@@((للحــب عنــــوان)) ..,, قصـــه حلـــوة @@

--------------------------------------------------------------------------------


ثاني: ابا اشوفج بشعرج ولبسج..
إيمان فجت عيونها مب عارفه شو تقول له..
ثاني: لا تقولين لا دخيلج.. طلبتج.. انتي قلتي تم لا ترديني..
وتم يترجاها ويحن على راسها.. لين ما وافقت بس قال لها راح يحجز غرفه في البستان .. وفعلا ساروا البستان وحجز غرفه ودخلوا الغرفه..
ثاني: فديييييييت ذالويه..
إيمان: انزين يلا مافيني اتأخر زود..
ثاني: عاد الي يسمعج يقول مووول هلج حارقين تليفونج..
إيمان وهي تنزل راسها وبحزن: هي والله .. ولا سائلين عني ولا عن حالي..
ثاني وهو يقرب صوبها: فديتج والله..
=-=-=-=
مهير كان منصدم.. وإيمان تصيح من الخاطر: وخطبني بعدها بس هله رفضو.. وماتجرأ يقول لهم عن الي صار لأنه لو قالهم بيرفضون زود وبيعاندون.. وابوي ماوافق عليه يوم عرف ان اهله مب موافقين.. مهير والله اني ندماااااانه وكل يوم اطلب ربي يغفر لي الي سويته .. خنت نفسي وخنت هلي.. هم صح ماكانو ينشدون عني .. بس عطوني كل ثقتهم .. وانا ماطلعت قد الثقة.. آآآآآآه يا مهير .. كل يوم أطلب من الله الموت أكثر عن اليوم الي قبله.. ودي
مهير وهو يقاطعها: بس لا تكملين.. ولا تقولين هالرمسة.. إيمان.. الواحد يغلط بس انتي كيف غلطتي مثل هاي الغلطه.. غلطتي يوم كلمتيه.. بس كيف سمحتي للغلط يكبر..
إيمان: مادري مادري.. وانهارت من الصياح.. حاولت اكثر من مره انتجر بس ترددت على اخر شي.. قلت يكفي اني عصيت ربي.. ليش اخلي الغلط أكبر.. يمكن يوم اتوب ربي يغفر لي ..
مهير: وعشان جي عزلتي نفسج عن كل شي..
إيمان: هيه.. وماعندي حتى رباعه غير ابتسام.. وهاي الوحيدة الي ارمسها..
مهير من سمع طاري ابتسام اكتئب.. وخاف انها تكون سبب لضياع ايمان اكثر من جي.. : وربيعتج تدري بهالسالفه؟؟
إيمان وهي منفعله: لااااااااااا.. مستحيل.. كيف اتجرأ واقول لها.
مهير: وعشان جي كنتي رافضة الزواج؟؟
إيمان: هيه..
سكت مهير ماعرف شو يقول ولا بشو يرد عليها.. احبج يا ايمان مب قادر استوعب الي اسمعه.. اااااااه ياربي شو اسوي.. ..
مهير: والي كان ذاك اليوم وياج هو نفسه؟؟
إيمان: هيه..
مهير وبعصبية: ماكفاه الي سواه فيج.. شو يبا بعد؟؟
إيمان: يقول يبا يصحح غلطته وانه خايف ان ربي يجازيه في بنته
مهير: توه بس خاف.. توه بس افتكر.. ليش مافكر وقتها...؟؟؟ إيمان.. صحيح اني ماخليت بنت مارمستها ولا كنت وياها.. بس وربي العالم اني في حياتي مامسيت عرض بنت ولا شرفها.. لأني عارف اذا سويت شي.. ربي فوق وبيجازيني في هلي.. وان رمستهن لأنهن عاقات اعمارهن علي فمب هامني... يوم انها تبا انا مابقول لا.. ريال ماقدر ايود عمري.. بس انتي غير يا إيمان.. ولا تحسبين بعد الرمسة الي قلتيها راح تغير نظرتي فيج.. ولا راح تتقل جيمتج عندي.. بالعكس.. إيمان انتي كبرتي في عيني ماتصورين لأي درجه.. وبعدني مصر وأباج بغض النظر عن ماضيج.. انتي لج ماضي. . وانا لي ماضي.. مافي انسان خالي من العيوب.. بس العيب يوم الإنسان يستمر في هالعيب ويتمادى فيه..
تمت إيمان ساكته.. بس ارتاحت من رمسته.. وتفائلت.. وارتسمت ابتسامة على ويهها .. حست ان بعدها الدنيا بخير..
وتموا يرمسون بعض الين ماطلعت الشمس وبندوا عن بعض..
=-=-=-=
في بيت بوسلطان..
الكل سار رقد في بيت بو سلطان.. خوات عبدالله رقدوا.. الا مها الي ماكان يغمض لها جفن.. كان طيف امها مب مخلنها في حالها.. كل شوي تتذكر موقف لها ويا امها. خصوصا ان امها كانت تبوسها قبل لا ترقد.. وتحس انها مفتقده لأمها وايد... وينج يا امييي.. ودرتيني برووووحي.. مابا حد اباج انتي.. ليش ماخذتيني وياج؟؟؟.. تقولين انج تحبيني..كيف تتركيني وانتي تحبيني.. صدت صوب وفاء شافتها راقده .. نشت من مكانها وظهرت من الغرفه وكانت لافه شيلة الصلاة على عمرها.. وتمت تتمشى في الصالة .. ونزلت تحت ... وسارت صوب المطبخ.. فتحت الليت شافته فاضي.. تمت تتأمل حواليها.. تذكر امها يوم كانت في بيتهم تطبخ وهي تدخل وتخرع امها وتلعوزها.. ااااااه ربي يرحمج يا يما..
كانت تحس بيوع.. بس ماتعرف شي في المطبخ .. تمت تحوس وتدور في الكبتات.. وترمس عمرها بصوت واطي..: أحين لو كنتي هني يامي.. بتخليني ادور جي.. لا لا لا.. أكيد كنتي بتسوين لي الأكل ومابتخليني اهبش شي.. بس لا انا لازم اساعدج مب زييين اخليج تشتغلين روحج... ليش ماوراج بنت.. هههههه.. بس دوم كنت تقفطيني عند ام ناصر يارتنا.. الله يسامحج..
كان احمد في هالوقت يالس في الحديقه الي صوب المطبخ.. وانتبه لليت يوم فتح.. تحسب حد من اهله.. مشى صوب المطبخ وكان يحس بصوت.. لين ماوصل عند الباب وشاف مها وهي تدور في الكبتات ومعطته ظهرها وترمس... تم يتأملها.. كسرت خاطره.. عورت قلبه.. حس بالنقص الي كانت تحس به.. حط نفسه في موقفها وماقدر يكمل تفكيره.. سكت وقرر انه يهون عليها شوي
أحمد: احم احم..
مها زاغت في هاللحظة.. وكانت ميوده كوب.. ومن الزيغه طاح من ايدها وانكسر.. وصدت وراها شافت احمد.. انحرجت.. : سوري والله مم.. ب..

احمد يقاطعها: طاح الشر.. ماحصل الا كل خير.. بس ابتعدي عن تدوسين الزجاج وتنيرحين..
مها وهي تبتعد .. ولأن المكان كان ضيق شوي.. يوم خطف احمد كان قريب منها وااااايد.. حست بشي غريب في قلبها.. صدت وعطته ظهرها وحطت ايدها على قلبها وتمت تتحسس نبضاته.. شمت ريحة عطره وهو خاطف حذالها.. حست بالروح تنرد لها.. ابتسمت غصبن عنها.. وتم احمد يلم الزجاج ونظف المكان..
أحمد: خلاص المكان آمن ألحين..
ابتسمت مها وتمت منزله راسها.. لاحظت في أحمد شي غريب.. نظراته.. طول الوقت وهو عيونه تحت ماتجرأ يرفع عينه ويطالع في عيونها
يعني أحمد رياااااال بمعنى الكلمة و ياريت كل الشباب مثله.....هالجمله ربيعتي أسووم كتبتها.. مسويه حشره الا اونها تشاركني في القصه ولو بجملة.
أحمد في هالوقت استانس يوم انه قدر يخليها تبتسم على الأقل ويطلعها من جو الحزن الي هيه فيه .. : خلاص عيل حاسبي مره ثانيه.. تصبحين على خير..
مها وهي متردده .. لأنها صدق حاسه بيوع.. وتبا تاكل شي.. بس مب عارفه وين ممكن تحصل الي تباه في المطبخ: انزين انا يوعانه..
ابتسم احمد وصد صوبها شافها ياسه ع كرسي في المطبخ وتلعب بالكوب تحرك صبعها على أطراف الكوب.. تم يتأمل صبعها الصغير وابتسم.. : شو في خاطرج تاكلين من برع بييب لج..
مها: ها.. لا لا لا.. مابا شي شكرا.. بس مادل شي في المطبخ.. روحي بسوي لي ..
أحمد: عيب .. انتي ضيفة عندنا ونحن الي لازم نخدمج.. يوم بتكونين في بيتكم روحج سوي ..
مها تمت ساكته.. ومب عارفه شو ترد عليه..
أحمد: يلا قولي تبين اسوي لج سندويج في البيت..
مها: لا روحي بسوي بس انت دلني وين..
أحمد: خلاص عيل انتي الخسرانه بيفوتج سندويج أحمد.. افتحي هالكبت اشر صوب الكبت.. بتحصلين فيه الصحون.. وفي هالثلاجه اشر صوبها.. بتحصلين الخبز والجبن وكل شي تبينه..
مها وهي تضحك: لا خلاص انت سو لي.. بجرب سندويج أحمد.. بس هااا مب تسممني عشان تخليني اطلع من حجرتك..
أحمد: اوه كيف عرفتي..
ابتسمت مها ونزلت راسها.. وسار احمد وفتح الثلاجه وطلع الخبز والمرتديلا والجبن والمايونيز وخيار مخلل وخس.. وتم يقطع الخس والخبز.. ومها طول الوقت تتطالعه وتتأمل ايديه وهو يشتغل وكانت صدق تحس بيوع اكثر من قبل.. تم بطنها يطلع صوت عالي بحيث انتبه عليه احمد.. رفع راسه وضحك.. وحست بإحراج: لهالدرجة يوعانه؟؟..
مها: ترا ماتعشيت..
تذكر أحمد يوم شافها وهي نايمه ولامه بعمرها يوم دخل الغرفة: ابتسم وهو يتذكر شكلها..
مها: انزين ممكن يالشيف أحمد تخلص الساندويج بسرعة..
أحمد: اقول اطلعي برع..
مها فجت عيونها مستغربه.. بلاه يروغني..
أحمد: انتي توترين أعصابي بتخربين الساندويج..
مها: الله الله .. مادري شو من ساندويج هذا ولا ماكدونلدز..
أحمد: شوووو ماكدونلدز.. اصلا لو يدرون عن الساندويج مالي بيترجوني اعطيهم الوصفة عشان يسوونها عندهم..
مها وهي تتطالع بسخرية: هيييييه صح صح..
أحمد: شو قصدج؟
مها: ها .. لا ولاشي.. أسوي سوالف << خسج الله يا أسوم علمتيني عليها..
وتم احمد يسوي الساندويج إلا به يسمع حشره .. رفع راسه ويشوف غزلان واقفه وهي حاطه ايدها على خصرها... : ماعليه من ورايه كل هذا.. أحين بخبر..
مها من شافت غزلان ارتبكت وخافت عن غزلان تفهم الموضوع غلط.. تمت منزله راسها..
غزلان صدت عن احمد اونها بتدخل البيت واحمد مصدوم يطالعها يتحراها صدق بتروح.. بس غزلان على اخر شي غيرت رايها.. وردت صدت صوبهم وتمشي صوب مها: اصلا انا غبية.. لو اسير اخبرهم مابحصل سندويج منك.. يلا اشوف سو لي ساندويج لو سمحت.. ولا تنسى اتسوي اسبيشل ساندويج للضيفة الي عندنا.. يلا..
أحمد تم يسوي الساندويج وساكت يطالعها من تحت لين تحت ومغيض منها.. وهي ميته من الضحك.. قربت من مها وبصوت واطي: رياييل مايون الا بالعين الحمرا..
أحمد: جني سمعت شي..
غزلان: لا اشاعه ..
مها: هي هي اشاعه..
أحمد: شكلكم اتفقتوا علي.. افااا يا مها.. قاعد اسوي لج ساندويج أحمد الإسبيشل..الي ..
مها وهي تقاطعه..: ماكدونالدز.. الي لو عرفوا عن وصفتي..
غزلان وهي تقاطع مها وتكمل: بيترجوني أعطيهم الوصفة عشان يسوونها عندهم..
والكل تم يضحك هني..
مها: عيل شكله ذالنكم عليها لأنج حافظة العبارة..
غزلان: اووووه شو مب ذالنا.. تقولين محد يسوي ساندويجات غيره..
مها: يبالي مره اسوي لكم اكله من الأكلات الي اعرفها.. بتاكلون صبوعكم وراها..
أحمد: لا دخيلج.. مابا اكل صبوع ولا شي.. ابا اكل اكل بس..
الكل: هههههههه..

وجهز أحمد الساندويج وتموا ثلاثتهم ياكلون ويسولفون.. ومها ارتاحت شوي .. حست ان هالقعدة خففت عليها.. حست من بعد هالقعدة ان هي فعلا مب بروحها في هالدنيا.. عندنا حواليها ناس يهتمون بها حتى لو انهم مالهم صلة بها.. وتموا ياكلون ويضحكون.. بس كان شي واحد مضايق مها.. ان طول الوقت احمد يطالع غزلان او يكون منزل راسه.. ومايطالعها ابد.. افففف ياربي.. هالكثر انا اخرع يعني مايبا يشوفني.. شو ها.. ؟؟.. شو يتحرى عمره بموت على شوفته.. احسن احسن لا يطالعني بغص بعدين.. اوهوو انا بلاني شو قاعدة اخربط.. بدال ما استانس ان الريال محترم .. ياسه اتحرطم..
مها: يلا عيل انا خلصت عشاي بسير ارقد عن تنش وفاء وماتحصلني وتحاتي..
غزلان: هيه انا بعد بيي برقد عندكم عادي..
أحمد وهو يقاطعها: لا مب عادي.. ماسمح لج ترقدين في غرفتي.. بس للضيوف مب لج
غزلان: خلاص ماعادت غرفتك.. اسأل صاحبة الغرفة انا.. ممكن..؟؟
مها: غصبن عنج لأن مالي غناة عنج..
غزلان: ويوووو..
وطلعت مها وسارت صوب الغرفه عشان ترقد.. تمت غزلان ويا احمد في المطبخ.. وكانو ينظفون المكان..
أحمد: مافيني تنش كارتيني وتشوف الفوضى هاي.. بتسوي لنا حفلة..
غزلان: هههه خدامه مسوية رعب لكم..
أحمد: شفتي كيف..
وسكتوا شوي.. وصدت غزلان صوب احمد..: عايبتنك؟
أحمد: مينونه انتي.. شو بيعيبني فيها..
غزلان: ليش شو ناقصنها.. بالعكس كل من يشوفها ينعجب فيها
أحمد: هههه يمكن ريلج ينعجب بها بس انا لا.. شو ابابها عيوز..
غزلان: لحظه لحظه.. منو الي تطري عيوز؟
أحمد: اول شي انتي تطرين منو؟؟
غزلان: ههههه لا يكون تحراني ارمس عن كارتيني
أحمد: هيه..
غزلان: هههههههه.. وحليلك.. لااااا.. انا اقصد مها..
أحمد من سمع طاري مهى استحى وابتسم..
غزلان: اونك عاد مستحي.. صدق صدق.. شو قول..
أحمد: الصراحه دشت خاطري من اول يوم شفتها..
غزلان: شو رايك تخطبها بعد ما يمر فتره على وفاة امها..
أحمد تم يطالع غزلان مستغرب.. : شووو
غزلان: أحمد.. لا تفرط في البنت.. مها بنت وااااايد زينه.. حنونه وطيبه.. وتستاهلك اكثر من ..
أحمد بس لا تطرينها..
غزلان: انزين فكر في الموضوع.. انا بسير ارقد.. تصبح على خير..
أحمد: وانتي من اهل الخير..
ظهرت غزلان وتركت أحمد في دوامه أفكاره .. تم مبتسم.. متقبل الفكره ويحس براحه لها..
=-=-=-=
في المستشفى..
كان عمر مع وليد واقفين عند باب غرفة الطوارئ يتريون الدكتور يطمنهم.. وطلع لهم الطبيب بسرعه ساروا صوبه..
وليد: ها دكتور شحال ابوي؟
الدكتور: قولو الحمد لله انكم وصلتوه بسرعه.. كان بيتعرض لأزمه قلبية قويه لو تأخرتوا عليه شوي..
ارتاح عمر يوم سمع هالرمسه وتم يحمد ربه.. : انزين نقدر نشوفه دكتور
الدكتور: يفضل لا.. خلوه يرتاح شوي.. لأن اي انفعال بيعرضه لخطر من يديد..
وليد: عيل خل نرد البيت وباجر بنرجع عنده.. وانطمن الأهل في البيت
عمر: خلاص اوكي.. يزاك الله ألف خير دكتور وماقصرت..
الدكتور: واجبنا..
راح عمر مع وليد وركبوا الموتر صوب البيت.. وليد كان متضايق من الخاطر.. طبحة أبوه.. ومشكلة عمر ومنى.. وكل هذا حس براسه ثجيييل..
وليد: انتوا ماتعرفون تضاربون بعيد عن ابوي..
عمر وبعصبية: هي الغبية سايره تتشكى عند ابوي.. تبا تطلق اونها وسايره مرمسه ابوي وهو تضايق..
وليد: لا إله إلا الله.. وليش انت شو مسوي..
عمر: لأني فكرت اشوف نفسي شوي.. كل هذا صار..
وليد: مافهمت..
عمر: وان قلت لك مابتفهمني.. انزل.. خل ندخل وانطمنهم.. وانا بسير اكمل شغلي.. أدبها..
وليد وهو يحط ايده عجتف اخوه.. :يكفينا الي يانا.. مانبا الدور يكون على امي.. تعرف امي كيف تحبها؟؟.. ماتباها ودها بيت اهلها و..
عمر يقاطعه.. : اخليها.. تحلم.. بعد الي صاب ابوي.. لازم ادبها ومن باجر هي وورقتها في بيت امها..
وليد: الله يهديك مب زين..
عمر : مالك شغل..
نزل وليد ودخل قبل عمر وطمن اهله.. وسار عند نوره يطمن عليها..
وليد: انتي كيف نشيتي من على الكرسي..
نوره وهي مبتسه: مادري.. مستانسه والله مستانسه.. قدرت اوقف على ريولي.. ومشيت كم خطوه وطحت.. قدرت امشي قدرت ..

وليد وهو يبوسها على راسها..: هالدكاتره جذابين اونه ماشي علاج.. من باجر بنوديج العلاج الطبيعي اكيد بيفيدج وبترومين تمشين..
نوره : ياااااريت.. أكمل دراستي . وأكون شرات الناس مافيني شي..
عهود وهي تحضنها: ان شاء الله..
ودوا نوره غرفتها عشان ترقد وتطمنوا على ام عمر الي كانت صدق متضايقه وملامحها متغيره.. حاسه بضيق.. مهما يكون بوعيالها يتضارب ويا ولدها العود وايد كبيره وصعبه انها تتقبلها..
عمر من نزل من الموتر سار غرفته دون مايعبر هله الي كانو في الصاله..
أم عمر: الله يهديك بس..
نوره: عمري ماتوقعت اشوف عمر بهالطريقه..
أم عمر: لا يا يما يا نوره.. لا تخلين الي صار يغير رايج في أخوج..
نوره: غامضتني منى..
عهود: هيييييييييه.. شو بيسويبها احين..
وليد: الله يستر.. والله رمسته وقلت له .. بس راسه يابس عنيد هالإنسان..
..
في الغرفة
عمر: مسوية عمرج راقده .. منى.. نشي لي حساب وياج بعدني ماصفيته..
نشت منى وقعدت على طرف السرير.. وكانت عيونها منتفخه من الصياح.. وتقرب منها عمر وقف يدامها وقبضها من ايدها وقومها عشان توقف جباله.. تم يطالع عيونها شاف حزن كبير فيهم.. شافهم كيف هلكانين من الصياح.. لو لهالعيون لسان لا نطقت بالتعب الي تحس به.. حط عينه في عينه.. وكان يحس بغضب في داخله وده يضربها ويذبحها بس مب قادر .. حس هالعيون الي يشوفهم تترجاه بطريقتها.. ماقدر يسويبها شي.. يلسها على السرير وصد عنها.. وسار صوب الحمام..
عمر: بسير اسبح.. وانتي لمي اغراضج بوديج بيتكم.. وباجر ورقتج بتوصلج.. ودخل الحمام
منى وقتها حست كأن حد صب عليها ماي بارد.. شوووووو.. بيطلقني.. يعني فضلها علي.. اااااااااااه.. ليش.. ؟؟ .. وبدت تصيح بحرقه اكبر.. صح انها كانت تبا الطلاق بس ماكانت متصوره انها بيطلقها بهالسهولة.. آآه ياربي.. ليش ليش؟؟..
ونشت بدت تلم اغراضها.. وطلع عمر.. وشل شنطتها ولبست عباتها وشيلتها.. وركبوا الموتر.. محد شافهم وهم طالعين لأن الكل كان ساير يرقد.. ومنى طول الدرب ساكته ولا ترمس.. ولا عمر نطق بأي كلمة.. من وصلت عند بيت أبوها.. تيمعت الدموع في عينها.. وحاولت تتمالك عمرها بس ماقدرت.. وبصوت مبحوح: الله يوفقك في حياتك..
تم عمر ساكت وحس قلبه مقبوض.. وده يصرخ ويقول لها لا.. تعالي.. أحتاج لج.. اباج .. لا تبتعدين عني.. بس شي يمنعه.. مايدري حبه لخوله.. ولا خوفه انه يعذب منى زود ماعذبها..
وماقدر عمر يرد البيت.. تم يحوط في الشوارع .. لين سمع اذان الفير وقف عند اقرب مسيد ونزل صلى الفير وبعدها رد يحوط بموتره مايعرف وين يسير.. بس الي كان يحسبه انه قاعد يدور حول المنطقة الي ساكنه فيها منى..
وعالساعه 7.00 سار المستشفى عند ابوه.. ودخل عليه.. كان ابوه راقد.. تقرب من ابوه وباس راسه.. ويلس حذاله.. وقابض ايد ابوه ويبوسها ويصيح.. : سامحني يابوي.. انا السبب انا.. سامحني..
وفي لحظتها حس بإيد ابوه تشد على ايده رفع راسه شاف ابوه فاتح عيونه ويطالعه.. باس راسه...:سامحني ابوي.. سامحني..
بوعمر وبصوت يملئه التعب.. : بسامحك بس لا تعذب البنت زود.. يكفي اني السبب في حرمانها من الي تحبه.. وغصبتها على شي ماتباه.. دخيلك ريح ضميري.. خل البنت تشوف حياتها..
عمر: وانا هذا الي سويته وديتها بيتها.. واليوم بسير المحكة.. وبطلقها
غمض عيونه بوعمر ونزلت منه دمعه غصبن عنه.. احساسه بالذنب ملاحقنه.. تذكر لحظتها أحمد الي كان يترجاهم.. تذكر شكله وهم يهزبونه ويطردونه من البيت.. فتح عينه وصد صوب عمر.. : عمر طلبتك..
عمر: آمرني يابوي..
بوعمر: ودي اشوف الي خطب منى قبل.. ابا اطلب السماح منه على الي ياه منا.. مابا اموت وهو شايل بخاطره علينا

