عرض كاذب من الجميح .. سيارات كالتراب , لا تلحق ولا تلحق
عرضنا سابقاً موضوع عن عرض الجميح ,
وكما العنوان فهناك أخبار كثير متناقلة عن غرر هذا البيع والغش
البين لخداع الناس في ظل تعامي وزارة التجارة ,
العرض قد ولى ولكن لننتبه في المرات القادمة واعلم بأن
" مابو ولا شي بلاش "
عروض الجميح احتيال واضح وبيع غرر وجهالة ( يوجد صورة للعقد )
السلام عليكم ورحمة الله وبركاته
ياجماعة الربع انتبهوا!!!!!
فيه عرض عند الجميح يبيع سيارات بسعر رخيص جدا
السيارات هذي غرقت في الفيضانات الاخيرة في جدة وبعد ما استلم الوكيل تعويضاته من التامين قام يصرفها!!!!!!
والمشكلة انه يقول ماعليها ضمان!!!!
خذواا الحذر .....وخصوصا ان المعروض يشمل موديلات 2006 يعني فيه منها شي من اللي لحقه حريق
شوفوا الاعلان
رد من الردوووووووووووووووووووووووووووووووووووووووووووووو ود
امس فتحت الجريدة واشوف عرض شركة الجميح قلت يا ولد فرصه تبيع هالخرده اللي معك وتزيدها شي بسيط وتطق لك موتر جديد !!
بما ان عروضهم كانت مغريه نوعا ما اللومينا مخزنه طبعا من موديل 2005 الى 2008 ب 35 الف ريال فقط
طبعا حسب الاعلان المعروض
لعلي رحت امس لمعرض الجميح بالرياض طريق خريص وقابلت حدى الموظفين قال لي ان السيارات جايه بالطريق من جده تعال لنا بعد اسبوع او قبل بكم يوم قلت طيب اقدر احجز؟؟ قال لا ! قلت طيب السيارات عليها ضمان؟؟ قال ايه اكيد !!
قعدت اقلبها يمين ويسار قلت بيسير فيها واسطات وما واسطات قلت خل الحق عمري ادور لي احد اعرفه عشان احجز لي سيارة
كلمت الوالد اذا يعرف له احد بالجميح قال ايه اعرف !! ويتصل على هاك المسئول طبعا من المسئولين الكبار بشركة الجميح !!
طبعا المسئول يقول للوالد السيارة لك ؟؟ قال لا !!
قال طيب شخص يعز عليك ؟؟ قال ايه لولدي السيارة !!
قال ما انصحك !! طيب ليه ؟؟
قال كل هالسيارات اللي بالعرض جايه من مخازن جده ولاعب فيها السيل لعبhttp://www.hyil.com/vb/images/smilies/blushing.gif !! وتم تظبيطها وتبي تباع بهالعرض !! قال طيب عليها ضمان ؟؟ قال لا ما فيها ضمانhttp://www.hyil.com/vb/images/smilies/tears.gif
هذا اللي صار معي امس والله شاهد على كل حرف كتبته .....
وعلى حسب ما سمعت أن اغلب الوكالات متأثرة بسيول قويزه وخصوصا عبداللطيف جميل
فعلى كل من بيشري سيارة جديده الانتباه لهالنقطه
بعض الردوووووووووووووووووووووووووووووووووووووووووووووو وووووووووووووووووووووود ايضا
ركضت وحجزت خمس سيارات ( يوكن وتاهو وكابريس ولومينا وابيكا ) في فرع عنيزة , لأني واثق ان شركة مثل الجميح لايمكن تحتال على الناس بل ستمكن الناس من المشاهدة قبل البيع .
في اليوم الثاني جيت ومعي دفتر الشيكات عشان أسدد
قال المصري ان العروض اللي بالجريدة يوجد لكل نوع حبة وحدة وخلصت من أول لحظة ( أول احتيال )
قلت دور لي موديلات ثانية , دور مالقالي إلا تاهو وابيكا 2006 بـ 36000 واللي كانت موجودة بالعرض 2005 بـ 20 ألف
قلت ماعندي مشكلة , قال خذ وقع على التعهد
بالاشارة إلى حملة التصفية المعلنة لديكم نأمل البحث والحجز لسيارة من السيارات المشار إليها بعرضكم بتاريخ 9/12/2009 والتي أرغب شراء سيارة منها وعليه أرجو منكم افادتي خلال 48 ساعة من تاريخه بإمكانية السيارة التالية :
نوع السيارة
اللون
الموديل
السعر
دون أدنى مسئولية على شركة الجميح للسيارات في حال عدم توفرها نظرا للإقبال الكبير على تلك السيارات علماً أنني أعلم جيداً أن تلك السيارات المعلن عنها هي سيارات مخزنة وليس عليها ضمان وأرغب بشرائها بحالتها الراهنة دون تجهيز أو مطالبتكم بالمشاكل المترتبة على التخزين من كفرات أو بطاريات وخلافه ... وهذا بعلم مني .
قلت للمصري مامعنى وخلافه ؟
قال لو تجيك السيارة تشليح ماراح تحصل فلوسك لأنك وقعت بالعلم .
ودور محامي بخمسين ألف يطلع فلوسك بعد ثلاث سنين اذا تورطت
رد: عرض كاذب من الجميح .. سيارات كالتراب , لا تلحق ولا تلحق
.شكرا على التنيه وهذي هي افكار التجار همهم فقط ملئ الارصده
تسلم حبيبي
رد: عرض كاذب من الجميح .. سيارات كالتراب , لا تلحق ولا تلحق
وعلى عينك يا وزارة التجارة
يا رجال
شيك للجماعة يدسمون شوا ربهم ويسكتون
علشان الكبار يكسبون والمساكين ينداسون
وبهذه الأساليب تبدأ بدايات النهايات
والله الساتر
شكرا ريسان
رد: عرض كاذب من الجميح .. سيارات كالتراب , لا تلحق ولا تلحق
حسبي الله عليهم من نصابين
ريسان لا تتوهق وتشتري منهم وانا خوك
اصبر وربي يرزقك بشي احسن منها
