قصه حدثت في قاعه العزيزيه للافراح

:fraud: قصه حدثت في قاعه العزيزيه للافراح
قصه حدثت في قاعه العزيزيه للافراح


السلام عليكم ورحمة الله وبركاته



هذي قصه حدثت في قاعه العزيزيه للافراح خلال موسم زواجات هذا الصيف
وحقيقه حبيت انقلها حسب ماوصلني على الايميل لبيان ان الناس اجناس


قاعه العزيزيه في بريده القصيم
مسوين نظام ان حوش القصر في جهه الحريم يكون للشغالات والبزران

راحت وحده من خلق الله وحطت بزرها مع الشغاله ودخلت العرس
بعد ما دخلت بنص ساعه جت وحده من الحريم وقربت من البزر وبدت تلاعبه وتقول يا حليلك تغيرت علي
وقالت للشغاله عطين الولد لان امه تبيه من داخل وبحسن نيه عطته الولد
علي اساس ان الام فعلا مرسلتها

طبعا طلعت الام حوالي الساعه 12 في الليل عشان تاخذ الولد وتخلي الشغاله تدخل تتعشي

_________________________ _____

ما لقت لا ولد ولا تلد وسالت الشغاله وقالت لها اللي صار وبعد تلطيم الخدود والنياح والصياح
تم ابلاغ الشرطه بالحادثه وعمل محضر في ذلك وبدأت عمليات البحث


بعد ثلاث ايام من الحادثه هذي

دخلت وحده من الحريم محلات الذهب اللي في سوق الملك عبد العزيز في بريده
واختارات طقم ألماس وذهب واستاذنت راعي المحل انها تاخذ الطقمين توريها امها العجوز في السياره
لان الذهب حق عرس
قالها لا ممنوع يطلع اي ذهب الا وهو مدفوع سعره
وقالت له بس هذي عجوز ولا تقدر تنزل قالها نعطيك عربيه وجيبها
قالت طيب دقيقه
وراحت للسياره واخذت الولد اللي سارقته من قصر الافراح
ودخلت المحل وقالت دوك هذا ولدي اعز ما املك بس دقيقتن خله عندك وابوري امي الذهب وراجعه
بائع المحل قال لخويه هذا ولدها وضناها وما فيه اغلي منه
وخلوها تطلع توري امها الذهب

ساعه ...ساعتين ... طولت الحرمه ما رجعت ..!!

اتصلوا في الشرطه وبعد ما حضروا
قالوا لهم هالبزر اللي حطته عندكم مسروق من قصر افراح ولنا ثلاث ايام ندور عليه
بلغوا اهله عشان يجون يستلمونه

جاء الاب والام
ووضح له افراد الشرطه القصه وشلون ان الحرمه حبكت الموقف واستغلت الابن
رفض راعي المحل يسلمهم الابن الا بعد ما يدفعون 25 الف قيمه أطقم الذهب والالماس

قاله الابو لو تبي اربعين الف عطني الولد بس



الي هذه الدرجه وصلت ضمائر بعض الناس ..!!
لا حول ولا قوه الا بالله


منقوووووووووووووول

اللّه على قلوبهــــــم

هذا كله ضعف الوازع الديني..

تسلـــمي يارحــــاب الله يحفظك..

هههههههههههههههههههههههههههههههههه

والله قصة عجيبة

شوفوا يا جماعة الأفكار الجهنمية إلى فين وصلت

ويمكن إنها لو أخذت مجوهرات ب 100 ألف وحطت الولد رهن

بالتأكيد صاحب المحل رايح يوافق .

وبعدين موقف صاحب المحل أعجب

عندما رفض تسليم الولد إلا بدفع قيمة الذهب حقه .

إذا المصيبة تعود على الشغالة

ومافيه شغالة إلا ورايح تاكل هذا المقلب .

والله هذي الحرمة مجرمة درجة أولى


شكرا رحاب
على القصة الشيقة