رحلة ايامي ...
تهاوت رحله أيامـــي .. في ركن الخوف والحسره ..
وبديت أضعف مثل ظلي .. وأرمي بالعمر خلفـــي !
تصورت القدر " حاجز زجاج " من السهل كســـره ..
ولكني جرحت أصابعي .. حتى دمع طرفـــي !
وعشت اليأس والحيره .. بشـــوق ينتظر بكـــره ..
ولا هان الألم عندي .. ونصفي مل من نصفـــي !
يميني خانت حروفي .. وهانـــت عندها العشـــره ..
ومن يكتب لي أشعـــاري .. إذا ما خانني كفـــي !
وهل أرتاح وأحساسي .. مجـــرد حلم أو فكـــره ..
أو أحذف .. باقي أوراقي .. وأودع فكري المنفـــي !
تمنيت أرحل لعالـــم عليه الفاتحه تقـــرأ ..
ورفض موتي .. يواجهني بوجـــه القادم المخفـــي !
فهل شفت جسد ميـــت .. رفـــض يستقبله قبـــره ..
أنا هذي معاناتـــي .. وأظن إللي مضى يكفـــي !
أبترجى الزمن .. وأحمل على كتفي عنا دهـــره ..
ما عادت فيني القوه .. على أقناعه يجي صفـــي !
أنا من يوم ميلادي .. ما أحنـــي راسي بالمـــره ..
ولكن ماتحملتـــه .. عجز لا يشمله وصفـــي !
وأنا إللي كنت .. بالأول عنيـــد .. قاسي بالمـره ..
بديت أضعـــف .. وأنا أكره مجـــرد ضعفي لضعفــي !