تم عمر يطالع ابوه مستغرب.. شو ذكره بهذا.. وحس بداخله بغيره.. حس كأن هالإنسان بياخذ عنه منى.. لا.. لا يابوي اطلب شي غير هذا.. بس مايقدر يرفض طلب ابوه .. : ان شاء الله
غمض بوعمر عيونه من التعب ورقد.. ونش عمر عشان يرد البيت ويبدل ويسير المحكمة ويطلق منى.. ويشوف كيف ممكن يحصل أحمد.. واييبه لأبوه..
وهو في الدرب كان يتذكر اللحظات الي كان عايشنها مع منى.. كانت من احلى ايام حياته..
=-=-=-=
خوله: ههههههه.. فديتك ياربي.. كل هذا لي؟؟
بومبارك : لو تبين نظر عيني مايغلا عليج..
بومبارك تاجر كبير في مجاله.. له مكانته.. انسان كبير شوي في السن بس الخير الي عنده يغض النظر عن العمر ومن شاف خوله دخلت خاطره.. وخوله بدهائها قدرت اتسيطر عليه وقرر انه يتزوجها بالسر.. واهل خوله وافقوا يوم شافو خوله موافقه.. وكان مغرق خوله بالهدايا والفلوس وهالشي الي خلا خوله متمسكة فيه.. طبعا بومبارك عياله كبار.. مبارك توه متخرج من بريطانيا.. يعني عدى عمره ال40..
خوله: انزين.. انا اليوم بسير الصالون تعرف مابقى شي على العرس..
بومبارك: هي ياني متشوق لهاليوم..
خوله: هههههههه.. انت خلصت حجزت لشهر العسل.. ترا قلت لك غير استراليا ماقبل
بومبارك: لج مني احوطج من الشرق لين الغرب شو تبين بعد..
خوله وبفرحه: والله.. فديييتك ياربي.. لاخليت منك
بومبارك: ولا منج ياعيون بومبارك..
....
=-=-=-=-=-=-=-=-=-=-=-=-=
في بيت أم عادل
عادل كان يالس ويا امه قبل لا يروح الدوام.. دشت عليهم اميره بإبتسامه وتقربت من امها وباست راسها..
أميره: صباح الخير يا أحلى ام في الدنيا
أم عادل وبفرحة: صباح النور.. شو ريلج بيمر عليج اليوم
أميره: هيه امي من بعد اذنج
أم عادل:سيري فديت روحج بحفظ الله
عادل تم يطالعهم ويبتسم..
أم عادل: شفيك شاق الحلج
عادل: ههههه حرام
أم عادل: لا بس مب من عوايدك
عادل: هههه شواسوي من فرحتي .. ياحلاتكم وانتوا جي.. موول ماحب اشوف الكدر الي كنت اشوفه من كم يوم
أميره: ولا بتشوفه من اليوم وساير.. صدق امي رمسي خالو اليوم.. ولا ترا انا برمسها
ام عادل: هههههه .. اناوافقت بس بشرط
أميره: اشعلييييج عروس وتشرطين..
أم عادل: ههههه .. مابا اعرس الا بعد ما انتوا تعرسون
أميره وهي تبوس راس امها: خلاص انا موافقه
عادل: الي يسمع موافقتج مهمه المهم المعرس يوافق..
أم عادل: ويه مابيوافق يحفظه الرحمن..
أميره: ياعيني ياعيني مانروم على الخقاقين..
الكل: هههههههه
=-=-=
ومرن أربعة أيام من طلق عمر منى.. وهي كانت عايشه في بيت ابوها.. ومهى قامت شوي شوي تتقبل فكرة وفاة امها .. ووجودها في بيت بوسلطان خلاها شوي تخفف من تفكيرها .. ونفس الشي خواتها.. بس حست وجودها في بيت بوسلطان قربها من احمد أكثر.. كانو اذا يقعدون في مكان لازم كل واحد فيهم يطالع الثاني خلسة.. وعبدالله كان مرتاح لهالتغيير الي طرى على خواته .. وجواهر كانت اكثر وحده فيهن حزينه لأنها مااشافت امها قبل وفاتها كانت في الجامعه.. وطلبت من عبدالله ان البنات يردن بيتهم لأن مب حلوه يتمون هالكثر في بيت بوسلطان... بس أم سلطان حلفت على عبدالله مايظهر خواته غير يوم يخلصن امتحانات نص السنه لأن مابقى شي عليها.. وعقب بكيفه جان يبا يردهن البيت.. عمر كان من بعد طلاقه يدور على أحمد وسأل عمه جاسم الي سأل ام عارف وقدروا يعرفون كيف اييبونه.. وعمر كان يحاول في هالأيام يتصل في خوله .. بس كانت مغيره رقمها وقاطعه الجديم.. اتصل في خلود بس كانت ماترد عليه.. استغرب من هالشي.. وتم يحاتي.. كان مستانس انه بياخذ الإنسانه الي يباها.. وبيعيش وياها.. وحاط اماله على هالشي.. بس كل شي تغير .. يحس بخوله قاعده تبتعد بس مب فاهم ليش.. << مايدري ان خوله بتعرس بالخميس..
وإيمان .. تعلقت بمهير وايد.. خصوصا بعد ماصارحها انه يتريا الأمور تهدأ.. ويصلح الأوضاع بين اهله واهل بوعمر عشان يخطبها.. وهالشي الي عطى ايمان امل يديد في الحياة.. وعلقها بمهير
منى من يوم ما تطلقت من عمر .. كانت اذا بتسير اتزور عمها تسأل بالأول اذا عمر موجود أو لا.. لأنها ماتبا تجابله.. ولا تشوفه.. وام عمر تعبت شوي من بعد طلاق عمر ومنى.. وكانت متضايقه.. منها من رمسة الناس.. ومنها من حال منى .. وبوعمر.. حست ان البيت صار فيه خلل.. مب عارفه شو سببه.. او من وين بدايته..
وليد كان يودي نوره المستشفى وقال لهم الي صار.. وفعلا حاولت مره ثانيه في قسم العلاج الطبيعي انها تمشي قدرت فعلا انها تمشي خطوتين وماقدرت اتكمل.. فعطاها الدكتور كورس للعلاج الطبيعي طلب منها تواضب عليه وكانت نوره من الخاطر مستانسه على هالشي.. حست ان الله عطاها فرصه ثانيه للحياة ..
..

عمر قدر اييب رقم أحمد.. فإتصل فيه
أحم كان يالس في هالوقت وياهم في الصالة.. رن تليفون شاف الرقم غريب.. استغرب.. رد على الرقم: الووو
عمر: السلام عليكم
أحمد: وعليكم السلام ورحمه الله ..
عمر: احمد ؟
أحمد: هي نعم احمد وياك.. منو الأخو..
عمر: وياك عمر علي..
أحمد من سمع اسم عمر انقبض قلبه.. مايدري ليش.. بس ما قادر يذكر منو عمر..: حي الله عمر.. بس اسمح لي اخوي ماعرفتك؟
عمر: تذكر جاسم .. اخو ريل ام عارف..
أحمد وقتها تذكر عمر وعرفه.. تغيرت ملامح ويهه.. حس بضيق.. كانت مها في هالوقت ياسه مع غزلان وريم ووفاء.. شافو احمد كيف تغيرت ملامحه ونش يطلع برع الصاله عشان يرمس في التليفون
مها: ريموو وين سار..
ريم : غبية انتي.. شو عرفني مرته انا..
مها: شو مرته.. بسم الله..
ريم تمت تتطالعها بنص عين وضحكت بخبث..
..
أحمد: وابوك ليش يبا يشوفني؟؟
عمر: تعال له المستشفى وبتعرف ..
أحمد: خلاص ان شاء الله.. كلها ساعه بالكثير وبكون عندكم..
وخذ عنوان المستشفى ورقم الغرفه والجناح واستأذن من اهله وسار..
مها : وين سار غزلان..
غزلان: شايفتني اعرف يعني.. ترا حالي من حالج ياسه هني وياج ومادريبه وين بيسير..
مها: ههههههه .. اسميني غبيه
وفاء: توج دريتي بس..
مها: هي هي هي.. سخيفه..
=-=-=-=
وبعد نص ساعه أحمد وصل المستشفى تم واقف تحت يتريا الليفت.. ويلعب بسويج سيارته.. يحس بربكة.. يحس بخوف مايدري شو السبب.. وقف الليفت وطلع صوت الجرس الوقوف.. حس وقتها ان قلبه الي وقف .. فتح باب الليفت.. انصدم من الي شافه.. بس ماحب يعطي أي اهتمام.. خطف من حذالها ولا كأنه يعرفها.. استغربت منى من تصرفه.. توقعت اقل شي انه يسلم عليها بس هو ولا اهتم ولا كأنها موجوده.. تضايقت في داخلها.. بس ماقدرت تلومه.. لأن هي غلطت وتخلت عنه.. وتحس بإن الي ياها كله من دعاوي ام احمد عليها.. نزلت راسها وحست بقلبها مقبوض.. ودها تصيح..
وأحمد راح القسم وصل عند باب الغرفه وتوه بيدق الباب .. الا بالباب ينفتح وكان جاسم عم منى طالع..استغرب من وجود أحمد.. بس ابتسم له وسواله درب عشان يدخل عند بوعمر.. دخل ويحس بالكل يطالعه.. كان بوعمر وجاسم وعبيد اخوان.. وام عمر ونوره ووليد.. الحريم طلعوا من الغرفه وتم احمد واقف منزل راسه .. ومرتبك.. كان قابض ايده بقو كأنه يستعد لضرابه..
بوعمر: تعال يا ولدي.. قرب ..
تقرب أحمد وهو خايف مايدري ليش.. وبحكم طيبته وتربيته.. وان بوعمر ريال مريض وكبير في العمر.. من وصل عنده حب راسه وقعد.. الكل استغرب.. بعد المعاملة الي عاملوه بها يسوي جي.. : الحمد لله على السلامه..
بوعمر وهو يحاول يقبض دمعته .. : الله يسلمك .. ياولدي يا أحمد سامحني..
قبض أحمد ايد بوعمر .. وابتسم له..: الي صار صار.. وانا نسيته.. ومايحتاي تطلب السماح مني..
بوعمر: بس انا حرمتك من سعادتك.. واهنتك وانت في بيتي..
أحمد: بس يا عمي .. انا نسيت كل شي.. وماعاد شي في خاطري.. انا عمر يوم دق لي وقالي انك تباني ماتوقعت هالشي منك.. بس يوم شفت ابتسامتك .. فهمت منها كل شي..
جاسم: أحمد ترا الدنيا حياة وممات.. وماودنا لا غبنا عن هالدنيا يكون أي انسان شايل بخاطره عليها ويدعي علينا بدال انه يدعي لنا.. لأن وقتها محتايين للدعاء.. وهاي الدنيا مامنها فايده..

الجزء ( 65 ) : للحب عنوان
=-=-=-=
ملخص الجزء السابق: طلاق عمر ومنى وتجاهل خوله له.. اعتراف إيمان بكل حقيقتها لمهير.. وصدمتها بخصوص إبتسام.. وتقرب مها واحمد من بعض.. واعتذار بوعمر من احمد.. مواصلة نوره مع العلاج الطبيعي عشان تقدر تمشي بصورة طبيعيه.. زواج خوله بالخميس.. واليوم الأحد
=--=-=
في بيت بوسلطان..
جاسم ريل فدوى.. وهو معصب ويركض ورى فدوى.. وهي تضحك..: تعالي هني.. والله يبالج ضرب.. تعالي أقول لج..
فدوى: هههههههه.. اسمي شكلك يضحك وانت معصب..
جاسم: ااااااااخ.. بس لو تطيحين بإيدي شو بسوي بج.. تعالي هني اقول لج..
الكل سمع صوت جاسم العالي وظهر من غرفته.. مها ووفاء وريم وجواهر واقفات يطالعون من فوق.. وسلطان وأحمد وناصر نزلو من الدري.. وغزلان كانت يايه من المطبخ واقفه في الصالة وتتطالعهم وتضحك..
سلطان: شوفيكم؟؟.. حسكم واصل لين عندي في الغرفه..
جاسم: امسكها سلطان.. خل اتولاها..
ناصر: نعم.. ليش ان شاء الله؟؟
مها وهي تحرطم من سمعت ناصر: ياربي مابلعه ها الإنسان..
ريم: شو سوالج المسكين.. طيب..
مها: جب انتي.. طيب اونه.. خبيث شوفي عيونه..
وفا: بس انتي وهي.. خلونا نشوف شو السالفه
جواهر وهي تمشي عنهم صوب الغرفه: ايا الفضول..
جاسم: اختك.. حامل وقاعده تتركض لي.. ماتستحي.. انت اذا مب خايفه على عمرج خافي على الياهل المسكين الي في بطنج..
أحمد وهو يصد صوب فدوى ومعصب.. كأنه يبا يفرغ غيضه من شي فيها.. : انتي شو مب صاحية؟؟.. مينونه؟؟ .. مستغنية عن عمرج؟؟.. حرمه شو كبرج تركضين ليش؟؟
الكل سكت وقتها.. لأن اسلوب احمد في الرمسه كان كأنه جاد .. ومعصب.. ولو الود وده يضربها.. فدوى تمت تتطالعه مب مستوعبه.. وغزلان تتطالعهم وفاجه عيونها.. وفجأة ضحكت بصوت عالي الكل صد صوبها..
ناصر: الحمد لله والشكر.. مب صاحين الي في هالبيت.. وحده تركض وهي توها حامل.. وحده تضحك.. وباجر الله يعلم..
مها تمت تتطالعه من فوق بنص عين ..: مسكت ماشاء الله .. انت العاقل الوحيد الي هني..
ريم: جب انتي.. فضحتينا غربلاتج..
مها: مادري منو الي بيسمعني احين.. لحظه انا لازم اسوي شي قاهرني رافع لي ضغطي..
ريم: اقول .. وفووي انا بسير الغرفه.. جان بتمين وياها كيفج..
وفا: لا ابوي.. بيي..مافيني هاي بتسوي لنا مصيبه .. بنزول من وراها..
مها: افففف مامنكن فايده..
أحمد حس انه زاد من جرعة عصبيته.. احين اخته شو ذنبها عشان يفرغ غيضه فيها.. نزل راسه .. تم يفكر شوي.. وبعدها رد رفع راسه وتم يطالع اخته وهو يبتسم عشان مايحسون بشي..
ومن عقبها الكل تيمع وتموا يسولفون ويضحكون.. وأحمد خذته السوالف ونسته الموقف يوم شاف منى..
غزلان: اقول.. وين شلة البنات؟؟
ناصر: شوفي جان بتزقرينهم.. لا تزقرين هاي الي ماعرف شو اسمها.. مب الي في الثانويه الي اصغر عنها..
أحمد لا إراديا: مها.. ؟
الكل صد صوبه واستغرب.. يامسرع ماعرفها.. فدوى صدت صوب سلطان وغمزت له بعينه وهو ابتسم لها.. وأحمد حس بإحراج بس حاول يتجاهل الموقف..
غزلان: لا والله.. ليش يعني؟؟ مهوووي شو بلاها..
ناصر: مادري مب بالعنها هالبنت..
غزلان: هههههههه.. ليش أكل هي؟
ناصر: هي هي هي .. مايضحك..
غزلان: مايخصني فيك بسير ازقرها.. وبعدين البنت ماسوت لك شي عشان جي تكرهها..
ناصر: خبله.. شراتج .. من جي تحبينها..
غزلان وهي تتطالع أحمد بخبث:مب بس انا احبها.. كل حد يحبها..
أحمد نزل راسه يته ضحكه في هالوقت.. وتم يحج راسه.. ونشت غزلان عشان تنادي عليهم يقعدون وياهم تحت..
=-=-=-=-=
بيت أم عارف
من وصلت منى البيت.. بسرعه راحت صوب غرفتها.. وكانت عيونها محمره من الصياح.. لاحظت ام عارف عليها وبسرعه راحت وراها تشوف شو صاير..
بس منى دخلت الغرفه وقفلت الباب ولا طاعت تفتح الباب لها.. وفضلت ام عارف تخليها بروحها..
منى : ااااااااه.. ليش ياربي ليييييش؟؟.. ليش حملت منه؟؟.. مابا مابا.. مابا ارجع له.. يوم فرحت اني ابتعدت عنه وارتحت من العذاب.. أشوف الا شي لازال يربطني منه.. يااااااااارب ياكريم.. ارحمني ..
واليوم نفسه اشوف احمد.. شيئين في نفس اليوم.. ياثقلهم علي.. مب قادره اتحمل.. مب قادره.. تعبانه ياربي.. تعبانه..
تمت حاطه راسها على المخده وتصيح.. تذكرت في هاللحظه هند.. حست ان ودها ترمس هند وتوضح لها كل شي صار في حياتها.. يمكن تقدر هند تقنع احمد انه يسامحها ولا يحط في خاطره.. ماكان في تفكير منى ان احمد يرجع لها .. لأنها هي نفسها ماترضى بهالشي.. لأنه ماتحبه.. يمكن شعورها وياه في البدايه كان إعجاب.. ونتيجه فقدان الإهتمام والمحبه في حياتها والي لقته منه ومن اهله خلاها تحس انها تحبه.. لكن الحين تأكدت ان قلبها ماقام ينبض إلا بإسم عمر.. عمر هو الي في حياتها.. نشت .. ومسحت دموعها.. وشربت لها ماي.. وتنفست نفس عميق وشلت التليفون واتصلت على هند.. في أول مره .. بندت قبل لا يرن.. بعدها تمت تتنافض.. لحد اللحظه الي اقتنعت فيها انها تتصل.. واتصلت تم يرن يرن.. بس محد يرد.. وكانت توها بتبند المكالمة .. سمعت صوت
منى: ألووو
هند وهي مصدومه: منى؟؟

منى بصوت مبحوح: هي منى.. اشحالج هند؟


هند حست ان صوتها شي فيه.. وحست من بداية مامنى اتصلت فيها ان في شي مب طبيعي .. : منى.. شفيج؟؟


منى: ااااه يا هند.. وبدت تصيح .. خلاص مب قادره اتحمل اكثر من جي.. ابا اموووت اموووت..


هند: اتعوذي من الشيطان .. شو هالرمسه الي تقولينها.. مب زين..


منى: شو اسوي.. غصبن عني ياهند.. الي انا فيه مب شوي..


هند: هدي نفسج وقولي لي كل الي في خاطرج..


منى: ادريبج كارهتني .. لأن الي صار في ولد عمكم بسببي..


هند وهي تقاطعها:منى .. لا تقولين هالرمسه.. الي صار قدر ومكتوب.. وانتي مالج ذنب فيه.. وانا سمعت كيف ولد عمج عاملج يوم شافج ترمسين تليفون.. ومتفهمه كل شي.. عارفه الي ظروفج..


منى: مالقيت شخص غيرج ممكن ارمسه أو ألجأ له..


هند: اسمعيني.. شو رايج اتيين بيتنا وتقعدين وياي واتطلعين كل الي في خاطرج..


منى: ها.. لا لا .. مستحيل..


هند: شو ريلج مايخليج؟


منى سكتت.. وتمت تمسح دموعها.. وحاسه بضييج في صدرها..


هند: منى.. منى.. وينج؟


منى: تطلقت؟


هند وبصدمه: شوووووووو..؟؟.. تطلقتي؟؟ .. ليش؟؟


منى: ترا عشان جي متصله من الضيق الي فيني يا هند..


هند: اقولج.. انا بيي بيتكم الحين..


منى: لا لا لا.. ماعليه


هند: منى.. قلت لج بييج .. او انتي تعالي بيتنا لو ترومين؟


منى: اروم.. عادي.. بس مالي ويه ادخل بيتكم من بعد الي صار..


هند: شو هالرمسه يا منى.. تعالي ترا مكانتج بعدها محفوظه عند الكل.. ومحد شايل عليج شي في خاطره..


منى: مب قادره اواجهكم..


هند: منى.. اذا تعزيني صدق.. بتيين.. وماعندي رمسه غير هاي الرمسه..


منى: بس..


هند وهي تقاطعها: لا بس ولا شي.. اترياج خلال ساعه ولا ترا انا بييج..


منى وهي تبتسم: لا خليت منج يا هند.. ماتوقعتج تكلميني بهالطريقه..


هند: افا عليج يا منى انتي اختي.. وبعدين ريلي شافج وانتي راده من السفر في المطار.. وحس من ويهج ان في شي مب طبيعي..


منى: ريلج!!!!!!!.. متى عرستي..


هند وهي تضحك: هههه.. تراعشان جي اقول لج تعالي.. وايد سوالف بقولج عنها.. انا ملجت.. وغزلان ملجت.. وعرسي شهر 2 نفس اليوم مع وداد..


