رد: يا ضايق الصدر { بالله } وسِّع الخاطر
تجين نشاور أهداب السحاب اللي جلس يرتاح
وش أحلا لون فص الشمس وإلا لون وجناتك
تجـين نعـلّم التوت المشي ونـزخـرف التفاح
ونشـرح بالكـرز والثلج كيف تسيل ضحكاتك
تجـين نجدّل خيوط الشعاع ونكسـر المصباح
ونشـعل في حنـايا العمر نور زهور خطواتك
تجـين نقـفّـل أبـواب الفـراق ونبلع المفتاح
بعد مانسـترد اللي من أحلام الوصل فـاتك
تجـين نحـارب الدنيـا ومن فيها بدون سلاح
أنا بالحب وإنتي بالجـمال وسـحـر نظـراتك
تجـين بفالنا الطيب نقوّم حظنا لو طاح
ونربـط في جناحين الأمل شـرطان هقواتك
تجـين نغمض عـيون القلوب ونتبع الأرواح
وأراهن شـمسـك أني لأزور أبعـد مـداراتك
تجـين نصارح القمرى بنور ظلالك الوضـاح
ونكشـف للسـحاب ان البروق اسـباب لفتاتك
تجين نسـابق أنـوار الفنـار لنظـرة الملاح
ونكتب للـسـفر مافـيك لـّذه غـير آهـاتك
تجين أبدل الباقي بعـمري عـمرك اللي راح
وأكـون أول حـبيب ٍ في نهـايـاته بدايـاتك
تجين نعد كم نجم ٍ تعثر في سناك وطاح
وكم بـدر ٍ تمـنى لو قبـالـه مثل تقـفـاتك
وتجين نشاور أهداب السحاب اللي عجز يرتاح
يحسب الصبح نور الشمس وهو ظلال وجناتك
رد: يا ضايق الصدر { بالله } وسِّع الخاطر
لا ضاقت الدنيا عليك وتشاويت ..
.. خلق الله اللي فالرخا كان واجد
ومن العرب والصوت والثوب مليت ..
.. وقامت عليك هموم بأقعا تراجد
فارفع يديك لخالقك لا توضيت ..
.. وادعو تراك أقرب إليا صرت ساجد
ووقت من أوقاتك للأوقات توقيت ..
.. وسجل لنفسك في المساجد تواجد
وأبشر بفزعة حامي الدين والبيت ..
.. إليا هجدك من الهواجيس هاجد
اللي يميت الحي ثم يحيي الميت ..
.. لرضاه شف كثر البشر بالمساجد
رد: يا ضايق الصدر { بالله } وسِّع الخاطر
مدخل ..
من البارح دعيتي الهمّ وأمطرني الجفاف بحور
وانا من كثر ماهمت بجروحي عشت وحداني
انا من دكّته دنيا اليتيم بتمتمات الـ جور
انا اللي رحت وأمطرت الشقا والشوق خلاني
رد: يا ضايق الصدر { بالله } وسِّع الخاطر
ألا يا طفل لا تكبر .. كذا أحلى .. كذا أطهر
كذا لاهم يتراكم.. كذا لا ضغط لا سكر
ترى أسخف كذبة عشناها .. حكاية ليتنا نكبر
يا طفل احلم على كيفك .. أحلم قد ما تقدر
واذا مليت .. خبي حلمك بدفتر
ترا الأيام سراقة .. و الأحلام تتبخر
رد: يا ضايق الصدر { بالله } وسِّع الخاطر
يادروب الحب صيحي .**. ويادموع العين طيحي
يادموع العين طيحي
صرت من بعده جريحِ .**. وقلبي عن غيره تسكر
قلبي عن غيره تسكر ..!!
