أصوات دجاج وصوت حركة لأشخاص
إنا لله وإنا إليه راجعون كل دي فراخ هتتحرق – يارب سترك سترك يارب هنطلع أزاى من المصيبة دي
دلوقتى بتتفكر ربنا كان فين الكلام دا لما بعنا كيلو الفراخ بعشر جنيه
بلاش ديك دي الله يكرمك من ساعة حكاية الأنفلونزا دي والناس قرفانة منى هههههههه
أيه خفة الدم دي 74 مليون واحد مفهموش واحد دمه تقيل
74 مليون بس يا حاج أنت نسيت اللى في المترو ههههههه
وبعدين بقى والله لولا المرحومة امك كان زماني حارقك مع الفراخ اللى هنولعها دي
وليه بس نولعها يا حاج الفراخ عندنا زى الفل لا في فرخة كحت أو عطست
أنت يا بنى مش دريان بالدنيا حواليك.. مش دريان بالمصيبة اللى أحنا فيها
يا حاج دا شغل سياسة وبيزنس ... يرعبوا الناس من ناحية ويهلبوا من الناحية التانية .... ينشروا المرض ويبيعوا الدواء
آمنت بيك يا رب.. أيه يا واد الحكمة دي
عشت يا حاج.. بس خلينى اكملك عندك فيتنام مثلا
فيتنام سجلت أعلى نسبة إصابة في العالم كلها الفراخ هناك كانت متبهدلة بس بالضبط من يوم 15 ديسمبر 2005 بطلوا يسجلوا أي حالة جديدة مع أن الوباء أصاب 60% من المدن عندهم – ربنا يعافينا يا رب – و17% من الطيور عندهم مات بسببه يعنى حوالى 4 مليون طائر تقريبا
بس أنت عرفت الحاجات دي منين يا ديك
النت والفضائيات يا حاج امبارح مثلا كان بيذيعوا برنامج "الفراخ اليوم" وفي معلومات عن كل حاجة عن الأنفلونزا المنيلة دي
أنا ما أعرفش غير قنوات الأفلام وسباس تون
أهو الدكتور جاي وهياكد لك كلامي
السلام عليكم يا حاج ازيك يا ديك
بخير الحمد لله بس بلاش ديك اليومين دول الله يكرمك
صحيح يا دكتور مفيش ضرورة نحرق الفراخ كلها
أنت ما عندكش فراخ مريضة والحمد لله – بس الأفضل ذبح الفراخ كلها لمنع أنتشار المرض لأن المرض بينتشر من خلالها فلما نذبحها ونحطها في مية سخنة أو يعنى نطهرها خلاص مفيش مرض إن شاء الله
بس في إجراءات سلامة لازم تتاكد منها عشان ما حدش من العمال عند يُصاب لا قدر الله
دي إجراءات لازم تتخذ لو كنت من العاملين في مزرعة دواجن
تسلم يا دكتور علام الكليات حلو برده
هي الكليات بتعلم حاجة – أنت بس أتفرج على برنامج الفراخ اليوم وأنت تعرف كل حاجة والنت مليان مواقع عن أنفلونزا الطيور
سمعتوا آخر خبر قبضوا على فاتن حمامة – قبضوا على فاتن حمامة
هي البلد دى مفيهاش حد دمه تقيل أبدا
واد يا ديك أبقى قول لي لما ييجي برنامج الفراخ عشان أتفرج معاك
أمرك يا حاج – على فكرة الحاج على اللى جنبنا فسخ خطوبة بنته عشان العريس مهندس زراعي تخصص دواجن
لا حول ولا قوة إلا بالله – الرزق على ربنا مش على الفراخ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
يا عمي مش معقول اللى بتقوله دا .. اديني سبب معقول لفسخ الخطوبة
هو في سبب أقوى من كده أنت مهندس زراعي تخصص دواجن دا سبب كافي جدا يا بني
يعنى الخطوبة تتفسخ عشان الفراخ دي جديدة خالص
ما تاخذينش يا بني أنا لازم أطمئن على مستقبل بنتي --- أنت شاب محترم وأنا كنت متاكد أنك أنت وبنتى هتبدوا من الصفر وتكونوا حياتك مع بعض بس بعض حكاية أنفلونزا الطيور كدا مفيش صفر هتبدوأ منه انت كده تحت الصفر
ما لقتش ولا ازازة ميه عند البقال
ولا السوبر ماركت اللى في آخر الشارع
أنا لفيت المنطقة كلها حتى عمتى في مصر الجديدة كلمتها قالت ازايز المية خلصت عندهم
هو في أيه أيه حكاية ازايز المية – هي المية جتلها أنفلونزا كما
انت ما سمعتش الخبر – في فراخ عندها أنفلونزا أترمت في النيل
حتى لو دا حصل مفيش ضرر في ميه الحنيفة لأن المياه بيتم تعقيمها – يعنى مفيش خطر إن شاء الله
أنا مش مطمن دا حتى الفراخ اللى كنا هنعمل بيها عزومة هنولع فيها ونرميها
بالنسبة للفراخ اللى في البيت( النص أسفل بالأحمر)
يعنى يا بنى مفيش ضرر إن شاء الله
لا ضرر ولا حاجة إن شاء الله دا تخصصي وعلى كل حال أنا قاعد وهنتغذي فراخ مع بعض أنهاردة
أفهم من كلامك أن مفيش فسخ للخطوبة
مفيش فسخ أحنا رزقنا على ربنا مش على الفراخ
- لبس قفازات وماسك على الأنف والفم عند تنظيف هذه الدجاجة.