منى: والله.. مبرووووووك ألف ألف مبروووك.. تستاهلون كل خير والله..


هند: تسلمين..


منى كان في ودها تسأل عن احمد شو صار له.. بس استحت.. وبندت عن هند عشان تتزهب وتروح لهم البيت.. وقالت لأم عارف.. الي قررت تروح وياها وماتخليها روحها..وبالمره تسلم على ام سعيد .. وتعتذر منها..


هند سارت عند وداد عشان تخبرها.. الي انصدمت بدورها..


وداد: شوفي كيف.. ؟؟.. ظلمت احمد .. والله راواها..


هند: لا تشمتين فيها مب زين يا وداد..ويوم ودرت احمد ترا ماكان في ايدها..


وداد: حاشا لله ماتشمت.. بس اقولج يعني..


هند: الله يوفقها ويسهل عليها.. المهم انا قلت لأمي.. وشكلها تضايقت.. ماتباها تيينا مادري.. شكلها يعني حاطه في خاطرها ولا شي.. لو تروحين ترمسين امي وتقنعينها شوي.. مب حلوه تجابل أم عارف ومنى وهي شالة بخاطرها..



وداد :ان شاء الله.. وانتي شو بتسوين؟



هند: بسير اتزهب.. شو تبيني اجابلها بالبيجامه..


وداد: لا عيل ريلج عادي تجابلينه جي..


هند وهي فاجه عيونها.. كيف وداد عرفت.. ونزلت راسها مفتشله ..


وداد: شو تحريني ماعرف؟؟.. ههههه.. شفت تراني.. زياره امس ساعه 2.30 فليل.. طالعه له جي .. اخ عليج ماتستحين..


هند: هههه.. شو اسوي.. اتصل بي زيغني.. اونه تعالي شوفي ايدي تكسرت ومادري شو.. خلاني ماعرف راسي من ريولي.. ربعت تحت وانا ناسيه اني لابسه بيجامه.. وتم يضحك علي.. وبعدين سهله تشوفينا.. ترا كنا في الصاله..


وداد: ترا من جي شفتكم.. كنت بنزل المطبخ.. ويوم شفتكم من فوق.. هونت..


هند وهي منزله راسها وتحاول تغير الموضوع.. : انزين بسير اتزهب.. سيري رمسي امايه..


وداد تمت تضحك .. ومن ظهرت هند.. : وحليلها عيل ماجكتني انا يوم سويت نفس الحركه..

بو عمر في المستشفى..
عمر كان طول الوقت يالس عند ابوه.. احساسه بالذنب كان وايد متعبنه.. وهالشي الي يخليه دوم يجابل ابوه.. وتجاهل خوله له اتعبه.. وطلاقه من منى.. يحس بضغط من كل مكان.. أفكاره كانت مب مترتبه في راسه.. ابوه كان طول الوقت يراقب عمر..ولاحظ شرود ذهنه وسرحانه..
بوعمر:عمر يا ولدي شفيك؟؟
عمر وهو يبتسم لأبوه..: مافيني شي ابوي.. سلامتك..
بوعمر: انت ولدي.. وانا اعرفك زين مازين..
عمر: شو اقول لك يابوي.. احس نفسي ظلمت منى وايد وياي.. وهي ماتستاهل.. والي ياك بسببي انا وطيشي..
بوعمر: انا خلك مني.. الحمد لله .. صحتي احسن من الحصان بعد..
عمر : الله يطول بعمرك..
وبوعمر: ومنى.. ترا انا يابوك بعد احس بالذنب.. لآني انا الي بديت بظلمها يوم فكرت اني ازوجها لك وغصبتها.. ماقول غير الله يسامحني.. وايد اشيا يا عمر سويتها في حياتي واحس ربي جازاني عليها وانا ولا احس بأعمالي.. إلين هالطيحه فتحت عيوني على وايد اشيا سويتها وندمان عليها.. وملزم اني اصلحها قبل ماموت.. عمك عبيد.. ظلمته .. خذت بيزاته وتحكمت فيهم.. وعمك جاسم بعد.. وأحمد.. وبو مهير.. هالريال الشيبه المسكين.. الي عياله ربوا مع عيالي.. شو سويت به المسكين.. عمر..
عمر: آمر ابوي..
بوعمر: تروم اتييب لي بو مهير؟
عمر تم منزل راسه مب عارف شو يقول لأبوه.. انه بنفسه مفتشل من الي سواه ابوه..
بوعمر: ادري ان مالك ويه تروح له.. والمفروض انا الي اسير لين عند باب بيته واستسمح منه.. بس اباك اتييب لي عنوان بيته .. لو تسأل لي عنه .. اااه.. ربي يسامحني..
عمر استانس يوم ان ابوه بدى يتغير.. وحس هالشي بادرة خير عليهم.. وحس ان هو نفسه قاعد يتغير شوي.. يمكن هالمشاكل الي صارت له فتحت عيونه على وايد اشيا كان غافل عنها.. هالمشاكل خلته يعرف الصح والخطأ.. الا شي واحد للحين ماقدر يدركه.. خداع خوله..
تم يالس ويا ابوه .. وعالساعه 9 ظهر من المستشفى وتم يحوط في الشوارع.. بعدها سار الستي عشان يتعشى هناك..
=-=-=-=-=-=
إيمان ردت البيت وهي معصبه من الخاطر.. ولا رمست حد.. على طول دخلت غرفتها وبندت الباب وراها بقو.. تليفونها ماكان يسكت من كثر مايرن.. يا إما إبتسام.. أو مهير الي كانو يتصلون فيها.. وفي هاللحظه اتصل فيها مهير.. ردت عليه
إيمان: نعــــــــــم؟؟ بغيت شي؟؟ مضيع شي..
مهير: مضيع قلبي عندج.. إيمان.. سمعيني خل افهمج الموضوع.. دخيلج..
إيمان: شو تفهمني.. شووووووووو.. وبدت تصيح.. انك تبا تستغلني.. وخصوصا بعد ماقدرت تعرف كل حقيقتي..
مهير وهو يصرخ عشان تسمعه: انتي وبعدين وياج.. شو فيج؟؟.. للحين ماعرفتي مهير.. مب مهير الي يستغل.. اوكي.. ومهير ريال.. لا قال كلمة.. قدها وقدود.. سمعيني يابنت الناس.. ان فكرت في حياتي استغل بنت.. يحرم علي حليب امي يومها.. وخصوصا انتي.. .. انتي يا إيمان.. ربيت وكبرت وياج.. خواتي كبروا وتربوا وياج.. يعني كأنج من هلي.. وانا مابيي وأذي هلي يا إيمان.. خلاص ماعندي رمسه ثانيه لج يوم انج ماتبين تفهمين السالفه ولا معطتني مجال ارمس.. فالأفضل ابند.. لأني مب متحمل اتهماتج..
إيمان بندت الخط في ويهه وتمت تصيح.. تضايق مهير زود.. بعد هذا كله هي الي تبند الخط في ويهي.. شو تحرى عمرها.. بموت عليها.. ولا بتنجلب الدنيا يعني لو مارمستني.. شو يعني.. نفاااااااااد ينفدها.. الي يابها ياب عشره غيرها..
وبكل قوته فر التليفون على اليدار وتكسر وطاح على الأرض وقعد على الأرض وتساند على اليدار.. وتم مغمض عيونه.. تم يذكر ضحكاتها.. وسوالفها وهي ترمس وياه.. وحسها.. وتم يتخيل شكلها يوم شافها في باريس جاليري يوم كان ويا امه.. ابتسم .. وبعدها إلتم بعمره وتم يصيح... كان حاس بضيق.. أول مره تدمع عيونه والسبب بنت..
إيمان.. كانت في هالوقت تصيح من كل خاطرها.. تندمت على الي سوته في مهير..ليش ماعطيته فرصه يرمس ليش؟؟.. انا ليش جي متسرعه .. يوم اني حسيت بإنسان يفهمني ويتقبلني بالي فيني... اعامله بهالطريقه.. وفي هاللحظه رن تليفونها.. بسرعه شلته.. بس من شافت المتصل تغيرت ملامح ويها للغضب والكره.. وردت..
إيمان: نعم.. خير في شي؟
ابتسام وهي تصيح: ايمان سمعيني دخيلج.. خليني افهمج..
إيمان: لا تفهميني ولا افهمج.. خلاص.. كل شي وضح وبان.. انتي لا ربيعتي ولا اعرفج.. ولا تشرفني معرفتج.. اخر وحده كنت اتوقع عليها هالحركات هي انتي.. واتيين وتسوين هالخياس الي تسوينه لي انا..؟؟.. ليش اخترتيني انا؟؟.. شو شايفتني؟؟.. بنت شوارع.. ماعندي أهل مربيني.. لا يا حبيبتي.. عند اهل وعرفوا يربوني واحسن عنج بعد.. اذا بتقولين انج محتاجه ومن الكلام الفاضي.. ترا بقولج شي.. ياما ناس محتاجين وعلى قد حالهم وأردى من حالتج.. بس مايسون سواد الويه الي سويتيه.. حاشمين اهلهم.. يلا جلبي ويهج.. ولا عاد اشوف رقمج على تليفوني فاهمه.. انسي وحده اسمها ايمان..
وبندت الخط.. وعلى طول اتصلت في مهير.. بس التليفون كان مغلق.. تضايقت زود.. ردت اتصلت مره وثنتين وثلاث.. ولكن نفس الحالة.. التليفون مغلق.. وجان اطرش له مسج
ريح حياتي معك وأرتاح
لا تزيد همي وتشغلني!!
لا شفتني خذ معاك سلاح
صوب على القلب واقتلني!!
وإن شفت دمي بصدري ساح
ضمني وبدموعك إغسلني!!
وإن سألو أهلي علامه راح؟؟؟
قل.. غلطته ليش يهملني!!
=-=-=-=

عمر كان توه طالع من مطعم Uno الي في الستي.. فتم يتمشى في الستي.. وكان مجابل إيكيا.. يبا يصعد فوق من الدري.. وهو عالدري.. كان يطالع على يمينه انصدم من الي شافه.. ماقدر يتمالك نفسه .. من وصل الطابق الي فوق.. بسرعه نزل من الدري الثاني وكان يتخطى الناس عشان يوصل للشخص الي شافه..


ومشى وراها.. كانت خوله..
دخلت خوله مع بومبارك محل إيكيا.. يبون يتشرون لبيتهم.. بس عمر ماستوعب ان هذا ممكن يكون زوجها.. فحط في باله ابوها او اخوها العود.. تم يراقبها من بعيد عشان يقدر يجابلها.. كان حاسه بفرحه من خاطره... تم وراها ويحاول مايتجابل ويه بويه وبومبارك يشوفه ويلاحظ عليه.. بس لا جدوى.. خوله مالاحظته.. تم يمشي وراهم.. لين ماخلصو ونزلوا الباركات.. نزل وراهم.. وتم يمشي من بعيد عشان مايحس به بومبارك..
خوله: ابييييه.. نسيت الجيس في الليفت..
بومبارك: انتي مب صاحيه.. تنسين جيس.. شو الي ماخذ عقلج..
خوله وبدلع.. : منو غيرك يعني.. سير عاد حبيبي هات الجيس..
عمر يوم سمع رمسة خوله انصدم.. الباركات لأنه مكان مفتوح فالصوت كان ينتشر بسرعه من جي قدر يسمعها.. وخصوصا يوم لاحظ الإبتسامه والنظره الي كانت على ويه بومبارك.. ورد بومبارك صوب السنتر عشان اييب الجيس من الليفت.. وعمر استغل الوقت بسرعه سار صوب خوله ومسك ايدها قبل لا تركب الموتر.. وسحبها..
عمر: ممكن تفهيني الي قاعد يصير يدامي احين..
خوله من شافت عمر انصدمت .. ماقدرت تنطق.. حست ان لسانها انبلع.. وفي نفس الوقت خايفه في اي وقت يرجع بومبارك ويشوفها مع عمر.. : هد ايدي..
عمر وبكل غضب وعصبيه.. وبصوت عالي..: والله يا خوله ان مافهمتيني شو صاير بمسح فيج الأرض.. كافي مكالماتي ماتردين عليهن.. وطلقت حرمتي عشااااااااانج.. ممكن افهم ليش هالتطنيش..
طبعا بتقولون عنبو محد شافهم هالوقت .. لا لأن الوقت كان متأخر.. كانت الساعه 12.15 .. والمكان فاضي تقريبا..
خوله شافت بومبارك ياي من بعيد.. تم قلبها يدق بقو.. خايفه.. وهي تدعي في قلبها ان عمر مايقول شي يدام بومبارك.. من شاف بومبارك الي صاير عصب.. تقرب صوب عمر .. وسحبه ودزه على الموتر الي حذاله..: ممكن افهم شو الي قاعد تسويه؟؟
عمر وبكل إستهزاء: شرات ماانت تسوي .. شيبه ماتستحي .. تماشي بنت بهالعمر.. سير جابل عيالك..ولا أحفادك يمكن بعد..
عصب بومبارك وكان يبا يضرب عمر.. بس خوله مسكته تمنعه..: دخيلك عن الفضايح..
عمر وبصوت عالي: شووووووووو.. انتي ترمسين عن الفضايح؟؟.. والي قاعده تسوينه هذا شو يسمونه.. مب فضيحة صح؟؟ .. بالمره مب فضيحة.. تبيني اصفق ولا اصفر..
بومبارك حس ان الموضوع في شي.. مسك ايد خوله وبعدها عنه وتقرب من عمر..: ممكن تقول لي شوالي تقصده من رمستك بالضبط؟
عمر: شو تتوقع من بنت تتطلع وياك في انصاف الليالي بروحها.. من ورى اهلها تكون؟؟
بومبارك: مب من ورى اهلها.. انا زوجها..
عمر من سمع كلمة زوجها.. حس الدنيا تدور فيه.. تم يطالع خوله بغضب مايعلم به الا الله.. عيونه كانت تشع كره وعصبيه.. كانت محمره .. الدم تجمع بعيونه.. وخوله في هالوقت كانت ترتعش من الخوف.. الود ودها تشرد ولا تسوي اي شي.. الموقف كان كبير عليها وايد.. وهالشي راح ينهيها.. كل شي بنته بينهدم في لحظه.. كانت تدعي في قلبها ان عمر يقول اي شي بس مايخرب حياتها.. لكن عمر كل تفكيره انه يدمرها.. مثل ماكانت هي سبب دماره.. والي هو فيه احين..






مشى بسرعه صوب خوله.. وبومبارك تم يطالع ومب قادر يستوعب شي.. ومسك عمر خوله من شعرها.. ويره صوب بومبارك: تشوف حرمتك المصون.. هاي اخر مره تشوف ملامحها فيهم.. لأني بمسح ويها بالأرض.. بحرق ويهها.. تشوف هاي... أكبر جذااااااااابه... هاي خاااااينه.. النذاله في دمها.. هاي خدعتني.. خلتني احبها واتعلق بها.. من سنين .. مب من شهر ولا اثنين.. وطلقت بنت عمي وابوي مطيح في المستشفى.. ومنو السبب.. هاي المصون حرمتك..
بومبارك كان يطالع وساااااكت.. بس كان حاط ايده عقلبه يحس به شوي وبيوقف نبضه.. شل عمره وسار صوب موتره وفر كل الأجياس في الشارع.. وفي هالوقت كانو مجموعه من الشباب متيمعين عالجهة الثانيه يطالعون الي يصير.. وعمر وبومبارك مب معبرينهم.. بس واحد من الي كان واقف ويا الشباب كان ويهه محمر ومفتشل.. ويحس بحراره جسمه ترتفع.. بو يوم شاف بومبارك بهالحاله.. والتعب باين عليه.. ماقدر يمسك نفسه زود.. تم يمشي صوبهم.. بس كان شوي بعيد .. وبومبارك من وصل عند باب موتره..: باجر ورقتج عند باب بيتكم..
خوله وهي تصيح: لا .. لا .. ااانت..
عمر قبضها وفرها على الأرض بقو.. : انتي حقيييييره.. انتي حشره.. انتي تسكتين..
طاحت على الأرض وكانت جريب من ريل واحد.. رفعت راسها ماعرفته.. جان تنش وهي تترجاه..: دخيلك انقذني.. بيذبحني هذا..
كان مبارك.. ولد بومبارك .. تم يطالعها بكل غضب وحقاره.. ومسكها من شعرها وسحبها صوب موتر ابوه..الي كان مصدوم من وجود مبارك ولده.. وعمر استغرب وماعرفه..
عمر: هيه انت وين بتوديها..
مبارك: انت ماقصرت وكشفتها على حقيقتها.. وانا وابوي نعرف شو نسوي فيها..
خوله من سمعت مبارك يقول ابوي انصدمت زود.. تمت تصرخ..: لااااااا.. عممممممر.. لا .. عمر انت تحبني.. عمر..
قبضها مبارك وسد حلجها بإيده.. وركبها الموتر غصب.. تم عمر واقف ويحس براسه يدور .. يحس انه خلاص ماعاد يتحمل مشاكل اكثر من جي.. تساند على الموتر الي كان وراه.. وتم يطالع موتر بومبارك وهو يتحرك.. وفجأة سمع صريخ.. وبريك قوي من موتر.. تقرب صوب الموتر عشان يشوف شو الي صاير..
كانت خوله طايحه على الأرض.. وراسها ينزف.. كانت خوله تترجى بومبارك.. الي كان ناوي يوديها بيتها ويكشفها يدام أهلها ويخبرهم كل شي.. وخوله ماتبا هالشي.. لأنها بتنتهي بهالطريقه.. فضلت الموت على انها اتم على هالحال.. فتحت باب السياره وفرت عمرها .. ولأن السياره كانت تتحرك.. فخوله طاحت بقوة على الأرض... ربع عمر صوب الموتر ونفس الوقت نزل بومبارك مع مبارك..
مبارك وبغيض: خلها تمووووت.. هي واشكالها.. البلاد مستغنين عنها..
بومبارك: لا مب زين .. لا تمنى الموت.. مب زين..
مبارك: ابوي.. بعدك تدافع عنها.. .. تحراني ماعرف شي.. بعدني ياهل مافهم شي.. انا ادري انك كنت بتعرس وماكنت معارض .. بس عاد مب هالأشكال..
عمر وهو يصرخ: انتوا بدال ماتضاربون احين خل نوديها المستشفى..
بومبارك وعمر حاولو يشيلونها مع انه خطر انهم يشلونها وهي مصابه بس مب قادرين يتريون الإسعاف.. لأن ماشاء الله من كثر ماسريعين عشان يوصلون خوله بتموت.. وبسرعه ودوها المستشفى.. ودخلوها غرفه العناية المركزة.. أما عمر فطلع من المستشفى.. وركب موتره وتم يحوط ولا داري بعمره وين ساير.. وكان يسمع وقتها اغنيه عبدالمجيد.. مابين بعينك.. على كثر ماجااااااك.. لا وا حسافة .. ليتني ماعطيتك..
=-=-=-=-=
نرجع بوقتنا ورى شوي.. الساعه 9.00
وصلت منى بيت بوسعيد.. ومعاها ام عارف.. تمت واقفه عند الباب متردده ترن الجرس.. لين ما انفتح الباب وكان هادف توه بيظهر من البيت.. جابل منى..وانصدم من وجودها ماكان يدري انها بتييهم.. تم يطالعها وهي كانت منزله راسها ولا قادره ترمس..
انتبه هادف لنفسه واستحى.. ووخى شوي عشان تقدر منى تمر.. : حياج دخلي..
ودخلت منى مع أم عارف.. وسبقهم هادف عشان يقول لهم..<< المسكين يتحرى محد يدري.. ولا جنه هو اخر من يعلم
هادف: هندووووو.. سيري شوفي منو ياي .. مابتصدقين..
هند وهي تحط المبخره..: وصلت منى؟
هادف وهو فاتح عيونه وهند تتخطاه صوب الباب وهو مصدوم: يعني انتي تدرين..
هند: سير لا متفيج.. مخلي الناس برع وقاعد يتفلسف..
فتحت هند الباب وكانت منى واقفه ومنزله راسها .. من شافتها هند.. رفعت راسها وربعت في حضن هند .. تموا يصيحون..<< تعرفون الحريم عاد.. كل شي بصياح..
منى: سامحيني يا هند.. سامحيني..
هند وهي تضربها على الخفيف على خدها..: جب لا.. خوزي خل اسم على امج..
ابتسمت منى وتمت تمسح دموعها .. وسلمت هند على ام عارف ودخلتهم داخل..واستقبلتهم ام سعيد مع وداد ومنى كل ما تحضن وحده فيهن تصيح وتطلب السماح..