رد: يا ضايق الصدر { بالله } وسِّع الخاطر
لاتتعبـنـي يـكـفـي الـقـلـب مـجــروح
لاقـلــت احـبــك اسكت...واسـمـعـنـي
ماجيـت ادوّر فيـك لوعـات وجــروح
جيتـك وانــا كـلـي امــل ...تسعـدنـي
جيتك وانـا كلـي احاسيـس ووضـوح
جـيـتــك ابــــي لوساعةٍ...تفـهـمـنـي
والله ماغيـرك سـكـن داخــل الــروح
ولاغيـرك انـت وسـط قلبـي وعيـنـي
والعاشق اللي يعشق بصدق مفضوح
لــو جــا يــرد الـشـوق لازم يبـيـنـي
لاتسالـنـي وش ورى الـهـم والـنـوح
وفــي عــز جــرح القـلـب لاتسالـنـي
ياليتنـي اقـدر عـلـى الـبـوح وابــوح
ان كـان ماشفـتـي الشـقـا محتويـنـي
ياللـي تحسـب الهـوى لعـب ومـزوح
شـوف سـواة العـشـق والـهـم فيـنـي
بعـض الغـرام ايجيلـه ايــام ويــروح
وانــت غـرامــك بالـحـشـا مبتلـيـنـي
لاتتعبـنـي يــادوى الـقـلـب والـــروح
لاقـلــت احـبــك اسكـت...واحـضـنـي
رد: يا ضايق الصدر { بالله } وسِّع الخاطر
يافلان
فقـــدتــك والــزمن مايرحـــم أوجـــاع الحزيـــن ولايــداويهـــا
فقـــدتـك وأنكســـر قلبــــي ومـــدري كيـــــــف تاليهــــــا
فقــــدتك وإنطفـــى فـــرحــــي من الدنيـــــــا ومافيهــــــا
فقـــدتــك آآآآآآآه لو تـــدري حيـــاتـــــي كيـــــــف أقضيهــا
فقـــدتــك وإنــت أغلــــى من الدنيــــا ومافيهـــا
رد: يا ضايق الصدر { بالله } وسِّع الخاطر
وين انت يالحزن ماهي عادتك تبطي
حتى انت يالحزن تبخل في مواعيدك
رد: يا ضايق الصدر { بالله } وسِّع الخاطر
علمتني .! إنّا سوى .! مانفترق حتى الممات
ولو تفترق اجسادنا .! ارواحنا متوالفــــــــــــــه
وعلمتني أن الوفا فوق الظروف القاهرات
وإن المسافه مـاتهم ..! دام المشاعر وارفه
وعلمتني كيف الهوى .! يسري بك بكل الجهات
وتطير بأحلآمك بعيد ...! لو الظروف مخالفه
رد: يا ضايق الصدر { بالله } وسِّع الخاطر
كم ملك صار لمّا عشق يشكي الهوى
بعد ما كان يدفع نوايب .
.
رد: يا ضايق الصدر { بالله } وسِّع الخاطر
الفراق .. الضيق , الحظ .. العَنا ,
- الجروح إللي تجي بليّا ( طعون ! )
.. الظروف , الموت , الحزن , الهَنا ..
الدموع .. الصوت / خلْهُم : يسمعون
إن بقينا ( ثنين ) . وكل شي – ضدَّنا !
: الصبر . . . كثر الأمل : ما ينفعون http://www.u3u2.com/vb/images/smilies/smile.gif
رد: يا ضايق الصدر { بالله } وسِّع الخاطر
رد: يا ضايق الصدر { بالله } وسِّع الخاطر
يا [ حزيّن ] .. قُوّم نَم ْ..
كَآفِيّ فُوقّ الهَم ْ
هَمْ ..!
كَآفِيّ نِقطّف مِنّ حَنيّن ..!
كَآفِيّ .. نّسّرِفّ
بِـ .. " الأنِيّنّ " ..!
وكُلّ مآفِيّنَآ سأمْ ..!
رد: يا ضايق الصدر { بالله } وسِّع الخاطر
الناس بالنـاس مـادام الحيـاة بهـم
والـسـعـدُ لاشـــك تـــارات وهــبــات ُ
وافضل الناس مابين الـورى رجـل
تُقضـي علـى يـده للنـاس حاجـات
لاتمنعـن يـد المعـروف عــن احــد
مـادمـت مـقـتـدراً فالـسـعـدُ تـــارات ُ
واشكر فضائل صنع الله اذ جعلت
اليـك لالـك عـنـد الـنـاس حـاجـات
قد مات قوم وقـد ماتـت مكارمهـم
وعاش قوم وهم في الناس اموات
رد: يا ضايق الصدر { بالله } وسِّع الخاطر
حـار الكـلآم بداخلـي ماتكلـمـت
كـن الكـلام يزيـد هـم المحانـي
أشيـاء واجـد تـو منهـا تعلمـت
اشره على نفسـي وآعانـد زمانـي
درس الزمن خذيـت منـه وتفهمـت
يآكثر مـا أخـذ منـي ولآ عطانـي
رد: يا ضايق الصدر { بالله } وسِّع الخاطر
تدريً متىْ [ العَبره ] تجيً غـــيضْ وتحيْرً ؟!
و أحســـها بِـ حلقي { سوآآآآة آلقزآزهـ } ؟
لآجيْيْيْيْيْيْت ..~ْ تنشدني عن آالحآآلْ ،‘ ونُصيرً
مِثْلً ..{ آلقتيْيْيْيْيْيْل وقآتلـٍـٍٍٍـٍـٍه بِـ آلجنازهـ .!
