جايب لكم الفرق بين البنوته النعومه والبنوته العربحيه
يوميات دلوعة و عربجية ,,,,,
نبدأ من الدلوعة ...
طبعاً وهي نايمة الدبدوبي والغزولي والأرنوبي كلهم في حظنها << يقال لها مشاعر فياضة >>
وإذا قامت من النوم ماتقوم الساعة الواحدة ظهراً لا واللي يصحيها كمان الخدامة .... تقومها بالانجليزي .... بس انا راح اترجم الكلام ....
يالله يا عبير قوم ماما في قول ... قوم عاد
((( يمديكم على الترجمة ))) هي تقول أوكي وتجي أمها وتصحيها مرة ثانية
يا عبير حبيبتي اصحي .. ترد عبير مرايم ..
ماما والله بدري الساعة 1 الظهر بدرررررررررررررررري << تدلع يازينها>>
بعد كذا قامت البنت من السرير وفتحت الستارة والشبابيك ...
علشان الغرفة تتنفس ... ياااااااااااااااااااااي ... << ياشين الدلع لوول
وشغلت موسيقى رومنسية علشان تروق بنت الحلال ...
وراحت تاخذ حمام محترم (( وانتوا بكرامة )) ...
وبعد ماتطلع من الحمام ورررررررررررر على المراية ...
تحط من هالكريمات والدعافيس على وجهها ...
تعرفون بنوتة لازم تحافظ على البشرة ...
خلصت من المراية وتتجه الآن إلى الاستشوار .. وش ... وش .. وش .. وش
لحووووووووووووووول ساعتين عز الله انها اندمرت هالشوشة ... خلصت منه
دقت البنطلون الجنز والبلوزة ...
ونزلت تحت تفطر على كاس عصير برتقال ... مسوية ريجييييييييييييييييييييييييم ...
نجي للعربجية
تقوم الساعة 8 الصبح وهي ما ودها تقوم ...
وجات أمها تصحيها .. ياسوير قومي يامال الحمى ...
لحوووووووووووول زيييييييييييين زييييييييييييين << أهل الحارة يصحون معها >>
بس لو تشوفون شكلها وهي نايمه ...
كراع هنا وكراع هناك .. لا وكل ثلاث ساعات وهي طايحة من فوق السرير ...
بعد كذا يجي أخوها حميد (( اسمه محمد يدلعونه حميد )) ...
ويقومها من نومها مره ثانية ...
ياااااااسوير تقول أمي قومي .. جعلك الموت << يكون في علمكم دعوة الأم مستجابة >>
ترد سوير .. اقول اطلع ولا صكيتك على جبهتك ...
ويجي مناحي أخوها الكبير .. سوير وجعععععععع
ويعطيها ذيك الرفسة اللي خلت عظامها تتهلهل >> عاش مشوووووت
وبعد تلك الرفسة العنيفة ...
فزت فزه ما يعلمها إلا الله ...
وقالها مناحي .. قومي صلحي الفطور ...
عشر دقايق الا وهو جاهز زيييييييييييين ...
شوفي ابي قرص وخبز مسح << يعني خبز على الحديدة >>
وقامت بعد جهد جهيد وعلى شتم ولعنت الحي والميت ...
حتى ولد عم جد أبوها ماسلم منها
نرجع للدلوعة
واااااااااااااااااااااااااااو >> انكسر ظفرها
هذي ما تتغدى الا الساعة 4 أو 5 العصر ...
لا ولا تتغدى الا على رز أبيض مسلوق وسلطة ...
تحافظ على رشاقتها << راعوها عاد >>
العربجية
تتغدى الساعة 1 بالضبط ولا تتغدى الا على كبسة ...
ما تخلص الا وكاس اللبن مراعي متولم عندها تشربه شربه وحده ...
يعني ما في كجال انها تتنفس ...
لا وتترع ذيك الترعة ... آآآآآآآآآآآآآآآآآعععععع << طالعة من قلبها >>
الناعمة
طلعتها تكون من بعد صلاة المغرب ...
ماتطلع في العصر ياااااااااااي تحافظ على بشرتها ...
العربجية
تطلع الساعة 2.30 القايلة وتدقها كعابي لبيت خوالها ...
ومن حرارة الشمس تنقلب خبز اسمر ...خخـ
الناعمة
تروح للفيصلية ولا المملكة .. وقبل ما تروح السوق
تمر على الكوفيره علشان تحط ميك آب ...ابووك يالدلع
العربجية
تروح لسوق النسيم عشان تلقى العرابجة اللي مثلها ...
