تحسبيني يا أصايل أجهل أسرار العيون
لا و أنا قبل اللي يدري كاشف السر ودريت
هذي القصيدة أدري أنها رد على شعري تكون
و من قبل ما أقراها أدري فيها من إحساسي بيت
هذا شعرك رد على شعري يكون
و أنا إحساسك أعرفه لا تظنيني نسيت
البلا يا بنت أني لا أصون ولا أخون
مالي بدنيا المحبة لا عشقت ولا هويت
محترم نفسي ولا يهمني عواذل يعزلون
واللي يعذل خله يعذل عنه والله ما دريت
يكفي أنه لي فواد ممتلي هم و طعون
حتى لو حاولت أدور قلب غيره ما لقيت
الرد:
والله ما عاش اللي يملي خافك هم و طعون
أنته مرهف حس و شاعر مبدع ولو ما حكيت
ينعرف أنك تعاني واضحه فيك الشجون
أدري من نظره عيونك حتى لو ما قد شكيت
تدري هالدنيا يا (!!!) فيها من كل شكل ولون
صعبه يوفي من تحبه حتى لو أنك وفيت
أشعر أن الوقت هذا بالفعل وقت الجنون
الوفا والحب نادر لو تدور ما لقيت
والقهر إن أنته طيب وافي و مخلص حنون
وقلبك أنته قلب أبيض ما أظن عمرك قسيت
يا خي هونها و تدري من يهونها تهون
أنصحك لا لا تشاكي حد ما دام أنته إبتديت
