مساء الخير ياحظي عسى ليلك قليل هموم

مساء الخير يا حظي.. عسى ليلك قليل هموم
وصدر الكون ضايق والبشر كثرت بلاويها
مساء الخير يا قلبٍ.. غدا بين العرب محروم
وغابت عني الفرحة وماي العين ضاميها
مساء الخير يا همٍ.. على ظهري عجزت أقوم
وجرحي آه يا جرحي عجز منهو يداويها
تعبت أحسك الجمرة وأنا مثل المطر وغيوم
تعبت من الصبر لين الصبر ضيع حراويها
ولكن آه يا لكن.. عرفت إن الهوى مقسوم
وشوفك غاب لكن شوق حبك قام يحييها
أنا الغريق اللي تهقوى بالعزوم وقام يعوم
تمنى يوصلك وأنته.. على يمة شواطيها
تمنيتك حقيقة والصراحة حلم.. صح النوم!!
حلمتك نور شمس للحياة وقمت تضويها
بديتك حب يبدأ وانتهيتك هم ضمن هموم
وعرفت أن الهوى مقسوم لا صوّت مناديها
صباح الخير يا حبي ويا شوقي عداك اللوم
يا قصة عشتها حلم وحظي قام يبكيها
صباحك خير ياللي تكتب حروفك سما ونجوم
وحظك مثل حبك لو تصبحها تمسيها..

صبـاح الخيـر ياحـبٍ توغـل داخـل أعماقـي
صبـاح الخيـر ياحلـمٍ علـى الواقـع تمنيتـه

صباح الورد ياروحـي ..صبـاحٍ للوفـاء باقـي
صباح من الوله نادى .. وأنـا بالشـوق لبيتـه

صباح العود والعنبر .. صبـاحٍ عطـر أوراقـي
صبـاحٍ مايليـق ألا .. لمنهـو صـدق حبيتـه


حبيبي يابعد عمري .. لك حروفي مـع أشواقـي
صباح البوح ترجمهـا علـى السانـي وخطيتـه

صباحٍ مرتـوي منـك علـى عهـدك وميثاقـي
وقلبٍ ينبض بأسمـك .. ماعذبتـه .. وجافيتـه

ونهر من الغلا يجري .. مِسيله وسـط خفاقـي
وحبك مالكٍ روحي ..مثل ماأعطاني .. أعطيتـه


صباحٍ لأجلك أغليته .. لو إنْ شمع المساء ضاقي
وغذيته مـن أشواقـي .. ولملمتـه .. ودفيتـه

صباحك غير ياقلبـي .. ولا لغيـرك أبـد لاقـي
صباح إحساسي الصادق .. على أوتاري ..وغنيته

صباح الخير لك وحدك .. ياساكن داخل أعماقـي
ياحلـمٍ دوم ينعشنـي علـى الواقـع تمنيـتـه

الشفق

مرورك اسعدني وعطر متصفحي وصباحك بخير وسعاده لك بإذن الله
خالص تحياتي وتقديري

ابدع كليكما فيما نقله هنا يعطيكم العافيه

السموه

الابداع مرورك الراقي هنا الف شكر لك ياذووق