السيناريو وخطوات كتابته..

[motr]مـنـقـول لـلـفـائـدة[/motr]

** تعريف السيناريو:

فلم تشاهده على الورق مع كامل الانفعالات والأحداث المجسدة, يعني لما تقرأ سيناريو يفترض انك تشوفه وكأن الشخصيات يتحركون قدامك. ولكن يكون فيها بداية وعقدة ونهاية.
خطوات كتابة السيناريو
أولاً القصة

لازم تكون عارف القصة ومُلم فيها, إذا كانت من خيالك تبدأ فيها بس ما تكون خيال محض, ضروري انك تمزجها بالواقع , ولكن إذا كانت من واقع بالمجتمع وشي حاصل, فالمفروض انك تطلع على الواقع هذا اطلاع كامل, ولا تستكثر عليها الوقت مهما طال, ولابد تكون عارف كل التفاصيل لأنها تأثر على فهمك للموضوع وتغير طريقة كتابتك لها وطريقة توصيل الفكرة والفائدة منها, وجمع المعلومات يكون من الانترنت او من أصحاب المشكلة مباشرة وبعد ما صار عندك علم كامل عن الموضوع تكتب القصة اللي تبغى تسوي لها سيناريو, ومو شرط تكون طويلة وممكن تكون مثل التلخيص ولكن يكون فيها بداية وعقدة ونهاية.
ثانياً الجمهور المستهدف

اللي يعرف الجمهور اللي يبغى يخاطبهم ويعرف وسيلة التحاور معهم والكلمات اللي يستخدمون وكيف يفكرون يوصل لهم بسرعة, يعني لازم قبل ما تبدأ بالكتابة تعرف لمين هالشي تسويه, هل هو جمهور خاص ؟ هل لجنس معين ولا رجال ونساء ؟ هل هم جمهور نخبوي ؟ متعلمين ومثقفين أو غير متعلمين لأن هالشي بيأثر كثير على الكتابة ويغير مجراها وكل ما فيها من الألف إلى الياء
ثالثاً مدة العمل

معرفة مدة العمل اللي راح تكتبه ضرورية وتساعدك كثير على ترتيب المشاهد وربط أحداث القصة مع بعض, يعني بتكتب عمل مدته 30 دقيقة راح يكون تفريغ القصة بالورق الخاص بالسيناريو 30 ورقة, والورقة هذي بنجي على شرحها.
رابعاً كتابة ملخص يشمل أسماء الشخصيات

بعد ما تسوي هالأشياء حاول تلخص الموضوع بكثافة وبصفحة وحدة ويشمل تحديد الشخصيات من ناحية العدد والأسماء والجنس والأدوار قبل الكتابة.
خامساً تحديد عدد المشاهد

وكل مشهد يساوي مكان منفصل ويفضل تكتب تلخيص بسيط عند كل مشهد علشان ما تروح الفكرة واذا جيت لها بعدين تسترسل ببساطة وتكون الأفكار مترابطة.

وبعد كذا تبدأ بالتفريغ بناءً على ورقة السيناريو اللي بنجي على ذكرها بعد شوي وراح نعرض نموذج منها للي يبغى يطبق عليها قصة معينة يكون كاتبها او قصة ما هي من تأليفه وبيجرب

والسيناريو يلزمه حوار, ويكون السيناريو بخانة والحوار بخانة مستقلة

والحوار: هو حديث الشخصيات (الصوت)
** أمور هامة عند كتابة السيناريو

- لابد انك تراعي الناحية القانونية لما تجي تختار الشخصيات علشان ما تتورط مع ناس ممكن تتعاطى مع اساميهم بطريقة كوميدية فيظنون انك تقصدهم وتتوهق (والكاتب قال مشكلته يوم كتب قصة داعس والعرجاء وكيف انه دخل في دوامة خلته يلتفت للأسماء زين ما زين قبل لا يكتب ويقرر) وتقدر تسوي بحث بالانترنت عن الأسماء وخصوصاً لما تكون أسماء عوايل مو مثلاً محمد ولا سعد.

- انك تركز على اظهار روحك بالنص والكتابة بشكل عام وما تقلد أحد

- تقطيع المشاهد بالسيناريو وكل مكان يمثل مشهد, يعني طلعت من الغرفة للصالة, كذا يكون انهيت مشهد الغرفة ودخلت بمشهد جديد اللي هو الصالة

- كل ما كان المشهد قصير كل ما كان أفضل وعلشان ما يمل المشاهد

- لا تطول بالتقديم وحاول تدخل بالموضوع بشكل سريع

- يجب أن تكون الأحداث مخالفة لتوقعات الجمهور وخصوصاً النهاية وبنفس الوقت تحافظ على المنطقية فيها, ولازم يكون الكاتب قادر على التفريق بين المبالغة وبين المنطقية
.- بإمكانك تحويل مشهد واحد إلى مشاهد عدة بإضافة أحداث وشخصيات ثانوية وبعض الحوارات, ولكن تكون الاضافة مفيدة للعمل مو فقط حشو وملء الوقت

