محاكاة لرباعيات المرحوم الكاتب صلاح جاهين
من كلمات عصام الدين محمد" مخلص "
**************
(1)
الحب يبني والكره يهد
وكلمة حلوة فالدين تسد
وأما تلين للقاسي يلين
وتزيد قساوته لما تشد
عجبي!!!
(2)
جريت وراها سنين وهي رفضاني
شكيت لحصا الأرض والقلب بيعاني
ولما العصفور خلاص بقي فـ اليد
لا بقيت طايقها أنا ولا هي طيقاني
عجبي !!!
(3)
حبيبتي زي الدنيا ما تديش اللي طالبها
طول ما هجنن عليها بردو ولا عاجبها
ولما غلبني اليأس وزهدت انا فالهوي
دلوقتي قال بتغازلني وتلعب حواجبها
عجبي !!!
(4)
فيروسات الأنفلونزا بأنواعها علينا بتنشن
عميتوا يافيروسات طب م اليهود احسن
صحيح عندنا ذنوب كتير أوي ونستاهل
طب واليهود أخلاقهم بالذمة مش أعفن؟
عجبي !!!
(5)
قاعده متنكة والدنيا بتحلالك
من يوم مجوزتي اللي علبالك
طب ياهل تري انتي علي باله
وموفي لهواه زي ماهو حالك؟!
عجبي!!!
(6)
ضفدعة طول الليل صوتها مصدعنا
سألني ابني البرئ:صوتها له معني؟
قولتله: الست والدتك أدري إسألها
قالتله:
بتنادي وليفها وابوك مضيعنا
عجبي!!!
(7)
النجم في السما بيلمع وله وقت يكون آفل
دور علي النور يامجدع ليه دايما كده غافل
لو حتي نقطة ضوء واحدة اغرسها ونميها
وافتح للنور طاقه وبلاش علطول كده قافل
عجبي !!!
(8)
ياحلوة ياللي الحلق هياكل من الخدود حتة
قلبي في هواكي انفلق وانقطع ميتين حتة
فرجتي عليا شباب وبنات وكبار أهل الحتة
وكل العذاب ده ولا طلتش انا منك ولا حتة
عجبي !!!
(9)
غريب طبعك ياإنسان دايما مش راضي بحالك
وتبص عاللي فأيد غيرك والحسد كمان يحلالك
فاكر انك هتاخد اكتر من اللي ربك كاتبهولك
حسدك فجسدك ياجاهل د انت خليفة عاي مالك
عجبي !!!
(10)
الحلوة ماشية بتتمخطر سحرت عيون الخلق
وبقوا يدعكوا فعنيهم جامد كأنه خطفها البرق
وانت ياللي راعيها حسابك في الآخرة عسير
ولو يحكموني عليك فالدنيا أحكم عليك بالشنق
عجبي !!!
(11)
مصيبة وحطت علينا من أي دهية إنحدف
وظيفته رئيس مدينة والكل منه في قرف
لسان سليط شغال تخبيط قلب قاسي متحجر
غلبان جه يقبض أجره لقاه خصمه ولم صرف
عجبي !!!
(12)
قالها: تعالي نتفق يوم رايق ويوم للنكد
قالتله: عشان خاطرك انت موافقة ياولد
اليوم الرايق جه ولقاها بترقص وبتغني
والفرحة باينة عليها وبتقول بكرة النكد
عجبي !!!
عصام الدين محمد " مخلص "