وقعدوا سوا في الميلس وأول شوي خذتهم السوالف العادية.. وبعدها قررت منى تقول لهم كل الي صار لها.. لأن حست انها مب قادره تقبض عمرها اكثر من جي ودها تفضفض الي في خاطرها..
وقالت لهم كل الي صار لها من لحظه الي ملجتها .. ليوم فحص الحمل.. الكل تعاطف وياها.. وحس بمعاناتها.. وقدر يعذرها .. أم سعيد على طيبة قلبها مارامت تتحمل اكثر .. تقربت من منى وحضنتها.. وتمت تمسح على راسها.. وسمعوا صوت الجرس في هالوقت.. وسارت وداد صوب باب الصالة توايج.. شافت موتر سلطان وأمه كانو نازلين.. وقالت لهم عشان يتغطون..
منى انصدمت.. لأنها مب مستعده ابدا انها تجابل أم احمد.. تخاف من ردة فعلها .. حست فيها هند.. وقبضت ايدها.. وتمت تهون عليها.. : لا تحاتين مرت عمي طيبه..
منى: بس ..
هند: يوم بتعرف السالفه بتشوفينها روحها بتييج وبتحبج..
منى: اتمنى والله..
وكلها لحظات ودخلت ام سلطان مع سلطان الصالة.. وانصدمت من شافت منى.. ونفس الشي سلطان.. تم يهمس مع وداد: منى متى اتيي بيتكم؟؟ وماقلتي لي ليش؟
وداد: بخبرك السالفه بعدين.. عموو.. تعالي وين سايره..
أم سلطان: مالي قعده.. بييكم وقت ثاني يوم بيفضى البيت.. شكله زحمه..
وداد وهي لامه ام سلطان بإيدها وتمشي بها صوب الصالة.. : تعالي وبتعرفين كل شي.. وسلطان انت سير مب حلوه تيلس وسط الحريم..
سلطان: اوكي.. بس عاد ابا اعرف السالفه
وداد وهي تبتسم له : عاد فالحين اتعيبون على اختي المسكينه..
ضحك سلطان وطلع من البيت.. ودخلت ام سلطان ونشت منى صوبها عشان تسلم عليها.. وسلمت عليها ام سلطان بس من غير نفس.. ونفس الشي لأم عارف.. وقعدت.. تموا ساكتين كلهم فتره.. ولاحد فيهم طايع يرمس.. بس منى ماقدرت تتحمل نظرات ام سلطان لها..
منى لهند..: انا بظهر..
هند: ماشي ظهره..
منى: مب قادره والله ..
هند: عمتي.. اليوم منى يايه عندنا عشان تعتذر عن كل الي صار..
ام سلطان وهي تقاطعها: شو فايده الإعتذار بعد الي صابه ولدي.. تأخر على دراسته.. وتعب وطاح المستشفى مريض محد يدري عنه.. قولي لي شو بيسوي الإعتذار..
منى: خالوو .. ماتصورين اشكثر انا متعذبه ..
أم سلطان: لازم بتعذبين.. الي سببتيه مب شوي..
هند: عموو.. خليني اكمل رمستي.. نحن بنقول لج كل الي صار في منى.. وانتي احكمي..
وبدت ترمس هند.. وشوي منى تكمل عنها.. ماقدرت تحمل ام سلطان وتمت تدمع.. نشت منى وقربت منها وحضنتها وتموا يصيحون.. الكل استانس يوم ان ام سلطان سامحتها..
تمت ام سلطان تتطالعها وهي مبتسمه: يعني احين بستوي يدوو..
استانست منى من الخاااااطر يوم سمعت هالرمسه.. ردت حضنت ام سلطان وباستها على راسها.. وتموا يرمسون ويسولفون..
ام سعيد: وانتي يعني مابتخبرين ريلج عن الحمل؟؟.. ترا مصيره بيظهر وبيبان..
منى: لا ماباه يعرف.. خله.. مابا ارجع له..
ام عارف: بس حرام .. الياهل شو ذنبه يعيش بعيد عن ابوه..
منى:احسن من انه يعيش ويا ابوه فتره بعدين يفترق.. خل يتعود على طلاقنا من هو صغير..
وداد: بس الياهل ماله ذنب..
منى: وانا شو ذنبي اتحمل ريال خوان بهالطريقه.. يذلني ويحقرني كل يوم والثاني.. مب مجبوره..
الكل ماقدر يقول شي. لأن الي تقوله منى صح... فعلا صعب على الحرمه تحمل مذلة الريال لها بهالطريقه..
وغيروا السالفه عشان يخففون من الجو الحزين الي كانت منى فيه.. ومضى الوقت وردت ام سلطان البيت.. ومن وصلت البيت شافت البنات قاعدات.. تقربت منهم وقعدت وياهم.. وكانت فدوى عندهم.. ومريم بعد كانت موجوده عشان تزور خوات عبدالله.. يلست من بعد ما الكل سلم عليها.. وتنهدت.. وتمت اتطلع برقعها وشيلتها.. وسرحانه.. لاحظتها ريم..
ريم: خالوو.. شوفيج متضايقه؟؟
غزلان: امي وخواتي شخبارهم؟؟ تولهت عليهم؟
ام سلطان كانت سرحانه ولا حست فيهم..
فدوى استغربت.. تمت تهز امها شوي عشان تحس: امييي.. شفيج ؟؟
ام سلطان: ها.. شو ؟؟ شفيكم؟
ريم: ههههه.. لا خالوو اكيد اتفكر في عمي ليش تأخر..
ام سلطان: ههههههه..
غزلان وهي خايفه: عموو .. شي بلاها امي .. ولا حد من خواتي..
أم سلطان وهي تبتسم لها..: لا .. بس تعرفون منو شفت هناك؟
غزلان: منوو؟؟
أم سلطان: منى..
فدوى + غزلان: منى؟؟
أم سلطان: هيه.. انا شراتكم استغربت يوم شفتها.. بس يحليلها غمضتني.. يوم عرفت الي صار لها..
غزلان: شو صار لها.. يكفينا شرها.. بس خلاص .. الي يانا منها مب شوي.. أحمد حليله شهر يمكن زود .. طاح في المستشفى.. ومنو السبب.. هيي..
مها كانت طول الوقت تسمع ومصدومه.. أحمد.. منى؟؟.. منو هاي؟.. معقوله هي نفسها الي ذكرها احمد في الشلة.. لا لا... مستحييييل.. أحمد يحب.. كانت طول الوقت كل ما حد يرمس تصد صوبه وتتطالع وهي سرحانه وترد تصوب صوب الشخص الثاني الي يرمس.. وتتطالع غزلان كأنها تترجاها .. بليز.. فهميني .. وضحي لي السالفه.. تحس بالدنيا تدور في راسها وهي تسمع سالفة منى والكل مندمج يسمعها.. وفاء وريم كانو ملاحظين مها كيف تغيرت ملامحها من سمعت السالفة.. بس ساكتين.. مها نزلت راسها وهي تسمع.. والدمعه محبوسه في عينها ودها تصيح تسوي اي شي.. ماقدرت تتحمل القعده زود.. قالت لهم بتسير ترقد.. وراحت.. خواتها حسوا وعرفوا السبب.. بس ماقاموا عشان محد يشك.. ونفس الشي غزلان.. تضايقت. وتندمت ليش السالفه انطرت يدامها؟؟.. وليش ماتصرفت عشان تغطي عالموضوع.. انا غبيه.. افففف دووم اجحلها واعميها..



كانت تصعد مها الدري بخطوات بطيئه وهي سرحانه وتفكر.. ولا ترف لها جفن وهي تمشي.. كان احمد طالع من غرفة أمه ويبا ينزل تحت.. من شاف مها استانس.. وابتسم لها.. بس مها تخطته بلا حاسيه ولا كأنه واقف حذالها.. استغرب أحمد من نظرتها.. لف صوبها.. وزقرها قبل لا تدخل الغرفه.. : مها؟؟
مها وهي واقفه مكانها دون ماتصد صوبها..: ياريت اسمي منى ولا كان مها... ودخلت الغرفه وصكت الباب.. وتركت احمد وراها بدوامه افكاره.. استغرب اول مره ترد عليه بهالطريقه وبهالإسلوب.. وليش طرت منى ؟؟.. كان وده يروح وراها ويسألها شو السالفه وشو صاير.. بس خاف ومب حلوه..
نشوا البنات بعد مانشت ام سلطان عنهم عشان تسير ترقد.. وريم وفاء وغزلان بسرعه ساروا صوب غرفة مها.. ودخلوا شافوها راقده .. ماحبوا يزعجونها.. وقالو الصبح بيسألونها.. وغزلان ظهرت من الغرفه عشان تشوف احمد.. وتعرف شوفيه من رد من برع وهو متغير حاله.. ودخلت الغرفه شافته يالس عالنت يسمع اغاني.. من شاف غزلان بند كل شي...
احمد: تعالي بسألج.. في حد مضايق مها؟؟..
غزلان استغربت..: ليش؟
أحمد قال لها الموقف الي صار.. والكلام الي قالته..: مادري ليش يابت طاري منى؟؟.. انتوا قايلين شي عن هالسالفة..؟؟
غزلان كانت منزله راسها وساكته.. انا غبيه والله غبيه
أحمد: ردي .. ليش ساكته؟
غزلان: احمد.. ترا مبين على مها متعلقة فيك تحبك..
أحمد سكت.. لأنه هو بعد حس بهالشي.. حس ان مها تحبه .. : حاس بهالشي..
غزلان: وانت؟
أحمد: انا؟؟؟
غزلان: تبادلها الشعور ولا؟
أحمد: مابجذب واقولج لا.. بس اميل لها وايد.. واتيي على بالي وايد.. مادري ليش؟؟.. مع اني مافكر في الحب.. ؟
غزلان: احمد مها تناسبك وايد.. طباعها تشابهك.. وغير جي مافي مشاكل عشان ترتبط فيها.. وبنت ماعليها اي رمسه..
أحمد: ادري.. بس مادري..
غزلان: احمد.. احكم قرارك.. والبنت توها اول ثانوي.. سنتين وبتخلص.. وانت بعد باقي لك سنتين في الكلية.. يعني مناسبين لبعض..
أحمد: يصير خير.. بس خبريني .. شو ياب طاري منى على لسانها..
بدت غزلان تشرح لأحمد السالفة..
أحمد وهو متنرفز.. : لا حوووول.. انزين انا والله ماعدت احب منى احين ولا افكر فيها..
غزلان: وترا هذا الي بغيت اوصله لها بس هي رقدت
أحمد وهو يطالع غزلان بنظره كلها ترجي: دخيلج فهميها..
غزلان وهي تبتسم له بخبث: كم تدفع..
أحمد: ردينا على الطمع..
غزلان: ههههه.. لو نصوور يدري بهالإعجاب بيكرهك..
أحمد: مشكلته والله..
غزلان: انزين وهي تتثاوب.. بسير اقد تعبت الصراحه..
أحمد: هههه سيري.. لا تنسين الي قلت لج عليه..
غزلان: بحط تذكير في التليفون.. يلا تصبح على خير..
أحمد: ههههه.. خبله هالبنت.. تذكير اونه.
=-=-=-=
في بيت علي..
كان علي قاعد ويا جاسم ومحمد وآمنه.. ويسولفون.. وقال لهم علي سالفة منى حسب ما خبرته هند.. الكل استغرب..
آمنه: وحليلها غمضتني.. يعني أول شي مرت ابوها اظني.. وبعدين.. غصبوها على الزواج.. وظهور امها.. واحين ريلها.. وطلاقها.. كم عانت المسكينه..
علي:ولا بعد .. اكتشفت انها حامل وماتبا تقول له
جاسم: شو تخبلت هاي.. شو ماتقول له.. عيل منو ابوه بيكون ؟؟
علي: بتقول له .. بس ماتبا ترجع له يعني شي جي..
محمد: الله يعينها.. ويعييييييييني..
الكل استغرب شو يقصد محمد.. بس آمنه فهمت له.. ابتسمت
علي: ليش شو السالفة؟؟
محمد: مرت اخوك.. معذبتني.. مخلتني على اعصابي..
جاسم : شو السالفة آمنه.. ؟
آمنه: ماشي طلب مني اكلم هنادي عن موضوع زواجه.. وللحين ماقلت له شو قرار هنادي..
علي: الله يسامحج.. ومخلتنه على اعصابه..
آمنه: هههه شو اسوي.. طلبها هي..
محمد: خلاص خلاص عرفت الإجابه.. هي مابتسوي هالحركه إلا لأنها موافقه.. اصلا وين بتلقى احسن عني.. فديييتني.. خصوصا بعد الضعف الي ضعفته.. وبعدني مواصل على البرنامج والرياضه.. وكلها كم شهر .. وبستوي ولا وائل كفوري يروم يوقف حذالي..
الكل: ههههههه

يوم الإثنين الصبح


من نش بو مبارك من الرقاد.. على طول سار المستشفى عند خوله.. وكانو اهلها كلهم هناك.. ومن شافو بومبارك سارو صوبه.. وكان ابوها معصب وايد..


أبو خوله: انت شو مسوي في بنتي؟؟.. ذابحنها؟؟


بومبارك تم طول الوقت ساكت وهو يسمعهم.. ولا يرد بأي كلمة..


بو خوله: وبعدين يعني مابترمس.. صدقني مابنمشيها لك.. بنفتحها قضية.. والله ان صاب بنتي شي.. لاتشوف الويل مني..


بومبارك طول الوقت يحاول يمسك اعصابه.. كل الي هامه انه يعرف ان خوله بعدها حيه وترتاح نفسيته .. بس مب قادر يشرح لهم السالفه.. حط في باله إذا خوله ماتت.. يسكت ويستر عليها.. وبس يقول للشرطه اذا فتحوا ملف للقضية.. أما اذا تمت فبيقول لأهلها عشان يعرفون السبب.. لأنه بيطلقها ولازم سبب..


وكان يمر الوقت وهو كل شوي يسمع رمسة وكلام يجرح القلب.. وهو ساكت وصابر .. يتريا الطبيب..


وبعد ساعه ونص طلع الطبيب.. والكل سار صوبه


الدكتور: والله الضربه كانت قوية على راسها.. وسبب لها نزيف داخلي في الدماغ ولو كنتوا متأخرين عليها شوي جان الله العالم شو حالها ألحين..


بوخوله: يعني دكتور.. شو حاله بنتي بالضبط..


الدكتور: نحن للحين مب قادرين نشخص بالضبط لين ماتقوم من حالة الإغماء..


بو مبارك: يعني زال الخطر عنها دكتور؟


الدكتور: تقريبا.. نحن سوينا كل الي علينا.. والباقي على الله.. ادعولها بس.. بس كيف طاحت؟؟


بومبارك: زلقت ريلها في السنتر الي كنا نتمشى فيه وطاحت..


بوخوله سكت وماقال شي ماحب يفشل بومبارك..


الدكتور: مشكله.. كثير ناس يستوي لهم نفس الشي.. لازم يحاسبون وهم يمشون.. يلا الله يقومها بالسلامه


بوخوله: تسلم دكتور.. يزاك الله ألف خير ماقصرت..


وراح الدكتور وصد بو خله صوب بو مبارك..: وألحين ممكن تفهمني الي صاير بالضبط؟؟


بومبارك: شو افهمك يا بوخوله.. سالفة طويله.. بس الحمد لله دام اني تطمنت على خوله.. الي بقوله اني بطلق خوله.. وماعادت على ذمتي بعد هاليوم..


بوخوله : شووووووو؟؟.. كنت بتجتل بنتي وألحين بتطلقها.. هاي يزاتنا ان وثقنا فيك.. وعديناك ريال وعطيناك بنتنا..


بومبارك: ياعمي مالها حاجه هالإهانات.. لأن الي عرفته عن خوله مايخليني اتم معاها دقيقه وحده..


وبدا يقول لبوخوله كل السالفه الي انصدم.. وكان مفتشل.. وتم ساكت وصد عن بومبارك وراح صوب حرمته .. وبومبارك ظهر من المستشفى وراح المحكمة عشان يطلقها.. وكان يحس بضيق كبير.. أول مره وحده تقدر تلعب عليه بالطريقه هذي..


=-=-=-=-=


مهير من نش من الرقاد تم يدور على بطاقته وين طايحه على الأرض يوم فر التليفون.. وشلها وحطه في تليفونه الثاني.. وشغلها.. وصله مسج إيمان..








وإيمان من شافت التقرير اتصلت.. بس مارد عليها..





تم يقرا المسج مره .. وثنتين وثلاث.. معقوله إيمان اتطرش لي مثل هالكلمات.. يعني ايمان تهتم فيني.. يعني زعلي يهمها.. ردت اتصلت فيه ايمان بعد مره.. ماقدر يتحمل ورد عليها..



إيمان: مهير.. وبصوت مبحوح.... سامحني على الرمسه الي قلتها.. مهير انا والله كنت معصبه وفاقده حاسيتي في الرمسه.. مب عارفه شو قاعده اقول..



مهير تم ساكت طول الوقت يسمعها.. ويحس بشوووووووق لها.. كأنه مب مرمسنها من زمان.. ابتسم ومستانس في خاطره ان علاقته ردت مع ايمان طبيعية.. ومافي شي بيعيقهم..



مهير: يعني طاح الحطت..



إيمان: طاح واحترق بعد..



مهير: ههههههههههه.. تولهت عليج..



إيمان: جذاب ماصدق.. عيل تغلق تليفونك..



مهير: ماغلقته.. بس من قهري كسرته..



إيمان: افااااا بشتري لك تليفون يديد.. ههههههههههههه



مهير: ههههه,.. خلاص عيل اخر واحد نازل في السوق..



إيمان: يالحرامي تبا تخسرني هااا



مهير: هههههههه انتي قلتي وتحملي..



إيمان: ههههه



=-=-=-=


في هاليوم راحت نوره مع وليد وعهود للمستشفى عشان العلاج الطبيعي..



وعمر من رد الليلة الي طافت تم في حجرته ماقدر يرقد طول الليل.. ويفكر في الي صار.. ويفكر في منى.. آآآه يا منى.. خسرتج وخسرت حبج.. وثقتج وكل شي.. ماتم لي شي في هالدنيا يسوى اني اعيش عشانه.. ليش كل هذا يصير لي لييييييييييييييييش؟؟..



كان يحس انه مب قادر يتم في البلاد دقيقه وحده.. يبا يبتعد يبا يختلي بنفسه.. تذكر منى.. ويحس نفسه مايقدر .. كان عنده امل وحيد انه يرمسها ويحاول معاها.. اتصل فيها.. بس ماردت عليه.. تم يتصل مرات ومرات.. لين ماردت عليه



عمر وبكل لهفة وشوق: منى.. حبيبتي..



منى: لو سمحت لا تقول لي حبيبتي.. انا ماعدت مرتك عشان تاخذ راحتك بالرمسه وياي.. بغيت شي.. لأنك حرقت تليفوني؟



عمر وبنبره حزن: محتاج لج يا منى.. محتاج لج.. حايه الظميان للماي.. دخييييييلج يا منى .. ردي لي..



تمت منى ساكته.. الود ودها تصرخ وتقول أحبك يا عمر.. مالي غناة عنك.. بس شريط ذكرياتها بالي صار بينها وبينه مايسمح لها .. ضربها.. أهانها.. ذلها.. خانها.. كل شي.. ماتقدر تسامحه.. : ماقدر اسفه..



عمر وبدى صوته يبح شوي.. : دخيلج يا منى.. اترجاااااااج.. ان ماطعتي تردين لي بسافر.. وببتعد عن كل شي..



منى من سمعت هالشي فتحت عيونها وانصدمت.. لااااا.. لا لا لا.. لا تبتعد عني.. ماقوى هالشي.. ياربي شو اسوي شوووووووو..؟



عمر: ردي علي لا تسكتين.. لا تعذبين قلبي.. منى انا متعذب من دونج..



منى وهي مغمضه عيونها: وحبيبة القلب وينها عنك؟



عمر: ااااااه يا منى لازم تذكريني.. ماتسوى ظفر من ظفورج يا منى.. ماباها.. اباج انتي.. انتي وبس يا منى انتييييي.. مابا غيرج في حياتي.. قلبي مايحب غيرج.. تأكدت بإبتعادج عني من هالشي.. ماقوى فراقج منى.. احتاااااااااج لج..



منى: آسفه يا عمر.. الي سويته فيني شي مايغتفر.. وماقدر اني اسامحك في يوم وليله .. وانسى كل الي صار..



عمر: يعني هذا اخر كلام عندج؟؟



منى وبعد ما خذت نفس عميق.. ودموعها تذرف: هيه..



عمر بند الخط على طول.. وكان متضايق.. بس ألحين تضايق زود.. فقد كل أمله له انه يرجع لها.. حس كل حبل الوصل الي بينه وبينها .. قطعته .. قرر انه يسافر ويبتعد عن البلاد فتره.. ويرتاح من همومه..




نهاية الجزء..



شو تتوقعون.. عمر بيسافر؟.. ومنى بتقول له عن حملها؟



مها.. شو بيكون موقفها يوم بتعرف عن شعور أحمد؟



إيمان ومهير؟؟ كيف بيستمرون؟؟



خوله ؟؟؟؟



هنادي ومحمد؟؟



بو عمر.. كيف بيقابل بومهير؟؟.. بيقبل اعتذاره؟؟



انا ماذكرت سعيد في هالجزء.. بس بينذكر ان شاء الله في الجزء الياي..



تحياتي

الجزء ( 66 ) : للحب عنوان
ملخص ماسبق: دخول خولة للمستشفى واكتشاف بومبارك حقيقتها وايضا عمر.. قرار عمر السفر .. طلب منى السماح من أهل احمد.. تصالح إيمان مع مهير.. ورغبه بوعمر المصالحه مع بومهير.. موافقة هنادي على محمد..
=-=-=
في استراليا..
سعيد كان يالس مع وضحان واثنين من ربعهم والسوالف ماخذتهم.. وقاعدين يلعبون بلي استيشن..
ناصر: شوف اذا بتقعد بتلعب بهالطريقه انا مب لاعب..
سعيد: هههههه يعني تعلن الهزيمه
ناصر: ها شو.. هزيمه لا لا .. خل نلعب بعد دور
وضحان: اقول.. انا رايح اسوي لكم العشا..
عبيد: اقول سعيد.. انا راد الشقه مب مستغني عن عمري.. وراي عرس وبيت.. وحرمه ترياني.. لا لا مافيني
وضحان: ايش بك يا رجال.. يعني اكلي مو عاجبك
سعيد: هههههه خله الريال يخاف تسممه..
عبيد: خلاص قعدنا .. امري لله.. بس خل ارمس الأهل بالأول اقولهم وصيتي
ناصر: جووووووووووووول.. هذا اللعب ولا بلاش..
سعيد: شو . متى.. لا لا لا.. مايجوز.. انا كنت ارمس الربع.. لا لا غش..
ناصر: والله مشكلتك يوم ماتعرف تلعب عدل
سعيد: ماعليه انا الي صرت ماعرف العب.. والله لا اراويك يا نصوور.. العب العب..
وضحان: اقولك عبيد.. ايش رايك تجي معي نطبخ ..
عبيد: اهبي.. هاللي قاصر.. ادش المطبخ.. بغدي شرات الحريّم..
وضحان: ايش بك يا رجال.. على كل شي معارض.. اعوذ بالله.. روح.. لا جيت تمد ايدك للأكل تاكل.. اقصها لك..
عبيد: ها شو.. بتحرموني من الأكل.. لا لا لا.. خلاص امري لله ياي.. بس محد يوصل السالفه لهلي.. ترا بيقطعوني تقطع.
سعيد: الا على طاري الأهل.. اسميني من زمان مب مرمسنهم وماعندي اخبار عنهم.. خل اتصل واتخبر عنهم
ناصر: الشرده نص المريلة..
سعيد: اي شردة.. خلاص عناد فيك.. أكمل هالدور والعب وافوز.. وخلاف بدق للأهل..
ناصر: هيه خلك جي.. .زقرت..
وضحان: لحظه لحظه.. لقطت كلمة جديدة أضيفها لقاموسي.. ايش هي بالله عليك..
ناصر: زقـــــــــــرت
وضحان وهو قابض القلم ويكتب: زرقـــــت..
سعيد: ههههههه مب زرقت الله يهداك.. زقرت.. زاء.. قاف.. راء.. تاء..
وضحان: ايش معناها؟
سعيد: يعني كشخه.. يعني اوكي..
وضحان: اما انتوا الإماراتيين عليكم رمسات عجيبه..
عبيد: عاشووو.. متعلم كلمة رمسات..
وضحان: اشهد اني برجع ديرتي اماراتي بحت وبنسى اللهجة السعودية..
ناصر: أين انت يا حليب السعودية..
الكل: هههههههههه
=-=-=-=
طلع عمر من البيت وكان حاس بضيق بصدره.. مب قادر يتصور ان منى خلاص.. قطعت أي امل إنها ترد له.. وترجع علاقتهم.. حس نفسه خسر اغلى شي في حياته.. الحب والإستقرار الي كان دوم يحلم فيهن.. وكان يفكر في بناء اسرة وبيت وعيال .. حس ان السبب الوحيد للي هو فيه هي خوله..
والله يا خوله اكرهج كثر ماحبيتج.. هذا يزاي لأني حبيتج تبيعيني برخيص.. ليييييييييييش؟؟ وانا بشو قصرت وياج.. شو الي بغيتيه وتمنيتيه ومالقيتيه عندج.. وخليتيني اخسر الإنسانه الي حبتني وتحدت نفسها وضحت بسعادتها وخذتني.. ويوم حبتني وبغتني .. غدرت فيها.. والثمن غالي..


