@@((للحــب عنــــوان)) ..,, قصـــه حلـــوة @@

الجزء ( 68 ) : للحب عنوان
استراليا
من نش سعيد الصبح وهو وضحان ماخلو مكان في السوق ماداروه.. سعيد مستانس من الخاطر.. منها انه بيرد البلاد ولو انه مابيتم غير 4 أيام وان عرس خواته الثنتين وولد عمه وولد خاله..
وضحان: يا رجال تعبت.. ليه كل هذا..
سعيد: خلني مستانس لو اروم اشل السوق كله وياي جان سويتها
وضحان: لا الله يخليك.. لا تطمع..
سعيد: ماتدري شو يعني ان خواتي الثنتين يعرسن.. و لا تنسى وحده فيهن هي التوأم مالي.. يعني لازم ادلعها..
وضحان: بدت التفرقة..
سعيد: اقول خل ندخل هالمحل.. شكله عنده اغراض حلوه..
وضحان: اللهم طولك ياروح.
سعيد تم يضحك ودخل المحل ولا على باله من كلام وضحان.. وهو في المحل لمح أفنان وريلها .. بس حاول يطنش وجودهم مب حلوه يسلم على الريال في وجود مرته.. لمحهم ريل أفنان طلال
طلال: أفنان انتي خلج هني انا بسير اسلم على ربعي وبرجع..
أفنان : أي ربع؟؟
طلال: سعيد وضحان..
أفنان: هيه اوكي..
راح طلال صوب سعيد..: السلام عليكم
سعيد صد وراه وهو يبتسم له: وعليكم السلام.. هلا والله اشحالك ؟؟
طلال: بخير الحمد لله.. اشحالك يا وضحان؟
وضحان وهو طفران ومبوز وحالته لله.. : بخير بخير..
طلال : افا ليش ماد البوز.. شبلاك.؟؟
وضحان: والي يتمشى ويا سعيد يضحك.. من الصبح وهو قاعد يوديني من بقعه لبقعه.. رجلي اشتكت..
طلال: خير اشوف كل هالأكياس.. بصوت واطي.. شكلي مخطط للزواج..
وضحان: لا وانت الصادق.. هذا اخر واحد يفكر في الزواج.. بس حضرته مستانس لأن خواته بيتزوجون..
سعيد: ههههههه .. بس بس.. تراكم تحطون علي وانا ساكت..
طلال: مبروك عقبالك ان شاء الله
سعيد: الله يبارك فيك.. وانا ان شاء الله بشوف جان حصلت لي وحده في العرس مزيونه..
وضحان: ايش؟؟.. عندكم مزايين.. دخيلك يا سعيد راح اجي معاك.. يمكن وحده تنعجب فيني..
الكل تم يضحك.. وراح عنهم طلال صوب مرته.. وسعيد و وضحان.. كملوا جولتهم..
=-=-=-=-=
في بيت بو عمر
عمر كان يالس في غرفته ويقرا قرآن.. دخلت عليه نوره..
نوره: عمر ابوي يزقرك
عمر: صدق الله العظيم.. صد صوب نوره والدموع تارسه عيونه.. وكانو محمرين م الصياح.. ان شاء الله
نوره: عمـــــــــر.. شبلاك..
عمر: ماشي فديتج.. كنت اقرا قرآن..
نوره: ربي يفتحها عليك ويريح بالك ان شاء الله..
عمر: زيدي من هالدعوات يا نوره.. تراني صدق محتاج لها..
نوره: انت اخوي اذا مادعيت لك بدعي لمنو.. الا تعال عمر بغيت اسألك؟؟.. انت تعرف منو الي بيينا اليوم؟؟
عمر: هيه ليش؟
نوره: ابوي مب طايع يخبرنا وانا مادري كيف بيلس مع ناس ماعرفهم؟
عمر: شوفي انا بخبرج بس اياني واياج تقولين لحد؟؟
نوره: افا عليك ياخوي.. سرك في بير.. بس خبرني
عمر: شوفي.. هاييل ناس كانو جيرانا من زمااااااان قبل لا انتي تنولدين.. وتم يقول لها السالفه كلها.. وهاي كل السالفه.. فقرر ابوي يعزمهم اليوم ويفاجئ امي
نوره: تدري احين انا فخورة في ابوي أكثر من قبل.. زين ماسوى يوم انه فكر انه يصالحهم..
عمر: مب جني تأخرت على ابوي خل انزل اشوف شو يبا مني..
نوره: هههههه ... سير قبل لا تنهزب واضحك عليك
مشى عنها عمر وهو يضربها عالخفيف على راسها.. ابتسمت وراح عنها..
=-=-=-=




