تعالي نسكت احسن من كلام تاليه جرووح
هلا بالصمت دام الصمت ما يجرح مشاعرنا
انا وانتي وطول الصمت والدمعه وكثر البوح
وليل ما بقى به حيل ينهانا ويامرنا
بكى ما كنه الي كان يغرينا مرح وامزوح
سكت ما كنه الي كان ملهمنا وشاعرنا
توحي تسمعين اليل مدري وش بلاه ينوح
على ضحكاتنا ولا على كسره خواطرنا
اذا يبكي من الفرحه على الذي يروح
واذا يبكي على الحزن تكفين قوليله يسامرنا
ويجبر خاطر قامت هواجيسه تجي وتروح
يشوف الحال ويكف السؤال الي محيرنا
صحيح انا صبرنا واعتبرنا صبرنا مصلوح
ولاكن ما بقى شي عقب هذا يصبرنا
دخيل العاتق الي له ورا الجدي له ضوح
وفي جاه الشفا بنسمتها تعطرنا
وفي وجه العيون الي بقا للدمع فيها روح
لاجل خاطر ليالينا ماضينا وحاضرنا
