تساقطوا من عيون الشـوق غاليـن
واللي ندبهم على وجه الورق نـاح
اللي رموني على درب الشقـا ويـن
ما حسوا فضيقة اللي لأجلهم صاح
وش قيمة الحب وإحسـاس المحبيـن
دام الوفاء ما سكن في طهر الأرواح
اللي غرسوا بي فليل الذبح سكيـن
على مراسيم دفنـي ذنبهـم فـاح
تبعثروا بيـن نزوتهـم ومـا بيـن
قلبٍ عطاهم ولا فكّـر بالأربـاح
تجرّدوا من عظيم إحساسهـم ليـن
طاحوا مع اللي من غصون الغلا طاح
وش قيمة الذكريات بصـدر وافيـن
دام الجفا في عيـون أصحابهـا لاح
ما يغفـر الذنـب تقديـم القرابيـن
دام النوايا ضبـاب وصدقهـا راح
يالوَرْق نوحي على غصـن المحبيـن
ما عاد باقي وفاء في طهـر الأرواح
مما راق لي