رد: يا ضايق الصدر { بالله } وسِّع الخاطر
الضيقة اللـي دايـمٍ تالـي عصيـر
...وش حيلتـي وأردهــا لا تجيـنـي
لا طال ظل العود حزة عشـى الطيـر
....كنها على سجـن الحديـد تحدينـي
يضيق صدري كل ما جـات وأسيـر
....ولايخفـف سـوج رجلـي حنينـي
لا حولنا مشـراف ولا اقـدر اطيـر
....يالله قسـمـة خـيـر لا تبتليـنـي
وعقارب الساعة توقف عن السيـر
....ولاكن في الدوحة سواتـي حزينـي
والعبره اللي تاصل الحلـق وتحيـر
....يا قربها لو قيـل لـي يـا عوينـي
أمل شـوف النـاس ورد ومصاديـر
....واللي يقول اشفيـك كنـه يهجينـي
يعني على ما قيل من بـاب تصويـر
....(لاحدٍ أبي قربـه ولا أحـدٍ يبينـي)
أروح أدور خـط مـابـه دواويــر
....وأدور الـلـي هـادهـا تهتديـنـي
وآخذ مع الهاجـوس سجـة وتفكيـر
....وأراجع اللـي فـات بينـي وبينـي
وأحسـب ذنوبـي وأدور التكفـيـر
....عساي مـا قصـرت فـي والدينـي
وعساي ما قارنت من ينفـخ الكيـر
....واللي يحمل المسـك جعلـه قرينـي
ويطري علي يوم الحشر وأطلب مجير
....ما أعطى كتابي في شقيقـة يمينـي
ويطري علي صدقان كثـر الدنانيـر
....اللـي اتعادينـي إلا كـثـر ديـنـي
وراعي الهروج اللي سوات المناشير
....أصـد عنـه وأدري انـه يعنيـنـي
الله حسيبه يـوم عـرض القواويـر
....والله حسبـي مـن صـواب مكينـي
وإلا طرالـي واحـد كانـه اصغيـر
....أم أصغـر بيومـيـن ولا سنيـنـي
دريت وش قومـي وعينـت تفسيـر
....للضيقة اللـي مـن زمـن تعتلينـي
حبه بصدري سالفة سـر فـي بيـر
....وكـن الفـواد يقـول هـذا زبينـي
أشفق على علمٍ يجي منه مـن غيـر
....لا يسمع اللي سولفـوا بـه ونينـي
يا كثرهم غيرهم ولكـن خبـر خيـر
....ما غير شوفه في الوجـود يهنينـي
رايي كـذا يـا عاشقيـن الغناديـر
....ماله على وجـه البسيطـه وزينـي
العام أجيهم مـن حسـاب المساييـر
....واليوم حـال عـداي وينـه ووينـي
خطاي تعليق الأمـل فـي المدابيـر
....اليـن راح وشفـت حقـري بعينـي
صبرٍ جميـل وخابـر إنـه مقاديـر
....والله على تخفيـف حزنـي عوينـي
ذي حالتي لين اتغبا الشمس واصيـر
.....معطى سراحي عقب مانـا سجينـي
واذا امتلى جوف الشجر بالعصافيـر
....طلبـت مـن رب العبـاد يهديـنـي
يعتقني المذن عقب ضيقـة عصيـر
....اللي على سجـن الفـراق اتحدينـي
رد: يا ضايق الصدر { بالله } وسِّع الخاطر
توصي شي انا بكره مسافر وابي الليله اسافر قبل باكر
رد: يا ضايق الصدر { بالله } وسِّع الخاطر
اقتباس:
المشاركة الأصلية كتبت بواسطة فتاة الأمجاد
توصي شي انا بكره مسافر وابي الليله اسافر قبل باكر
أوصّيك الدُّعا لأمي ،،، بإنّ الله يحفظها
ويعطيها عمر أطول ،،، ويبقيها ويسعدها
وتاج الصحه تنعم به ،،، وماتفارقها بسمتها
وتهنى بالرضا دايم ،،، ولاتشقيها دنيتها
رد: يا ضايق الصدر { بالله } وسِّع الخاطر
لو مابيدك شئ يكفـي لك اشكــــي
يكفي تروح بكلمتك ضيقة البــال
ويكفي تحس بضيقتي دون مااحكـــي
ساعات احس اني مع الناس في حال
وساعات اضحك من قسى الوقت وأبكي
لو شفت في عمري هموم وغربـــال
فيك الحـــنان بصــادق الحــب يحكــــي
دنيا مشاكلها على كل مـــــوال