- غسل الدجاجة بالطريقة المعتادة بالماء جيدا.
- وضع الفضلات الناتجة عن تنظيف الطير في كيس مجهز لذلك لغلقه جيدا بعد الانتهاء.
- غسل اليد بالصابون أثناء لبس القفازات.
- خلع القفازات والتخلص منها في كيس الفضلات وغلق الكيس جيدا
- غسل الأيدي جيدا بالصابون والماء مرة أخرى
- ويراعى تنظيف الأسطح التي التي تم تنظيف الطير عليها بالكلور و بالماء والصابون، ويفضل تخصيص لوح خشبي لتنظيف الطيور فقط.
- وضع الفرخة في الماء المغلي مع العلم أن السلق هو أفضل الطرق لضمان وصول درجة الحرارة إلى جميع أنسجة الدجاجة، ويفضل الابتعاد عن الشي أو الطهي على البخار. وبالهناء والشفاء.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
فاضي فيصل .. الواد رجل في العربية ورجل في الهوا وعمال يقول فاضي فيصل
ما هو الجشع دا اللى ودانا في داهية وسلط علينا البلاوي اللى عمالنا تنزل علينا حتى في الفراخ .. أنا عارف القرف دا جانا منين؟
من هونج كونج يا عمو سنة 1997 وكان طفل صغير مات بعد 10 أيام بسبب أن مناعته ضعيفة- بس فيروس الأنفلونزا نفسه معروف من 1870
أنا كنت مستغرب والله أن أنفلونزا تيجي للفراخ أنا قلت الأنفلونزا تيجي للسمك عشان طول النهار في الميه ولما بيخرج يعنى ممكن يأخذ هوا
هوا أيه وميه أيه القرف دا جه من الفساد اللى احنا فيه كيماوي ومبيدات ودخان تلوث في كل حاجة.. أنا امبارح رميت كل الفراخ اللى عندى في الزبالة وولعت في الزبالة
لا ياعمو الفيروس بيموت في درجة حرارة 70 مئوية يعنى لو كنت طبخت الفراخ ماكنش في أي مشكلة وبعدين الفيروس لا ينتقل عن طريق الأكل بل عن طريق المخالطة مع الفراخ المريض يعنى الخطر هيكون على العاملين في المزارع أو اللى بيربوا فراخ في البيت مثلا أو طلبة كلية طب بيطري لو كان عندهم حصة عن الفراخ
بس ما شاء انت عارف كل المعلومات دى أزاي
ولا مؤاخذة آخر حصة عن الفراخ خذتها أمتي
لسه أنهاردة – بس طبعا أحنا بنتشغل على فراخ حصتها زى الفل وكمان بنأخذ كل إجراءات السلامة لاحتمال أي ضرر
طب لو الواحد مربي فراخ في البيت ومش عايز يذبحها وبرده طبعا مش عايز أولع فيها
لو كنت بتربي فراخ في البيت يبقى لازم (النص أسفل بالأحمر)
بس لا مؤاخذ انا شايف المخبرين بيقفلوا في المحلات
إن الدولة ما قفلتش المحلات، لكنها أعطت مهلة لتغيير نشاط تلك المحلات لبيع الدجاج المبرد أو المجمد، وهذا مطلب صحي تطالب به السلطات الصحية منذ فترة طويلة لوقاية المواطنين من أكثر من 200 مرض يمكن أن ينتقل من الدجاج إلى الإنسان عن طريق الهواء أو الملامسة في تلك المحلات التي تحتوي على دجاج حي.
الحمد لله الناس لو ألتزمت بإجراءات السلامة إن شاء الله نخلص من الفيروس دا وغيره الحكاية مش حكاية فراخ وبس
أيه دا في فراخ في العربية
ما تخافش يا باشا دا صوت الموبايل
ينصح بذبحها وتخزينها للأكل، وفي حالة ظهور أي حالة مرضية واحدة في الطيور بالمنطقة التي تسكن بها فسوف يقوم جهاز البيئة والجهات البيطرية بالمنطقة بإعدام هذه الطيور قصرًا حتى إن كانت سليمة، فالأفضل هو ذبحها مباشرة والاستفادة بأكلها. - النسبة للدواجن التي تربى في حجرات مغلقة ونوافذها مغطاة بستائر فلا يوجد مشكلة، ويفضل اتخاذ الاحتياطات التالية:
- وضع بعض المطهرات على أبواب هذه الحجرات مثل: الصودا الكاوية بتركيز 2%، بمعنى 20 جم في لتر ماء أو استخدام الفينيك بنسبة 10%. - ارتداء حذاء خاص بالمكان الذي يربى فيه الدجاج وخلعه بمجرد الخروج من الحجرة وترك الحذاء بالداخل. - النسبة للدجاج الذي يربى في أماكن مفتوحة ونوافذها مفتوحة للهواء المباشر فيفضل التخلص منها، ونعني بذلك إذا كانت الطيور سليمة بدون أعراض مرضية فتذبح وتؤكل بعد الطهي الجيد دون أي مشاكل. - ما إذا كانت الطيور يظهر عليها بعض الأعراض المرضية ولا تتمتع بالحيوية الكاملة فيجب التخلص منها فورًا بالدفن وتغطيتها بالجير الحي أو تسليمها لأقرب وحدة طبية بيطرية.
