يمه مريولي توسخ...(قصيده اكثر من رائعه)
يمه مرريولي توسخ
السلام عليكم ورحمة الله وبركـــاته ,,
قصيدة قرأتها وأعجبتني
ان شاء الله تناال اعجاابــكم ..
يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟
يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!
يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..
يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح
يمه مريلولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...
يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا
يــمــه
يالله خلاص لاتمزحي
يالله قومي
تعالي معي للبيت ارجعي
يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...
يمـــــــه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..
أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
( منقول )
رد: يمه مريولي توسخ...(قصيده اكثر من رائعه)
رائعة بحق يا سموه
نسأل الله أن يحفظ من تبقى لنا من والدينا
ويرحم من رحل رحمة الأبرار
دام تواصلك
رد: يمه مريولي توسخ...(قصيده اكثر من رائعه)
تقطع القلب
ست الحبايب ياحبيبة
نسأل الله أن يرزقنا بر والدينا
شكراً على السموه على نقلك الرائع
رد: يمه مريولي توسخ...(قصيده اكثر من رائعه)
اقتباس:
المشاركة الأصلية كتبت بواسطة أبو فهد
رائعة بحق يا سموه
نسأل الله أن يحفظ من تبقى لنا من والدينا
ويرحم من رحل رحمة الأبرار
دام تواصلك
اللهم امين
مشكور على المرور ويعطيك العافيه
رد: يمه مريولي توسخ...(قصيده اكثر من رائعه)
اقتباس:
المشاركة الأصلية كتبت بواسطة عجاج الليل
تقطع القلب
ست الحبايب ياحبيبة
نسأل الله أن يرزقنا بر والدينا
شكراً على السموه على نقلك الرائع
اللهم امين
ويحفظ والدينا ووالديك
شكرا على المرور ويعطيك العافيه