مشى بموتره صوب درب خورفكان ولا هو حاس بعمره.. وطول الليل وهو يسوق في هالدرب المظلم.. مايدري لأي دار بيوصل..

لقى عمره صوب شاطئ البحر.. وقف موتره ونزل .. وقعد على صخرة وجابل البحر.. ويحس بالهم يسري في كل عروقه.. يحس بتعب.. وده يصرخ ويشكي ألامه..


بعدها نش وتم يدور بموتره.. لحين ماطلعت الشمس..
لقى نفسه عند مسيد.. وقف عنده ودخل الحمام وتمسح.. وتزهب للصلاة.. وراح صلى ركعتي الضحى.. ومن بعدها بدا يقرا قرآن.. الشيخ كان يالس يرمس مجموعه من شياب الفريج.. ولاحظ عمر.. كان ويهه غريب عليه لأنه اول مره يشوفه في هالمسيد.. هب متعود عليه.. من بعد ما راحوا عنه الشياب.. نش وتقرب من عمر ويلس حذاله وحط ايده على جتفه وابتسم له..
الشيخ: تقبل الله منك يا ولدي
رفع راسه عمر واطالع الشيخ.. وشاف النور في عيونه وويهه.. ابتسم له.. : منا ومنك صالح الأعمال إن شاء الله
الشيخ: خير يا ولدي.. مبين عليك تعبان .. واول مره اشوفك عندنا في هالمسيد.. جنك الا ياي من منطقه ثانية؟؟
عمر: انا وين؟
استغرب الشيخ من سؤال عمر.. كيف يعني يسوق ولا هو بداري وين ساير..؟؟: انت وين؟؟ انت هني في خورفكان..
عمر وبإستغراب: شووو.. خو.. خوووورفكان؟.؟.. كيف وصلت هني؟
الشيخ وهو يبتسم له ويطبطب على ظهره: هدي نفسك.. انت الي لازم تسـأل عمرك كيف ييت هني؟؟.. وبعدين ترا مهما كان انت في البلاد بعدك..
نزل عمر راسه .. وغمض عيونه.. وهو يحس بصداع شديد.. طول الليل وهو واعي ومارقد... ويفكر ويحاتي حياته الي تدمرت في يوم وليلة..
الشيخ.. ارمس يا ولدي.. قول الي في خاطرك.. لا تكتم على نفسك.. والي اقدر اسويه لك بسويه..
رفع عمر راسه واتطالعه والدموع في عينه..: ليتك تقدر تسوي لي شي.. بس محد بيقدر يساعدني .. انا جنيت على نفسي..
الشيخ: افا يا ولدي.. لا تقول هالكلام.. اذكر الله..
عمر: لا إله إلا الله..
الشيخ: هدي نفسك وقول الي في خاطرك..
وبدا عمر يرمس .. كأنه كان يتريا شخص يعطيه مجال انه يرمس ويطلع الي في خاطره .. وقال كل شي مضايقه.. من بداية علاقة الغلط مع خوله.. ونهاية بطلاقه من منى.. وطيحة ابوه في المستشفى..

الشيخ: الله يهديك يا ولدي.. كيف تفضل بنت رضت تبيع نفسها وسمعتها لك.. على بنت عمك الي من لحمك ودمك.. وهي الوحيدة الي بتكون ستر وغطا لك ولعيالك أكثر من أي وحده.. الله يهديك بس.. بس زين يوم انك وعيت على غلطتك

عمر: بس شو الفايده يا شيخ.. بنت عمي معارضة فكرة انها ترجع أي علاقة بيني وبينها..
الشيخ: الله سبحانه وتعالى قال في كتابه الكريم.. بسم الله الرحمن الرحيم.. وإذا سألك عبادي عني فإني قريب أجيب دعوة الداعي إذا دعاني صدق الله العظيم
عمر : صدق الله العظيم
الشيخ: عليك بالدعاء يا ولدي.. لأنها خير وسيلة توصلك لربك وتحل لك كل مشاكلك.. الله يهديك يا مهير بس.. انا ماعندي اغلى من عيالي... ودومي ادعي لهم .. وخصوصا ولدي العود.. الله يهديه ويوقف من سوالفه البطالية .. جان هو بخير.. الدنيا يا ولدي يا .. الا انت شسمك؟
عمر: عمر علي الفلاني..
انصدم الشيخ من سمع اسم عمر .. وسكت.. وتنهد.. ماحب يحسس عمر بشي.. : والنعم والله.. الدنيا يا ولدي مب ماخذين شي منها.. والدنيا الحين تغيرت وايد عن قبل.. وزادت مغرياتها .. والذكي الي يقدر يحصن نفسه منها.. مثل ما قلتك.. قوي رابطتك مع ربك.. يمكن تنحل مشاكلك.. كل الي انت فيه اختبار من الله سبحانه وتعالى على ايمانك وصبرك..
عمر ابتسم له .. وتقرب منه وباس راسه: يزاك الله ألف خير يا شيخ.. والله ماتصور اشكثر ريحتني برمستك..
وفي هاللحظه دخل مهير المسيد وتقرب من ابوه.. :السلام عليك يابويه..
الشيخ وهو عاقد حياته ومعصب: جان ماييت.. الله يهديك بس.. هاي سواة تسويها.. عنبوك ماتصلي في المسيد وماتيي الا والشمس طلعت.. لين متى بتم جي.. مفشلني يدام اهل المنطقة.. شو بيقولون عني.. ابوه امام مسيد والولد .. استغفر الله ..
افتشل مهير من نفسه .. ونزل راسه خصوصا ان عمر كان قاعد وحس بفشيلة
طاع انا وين وربيعتي وين.. تسألني عن احمد وانا ارمس عن عمر هههههههههه
عمر: ماعلي يابويه.. انت اقعد وياه وعطه من الرمسه الزينه .. شرات الي قلتها لي صدقني بيتغير..
مهير تقرب من ابوه وعمر.. الي كان معطيه ظهره.. : الا منو الريال ماعرفناك؟؟
صد عمر صوب مهير ونش ومد له ايده.. ومهير مبهت ومصدوم.. : عمـــــــر..
عمر استغرب كيف مهير عرف اسمه.. ونش وتوايه وياه.. وسلم عليه..: انت تعرفني؟؟
صد مهير صوب ابوه .. الي ماكان مستغرب من وجوده هني
مهير: منو مايعرف عمر علي الفلاني... انا مهير ولد خالد الفلاني.. تذكرتني يا عمر
عمر تم مبهت ومصدوم.. والله الدنيا صغيره.. كنت ناوي ادور عليه.. واكون اليوم بين ايديه وقربه.. : لحظه لأني مب قادر تستوعب..
بومهير خالد: لا استوعب يا ولدي يا عمر.. من اول ماقلت لي اسمك انا عرفتك بس سكت..
عمر: تدري يا عمي وهو مبتسم والدمعه في عينه.. من فتره وانا ادور عليك ..
بومهير: تدور علي انا.؟؟ خير ان شاء الله؟؟
مهير وهو يطالعه بكل طيب.. ولا شايل بخاطره اي شي من الموقف الي كان فيه ابوه من سنين.. كأنه سامحه ونسى: خير يا خوي ارمس
عمر: أخوي.. تقول لي اخوي بعد الي..
قاطعه بومهير: يا عمر.. الدنيا حياة وممات.. وما بقى كثر الي راح.. وانا وعيالي ناس عمرنا ماشلينا بخاطرنا على احد ولا زعلنا منه
عمر وهو منزل راسه.. حط مهير ايده على جتف عمر: اسمعني يا عمر.. نحن اخوان وربينا سوى.. عمر الإخوان مايتفارقون.. صح ان تفارقنا لظروف صارت من بينا.. بس هذا الشي ماقطع حبل الأخوه.. لو انه قطع حبل الإتصال من بينا..
عمر: عمي.. طلبتك..
بومهير: آمر يا ولدي.. الي تطلبه يتم..
عمر: اتيي وياي المستشفى عند ابوي.. لأنه طالب مني ادور عليك ويبا يشوفك..
بومهير: من غير لا تقول يا عمر انا كنت بسألك عن عنوانه وبسير له..
عمر: تسلم من طيبك.. وانت يا عمر.. .. اسمع كلام ابوك.. ترا كلامه ذهب..
مهير: الله يطول لنا بعمره..
عمر: آمين.. يلا عيل انا بترخص..
الشيخ: وين ياولدي.. وين ساير؟
عمر: برد دبي..

مهير حسها فرصه انه يتقرب فيها من عمر.. عشان إيمان.. : لا والله ماخليتك تخطي شبر برع الخور الا وانت متغدي في بيتنا..
عمر: بس يا..
الشيخ: مثل ماقال لك ولدي.. ماتشبر برع الخور الا وانت متغدي عندنا اليوم..
عمر: أمري لله..
نش الشيخ ومهير مع عمر.. ومشوا صوب بيت بومهير.. وبومهير طول الوقت مبتسم.. ومستغرب من الدنيا كيف صغيره.. الريال الي طرده من البيت يوم راح يبارك له.. اليوم يضيف ولده..
وصلوا البيت وتريق وياهم وقعدوا سوى من بعدها..
بومهير: عيل يا عمر قلت لي ان الوالد في المستشفى ألحين..؟؟
عمر: هيه والله.. عشان جي ابا ارد دبي ابا اروح عنده .. لأني ان شاء الله بعد يومين بسافر..
مهير انصدم وحط كوب الجاي على الصينيه: شووووو.. بتسافر.. بصوت واطي.. لا بالله ماخذتج يا إيمانووو..
بومهير: شفيك؟؟ بسم الله..
عمر: هههههه.. الظاهر قام مايقدر يفارقني..
مهير: ههههه .. شوبلاك يابوي.. اسوي سوالف تراني
عمر: انزين عيل السموحه منكم انا بترخص..
بومهير: وين يابوي تو الناس.. تراك ماتغديت عنا..
عمر: ماعليه.. فرصه ثانيه ان شاء الله.. مابا اتأخر على ابوي..
بومهير: خلاص عيل.. بس اسير ابدل واييك
مهير: لا مايحتاي خله يروح.. وانا وياك نروح وراه
عمر: خلاص تم.. يلا في أمان الله
بومهير: مع السلامه
مهير: ابوي.. انت كيف بتزور بوعمر وهو رايغنك من بيته..
بومهير: ياولدي.. ترا العشره الي بيني وبينه مانسيتها.. والي فات مات.. وبوعمر ريال طيب..
مهير: شقايل طيب وهو رايغنك من بيته..
بومهير: ربك غفور ورحيم بعباده.. ليش انا الي عبد من عباد الله ماغفر له ولا اسامحه

مهير: والله يابوي كل يوم تكبر في عيني وافتخر بك زود عن الي قبله..
بومهير وهو يضرب مهير بالعصا عريله..: عقبال ماربي يهديك وافتخر فيك انا.. مسود الويه
مهير: لاحوووووول..
بومهير: وراك وراك.. الين ماتعتدل..
....
مهير راح غرفته عشان يتزهب ويودي ابوه دبي عند بوعمر.. وفي هالوقت شاف مكالمتين لم يرد عليهم.. من إيمان.. تم يطالع الرقم ومب قادر يتصل.. يحس ان علاقته الي ردت مع عمر هي الي تمنعه.. ماوده يخون اخوه الي رابي وياه.. إيمان عرفت بحبه ووصل لقلبه.. وماتم شي ليش يتمون على اتصال.. ويخون ربيعه واخوه.. قرر يتصل في إيمان ويقول لها..
إيمان: بس ليش انزين فهمني؟.. شو الي غير رايك؟
مهير: إيمان.. انا ريال عند كلمتي.. قلت لج بتصيرين حليلتي.. وكلها فتره وتريي ان ماشفتيني ياي بيتكم خاطب..
إيمان: من صدقك ترمس..
مهير: هيه.. ولي عندج مفاجئة
إيمان: تدري انت بقرارك هذا ريحت ضميري.. لأني بهالطريقه مابكون نقضت العهد الي بيني وبين نفسي اني ما ارد اخون هلي..
مهير: وهاي شيمتي فيج.. لولا خبالي جان مارمستيني..
إيمان: هههههه.. يلا عيل حط بالك على نفسك.. واي شي تباه لا تتصل.. بس طرش مسج
مهير: ابا التليفون ولا نسيتي..
إيمان: اوهووو ياحبك للخساير..
مهير: هههههه..
وبند عنها وسار عند ابوه وراحوا على درب دبي..
..
وصل عمر المستشفى عند ابوه ودخل عنده .. شافه روحه..
عمر: ابويه اليوم في ريال بيزورك؟؟
بوعمر: بومهير؟
عمر: لا بعدني مالقيته.. هذا سلمك الله شيخ المسيد الي صليت فيه في خورفكان..
بوعمر وهو مستغرب: خورفكاااان!!!.. شو وداك هناك؟
عمر: من الضيج يابوي.. والشيخ ماقصر تم يرمسني وتعرفت عليه ويوم درا انك في المستشفى قال بيزورك..
بوعمر:فيه الخير.. ماعليه حياه الله
بوعمر: وشو اسم الشيخ؟
عمر: ها.. اوهو احين بتوهق.. اسمه اسمه.. نسيت تصدق..
بوعمر: ماعلينا.. خبرني.. شو سويت ويا بنت عمك.. مابتردها يا ولدي.. أحسك استعيلت بالطلاق..
عمر تنهد ونزل راسه.. وتم يحرك صبوعه الإبهام من كل ايد حركه دائرية.. : يابوي والله ودي.. ودي اليوم أردها قبل باجر.. بس هي ميبسه راسها هب طايعه..
بوعمر: تباني ارمسها لك؟
عمر: لا يابوي.. مابا احسها مجبوره على شي.. خلها.. خلها براحتها.. وانا شاريها وعمري مابتخلا عنها.. كنت حاط في بالي اسافر واشرد من هالمشاكل كلها.. بس قلت السفر مابيحل شي.. بالعكس.. بيعقد الأمور زود وزود..
بوعمر: هذا ولدي عمر العاقل .. الفاهم.. وزين مافكرت..
ومن بعد السوالف.. سمعوا صوت الباب.. عرف عمر منو الي ياي.. بسرعه راح صوب الباب.. واستقبل مهير وابوه
عمر: حياك ابويه حياك..
بو عمر اعتدل في يلسته.. عشان يستقبل الضيف.. وكان يطالع صوب الممر يتريا الضيف يطل عليه ويشوفه.. وفجأة شافه وانصدم تم مبهت يطالعه.. وبومهير كان مبتسم له ومتأثر.. بوعمر بهيبته ومكانته.. اليوم طايح على السرير بهالضعف والإنكسار.. تقرب منه وبلحظه صمت حضنوا بعض.. بوعمر ماقدر ايود عمره.. تم يصيح.. : سامحني يا خالد ياخوي.. سامحني .. انا غلطت وايد بحقك
بومهير: لا تقول هالرمسه يا علي.. ترانا اخوان قبل لا انكون جيران..
بوعمر: مابا اروح من هالدنيا وانت شايل بخاطرك علي دخيلك
بومهير: قلت لك ياخوي مب شايل عليك..
نش من حضنه ويلس على الكرسي القريب وتم متساند على العصا.. وتقرب مهير من بوعمر.. وباس راسه..: تستاهل السلامه يا عمي..
بو عمر وهو يطالعه : الله يسلمك.. أكيد انت مهير.. ماشاء الله يا ولدي.. كبرت ..
بومهير: والله العيال يا بوعمر يكبرون بسرعه .. ونحن نكبر وياهم
بوعمر: صدقك والله.. هيييييه.. ايام.. كنا نتيمع ويا شياب الفريج.. ونسولف.. والله اني ضيعت كل هذا بيدي.. وعيالنا ياخالد.. دومهم ويا بعض.. مايتفارقون.. وانا الي فارقتهم..
بومهير: مب انت يا بوعمر الي فرقهم.. شيطانك الي كان متمكن منك هو الي فرقهم..
بوعمر: لا تذكرني كل ما اتذكر قلبي ينقبض..


عمر: لا دخيلك يابوي.. كله ولا قلبك ينقبض عاد.. ماصدقنا تتحسن حالتك..
بوعمر: هههه..
مهير: شوف.. من يطلع عمي علي من المستشفى.. لكم مني عزيمه على شرف عمي عندنا في الخور.. لكم كلكم..
بوعمر: لا ياولدي يا مهير.. هاي العزيمه لازم تكون في بيتي.. عربون الصلح
بومهير: خلاص.. ماعاش من يردك
بوعمر: تسلم لي والله.. ماتوقعتك تسامحني.. ولا بعد اتييني بنفسك..
بومهير: انا من دريت انك بالمستشفى.. قلت والله مابات اليوم الا وانا زايرنك..
بوعمر: اصيل يا خالد مثل ماعرفك دوم.. مب شــ..
قاطعه بومهير: شوقلنا.. طب هالموضوع وانساه وادفنه في سابع ارض.. خلاص..
وقعدوا وكملوا سوالفهم.. عمر ومهير كانو حاسين براحه كبيره لهالصلح الي صار..
-=-=-=-=-=-
في بيت بوسلطان
نشت غزلان وشافت مهى ووفاء رقود.. .. سارت تغسلت وسبحت.. وصلت الضحى.. وفتحت الستاير.. وكان نور الشمس في عين مهى الي كان تحرطم طول الوقت..
غزلان وهي حذال منى وتمط لها شعرها شوي.. ولا اذنها.. ولا تنغز فيها.. وهي تحرطم.: نشي ولا مابقول لج الكلام المهم الي كنت بقوله..
مها: روحي لا.. الي يسمعج يقول ماشي.. نشرة اخبار الساعه تسع.. خليني ارقد..
غزلان وهي تقرب من اذنها..: بيفوتج الي بقوله عن احمد..
ونشت من عندها.. وماحست الا بإيد مها تقبضها من ظهرها وتسحبها.. وتسدحها على السرير.. خبريني ولا بدوس في بطنج..
نشت وفاء على هالحشره وتمت تتطالعهم مستغربه: شو ياكم تخبلتوا؟
غزلان: لحقي علي.. اختج مجرمه.. تبا تذبحني..
مها: بذبحج وبييب أجلج لو ماقلتي الي بتقولينه..
غزلان: مب قايله عناد..
وتمت مها تلعوز غزلان.. الي كانت هلكانه ضحك.. ووفاء حاسه عمرها ضايعه..: ايه اخبركم .. شو السالفه فهموني..
غزلان: مب قاااااااايله..
دشت عليهم ريم ومعاها جواهر: شو ياكم بنات تخبلتن..
غزلان: خوزي هالنسره عني.. خيبه مب آدمية..
نشت مها وابتعدت عنها..: ماعليه.. دواج عندي بعدين.. وين بتروحين عني..
ويلسوا البنات والضحكة مب مفارقتهم.. دشت عليهم ام سلطان.. الي استانست من الخاطر يوم شافت هالضحكه وهالوناسه الي مالية عليهم.. : نشن يا بنيات.. ولا ماتبن تتريقن..
وفاء: الصراحه انا مييييته يوع حدي..
ريم: وانا بعد..
جواهر تذكرت امها في هاللحظه.. الي كانت تطل عليهم كل صبح وتوعيهم عشان يتريقون.. حبست الدمعه في عينها عن حد من خواتها يلاحظن هالحزن ويزعلن.. واخفت الحزن الي فيها بإبتسامه شفافه .. وظهرت من الغرفه مع ام سلطان.. وريم راحت وراهم.. كانت جواهر ترمس ام سلطان وماشين يدام .. وريم متأخره شوي.. وماحست الا بفوطه تنفر عليها.. غيضت.. نزلت الفوطه من على ويهها.. وصدت صوب المكان الي انفر منه الفوطه.. شافت ناصر واقف ومنزل راسه مفتشل.. : اسف..
ريم استحت اتقول شي.. بس كل الي سوته.. ردت فرت الفوطة عليه وضحكت وسارت..
ناصر: اعوذ بالله.. شريه هالبنت..
ونزلت ريم من الدري وهي تضحك على شكله والفوطه مغطيه ويهه.. شافت احمد وسلطان قاعدين .. أحمد كان يشرب شاهي.. وسلطان يقرا جريده.. عدلت وقايتها.. وتقربت..: صباح الخير..
سلطان: صباح النور .. والسرور.. والورد المنثور.. والعنبر واحلى الزهور..
أحمد: الله الله.. ماشوف يوم اني قلت صباح الخير.. لقيت هالرد..
سلطان: احين تبا تقارن هالويه السمح الي نصبح فيه.. بويه شرات ويهك..
جان تستحي ريم وتنزل راسها...
أحمد وهو يصد صوب امها..: تدرين يمي.. طول عمري كنت اتمنى لو يبتي لنا اخت اصغر عني وعن ناصر.. عشان ادلعها.. والله مارد مرادي.. لقيت اخت والنعم فيها..
في هاللحظه صدق تأثرت ريم ونزلت الدمعه منها



