله مدبر ومخطط بس والله ماخلتنا توعدت علينا بديت اتمسكن عليها واراضيها
لحاد مارضت وطاب خاطرها .. وحنا ماغير كركركركركركر بعدين خليناهم
ورحت انا والبنات لقسم الحريم جلسنا نقرأ قرأن وشوي كذا سمعنا
الصلاة على الميت يرحمكم الله .. ونشوفهم شايلين الكفن .. وحوله اهله يبكون ثم تجي
بنت عمي الدلخه المرجوجه تضربني على كتفي وتقول ترانيم .. ترانيم
من الميت وبصوت عالي لا تحسبونها تستهبل لا هي تتكلم جد والحريم اللي
حوالينا انفجرو ضحك والله ماغير اخمس ايدي على وجهها واقول بلا استهبال
يمال الوجع وتجي هي مسكينه على نياتها اول مره تجي تعتمر يعني ماتعرف
حاجه تتأسف وتبوس راسي وتعتذر وانا اصلا ميته من الضحك في داخلي بس خليت نفسي
حاسمه وقلتلها لا عاد تتعودينه حنا بيت ربي وجاين لغرض وبس مانبي هباله ..

وشوي كذا رحنا للمواضي نشرب موية زمزم طبعا المكان متروس حريم
واجي انا استهبل عليها وابيها تقلدني ارش المويه على شعري واقول يارب
طول شعري وارشه على وجهي واقول يارب صفي وجهي وزيدني نورا وجمالا
فا سألتني الهبله وتقول ليش اذا سوينا كذا راح يستجاب وانا اقول وش رايك
شايفتني استهبل وهي تعتبرني وحده مثقفه اعرف كل شي وتجي بأعالي صوتها
وترش المويه على شعرها وتقول يارب نعم شعري يارب صغر براطمي والناس
كلهم مستغربين وش فيها هذي انهبلت وجو خواتها يقلدون اختهم الدلخه يسون
مثل حركاتها والله وقتها قلت والله ياهي مستمه بجد عايلة مصرقعين يعني لا من الاولاد ولا
من البنات كل العايله هبل
بعدها رحنا للبوابه اللي اتفقنا عليه طبعا بوابة الملك فهد ..
واحصل كل العايله يحترونا شافونا طولنا ويش فيكم طولتو قضيتو خلاص
واقول ايه قضينا .. بس والله اني احس ان ذيك العمره ما انقبلت من الله لأننا بجد كان كله
هبال وصرقعه بس بجد ماراح انسى ذيك السفره كانت وناسه وماراح تنعاد شكلها ..

إنشاء الله اعجبتكم قصة يوميات رديمةوهي معتمره ..
مع تمنياتي لكم السعااده يارب وسموحه لو فيه شي غلط
أخوكم بو وسـاام

منقول