إن بغيت الطيب فيهـا طيـب مـا مثلـه مثيـل
وإن بغيت الحسن ربي صاغها بـأروع جمـال
وإن بغيت الجود فيها الجود من عـرقٍ أصيـل
هذي ( بنت المملكه ) بنـتٍ تضاهـى بالرجـال
ما تعرف اليأس أو قولة(بعيد) أو ( مستحيل)
ما تلاقـي عندهـا تعريـف للكلمـة ( محـال )
الصبورة .. القنوعة .. ترضى بالشـي القليـل
لو ما أخشى من الملامـة كنـت ألبسهـا عقـال
الرقيقـة .. الحنونـة .. راعيـة بـالٍ طويـل
الكريمة .. العظيمـة .. مـا تقصّـر بالوصـال
بنت أبوها تخدمـه بعيونهـا لـو هـو عليـل
وأمها تفخر بهـا وتدعـي لهـا بولـد الحـلال
إي وربـي للسعوديـه أنـا ما أرضـى بـديـل
يا بعدهم يا الرطب ياللـي كسـر سـوق الخـلال
يالجميلة .. يالأصيلة .. جيت لك مثـل الذليـل
يطلـب القـرب بوصالـك جننـه زود الـدلال
يا الِحشِّيمة .. يا الرحيمـة .. يـا وفيـة بالخليـل
زان طبعك من جـدودك ثـم أعمامـك والخـوال
من يلوم اللي غدى مـن نظـرة بعينـك قتيـل
لو يحـاول أو يقـاوم ؟! مالـه بموتـه مجـال
إن حضرتي تشعلين الحفـل بالخصـر النحيـل
تبهريـن الحفـل وأنتـي تصبحيـن الاحتفـال
من يشوفك غصب عنـه قلبـه المغـرم يميـل
مو بكيفه وين ما رحتـي معـاك القلـب مـال
أنتي نهرٍ مـا يجـف مـن العطـا يا السلسبيـل
وإنتي في دنيا الهوى وطبع الوفـا أروع مثـال
إنتي أختي وإنتي أمـي وكـل إحسـاسٍ جميـل
وإنتي العشق الحقيقـي وزوجتـي وأم العيـال
لو ألـَّف الكـون كلـه مـا ألاقـي لـك قبيـل
إنتي وحدك .. لا يهمك من حكـى فيكـم وقـال
إنتي مثل النجمة اللـي تضـوي الليـل الكحيـل
وإن يطال سهيل فأنتي النجمة اللي ما تطـال