سلطان: عاد البنت ماصدقت من قلت ادلعها,.. قامت تتدلع..
أحمد: خلها من حقها.. ولها علي كل يوم اوصلها المدرسه واردها.. بعد شو تبا ..
مها كانت نازله من الدري وسمعت رمسة أحمد.. وقعدت تحرطم: هيه اشعليها بيستوي دريولها الخاص.. ليتني كنت انا الي ثاني اعدادي وهي الي اول ثانوي
وفاء وهي تضحك: انتي شو تقولين؟؟
مها: اقول جب..
غزلان: هههههه.. الإخت متعشية فلفل البارحه..
مها وهي تحاول تسوي شي بحيث يحس أحمد بوجودها..: عموو.. شوفي بناتج.. مب مخلني في حالي.. من قوموني الصبح وهن حاطين علي حط..
أم سلطان: اخبركن.. ولا وحده فيكن تقرب بنتي مها.. حبيبتي هاي.. لحد يقولها شي.. ولا ترا الويل ويله.. له الحوي كله يخمه..
ناصر وهو يطالع مها بنقمه يوم سمع هالرمسه وهو نازل..: مادري شو متحسبينها.. مدام تريزا..
أحمد: سمعتك تراني..
ناصر: بل بل.. مب اذن.. جهاز استشعار..
ام سلطان: ويه.. بسم الله على ولدي.. قول لا إله إلا الله..
ناصر: اشعلييك.. يدافعون عنك.. انا وحليلي منو لي يدافع عني...
غزلان: شوفيكم.. مستويين جمعية الرفق بالإنسان.. خانت نتريق هالريوق الزين..
وبدوا كلهم يتريقون وياكلون.. ومها طول الوقت وهي تحاول تتطالع احمد بخلسه بس مب قادره لأن ناصر مغطي على احمد ويسوي لها حركات يغيض فيها.. وغزلان ميته من الضحك عليهم..
يوم لاحظت مها نظرات غزلان وضحكاتها.. قررت انها تنتقم.. خصوصا لأن الصبح غيضت فيها.. نشت وتمت تسوي عمرها انها تبا تاخذ شي من صوب غزلان .. ودزت كوب العصير وانصب على صحن غزلان وشوي من شيلتها.. صرخت غزلان والكل صد يطالعها .. ومها ميته من الضحك عليها..
غزلان: ماعليه يالسباله.. عيل تصبين علي العصير.. انا اراويج.. وتضحكين بعد.. ضروسج هاي بكسرهن لج..
مها: ههههههههه.. انتي مادري كيف حاطه الكوب.. لا تيلسين تتبلين علي.. انا مايخصني..
ناصر تم يطالع مها بحقد.. ونش من السفره... ومها تتطالعه بنظرات .. وتمت اتطلع لسانها وتمصخر.. والبنات ميتات من الضحك على الموقف .. خصوصا احمد.. كان صدق مستانس يوم شاف مها تبتسم وتضحك..حط في باله ان غزلان اكيد قالت لها الموضوع من جي مستانسه..
غزلان: انا براويج يالدبه.. ماعلييييه
مها: عيل تخليني الصبح اترجاج..
غزلان: الصبح قاعده تضرب فيني.. واحين العصير.. اوووكي اووووكي..
ونشت غزلان وسارت فوق عشان تبدل.. ومها ميته من الضحك.. من بعد ما خلصت الريوق.. سارت صوب الجرايد واتدور من بينهم على شي.. سلطان كان قاعد حذال الجرايد سألها: شوتدورين مها؟؟
مها: ماشي مجلة كل الأسره.. زهرة الخليج أي شي...
ناصر: في مجلة ماجد تبين..
مها: هيه تنفع هات ..
ناصر: ادفعي 3 دراهم وبعطيج
مها: خيبه زط.. مابا خلاص..
ابتسم ناصر لأول مره لمها.. وفر عليها المجلة.. خذتها وطلعت من الميلس وسارت صوب المنصه ويلست على الكرسي الهزاز وتقرا.. أحمد تم يتحايل عشان يدور له أي طريقه ويقدر يطلع برع ويرمسها.. وقدر يطلع.. سوى عمره يرمس في التليفون وانه مب منتبه انها قاعده.. هي من سمحته ويهها احمر واستحت.. وتمت مرتبكة مب عارفه شو تسوي..
أحمد: خلاص عيل أخبرك.. متى ماتقررون تلعبون كوره خبروني.. ياخي من زمان مالعبت احس عمري نسيت اللعب..
مها كانت تسمع وميته غيض.. شووو بيلعب كوره.. أكيد ين.. لا أكيد فيه شي.. مب صاحي اشهد انه مب صاحي.. توه ريله ما مدالها تتحسن يبا يلعب بها.. اففففف ليتني اروم امنعه
أحمد: يلا عيل سلم على الشباب مع السلامه..

صد في هاللحظه وراه وشاف مها وهي تهز بالكرسي وتتطالع المجله .. بس كانت من الربكه ماسكه المجلة بالجلب.. ابتسم احمد وتقرب صوبها وسحب المجله وعدلها وابتعد عشان يروح عنها.. في هاللحظه ارتبكت مها زود.. حست به قريب.. قريب واااايد منها.. كانت شعره بين ايده وايدها بس كان يحاسب انه مايلمس أي طرف منها.. ابتسمت وهي منزله راسها واحمد يتحرطم.. افففف هاي مابترمس يعني .. مابتقول شي.. بتم ساكته تخليني احترق.. يعني اروح.. ادخل داخل.. وهو مب منتبه علا صوته.. يعني ادخل داخل..
تيبس احمد لحظتها وقف مكانه.. وحط ايده على ثمه .. شو سويت انا الغبي.. شو هاااااا .. ومها صدت تتطالعه شافته معطنها ظهره و واقف مكانه..
مها: انت ترمسني؟
احمد.. اففففففففف هاي يا غبيه او تستغبى.. يعني ارمس منو.. القطوه الي في الحديقه.. والا العنز الي في الزريبه..
مها: انت صدق بتلعب كوره؟
أحمد وهو شاق الحلج .. يصد صوبها .. ونزلت راسها بسرعه: هيه.. ليش.. تبين تلعبين كوره؟
مها وهي مبتسه.. لاحظ احمد الغمازه الي على خدها اليمين.. وابتسم..
مها: لا بس انت توك يادوب ريلك تحسنت مب زين العب عليها..
أحمد ويحس بالفرحة مب شايلته من مكانه.. تخاف علي.. فدييييتها والله فدييييتها.. والله ويا غزلان مفعولج قوي..
أحمد: لا بس مليت شو اسوي تولهت على اللعب..
مها: هيييييييه.. خلاص بس انا نصحتك وانت كيفك..
أحمد تم ساكت .. وده يسألها شو رايها بالكلام الي قالته لها غزلان يتحسب انها رمست.. بس كان متردد..
ومها ودها تسأل عن منى وسالفتها... بس متردده..
وبعد فتره الصمت.. رمسوا اثنينهم سوا.. : اقول..
مها: خير تفضل قول..
أحمد: لا انتي بالأول قولي..
مها : لا لا .. انت بالأول قول..
أحمد: لا انتي ..
مها: لا انت..
غزلان في هالوقت شافتهم من الجامه وظهرت من الميلس .. وراحت لهم المنصه: ايه انتوا ماتستحون.. فضحتونا..انت وانتي.. يلا كل واحد لغرفته.. وماتشوفون بعض غير يوم العرس..
مها وهي فاجه عيونها.. : يــــــــــــــــــــــوم العـــــــــــــــرس؟؟ أي عرس؟؟
غزلان: اوه.. ماتعرفون ..
احمد وهو فاج عيونه على غزلان: انتي شو تقولين؟
غزلان: شوفيكم ماقلت شي تراني.. صدق.. يوم العرس.. عرسي يعني
احمد وهو يحس براحه.. : هيييييييه اتحرا
مها وهي منزله راسها وبصوت واطي: مالت استانست قلت احين بيقولون عرسي مع احمد.. صدق صدق.. احلام الفقراء..
غزلان: انزين احمدوو ممكن تفارج وتطلع من هني شوي.. عندي سالفة مع مها
احمد وهو ينغز غزلان..
غزلان: شوفيك انت.. يلا روووح ياخي
أحمد: انا ساير بشوف سلطان وينه..
غزلان: أحسن
وطلع احمد من عندهم ودخل البيت.. وتمت غزلان ويا مها
غزلان: شوفي يا بنت الحلال.. بدخل في الموضوع مباشره.. أحمد حس بج امس متضايقه.. وسألني ليش مها متضايقه.. شوفيها؟؟ .. ومن الرمسه الي انتي قلتيها له امس .. ليت اسمي منى؟؟.. استغرب.. وحس انج مرتاحه له وفي شي تحسين به صوبه.. شراااااات ماهو حاس.. من جي كلمني قالي ارمسج واشاورج .. اذا انتي حاسه فعلا تبينه .. ومرتاحه له.. عشان بعد ما يعدي على الأقل شهرين ولا ثلاث عن وفاة المرحومه امج.. بيرمس عبدالله.. بس هذا كل مافي الموضوع.. وبعد شي قبل لا انسى.. لا تحطين منى في بالج.. منى هاي انسانه كان في يوم من الأيام احمد خاطبنها بس الله ماكتب نصيب وتزوجت... بس اكتشف احمد عقب انه اصلا ماكان يحبها ولا شي.. كان اعجاب لاغير.. بس الي خلاه يخطبها لأنه ارتاح له.. ويوم باعته انصدم.. فلاتحطين شي ثاني في بالج.... وعلى فكرة.. تراني رمست خالوو وقلت لها عن احمد انه حاط عينه عليج... فقالت لي.. هي بروحها حاسه بهالشي من قبل.. حتى فدوى وسلطان وكلهم حاسين بذات الشي.. ومستانسين لإختياره هالمرة ومتحمسين..
من بعد ما خلصت غزلان رمستها .... وتقربت غزلان من مها ويلست على الطاوله المجابلة مها وشلت مجلة ماجد.. : اخبرج لقيتي فضولي؟
مها وهي تضربها على جتفها: انا وييييين وانتي وين؟
غزلان : وبعدين يعني.. شوفي هاي ثالث ضربه.. احين بسير بخرب كل شي صبر..
نشت غزلان اونها بتسير يودتها مها وسحبتها.. وباست خدها.. وردت باست خدها الثاني.. وباست راسها.. : سامحيني اسوووولف تراني..
غزلان: بوسي ايدي بالأول..
مها: يلا عاد مصختيها..
غزلان : ههههههه.. ها شو قلتي.. ايبب؟؟
مها وهي منزله راسها مستحيه..
غزلان: شوفي هالحركات تنزلين راسج ماتنزلين راسج مب علي انا اوكي.. خليها يدام اخوج ولا خالوو ولا أي حد من الكبار فاهمه..





وتموا يضحكون ويسولفون.. واحمد طول الوقت وهو يراقبهم من الجامه.. شافته امه.. تقربت منه وعرفت هو وين يطالع.. حطت ايدها على جتف احمد: لك مني يا احمد من تخلص مها هالسنه أخطب لك اياها.. واسوي لكم ذيج الحفلة الي لا صارت ولا استوت..
حس بفرحة أكبر من قبل.. خصوصا ان عرف ان امه حاسه به ومب معارضه ولا أي احد من العايلة معارض..
=-=-=-=-=-=
في بيت عادل
كانت أميره قاعده مع حمد في الميلس ويسولفون.. أميره رغم معارضتها لفكرة الزواج.. إلا انها حست براحه لحمد.. كانت تحس ان في وايد طباع متشابهة مابينه وبين المرحوم .. كانت طول الوقت يرمس ويسولف لها عن طلعاته واميره طول الوقت تتطالع عيونه ومبتسمه.. تحس بعمرها في عالم بعيد .. عالم حمد.. شي عجيب في هالإنسان يجذبها .. نزلت راسها وتمت ساكته.. وقتها سكت حمد واستغرب.. هاي ليش سكتت؟؟
حمد: أميره.. شي فيج؟
أميره: ها لا ماشي.. مافيني شي.. بس تذكرت اييب لك عصير..
حمد : يلسي يلسي.. ترا توني شارب 3 كوب عصير يبتيه لي.. بينقع بطني من الشرب
أميره : بسم الله عليك..
حمد: شو شو .. شو قلتي عيدي..
أميره وهي تضحك ومحمره.. : شو قلت.. ما قلت شي.. قلت بسم الله عليك..
حمد: يعني تخافين علي يا اميره..
أميره: ليش ماتباني اخاف على شريك حياتي؟؟
حمد: أميره تسمحين لي اقول لج كلمة؟؟ ..
أميره: قول..
حمد: أحبج..
استحت.. وتمت مرتبكه ماتعرف شو تسوي.. : امممم.. بسير اييب العصير..
حمد: هههههههه.. بعد عصير.. لا ناويه علي البنت..
راحت أميره المطبخ وتمت اتجهز العصير.. دخلت عليها امها.. : شو تسوين سيري يلسي عند ريلج عيب عليج؟؟
أميره: ها.. لا ماشي.. بس اسوي له عصير..
ام عادل: شوفيج.. انا بسوي وبييبه سيري يلسي مب حلوه تخلين الريال روحه في الميلس..
أميره: انزين امي بغيت اسألج.. رمستي خالو؟؟
أم عادل سكتت وسحبت الكوب عن اميره عشان تجهز العصير..
اميره: يعني افهم انج ما رمستي وياها.. لييييييييش؟
أم عادل: أميره خلاص يا يما.. مابا اعرس..
أميره: لا مايخصني .. لازم لازم ..
أم عادل: جي غصب..
أميره: هيه.. امي ابا اطمن عليج قبل لا اظهر من هالبيت؟؟
أم عادل: عاد الي يسمع من بعد المسافه الي بيني وبينج.. وبعدين عادل وحصه موجودين وياي
أميره: امي مهما يكون ترا حصه صغيره مهما كانت.. وعادل ويا مشاغل الشغل.. لازم اطمن ومب بكيفج فاهمه
أم عادل: خيبه خيبه.. هالكثر مستعيله علي
تقربت اميره من امها وحضنتها وباست راسها: دخيلج امي... لا ترديني.. انا برمس خالو اليوم وبقول لها..
سكتت ام عادل ولا قدرت اترد على بنتها.. وظهرت اميره من الميلس.. وشافت عادب متسفر ومتكشخ اخر كشخه.. : عيل اكيد انت ساير عند حصه؟
عادل: هيه.. بغيتي شي؟
اميره: لا بس وين بتسيرون؟
عادل: مادري والله للحين محتارين..
أميره: انزين انا عندي اقتراح؟
عادل: قولي.. وبعدين تعالي مب جنه ريلج في الميلس مب عيب عليج مخلتنه روحه..
أميره: ههههه لا عادي... اسمع.. شو رايك انا وحمد وانت وحصه نطلع سوا.. نستانس جي اكثر..
عادل: والله فكرة حلوه.. انتي قولي لريلج يمكن مايرضى.. يستحي ولا شي..
أميره: اوكي..بس تعال وياي
عادل: اصلا انا ساير صوبه عشان اسلم..
وساروا سوى الميلس وسلم عادل على حمد.. وقالت اميره الفكرة.. وماعارض حمد الفكرة.. دام انه عارف ان هالشي بيفرح اميره... وكلم عادل حصه وقال لها.. واقترحت انهم يقولون لإبراهيم وغزلان بعد..

عادل: عيل الطلعه طلعة معاريس
حصه: هههههه.. بس على الله توافق ام غزلان ماتعارض
عادل: قولي لها ان مابيكونون روحهم انا و حمد واميره كلنا موجودين..
حصه: خلاص تم..
واتصلت حصه في ام غزلان.. ويلست تحايل عليها لين ماوافقت.. وقرروا انهم يروحون قرية البوم السياحية في دبي..
غزلان: قووووووولي والله حصووو امي وافقت؟؟ كييييييف؟
حصه: بعد انا حصه.. يلا سيري تزهبي.. عشان اخبر ابراهيم.. اسميني بربح من وراه عيل..
غزلان: ههههههه.. مايحتاي اتعبين روحج.. اصلا انا شابكة الخطوط وسمع كل شي..
ابراهيم: عيل تبين تربحين هااا..
حصه: بسم الله من وين طلعت.. ماعليه يا غزلان.. ماتساعدين ربيعتج..
ابراهيم: شوفي انا عندي حرمه وانتي عندج ريلج تربحين من وراه..
حصه: لا بس حلو يوم نربح دبل
غزلان: الطمع مايمدحونه..
حصه: انزين انزين.. بلا هذره زايده.. ضيعتو وقتي.. بسير اتزهب.. وانتي مادموزيل.. سيري تزهبي..
غزلان: وين بنسير..
ابراهيم: هاي خليها علي انا بتفاهم ويا الرياييل وبشوف وين.. ويلا نص ساعه وانا بييج كوني جاهزه
حصه: ويه .. فديييييييت اخوي الي مايروم يستغني عني..
ابراهيم: انتي منو رمسج اصلا.. انا قاعد اقول لمرتي هالكلام..
حصه: ماعليييييه.. الشرهه على اخوي الي اقترح اتيون ويانا.. قطع...
غزلان: ويه ويه.. خل ابند عصبت الإخت..
وبندوا الخط .. وكل وحده فيهن تجهزت..
مها: ياحيج.. بتظهرين ويا ريلج.. عقبااااااااااااالي ياحق يا كريييييييييم
وفاء وهي تضربها على راسها: عيب عليج.. اسكتي..
مها: والله ان ياني ارتجاج في المخ.. بقول ان انتي السبب..
ريم: ههههه خيبه ارتجاج من ضربة بسيطه
مها: هيه عيل شو.. راسي رهيييييف مايتحمل
غزلان: هههه لا تلعوزون خطيبة ولد عمي.. يلا عاد ما أرضى..
ريم ووفاء: نعم نعم نعم.. شووووو قلتي؟
غزلان: يلا مع السلامه ريلي وصل..
ريم وهي تسحب غزلان من شيلتها: وين وين سايره.. ماشي... بالأول فهميني..
غزلان": اختكم عندكم أتفهمكم .. يلا انا عندي سهرة زوجية..
وفاء: مامنج فايده..
ومها حاولت تشرد ورا غزلان بس مسكوها.. جان تمد بوزها .. : افففففف ابتلشت.. لازم ارمس..
ريم: هييييه ارمسي..
مها وهي تسوي حركات: اثتحيييي ماقدل..
وفاء: حبيبتي انتي.. يلا قووولي بسرعه
ويلست مها تقول لهم السالفه وهي ميته من الحيا.. وهم مندمجاات ومستانسين لها من الخاطر..
=-=-=-=
في السياره
غزلان: اشحالك؟
ابراهيم: تسأليني عن حالي.. اي حاااااال بيتم فيني وانتي قربي.. مب مصدق والله مب مصدق.. اخيرا امج ما بغت اتطيع اظهر وياج .. بس حسافه مابنكون روحنا ويانا هالحشاكل..
غزلان: حرام عليك لا تقول عنهم حشاكل .. تراهم حالهم من حالنا..
ابراهيم: لا مب شرات حالنا.. عاد انا يالله اشوفج.. وماظهر وياج عكسهم..
غزلان: بس حبنا مب شرات حبهم..
ابراهيم: في هاي غلبتيني..
غزلان: انزين وين بنسير؟
ابراهيم: استحت اونها .. بنسير البوم.. يقول عادل انه حجز لنا طاوله لـ 6 أشخاص..
غزلان: الله كشخه.. صدق وناسه احس..
ابراهيم: انا مستانس بس لأنج انتي وياي.. مو لشي ثاني
غزلان: ههههههه.. يلا خل ننزل وصلنا..




ونزلوا كلهم.. والحريم كانو سوا.. والرياييل سوى.. وراحوا المركب الي كانو حاجزين فيه.. وقعدوا اماكنهم.. غزلان وحصه وأميره ياسات حذال بعض.. وحمد وابراهيم وعادل كل واحد مجابل مرته.. والسوالف كانت ماخذتهم ومرتبشين من الخاطر


وتعشوا.. وكانو مسوين حشره صدق.. وكل الي في السفينه وياهم طفرانين من الخاطر..
حصه: اصصصص.. والله لا يفرونا في البحر..
حمد: اقول انا واميره سايرين فوق..
إبراهيم: انا بعد بسير ويا مرتي..
عادل: لا والله وانا وحصو نتم هنا حراس.. شو يقعدنا.. بعد نحن بنصعد..
ونشوا كلهم وصعدوا الطابق الثاني من السفينه .. والسيفنه تتحرك.. وكل اثنين فيهم ماخذين لهم طرف وقاعدين فيه..
غزلان: لو انا طحت في البحر انت شو بسوي..
إبراهيم: مابسوي شي.. بصفر عشان ايي الدولفين واركب ظهره وانقذج..
غزلان: وععع.. مووول مب رومانسي..
إبراهيم: ههههههه.. اسولف وياج شو بلاج..
غزلان: هات تليفونك..

إبراهيم: شو تبين به؟؟
غزلان: لا تخاف مابفتج.. بس خلني اصور شي..
وإبراهيم: وليش ماتصورين بتليفونج..
غزلان: اخاف الفلم يخلص.. هههههههه..
ابراهيم: بايخه .. ماتضحك..
غزلان: تعرف انا يوم اعصب شو اسوي؟
ابراهيم: شو تسوييين يا حلوه؟
غزلان: افرك في البحر..
ابراهيم: خيبه مجرمه مب حرمه..
غزلان: ههههههه

..






