قصيدة : صرخة يتيمة خريجة معهد إعداد معلمات للملك حفظه الله
صرخة يتيمه ابيات شعرية من خريجات معاهد المعلمات انها احببت ان توصل صوتها لملك الانسانية الملك عبدالله بن عبدالعزيز آل سعود حفظه الله وقد صاغت هذه الكلمات بعد تهميش الوزارة لبند محو الانسانيه وقبل ذلك قضية معهد المعلمات التي اصبحت اشهر من نار علي علم .
ياخادم البيتين ياعزّ الاسلام *** ياعـادلٍ شمسـك تحجـب الظليمـه
ياسّلم في سّلمك وللعايل كّعام *** يابن الزعيم اللـي فعولـه غظيمـه
ياعون من ينخاك وينصاك منظام *** زعيم دوله فيك صارت زعيمه
يشهد لك التاريخ بالعدل قوام *** وأنك عدوّ الظلـم وانـك خصيمـه
تكفى يابو متعب عسى أيامك اعوام *** مال الجسام إلا الفعول الجسيمه
حنا بناتك كلنا نسل الاكرام *** ننخاك من جـوراً وظلـم وهضيمـه
حنا المعهد لنـا اعـوام واعـوام *** متخرجـات وجامعتنـا عقيمـه
لاكليتاًوسط أبها لها اقسام *** حتـى نحصـل مـن بعضهـا قسيمـه
صرنا الضحيه بين تفضيل وقزام *** وصارت ضحيتنا القلوب السليمه
ياسترنا كان السماء صارت اكتام *** ياقايـد تخشـاه قـوة غريمـه
ارامل وأيتام تتعـب للايتـام *** ومطلقـه مثـل الخلـوج ويتيمـه
أهلي جنوباًوالعمل صار في الشام *** وهذي اهلها شرق وغرب مقيمه
نسرح صلاة الصبح والعالم نيام *** ولولا الفقر محداً مخلـي حريمـه
عاماً وراء عام وعاماً ورا عام *** وحنا الضحايا والحوادث جريمـه
تنثر جثثنا في الصحايف والاعلام *** وين الوزاره والقلوب الرحيمـه
عقودنا ماصارت شهور وايـام *** عقونـا صـارت سنيـن مقيمـه
تلعب بنا ناس من اقسام واقسام *** وحنا نساء فينـا وقـار وحشيمـه
حنا بوجهك وأنت للعدل قوام *** ياعـدلاً شمسـك تحجـب الظليمـه