الناعمة
اذا طلعت تطلع مع يارا ولارا ورولا ومايا << اروووح بالموضة >>
العربجية
تطلع مع بنات خالاتها وضحى وعمشى وشقحى ومزنه ومنيرة << يعيش التراث >>من جد خخـ
الناعمة
اذا شافت واحد حلوووووووووو ...
لابس صح وماركات وحركات وحاط سكسوكه .. ومحد قده
قالت يااااااااااي بنات نازرو << يعني ناظرو الله يسلمكم ماغير دلع بنات>>
يارببببببببيييييييييي وااااااااااااااااااااااو
عاد البنت أعجبها الشاب اللطيف هذا ...
ودها تحتك وتقوم تمر من عنده وتدفه بكتفها ..
ولا دفته بكتفها قالت اووووووووووه آسفه ماكان قصدي
ويرد عليها .. لا عادي على ايش الاسف عيوني ...
وتبتسم ذيك الابتسامة اللي شقت وجهها وتخزه بهالنظرات
وتغمز بهالعيون .. وهو دوره ماتلقاه من الخجل ...
العربجية
لا جات تتزين شخطت هالعيون بهالكحل
اللي يضرب لين اذنها .. وتضرب بهالبرقع
وطلعت هي وبنات خالاتها لسوق النسيم ...
عاد العربجية يمر من عندها واحد .. راكب جيب
فكس آآآآر موديل 2002 وداق شماغه كوبرا
وتقول يابنات تكفووووووووون شوفوا ياويلي ويلااااااااااااااه
وتقوم بنت الحلال وتقززززززززه قز ...
والرجال راح في خرايطها .. وعاد لا شافها تقزه
قال ياغزال ارحم حبيب في حبكم ذاب
الناعمة
اذا مر عليها واحد بدوي قالت وععععععععععععع الله يقرفك
اللي يشوفها يقول شايفة صرصور الله يعزكم ...
نعم وش تبي يالله هناك بلا قراااااااااافه >> ادعس يالرقيقة
العربجية
اذا مر عليها واحد لابس بلوزه ضيقه .. وجنز ضيق << باين انه منكتم من الضيق >>
وقالها ياحلو اعطيني وجه ...
قالت اقول احسن لك ضف وجهك لا يجيك شي ما يطيب خاطرك
قال ليش العصبيه هذي ...
قالت اقول والله لو ماتضفخشتك لا أتوطى في بطنك ...
علم جاك وتعداك .. ترى مابي اغلط عليك
لاني اشوفك مثل أختــــــــــــــي ...
الناعمة
لا جات تضحك ههههههه . << لاحظوا النقطة ابووك يالدلع <<
العربجية
اذا ضحكت هع هع هع هع هع هع هع هع ...
الحمد لله والشكر .. تقول بالعه بعير..<بس تعجبني والله خخ
واذا جات تمزح مع أخوها حميد اعطته كف الحلاقة
كف قوي على رقبته >> على بالها تمون
الناعمة
اذا تحب تسمع أغاني ماتسمع عربي خلقه
ماتسمع الا ((مساري)) طبعا الدلوععات يمووتون فيه
وممثلها المفضل .. توم كرووز وبراد بيت اكيد لوسامتهم
واجمل ممثله عندها .. جوليا روبرتس و انجلينا جولي
العربجية
الاغاني اللي تسمعها ( خلف بن هذال وحجاب بن نحيت وبشير شنان وعيسى الاحسائي )
ياروحي يالفن المغبر اللي تسمعه
الناعمه
لما تتفرج على التلفزيون تجلس على الكنب
وتحط رجل على رجل .. وتبتسم
لأن الابتسامة تضفي بشاشة على الوجه
العربجية
لا جات تناظر التلفزيون تشوف طفش واحد وطفش اثنين
وتجلس على الارض وتحط المركى وراها
والكراعين على التلفزيون .. اذا زهقت من القناة الاولى
دقت التلفزيون باصبع رجلها الكبير وحطت القناة الثانية ...
الناعمة
اذا تبي تحلم احلام اليقظة طلعت للحديقة حقت بيتهم (( خخخخخ فلتهم ))
وجلست على الكرسي الهزاز وقام الكرسي يروح ويجي >> مندمجة
العربجية
اذا تحلم احلام اليقضة طلعت برا في حوش البيت
وفرشت البساط << أبو خمس طعش ريال >>
الي مخطط بأحمر وأزرق أكيد عرفتوه ...
وتحط المركا ودلت القهوة وشاهي وصحن مضير ...
<<<< بسكوت البدو >>>>
ان شالله تعجبكم
منقوله
صراحه الي شدني
اكثر العربجيه ياحليلها
