لاتجفل إن كان ضميتك على غفله,,}
لاتجفل ان كان ضميتك علـى غفلـه
وحنا بفصل الشتاء والنـاس بردانـه
بحط صدري على صدرك يسولف لـه
من عقب فرقاك وش سوت به احزانه
ووشلون ممكن تلاعب بالرجل طفلـه
وتزيغ عقلـه وكيـف تعقّـل جنانـه
الحزن عقبك مسوي بالصـدر حفلـه
ودايم غياب المـلاك يسـرّ شيطانـه
الهم ينزف شعر والضيق يعـزف لـه
قد شفت صدر يتراقص حزن شريانه؟؟
يامرحبا باللذي مدري وش اوصف له
فرحة لقاه او كـدر بعـده وحرمانـه
احـن لـه واتـودد واتلطّـف لــه
واهديـه فلـه ويشمومـه وريحانـه
وادوّر ازكى ورود الشعر واقطف لـه
ياخـذ بـلا حـد والبستـان بستانـه
مااتعب ليا جيت اباكتب واتكلـف لـه
معه تماتيك شعـري يعـزف الحانـه
من بحر شعري مغير اصب واغرف له
واعطيـه دره وياقوتـه ومرجـانـه
الجزء الايسر بصدري له ولـه قفلـه
وهـوّ وضميـره بـزوّاره وسكّانـه
ان صانـه االله يهنيـه يتعفـف لـه
وان خان بصره ولاهي بـاول خيانـه
لكن ليا جيت ابا اضمه علـى غفلـه
لايجفل ..القلب شايف جور حرمانـه
**********
مما راق لي
رد: لاتجفل إن كان ضميتك على غفله,,}
اقتباس:
بحط صدري على صدرك يسولف لـه
من عقب فرقاك وش سوت به احزانه
اقتباس:
ووشلون ممكن تلاعب بالرجل طفلـه
وتزيغ عقلـه وكيـف تعقّـل جنانـه
قصيدة رائعة
وتعبيرات جميلة
شكرا السموه
رد: لاتجفل إن كان ضميتك على غفله,,}
مشكور على المرور يعطيك العافيه
رد: لاتجفل إن كان ضميتك على غفله,,}
حب حتى الثمالة
يقابله جفاء بنفس القدر
متضادان زرع بينهما
أحاسيس متقلبة وآهات
شاردة
جمال وابداع في التعبير
واحساس وامتاع في
التركيب
شكرا السموة على
هذا التألق في الإختيار
لك عاطر
التحية
رد: لاتجفل إن كان ضميتك على غفله,,}
اقتباس:
المشاركة الأصلية كتبت بواسطة طائر من الشرق
حب حتى الثمالة
يقابله جفاء بنفس القدر
متضادان زرع بينهما
أحاسيس متقلبة وآهات
شاردة
جمال وابداع في التعبير
واحساس وامتاع في
التركيب
العلاقات في هذا العصر متضاده في اغلب الاحيان
فليس كل حب تتمناه تستطيع الحصول عليه كما تحب
مشكور ويعطيك العافيه