- النهاية لازم تكون نتيجة تسلسل الأحداث وما تكون خارج عن هالاطار سواءً كانت نهاية مفرحة او حزينة

- من الضروري أن يتعاطف الجمهور مع البطل ويحبونه وينفرون من الشرير ويكرهونه وهذي دلالة نجاح الشخصيات

- الحوار مهم انه يكون حاد ومباشر وواقعي بنفس الوقت وما يكون طويل

- تذكر لما تكتب انك تشمل كل ما سيرى المشاهد ويسمع

- المسودة ضرورية أثناء الكتابة ولا تستجعل على النسخة النهائية

- الشخصيات اما انك تبتكرها او انك تسقطها على شخصيات حالية, مثل لما تكتب لطاش وتكون الشخصيات جاهزة مثل فؤاد وأبو مساعد وأسعد عمر قلي
- الفعل في السيناريو دائماً يكون مضارع إلا إذا كان يحوي المشهد استرجاع لحدث سابق (Flashback) يكون الفعل بالحالة هذي ماضي
- لابد ان السيناريو يحوي أدق التفاصيل وأكبرها, بس بدون ما تتدخل بشغل المخرج (مثل لما تصف انه بهاللحظة تتحرك الكاميرا) تتكلم عن الكاميرا لما تكون حركتها ضرورية وتؤثر على النص, وما تتدخل بشغل الاكسسوارات وهي ما هي مؤثرة على الهدف اللي انت تبغى توصله
- تحديد الموسيقى التصويرية ما هي من مهام كاتب السيناريو
- تذكر التكلفة الانتاجية اذا كنت تنوي الاستفادة من العمل وعرضه على شركات الانتاج, يعني ما تخلي مسلسلك لابد يصور مثلاً في 30 دولة وتتوقع ان أحد بيقبله منك مهما كانت جودته.
- لغة العمل تحددها فئة الجمهور المستهدف واللي تكلمنا عنها قبل, يعني لو صغار بيفرق الموضوع, وإذا هم كبار بالسن وبيفرق وعلى هالحال ولكن تكون اللغة لغة الناس إلا إذا كان المسلسل بالفصحى
** ورقة عمل السيناريو:
** ورقة عمل السيناريو:




الشخصيات

تكتب اسم الشخصيات اللي بتكون متواجدة بالمشهد

بعده نروح للحوار

وهو الكلام اللي راح ينقال وكل شخصية لما يجيها الدور انها تتكلم يكتب اسمها في خانة الشخصيات وبعدها الحوار الخاص فيها

لاحظ في نهاية الورقة فيه كلمة " قطع " بالوسط, وهي تعني ان المشهد انتهى, وكل ورقة تساوي مشهد واحد والمدة الزمنية لكل ورقة تكون دقيقة وحدة فقط.

- يفضل يكون السيناريو باللغة العربية في حال كان المخرج عربي فبكذا تصعب عليه بعض الكلمات العامية اللي نستخدم, ولكن الحوار هو اللي تبيه يظهر للناس وأكيد بيأديه واحد قادر على فهمه** نصائح لمن ينوي الدخول في مجال كتابة السيناريو

- يفضل يكون كاتب السيناريو شخص مطلع ومثقف وكل ما زاد هالشي وضح على النصوص اللي يكتبها

- الكاتب بعض الأحيان ما يحتاج للتأليف وابتكار قصص, بعض الأحيان يحتاج تحويل الواقع إلى سيناريو

- تذكر ان كاتب السيناريو بيواجه صعوبة إذا جاء يسوق لنصه وهالسبب لأن المنتجين غالباً هم أبطال العمل, ومع ذلك المفروض ما ييأس

- لازم يقبل الكاتب التعديل على نصه إذا كان طبعاً ما يغير بالفكرة الرئيسية, ويتذكر ان ما فيه عمل كامل وممكن يكون التعديل مفيد للنص والفكرة

- الفكرة هي أساس العمل لذلك لازم تكون محددة ولاهي عامة مثل لما يجيك واحد يكتب فكرة " العنوسة في بلادنا ", هذا عنوان واسع وصعب تطلع فيه بشي, الفكرة تحوي بداية وبعدها عقدة وبعدها نهاية

- تذكر انك أساس العمل وكل شي فيه بيكون لك دور فيه, حتى تعابير الوجه انت تكتبها وتوضحها

- كل ما كان الكاتب يملك مخيلة خصبة كل ما كبرت قدرته على توظيف الأحداث في صالحه.

** كيفية معرفة أن العمل جيد أو غير ذلك

ما تقدر تحكم على عملك نهائياً وهذا شي صعب, ممكن تحس ولكن تحكم صعب, وهالشي يتم من خلال ناس ثقات وما يجاملونك, تعطيهم يقرونه وتناقشهم وفيه ويقولون لك آرائهم وتلمس منهم الفهم ووصول الهدف من عدمه, بس تذكر انك ما تكتب السيناريو بأسلوب أدبي إلا إذا كنت تنوي كتابة مسلسل بالفصحى.


م