أميره: حمد شوف منظر البنايات وااايد حلو..
حمد: هي .. تصميمهم حلو.. وموقعهم.. والليتات.. شي عجيب الصراحه.. والي احلى من هذا كله اني واقف اشوف القمر يدامي..
أميره : اي قمر.. انت من صدق ترمس.. لا شكلك فيك رقاد ومخرف
حمد: ليش؟
أميره: نحن في أول الشهر.. شو ياب القمر..
حمد: المشكله لو كنت شرات الحريم عندي مرايه جان راويتج اياها..

فهمت عليه اميره واستحت ونزلت راسها.. وطلعت التليفون وبدت تصور منظر البنايات..


حمد: روحي روحي.. ماتعرفين تصورين هاتي انا بصور..
في هاللحظه عادل وحصه كانو وراهم ويسمعون.. بس عادل سحب التليفون من ايد حمد..: هات محد يعرف يصور شراتي..
حمد: وانتوا من متى واقفين هني؟
حصه: من المرايه..
أميره: احم احم.. وتمت اتكح.. والكل ميت من الضحك على الموقف.. ..
وتيمعوا وكل واحد طلع تليفونه وبدا يصور.

الجزء ( 67 ) : للحب عنوان
ملخص ماسبق: تلاقي عمر مع مهير وابوه ومقابلة بومهير مع بوعمر.. والصلح بين العائلتين.. قرار مهير يقطع اتصالاته مع إيمان احتراما لعلاقته الي ردت مع عمر.. واكتشاف عمر حمل منى.. ورفضها وعنادها من الرجوع له.. ومعرفة مها بمشاعر احمد صوبها.. ورغبته بالإرتباط.. طلعة المعاريس الجماعية..
=-=-=
اليوم الثاني
نشت منى الصبح وهي حاسه بتعب.. تمت تتطالع حواليها.. شافت إيمان قاعده على الكرسي وحاطه راسها على طرف سرير منى وراقده.. وعالطرف قاعدة ام عارف.. حركت ايدها منى ببطء ومسحت على راس إيمان..
منى: إيمان.. نشي حبيبتي..
إيمان وهي تبتسم لها: صباح الخير..
منى: صباح النور.. حرام عليج ليش للحين تامه هني.. جان رديتي البيت ترتاحين شوي..
إيمان: ماعليج انا مرتاحه.. بس مرت عمي ياما حاولت وياها ماطاعت ترد..
منى: وحليلها والله فديتها هاي امي وأبوي.. وأختي وكل شي بقى لي بهالدنيا..
إيمان: لا لا لا.. انا هالكلام الي يضايقني.. ليش ونحن وين رحنا.. مب بنات عمج وحسبة خواتج.. وعمات البيبي الحلو..
منى: هههههه..
نشت أم عارف وابتسمت.. واستانست يوم شافت منى تضحك..: صباح الخير.. هذا الويه الي الواحد يصبح عليه وهو مستانس..
منى: فديتج اميي..
وفي هاللحظه ماسمعوا إلا الباب ينفتح وتدخل عليهم حرمه أول مره يشوفونها.. ماعرفوها.. تقربت.. وكان لونها شاحب.. مبين ان في شي كبير خاشتنه..
أم عارف: خير اختي..
---: اهني منى عبدالرحمن..
منى: هي نعم انا ..
---: انا سرت بيت ريلج قالت لي مرت اخو ريلج انج في المستشفى وييتج على طول..
منى وهي تتطالعها بإستغراب: خير شو السالفه؟؟ في شو بغيتيني؟
---: أمج عفرا..
منى وبعصبيه وهي صاده صوب إيمان وقابضه ايدها.: انا ماعندي ام غير ام عارف.. وهاي ماعرفها..
---: دخيلج يا بنتي سمعيني..
منى: مابا اسمع شي عن هالإنسانه..
صدت هالحرمه صوب أم عارف وتترجاها: دخيلج قولي لها تسمعني..
أم عارف: قولي الي عندج ونحن نسمعج..
---: منى امج مسويه حادث وحالتها تعبانه.. وماعلى لسانها غير اسمج .. تبا تشوفج.. بدت تدمع عيونها وتصيح.. منى امج تعبانه وايد.. وايد..
منى من سمعت هالرمسه ماقدرت تتمالك نفسها.. مهما يكون هذي الإنسانه الي يسري دمها في جسمها.. ماتقدر تنكر انها امها.. حاولت تقبض دموعها.. ونشت من مكانها..
إيمان: وين سايره يا منى؟؟
منى: بسير عند امي..
أم عارف: خليها يا إيمان.. مهما يكون ترا عفرا أمها..
ونشت منى بمساعدة أم عارف وإيمان.. ولبست شيلتها.. ومشت ويا هالحرمه صوب الغرفه الي فيها امها.. دخلت الحرمه للغرفه قبلها.. وكانت الغرفه فاضيه مافيها غير عفرا طايحه على السرير وحالتها تعبانه.. الوايرات موصله من كل صوب.. موصلين لها كيس دم.. واكسجين.. وجهاز تخطيط القلب.. الي يشوف عفرا في هالحاله يقول مستحيل انها تعيش.. كانت منى عند الباب ومتردده تدخل.. والحرمه تنادي عليها تدخل.. دخلت وهي تحس ان ريولها مب قادره تشلها.. وتحس بالدنيا تدور فيها.. رد شريط ذاكرتها للحيا.. وشافت امها وهي عندها يوم العرس وتنادي عليها.. دمعت عيونها غصبن عنها.. صعب عليها تشوف امها في هالحاله.. وان ماشافت شي من امها خلاها يحبها.. بس تبقى امها.. تقرب من امها.. حست انها مشتاقه


لهالإنسانه.. حست بشي يربطها فيها.. شي يجمعهم.. في قوة تسحبها صوب هالإنسانه.. وفي لحظه مالقت عمرها منى الا وهي لاويه على امها وتصيح بحرقه..
منى: ليش حرمتيني منج يالغاليه.. ليش حسستيني بيتمي وانتي موجوده.. ؟؟.. وأحين يوم ييتي تبين تروحين عني.. يما.. دخييييلج.. يا يما مابقى لي حد في هالدنيا..
كانت هالحرمه متأثره بهالموقف وايد.. وظهرت من الغرفه قالت تخليهم بروحهم.. وأم منى حست ببنتها.. وفتحت عيونها وكانت تدمع.. بس مب قادره تتكلم .. بصعوبه تروم ترمس.. ويادوب تقدر منى تفهم منها..
أم منى: بنتي.. سام.. سااا..
منى وهي تتطالع عيون امها وتدمع.. : دخيلج لا ترمسين يا أمي.. انا مسامحتج.. دخيلج الرمسه مب زينه لج..
أم منى استانست يوم سمعت من منى كلمة أمي.. وقتها حست بالظلم الي ظلمته لهالبنت.. كيف تخلت عنها.. وهي مالها غيرها.. : سامحيني يا منى.. سامحيني..
منى: امي مسامحتج.. انتي امي.. سامحيني انا لآني تطاولت عليج ذاك اليوم..
وبدت تدمع عفرا وتحضن منى .. وكانت منى تسمع تأتآت بصوت أمها.. بس مب قادره تفهم شي.. وفجأة حست بشي انقطع.. حست ان ايد امها الي كان شاد على ظهرها كأنه انشل.. وصوت جهاز تخطيط القلب يعطي صوت انذار عالي.. وخط التخطيط استقام.. نشت وتمت تتطالع امها.. شافت عيونها مفتوحه بس ماترمش.. ودخلوا الممرضات والطبيب المناوب كلهم.. وطلبو منها تطلع.. بس هي ساكته وتتطالع الزحمه الي حوالين امها والممرضه تطلب منها تطلع لكنها ماتسمع ولا شي.. غير صوت امها وهي تقول سامحيني.. وصوت جهاز التخطيط..
الممرضه: لو سمحتي اطلعي برع ممنوع..
منى : امي هاي امي.. كيف تبيني اطلع
الممرضه: ماعليه انتي انتظري برع الغرفه.. وادخلي بعدين..
وطلعت منى وتمت واقفه عند باب الغرفه.. وفي هالوقت كانت ام عارف وايمان ووليد وعهود ونوره كلهم واقفين عند الباب وياها..
أم عارف: يما منى اشفيج؟
منى: سمعت صوت انذار.. وامي تتطالع عيوني..
الكل فهم ان ام منى فارقت الحياة.. بس منى مب قادره تستوعب الي قاعد يصير حواليها..
تقربت ام عارف وحضنت منى .. وطلع الدكتور وتقرب منه وليد..
وليد: ها دكتور شو السالفه؟؟
الدكتور: انت ولدها؟
وليد: لا .. هي مرت عمي..
الدكتور: عظم الله أجركم..
وراح الدكتور وترك وليد مصدوم.. والكل فهم الي صار.. ومنى من شافت الدكتور روح.. سارت عند وليد: شوفيها امي..
وليد: اطلبي لها الرحمه..
منى: ها.. شو.. يعني امي مابسمع صوتها بعد..
إيمان: تصبري واطلبي لها الرحمه..
قعدت منى على الكرسي وتمت تصيح.. : ليش بعد ما سامحتها انحرم منها.. ليييش؟؟
نوره كانت واقفه وعلى العكاز.. والكل من انشغاله مع منى ما انتبه لها.. تقربت من منى وقعدت حذالها وحطت العكاز على جنب: تصبري يا منى.. ترا هاي ارادة ربج.. ومحد له دخل في القدر..
نزلت منى راسها.. وحاولت تتناسى الموضوع.. لأن وجود أمها في حياتها وعدها واحد.. يكفي انها 22 سنه ماعاشت مع امها.. فماراح تفرق معاها وايد.. عمر من وصل له الخبر من وليد.. ماحب انه يكون بعيد عنها في هالظروف الي تمر فيها..
رفعت راسها منى وعيونها كانو محمرين من الصياح.. وشافت عمر واقف مجابلها.. الود ودها تربع وتحضنه لأنها فعلا محتاجه له .. لكن شي يمنعها.. تقرب منها عمر ويلس على الجهة الثانيه من عند منى.. مسك ايدها وتم يرص عليها.. صدت صوبه منى وتمت تتطالعه وعيونها غرقانه دموع..
منى: عمر.. أمي ماتت..
عمر: بس نحن بعدنا يمج وعايشين لج..
ونش عمر عنها وتمت منى تتطالعه وهو يمشي ويطلع من المستشفى.. قعد حذالها وقال لها كلمتين.. حست بهم منى في قلبها.. فعلا عمر عايش لها.. ام عارف.. وعمها .. واخوانها وبنات عمها.. وكل حد عايش لها.. لكن أمها عاشت لنفسها.. ماعاشت لمنى..
=-=-=-=

لهالإنسانه.. حست بشي يربطها فيها.. شي يجمعهم.. في قوة تسحبها صوب هالإنسانه.. وفي لحظه مالقت عمرها منى الا وهي لاويه على امها وتصيح بحرقه..
منى: ليش حرمتيني منج يالغاليه.. ليش حسستيني بيتمي وانتي موجوده.. ؟؟.. وأحين يوم ييتي تبين تروحين عني.. يما.. دخييييلج.. يا يما مابقى لي حد في هالدنيا..
كانت هالحرمه متأثره بهالموقف وايد.. وظهرت من الغرفه قالت تخليهم بروحهم.. وأم منى حست ببنتها.. وفتحت عيونها وكانت تدمع.. بس مب قادره تتكلم .. بصعوبه تروم ترمس.. ويادوب تقدر منى تفهم منها..
أم منى: بنتي.. سام.. سااا..
منى وهي تتطالع عيون امها وتدمع.. : دخيلج لا ترمسين يا أمي.. انا مسامحتج.. دخيلج الرمسه مب زينه لج..
أم منى استانست يوم سمعت من منى كلمة أمي.. وقتها حست بالظلم الي ظلمته لهالبنت.. كيف تخلت عنها.. وهي مالها غيرها.. : سامحيني يا منى.. سامحيني..
منى: امي مسامحتج.. انتي امي.. سامحيني انا لآني تطاولت عليج ذاك اليوم..
وبدت تدمع عفرا وتحضن منى .. وكانت منى تسمع تأتآت بصوت أمها.. بس مب قادره تفهم شي.. وفجأة حست بشي انقطع.. حست ان ايد امها الي كان شاد على ظهرها كأنه انشل.. وصوت جهاز تخطيط القلب يعطي صوت انذار عالي.. وخط التخطيط استقام.. نشت وتمت تتطالع امها.. شافت عيونها مفتوحه بس ماترمش.. ودخلوا الممرضات والطبيب المناوب كلهم.. وطلبو منها تطلع.. بس هي ساكته وتتطالع الزحمه الي حوالين امها والممرضه تطلب منها تطلع لكنها ماتسمع ولا شي.. غير صوت امها وهي تقول سامحيني.. وصوت جهاز التخطيط..
الممرضه: لو سمحتي اطلعي برع ممنوع..
منى : امي هاي امي.. كيف تبيني اطلع
الممرضه: ماعليه انتي انتظري برع الغرفه.. وادخلي بعدين..
وطلعت منى وتمت واقفه عند باب الغرفه.. وفي هالوقت كانت ام عارف وايمان ووليد وعهود ونوره كلهم واقفين عند الباب وياها..
أم عارف: يما منى اشفيج؟
منى: سمعت صوت انذار.. وامي تتطالع عيوني..
الكل فهم ان ام منى فارقت الحياة.. بس منى مب قادره تستوعب الي قاعد يصير حواليها..
تقربت ام عارف وحضنت منى .. وطلع الدكتور وتقرب منه وليد..
وليد: ها دكتور شو السالفه؟؟
الدكتور: انت ولدها؟
وليد: لا .. هي مرت عمي..
الدكتور: عظم الله أجركم..
وراح الدكتور وترك وليد مصدوم.. والكل فهم الي صار.. ومنى من شافت الدكتور روح.. سارت عند وليد: شوفيها امي..
وليد: اطلبي لها الرحمه..
منى: ها.. شو.. يعني امي مابسمع صوتها بعد..
إيمان: تصبري واطلبي لها الرحمه..
قعدت منى على الكرسي وتمت تصيح.. : ليش بعد ما سامحتها انحرم منها.. ليييش؟؟
نوره كانت واقفه وعلى العكاز.. والكل من انشغاله مع منى ما انتبه لها.. تقربت من منى وقعدت حذالها وحطت العكاز على جنب: تصبري يا منى.. ترا هاي ارادة ربج.. ومحد له دخل في القدر..
نزلت منى راسها.. وحاولت تتناسى الموضوع.. لأن وجود أمها في حياتها وعدها واحد.. يكفي انها 22 سنه ماعاشت مع امها.. فماراح تفرق معاها وايد.. عمر من وصل له الخبر من وليد.. ماحب انه يكون بعيد عنها في هالظروف الي تمر فيها..
رفعت راسها منى وعيونها كانو محمرين من الصياح.. وشافت عمر واقف مجابلها.. الود ودها تربع وتحضنه لأنها فعلا محتاجه له .. لكن شي يمنعها.. تقرب منها عمر ويلس على الجهة الثانيه من عند منى.. مسك ايدها وتم يرص عليها.. صدت صوبه منى وتمت تتطالعه وعيونها غرقانه دموع..
منى: عمر.. أمي ماتت..
عمر: بس نحن بعدنا يمج وعايشين لج..
ونش عمر عنها وتمت منى تتطالعه وهو يمشي ويطلع من المستشفى.. قعد حذالها وقال لها كلمتين.. حست بهم منى في قلبها.. فعلا عمر عايش لها.. ام عارف.. وعمها .. واخوانها وبنات عمها.. وكل حد عايش لها.. لكن أمها عاشت لنفسها.. ماعاشت لمنى..
=-=-=-=


مرت الأيام وظهر بوعمر من المستشفى.. وقضوا أيام العزا الثلاث في بيت أم منى.. ومن بعدها ردت منى لبيتها.. بيت ام عارف.. رغم محاولات عمها انها اتم عندهم لكنها رفضت هالشي..
نوره.. واصلت أيام علاجها وقامت تمشي بعكازه وحده.. كانت شادة حيلها وايد.. لأن الود ودها تمشي اليوم قبل باجر بشكل طبيعي..
إيمان قررت انها تسجل في الجامعه وتبدأ دراسه.. وسجلت في جامعه الشارجه عساس الكورس الثاني تبدأ مشوار الدراسه الي كان من المفروض تبدأ فيه من قبل سنين..
غزلان وناصر وهادف وحصه وسعيد وأميره ومها ووفاء وهدى وريم.. مشغولين في إمتحانات الفصل
هند و وداد.. في تحضيرات العرس..
أحمد قرر انه يكلم عبدالله في موضوع الخطبه بمجرد مايخلصون امتحاناتهم.. ويستلمون النتايج..
عمر.. كان يحاول يشغل نفسه في الشغل ومايرد البيت الا وقت متأخر بس عشان يتهرب من الواقع الي عايش فيه..
خوله تتذكرونها.. من الضربه الي طاحت فيها على الأرض.. صار لها ارتجاج خفيف.. ادى لشلل .. سافرت برع البلاد عشان تتعلاج..
تقرر ملجة محمد وهنادي في العطلة..وطبعا لأن هنادي أرمله.. ماحبت انها تسوي عرس ويوله وفستان.. يادوب ملجة وحفلة عائلية بسيطه..
=-=-=
آخر إمتحان للفصل..
كانت غزلان توها ظاهره من الإمتحان ومعاها حصه.. كان آخر امتحان هو امتحان الجيولوجيا..
غزلان: اقول.. شو اجابة السؤال الثالث.. مال العصور ال..
قاطعتها نوال وهي تنادي عليها..
نوال: غزلان.. غزلان..
صدت غزلان صوب الصوت وشافت نوال استغربت.. ردت صوب حصه وهزت راسها.. وحصه تمت اتسوي حركه .. مادري..
نوال: ممكن شوي ارمسج انتي وحصه..
غزلان: ممكن .. بس شو السالفه..
نوال: انتي خليني ارمس وبتعرفين السالفه..
حصه: انزين انا تعبت .. خل نيلس هناك عالكراسي..
وراحوا صوب الكراسي ويلسو ثلاثتهم.. وتمت نوال ساكته متردده انها ترمس.. لين ماقررت في النهايه انها ترمس..
نوال: غزلان.. حصه.. انا ماقدرت اطلع اليوم وارد البيت وابدأ إجازتي وانا عارفه انكم شايلين علي.. غزلان.. اباج اتسامحيني على كل شي صار من بينا قبل.. وتعتبرينها قلة عقل مني.. لأني صدق ندمانه.. وانتي بعد ياحصه سامحيني.. ماتصورون اشكثر متولمه فيكم.. والود ودي ان الأرض تنشق وتبلعني يوم أشوفكم.. طيبتكم وياي بالرغم من الي سويته كله يخليني اعرف اني فعلا غلطانه في حقكم..
يودت غزلان ايدها.. وصدت صوبها وهي تبتسم لها..: سمعي يا نوال.. نحن صار لنا 3 سنين ونحن ندرس سوى.. في نفس الصف وفي نفس المدرسه.. يعني بينا عشره.. وانتي ربيعتنا واختنا.. ومستحيل اخت تشيل على اختها.. واعتبري الي صار كله لعب يهال.. وكأنه ماصار..
حصه: هي .. ونفتح صفحة يديدة.. ونرد شرات ماكنا اول ثانوي تحيدون.. شلة وحده وحلوه..
نوال استانست من الخاطر يوم سمعت هالرمسه.. حضنت غزلان وتمت اتصيح..
غزلان: قومي خس الله ابليسج.. بيقولون البنات معجبات في بعض احين.. بيشكون فيني..
حصه:

