جيتك وكلي شوق ماضمه انسان***لو انتثر فيك ماتجمعيني
رصيدي هموم وهواجيس واحزان***مافي يديني غير قوة يديني
جيتك قصايد حب من كل ديوان ***يهتز قلبك عشق لو تسمعيني
تجمعت بي عزة الانس والجان***وضاقت بي الدنيا ولو تحتويني
جيتك سحاب بلارعد بس هتان***على ثراك امطر وفاي وحنيني
دوك الربيع بعشبه اشكال والوان***وعطيني اللي ماعطتني سنيني
جيتك وانا اطول عمر من غبر الازمان***اشيل عربون الوفا في يميني
ماهوب من قل البني جيت ولهان***ماجابني لك غير قلبي وعيني
