أذا جيت القبـر ........ نزلني شوي شوي !!

أذا جيت القبـر ........ نزلني شوي شوي !!




يابـوي ليـه تبكي كل ما شفتـك وعينك لـي ؛،؛ تخـاف أمــوت يابوي ... وقبل المـوت تبكينـي

كفـا يابوي لا تبكـي وأنـا مـوجـود معك وحـي ؛،؛أجل بعـد الـرحيـل أشلون في قبـري توطينـي

ابـوي لو تمـوت النـاس ماتسـوى دمـوعك ذي ؛،؛ وأنا يابوي ميت قبـل أمــوت وأنت محيينـي

قسـم بالله يابوي لجل عينـك شـربت الغـي ؛،؛ جـرعت الهـم والحـرمان وبحـر الويـل يسقينـي

تحملـت السنيـن اللي طوتنـي في عاذبي طـي ؛،؛ وصـار الجـمر بكفوفي .. وتحت أقدام رجلينـي

يــابــوي ماعلى عمري حسـافه ولا بقا بـي شـي ؛،؛ ولكـن بطلبـك يابـوي تكفـا لا تخلينـي

يابـوي مابي غيـرك يغسـل جثتـي بالمـي ؛،؛وتكفـا قبل لا أتكفـن .. يابوي فكـلي عينـي

بأمر الله يمكـن ألمحـك وأرحل في عيني ضـي ؛،؛وودع وجهـك الطـاهر مع دنياي وسنينـي

وخل الناس تحملنـي وترفع راسي ورجلي ؛،؛ وتأخذني على قبـري وتكسب أجرهـا فينـي

وأذا جيت القبـر يا بـوي نزلني شوي شوي ؛،؛ ووجهني لبيت الله .. وقبله المصلينـي

وحط الطيـن وأدفني وعـز اللي يعـزي في ؛،؛ثـلاث أيام يابـوي .. يواسوك المعزينـي

ورابع يوم يا بـوي تذكر .. ضحكتـي وعني ؛،؛ تذكر وش كنت أقول يوم أنك تنادينـي

تذكر يوم كنت أنام في ظـل النخـل والفي ؛،؛ تجي يمي تصب الما..على وجهي وتصحينـي

تذكر جرة المـوال وصوت في حبـاله كي ؛،؛ تذكر يوم أغني لك قصيدي وانت توحيني

تذكر ضحكتك لا قلتلك يابـوي عشقـي هي ؛،؛ تذكر كم قصيدة خافيه ما بينك وبيني

تـذكر كل شي كان وأذكر.. يوم انا حي؛،؛ ولكـن أسـالك بالله يابــوي لا تبكينـي

م ن ق و ل

أخي / أبونوف

اختيار رائع

القصيدة جميلة وبانتظار المزيد


تحياتي الجحفانية

يا الله ما اجمل هذه الابيات

فعلا تسكننا العبرات وكلنا سنموت


اخي ابو نوف من الاعماق شكرا



مع حبي
القبس

رائع
يا
أبو
ن
و
ف





يعطيك العافيه

السلام عليكم ورحمة الله وبركاته


الاخوان // جحفااااااان // الحلوي // محمد زلالة

تسلموااا على المرور والتعليق ويعطيكم العافية

جحفااان تصدق اجي مسرع واطب في المطب الل مسويه اكثر من مره حتى انعدمت المساعداات عندي :D

حاول تجحفه شوي قد معي رجه تمرين:يبكي::)