=-=-=-=
في هاليوم كان مقرر أحمد إنه يروح عند عبدالله ويرمس وياه في موضوع مها.. خصوصا ان البنات ماعادو ساكنين في بيت بوسلطان.. من يوم ماخلصو اخر امتحان خذهم عبدالله وردهم البيت.. كانو فعلا حاسين بضيج.. تعودوا على القعدة وياهم في البيت.. لكن ردتهم للبيت اتذكرهم في امهم.. ويحسسهم بوحدتهم من دونها..
دشوا البيت وكل وحده شالة شنطتها وقلبها مقبوض.. ماشافو البيت من بعد أيام العزا.. أول مادخلوا أربعتهم صاحو.. ماقدروا يتمالكون اعمارهم.. أول شي سووه راحوا صوب غرفة امهم.. ودخلوها..
الغرفه مثل ماهي من بعد وفاة امهم.. محد غير فيها شي.. السرير وكل شي في الغرفه على حاله.. في هاللحظه الكل كان يصيح ولاويين على بعض.. دخل عبدالله وشاف شنطهم محطوطه عند الدري.. وباب غرفة امه مفتوح.. عرف انهم هناك.. نزل راسه وتنهد وراح وراهم.. شافهم قاعدات على الأرض ولاويات على بعضهم ولامات على بعضهن ويصيحون.. تأثر عبدالله وحس نفسه عاجز انه يسوي اي شي.. كيف يقدر يهون عليهم.. وهو مب لاقي حد يهون عليه اهو.. تقرب منهم وقعد حذالهم.. وقربهم لحضنه وماقدر يتمالك نفسه تم يصيح وياهم.. وبعد لحظات عم السكوت.. نشت مها وهي تمسح دموعها.. تمت تتطالعهم وهي تبتسم..
مها: تدرون لو امي احين تدري ان نحن قاعدين نصيح.. بتزعل وبتتضايق.. وماعتقد انكم تحبون زعلها وضيقها صح..
الكل تم يمسح دموعه بسرعه وصد صوب مها.. واستانست يوم شافت البسمه على ويوهم ارتاحت شوي.. نشو من مكانهم وظهرو من الغرفه بعد ما بندوا الباب. وشلو اغراضهم وردوا غرفهم.. ومن بعد نص ساعه ظهروا كلهم وقعدوا في الصالة تحت يسولفون ويطالعون تلفزيون..
عبدالله: يلا خبروني شو الإمتحانات ان شاء الله كانت اوكي..
وفاء: لا انا عانيت الصراحه.. لو امتحان نهاية السنة بنفس هالمستوى نسبتي بتنزل وايد..
عبدالله: لا ماعليج.. تر هم امتحان الفصل الأول يصعبونه عشان يقيمون المدرسين الي يحطون الإمتحان.. اما الإمتحان النهائي اسهل صدقيني.. وانتو ريم ومها.. شسويتو..
مها وهي تقطع التفاح: زين زين
ريم: زين زين.. وكل يوم اتردين وانتي ماده البوز.. اونه راسبه وراسبه..
مها: انتي مو ويه حد يشكي لج همه
عبدالله: هههههههه.. شوفو شو ماكانت درجاتكم انا مابزعل منكم لأني مقدر الحالة الي كنتوا فيها.. بس عاد مابا شهادة اخر السنه اشوف فيها شي ما يسرني فاهمين
مها: حاضر يافندم
هدى: هههههه والله خبايل..
وفي هاللحظة رن تليفون عبدالله .. شاف رقم احمد.. رد على التليفون..
عبدالله: هلا والله بوشهاب.. اشحالك؟
في هاللحظه نغزت ريم مها وتمت منزله راسها اونها مستحيه.
ريم: عاشوو الي تستحي اونها.. ولا جنه من كم يوم في بيتهم
وفاء: احين شو دراكم انه احمد الي نعرفه.. يمكن حد من ربع عبدالله.
ريم: لا ماعنده ربيع اسمه احمد
مها: وانتي شو عرفج..
ريم: ههههههههه جكوني..
عبدالله: افا عليك يا ريال شو هالرمسه البيت بيتك في اي وقت حياك.. خلاص عيل.. تم اترياك الليله ..
بند عبدالله ومها عاد اللقافة في دمها.. : منو الي بيي اليوم؟
عبدالله: أحمد اخو سلطان.
ريم وبصوت واطي: ماقلت لكم..
وفاء: ياللوتيه من تحت لين تحت انتي
عبدالله: شوفيكم تساسرون..
وفاء: هاي اختك تقول قولي لعبدالله يطلعنا اليوم بمناسبة انتهاء امتحانات نصف السنه
ريم صدت صوب وفاء وهي فاجة عيونها: بل عليج يالجذابة.. انا متى قلت جي
وفاء: توج قلتي.. خلاص ماتبا هونت عبدالله
مها: برايها تهون نحن ماهونا.. نبا..
هدى: هي والله صدق .. حاسين ان صدق ولهانين عليك.. انقطعنا عن بعض فترة يعني مادري كيف..
عبدالله: خلاص لكم مني من يروح أحمد عني بنظهر بنسير السينما وبعدها بنسير نتعشى المكان الي تبونه.. شو رااايكم؟؟
مها: شو رايي بعد.. غير الله يحفظك يا أحلى أخو في الدنيا..
ومن بعد ساعه وصل احمد عند عبدالله وسار الميلس.. ومها محتشره الا هي ترتب الفاله وتسوي العصير..
ريم: الي يقول احين ياي يخطبج قاعدة تسوين ها كله
مها: جب انتي مايخصج
وفاء: خليها العاشقة الولهانه..
مها: لاحووول بتخلوني اشتغل ولا لا
دخل عبدالله: يلا وين العصير .. الريال من نص ساعه هني ولا شربناه شي
مها: خواتك مايخلوني اسوي شي براحتي
عبدالله: يلا بسرعه انزين
وراح عبدالله.. ومها طول الوقت تحرطم وهم ميتين ضحك عليها..
في الميلس
أحمد: هي والله صدقك.. انزين عبدالله الصراحه انا اليوم ياي عندك وفي كلام في خاطري اقوله لك..
عبدالله: خير ان شاء لله .. قول ..
أحمد: مادري شو موقفك.. واخاف تزعل ليش اني يايك بروحي وارمسك في هالموضوع او يمكن الوقت مب مناسب.. بس يا عبدالله حاس نفسي فاقد الأمل في كل شي.. وكل الي اباه الحق عليه متأخر ويروح علي.. فقلت هالمره خل انا استعيل يمكن اقدر احصل شي..
عبدالله: قول تراك حيرتني.. مب فاهم شي من الكلام الي قاعد تقوله..
أحمد: الموضوع الي ياي ارمسك فيه انا رمست هلي فيه وكلهم موافقين ومأيدين الفكرة.. وماعندهم اي اعتراض.. وقلت انا ابدأ وأفاتحك بالموضوع .. الصراحة يا عبدالله انا ناوي من زمان اني اكمل نص ديني.. واتزوج.. ومن قبل حطيت 2 في بالي بس الله ماكتب لي نصيب وياهن وعرسن.. وهالمره مابا افرط في البنت.. لأن فعلا بنت ماتعوض.. وكل هلي يمدحونها .. عبدالله في هالوقت يت في باله وفاء.. لأنها الأقرب في العمر لأحمد.. وكان مستانس في خاطره انه بيناسب احمد.. لأن احمد ريال والنعم فيه ومايتعوض.. .. والصراحه مالقيت احسن من اختك,, ولي الشرف اني اخطبها.. واشوف رايك في الموضوع قبل لا اخلي هلي يتقدمون

عبدالله: والله يا أحمد فاجئتني بطلبك الصراحه.. ماكنت متوقع انك تطلب مني.. بس شو اقدر اقول غير انك ريال والنعم فيه.. والواحد يشرفه نسبك.. بس انت تعرف ان العوده من بينهم انخطبت لإسماعيل والباقي بعدهن في المدرسة فأنا اقول لو تريا شوي لين ماتخلص دراستها لأن مابقى شي..
أحمد: وانا ماعندي اي اشكال.. عبدالله انا غرضي من هالطلب اني احير البنت لي اذا موافقه طبعا.. ولين ماتخلص دراستها
عبدالله: لك مني كلمة ريال لريال ان البنت اذا ماعندها مانع بتحير لك..
أحمد استانس من الخاطر.. وحس الدنيا مو شالتنه من الفرحه.. : تسلم والله .. وماتقصر..
وقعدوا يسولفون لين ماعدى الوقت وظهر احمد ورد البيت وهو مب مصدق عمره.. وده بس يوصل البيت ويقول لهم عن الي صار.. ويبشر امه..
عبدالله رد دخل البيت.. وشاف خواته قاعدين في الصالة يطالعون تلفزيون.. زقر وفاء عشان اتييه الغرفه ويرمسها في سالفة أحمد ويشوف رايها..
مها: تعالي تعالي.. شو يبا فيج عبود..
ماوعت الا بضربه على راسها من جواهر.. : عبود في عينج انزين.. استحي على ويهج اخوج العود.. والله ان سمعج لا يروغج..
مها: اوهو انزين.. تعالي خبريني..
وفاء: مب يا ذكية بالأول لازم اروح واشوف السالفة عشان اعرف..
مها: روحي يلا بس لا تأخرين..
وراحت وفاء وهي تفكر ياترى شو السالفة الي يبها عبدالله فيها.. دخلت الغرفه وكان عبدالله يفتح بزم كندورته.. ويطلع غترته..
وفاء: احم.. ادخل..
عبدالله: هي تعالي قعدي خل ارمسج..
وفاء: خير ياخوي شو السالفه..
عبدالله: كل خير يا وفاء.. شوفي الموضوع الي برمسج فيه ماباه يأثر على دراستج وينزل مستواج.. أباج تشدين حيلج واتييبين النسبه الي دومج واعدتنا عليها..
وفاء: عبدالله شو السالفه.. شغلت بالي..
عبدالله: تعرفين احمد .. ولد بوسلطان..
وفاء: هيه .. شو بلاه..
عبدالله: خطبج مني.. وانا قلت له ان بنشاورج.. واذا وافقتي لازم يترياج تكملين دراستج في المدرسه.. وهو ماعنده مانع..
وفاء تمت مصدومه.. كيف.. أحمد.. مها.. لا لا .. أكيد في غلط..: خطبني انا؟؟ ليش؟
عبدالله: شو ليش؟؟ .. خطبج ليش فيها شي؟؟
وفاء: بس..
عبدالله: سمعي وفاء.. خذي راحتج في التفكير ومتى ماتقررين خبريني.. واعرفي ان محد بيجبرج على شي ماتبينه..
وفاء: انزين هو قال .. وفاااء.. ؟
عبدالله: وفاء انتي شو الي تبين توصلين له بالضبط..
وفاء نزلت راسها ومب عارفه ترمس .. تقول شي.. تخاف ترمس وتقول.. وأخوها يفهم الموضوع غلط ويعتقد ان في شي من بينهم.. بس مها بتنصدم وبتزعل وايد.. وهي ماتبا هالشي لإختها..
عبدالله: فهميني ليش ساكته.. ؟
وفاء: عبدالله انا بقولك شي.. بس اباك تصدقني.. وانت واثق في خواتك وتربيتك لهن.. مستحيل يسون شي غلط ..
عبدالله: وفاااااء.. شو فيج؟؟ ترا بديت اتنرفز..
وفاء: الصراحه يا عبدالله ان غزلان رمستنا في هالموضوع قبل.. وقلنا لها لو ان صاحب الشأن نفسه يرمسك انت احسن.. وقالت انه حاط في باله مها.. مب انا..
تم عبدالله يفكر في الكلام الي قالته وفاء.. ومايعرف كيف يتصرف.. يبا يتأكد من الموضوع .. بس كيف.. يستحي يسأل أحمد.. : وانزين انا شقايل اتأكد..
وفاء: اسأل أحمد..
عبدالله: لا يعني تشوفينها حلوه اسأل الريال أي وحده من خواتي تبا.. كأني عاق عمري عليه..
وفاء: شوف يا عبدالله الريال ما قال لك منو بالضبط.. انت تقدر تقول له.. انت ماحددت اي وحده من خواتي .. وانا ماعرف اسأل منو فيهن..
عبدالله: مادري.. بس..
في هالوقت رن تليفون عبدالله.. كان الي متصل سلطان..
عبدالله: سلطان متصل..
وفاء: رد شوف شو يبا..
رد عبدالله وتم يرمس ويسولف وياه..
عبدالله: ليش ماييت ويا أحمد اخوك.. جان بنتونس بالقعده سوى
سلطان: لا بس شوي مشغول مع الأهل تدري العرس مابقى له غير اسبوعين.. فالشغل كله متراكم..
عبدالله: الله يوفقك ان شاء الله..
سلطان: ياخوي يا عبدالله انا متصل فيك ارمسك ان الوالد وانا ان شاء الله ناوين انزوركم عشان نخطب اختك رسمي.. لأن احمد رمسنا ونحن ماحبينا انه ياك ورمسك روحه.. لازم نحن نكون موجودين..
عبدالله: افا عليك يا سلطان.. ترا احمد وانت ولا ابوك.. كلكم مافي فرق من بينكم.. وانا عارف احمد مابيسوي شي الا من بعد مايشاوركم..
سلطان: والي فهمته من احمد انه ماحدد اي وحده من خواتك الي يباها..
سكت عبدالله واستحى يرد عليه..
سلطان: ان شاء الله الرضيعه بترمس اختك العوده.. وبتتفاهم وياها..
ارتاح عبدالله لأن هم هالموضوع انزاح منه.. : خلاص تم ان شاء الله


وبند الخط بعدها,.. وصد صوب وفاء وابتسم..
عبدالله: عيل بنتريا لين ما اخته ترمس هدى اختج.. وقتها بنعرف منو بالضبط.. انتي ولا مها.. وماباج تطرين سالفة الخطبة هاي لحد من خواتج لين ما نتأكد..
وفاء: ان شاء الله.. بس عاد مها ولقافتها الا اتعرف احين السالفة..
عبدالله: قولي لها أي شي.. مثلا انصحج عشان الثانويه العامه وجي..
وفاء: اوكي مب مشكله..
راحت صوب الباب وتوها بتظهر.. بس ردت صكت الباب وصدت صوب عبدالله وتقربت منه.. وباسته على راسه.. : لا خليت منك ياخوي.. والله كنت خايفه وانا اقول لك السالفة تفهم الموضوع غلط.. ولا تعصب.. بس صدق صدق... استانست ان عندي اخو مثلك..
عبدالله وهو يلوي عليها: افا عليج يا وفاء.. لو اشك في عمري ما اشك في تربيتي ..
استانست وفاء وباست راسه وراحت عنه .. وطلعت من الغرفه شافت مها تترياها.. ضحكت..
مها: تعالي تعالي.. وين شارده.. خبريني شو السالفة؟
وفاء: مافي سالفة ..
مها: تستهبلين علي ولا شو.. شو كان يبي منج عبدالله..
وفاء: ماشي كان يرمسني عن الثانويه ويباني اشد حيلي.. خصوصا بعد ما سمع اني ماسويت زين في امتحانات الفصل..
مها: لا والله وتبين تقنعيني انه من نص ساعه قاعد يقول هالكلام..
وفاء: ههههههه.. كيفج تبين تقتنعين اقتنعي ماتبين براحتج..
مها: لا والله وبعد هالرمسه تبيني اصدق.. اقص ايدي جان هاي السالفة..
وفاء: مب جنه واعدنا الأخ عبدالله يطلعنا.. شكله بيطنش السالفة..
مها: ابيييييييييييه نسيت.. سارت صوب غرفه عبدالله وتمت تنادي بصوت عالي.. عبدالـــــــــــــــــــله..
عبدالله: بسم الله شوفيج؟؟
مها: مب جنك قايل بتظهرنا..
عبدالله: هيه انزين تراني قاعد اتزهب.. سيروا اتجهزوا..
مها وهي تتطالع تحت: يابناااااااااااااااااااات.. بسرعه اتزهبوا عبدالله بيودينا برع..
=-=-=-=
في بيت عادل
عادل: ألف ألف مبروك يمي..
أم عادل: عيب عليك.. بنت 20 سنه عشان تبارك لي.. عيوز شو كبري معرسه..
أميره: أمي لا تقولين عيوز.. انتي الشباب كله..
عادل: صدقها أميره..
أميره: عمي غانم.. دخيلك حط بالك على امي..
غانم: افا عليج انتي بس.. وهاي رمسه.. توصيني على بنت عمي.. ومرتي.. فعيوني..
أم عادل: يافضيحتي والله فشيله.. بدال ما انا اوصي ريل بنتي على بنتي.. بنتي توصي علي..
أميره: اميييي.. شوفيج صايره حساسه.. انتي طول عمرج ماقصرتي ويانا.. ويا الوقت الي تتفرغين فيه لنفسج.. وانا ماشوف عيب في هالموضوع.. ويلا طلعوا وربكوا السياره.. لأن وراكم درب للعين..
غانم: ولو ان كان ودي اسافر بس عاد امكم ماطاعت..
أم عادل: والخيبه اسافر عاد.. صدق بستوي مضحكه..
غانم: اكسر ضلوعه الي يضحك عليج..
أم عادل: حطوا بالكم على اعماركم.. واي شي بغيتو دقوا لي..
أميره: امي.. عيالج كبروا.. والحمد لله نحن قادرين نشيل مسؤولية اعمارنا..
أم عادل: الله يخليكم ان شاء الله..
وطلعت ام عادل من البيت والدموع في عيونها.. اول مره تبتعد عن عيالها.. وأميره كانت طول الوقت قابضه عمرها.. أول ما راحت امها لوت على عادل وتمت اتصيح..
عادل: افااااا .. هذا وانتي الي اصريتي على الزواج تصيحين..
أميره: بس مب متخيله البيت من دون امي.. تعودت على وجودها..
عادل: الله يهنيها.. يكفي المعاناة الي عانتها من صغرنا.. خلها تستانس شوي.. وانا متأكد ان غانم بيدلع امي وايد..
أميره: هي وانا بعد اقول.. لأن من زمان وهو يباها.. ويحبها..
عادل: الله يوفقهم.. ونحن خل ندخل داخل.. الظاهر عايبتنج الوقفه برع..
أميره: لا لا .. مب عايبتني .. هههههههه
=-=-=-=-=
في بيت بوسعيد..
هند قاعده ترمس في التليفون ويا منى..
هند: هي تصدقين.. أصلا من بداية ماشفت المسلسل حسيته سخيف.. وخصوصا نهايته..
منى: هي ..
هند: منى؟؟ .. احسج مب على بعضج.. فيج شي..
منى: ااااااه يا هند.. شو اقول لج.. أحس بوحدة وتعب..
هند: ليش ماتردين له..
منى وبإنفعال: لا.. لا مستحيل..
هند: خلاص خلاص.. هدي نفسج انزين.. ماقلت شي..
منى وبصوت مبحوح: احس اني محتاجه له ساعات.. وساعات احس نفسي مب قادرة اسامحه.. بس الي اعرفه اني بفرغ نفسي للياهل الي في بطني..
هند: ان شاء الله تولدين بالسلامه.. ويتربى الياهل في عزج ان شاء الله..
منى: تدرين.. أكثر شي تأثرت فيه.. وفاة امي.. قبل كنت اعرف انها موجوده ولو انها ماكانت عندي.. بس هالشي كان يفرحني.. بس ألحين هي اختفت عن حياتي.. واعرف اني لايمكن اشوفها.. وهالشي اصعب علي.. بس يالله ربي عوضني ببنات عم.. ومرت ابو.. وعم ومرت عم مايتعوضون..
هند: الله يخليهم لج ويخليج لهم ان شاء الله.. تعالي ماقلت لج.. ترا عرسي وعرس وداد مب هالخميس.. الخميس الي بعده.. وعاد ماوصيج.. لازم اتيين وتحضرين العرس..
منى: صدق.. والله اني فرحاااااانه لج من كل قلبي.. وشي اكيد بحضر.. بس بغيت استئذنج في شي..

هند: خير قولي..

منى: بغيت اييب بنات عمي وياي اذا ممكن..
هند: افا عليج ييبيهم.. خل نتعرف عليهم بعد.. ييبيهم يوم الحنا.. ويوم العرس..
منى: ان شاء الله.. ربي يهنيج ويعطيج على قد نيتج يا هند.. انتي طيبه وتستاهلين كل خير..
هند: تسلمين والله ..
=-=-=-=-=
في بيت بوعمر..
كان بوعمر قاعد مع عياله في الصاله وكل يسولف.. الا عمر كان برع البيت..
أم عمر: يابوعمر ترا مب عايبني حال ولدك عمر.. مول
بوعمر: شو فيه؟.؟مافيه الا العافية..
أم عمر: لا يقعد عندنا في البيت.. ولا ينسمع له حس. اخاف هالولد يستويبه شي.. دخيلك رمس منى.. ترا هاي حالته من يوم ما طلق منى..
بوعمر: هو غلطان.. وخليه لو لمره في حياته يحس انه غلط.. ويحس قيمة غلطته..
نوره بعدها متضايقه من عمر.. لأنه طاح من عينها من بعد ذاك الموقف وهي حاطه في خاطرها.. وابتعدت عنه.. : خلوه.. شرات ماقال ابوي.. خلوه يحس بالي سواه لمنى مب شوي..
الكل استغرب.. نوره الي تموووت على عمر.. تقول هالرمسه.. الكل سكت لأنه عارف ان الي سواه عمر فعلا مايغتفر.. ومب شوي.. دخل عليهم عمر.. وسلم وكان ساير صوب الدري بيصعد غرفته..
بوعمر: عمر..
عمر: نعم ابوي..
بوعمر: يكفي انك طول اليوم برع.. ويوم انك في البيت.. اتمنى لوانك تقعد ويانا شوي.. ترا نحن هلك.. ولنا حق وياك..
عمر تم ساكت ومنزل راسه.. ويحس بغصه: أبوي.. ماتخيل القعده وهي مب موجوده.. اتعذب زود..
وصعد الغرفه من دون لا يزيد كلمة.. والكل تم ساكت متأثر.. ونوره مارامت تتحمل.. صاحت .. ونشت من مكانها وساعدتها إيمان وسارت بالمصعد فوق عشان تسير عند عمر.. وتيلس وياه.. مايهون عليها مهما صار..
بوعمر حب يغير هالجو الي عم عليهم فجأة..
بوعمر: يا أم عمر.. انا ان شاء الله في عرب بعزمهم هالخميس بيتنا .. واباج تزهبين لهالعزيمه..
أم عمر: منو هالناس ..؟
بوعمر: بتعرفينهم يوم بيون؟؟
أم عمر: وليش ماتقول لي احين عشان اعرف..
بوعمر: بخليها مفاجئة لج.. وللكل.. وصدقوني بتستانسون عليها..
إيمان: جني سمعت اسم عزيمه؟؟ متى ؟؟ ولمنو؟؟
عهود: هيه عمي يقول بيعزم عرب بيتنا يوم الخميس.. بس يقول بيخليها مفاجئة..
وليد: وانا اعرف منو هالناس.. وشرات ماقال ابوي مفاجئة.. وبسكن عن اللقافة..
=-=-=










في غرفة عمر..

نوره: عمر.. اخوي.. شوفيك؟
عمر: احين تذكرتي ان لج اخو اسمه عمر.. صار لج اكثر من شهر ونص ولا ترمسيني..
نوره نزلت راسها وتمت ساكته..
رفع عمر راسه وشافها واقفه بالعكازات.. دوم كان يشوفها بس ماكان يدقق بهالشي.. يعني ماكان ملاحظ.. لكن هالمره يمكن لأنه يشوفها بروحها ويدامه.. حس بهالشي.. : نوره انتي واقفه؟
نوره: لازم مابتلاحظ هالشي تراك جنك مب عايش ويانا..
عمر نزل راسه.. ونش تقرب من نوره وحضنها وبدى يصيح.. وهاي أول مره يصيح فيها عمر .. ويدام اخته.. حس بضعف فضيع في داخله.. ماقدر يتمالك احساسه ورغبته في الصياح..
نوره: دخيلك يا عمر.. دموعك غاليه علي ياخوي..
عمر: نوره ماقمت احس بشي من غيرها.. تعلقت بها.. احبها والله احبها وخسرتها بغمضه عين.. تعبااااااااااان يانوره
نوره: تباني ارمسها..
عمر: شو بتسوين.. مابتقدرين تسوين شي.. مابيغير شي .. منى معانده.. وعنادها مادري لين وين بيوصل..
نوره: لا ان شاء الله بتلين.. بس يبالها فتره..
عمر: فتره.. أكثر من هالشهر ونص.. تباني اموت..
نوره بإنفعال: بسم الله عليك ياخوي دخيلك لا تقول هالرمسه..




عمر: نوره اباج تسامحيني على قصوري وياج..
نوره: انا ماقدر ازعل منك وان حاولت.. إنت عمر..

عمر: وانتي نوره الي اعرفها واحبها دوم..
=-=-=-=