--------------------------------------------------------------------------------


في بيت هدى إخت عبدالله
كانو في هاليوم خواتها وعبدالله عندها في البيت... وكانت فدوى مقرره انها تزورها هي وامها عشان يرمسون في سالفة مها..
مها: اقول هدى ماقالو ليش بيون؟؟
هدى: صدق ملقوفه.. يعني ليش بيون زيارة ويسلمون مايبالها شي يعني
مها: لا لا .. بس يعني ليش؟
ريم: احين هاي مابتفج عنج غير يوم ايون وتعرف السالفة..
مها: جب انتي محد رمسج..
جواهر: خلج منها نشي خل نسير المطبخ ونجهز الفاله والحلويات..
هدى: هي والله ابرك من مجابل هالملاقيف الثلاثه
وفاء وهي تحط المجلة على الأرض... ؟: انا شو يخصني احين.. قاعدة اقرا مجلة مايخصني في شي لازم اتييبون اسمي...
جواهر: اسفين.. يلا هدى ترا مابنخلص من هاييل..
راحت هدى ويا جواهر صوب المطبخ.. ومها متحرقصة الا تبا تعرف..
مها: شو ها.. محد ياخذ منكم حق ولا باطل..
وفاء: اذا بستي ايدي وراسي.. يمكن افكر اقول لج..
مها: روحي زين.. ماعندي سالفة..
وفاء: محد خسران غيرج.
مها وهي حست انها صدق خسرانه.. نشت وباست ظهر ايد وفاء وصدت صوب ريم وبصوت واطي: مالح وععع..
وفاء: شو قلتي؟
مها وهي تسحب راس وفاء: هاتي راسج ابوسه..
وفاء: ههههههههه كل هذا عشان احمد.. منو قدك.. يوم ان مهوووووووي تتنزل وتبوس راسي عشانك.. كل هذا حب .. عنبووو ولا روميو وجولييت
مها: أحمـــــــــــــــــــــد!!!.. شو يخصه؟؟
وفاء: يخصه ويخصه بعد.. ترا يايين عشانج ياهبلة
مها من الصدمه تمت فاجة عيونها وتتطالعهم مب مصدقة.. : اديبكم تمصخرون..
وفاء: كيفج لا تصدقين
ريم: ياحيج منو قدج الي في بالج بيستوي ان شاء الله
مها حست بإحراج واحمر ويهها وتمت تغير السالفه وتبدل في قنوات التلفزيون بس بالها كله عند احمد.. فديته ياربي ماتحمل فراقي خطبني..
يعني صدق يحبني
ياويييييييييييل حالي ..
=-==-=
بعد ساعة ونص وصلت فدوى مع امها بيت هدى
هدى: حياكم.. مابغيتو تزوروني.. عنبو ولا بس خواتي هن بناتج خالو وانا برع الحسبة
ام سلطان: افا والله.. انتي وفدوى عندي نفس الشي..
فدوى: كان ودنا نزورج قبل.. بس تدرين الظروف كيف.. ماحصلت فرصة ..
هدى: يلا ماعلينا.. المهم ييتكم احين ووجودكم..
ام سلطان : تسلمين
وتموا يسولفون ودشت مها وخواتها وهي محمره من الخاطر وسلمت عليهم وطلعن الا وفاء تمت قاعده مع جواهر..
أم سلطان: أظني عبدالله قالج ليش نحن اليوم يايين؟
هدى: هي قالي..
أم سلطان: نحن لو ندور الدنيا احسن من مها مابنحصل لولدنا.. ماشاء الله أدب وأخلاق وتربية ... وهي بنتي قبل لا يكون احمد ولدي
هدى: تسلمين والله وها من طيبج..
أم سلطان: لا والله بالعكس انا ماقلت غير الصدق.. ولو بيدي جان خطبت الثانية لناصر وان كان عندي ولد ثالث بخطب الثالثة
هدى وجواهر تمو يضحكون اما وفاء حست بإحراج..
أم سلطان: تدرون إن بالخميس الياي عرس سلطان ولدي و وداد .. وانا مقدرة ان امكم الله يرحمها مامضى على وفاتها اربع شهور وصعب عليكم تحضرون العرس.. بس الود ودي لو تحضرون ليلة الحنا على الأقل
هدى: خالو.. انا من ناحيتي بحضر العرس.. تراهن خواتنا وان ماحضرنا اعراسهن متى بنحضرها.. تراها ليله وحده بالعمر.. ولو امي الله يرحمها كانت عايشه مابترضى ان مانحضر..
جواهر: وانا اقول نفس الشي.. امي الله يرحمها مر على وفاتها شهرين وشوي.. والعزا في القلب .. بس الله مايرضى ان نغصب الكل يشاركنا العزا ومانشاركهم فرحتهم وهو كانو اول الناس الي وقفوا معانا في محنتنا
ام سلطان والدمعة على خدها: الله يسامحج يا بنتي لازم يعني تخليني ادمع.. الله شاهد اني ماسويت هالشي الا وانا صدق حاسة انكن بناتي.. ربي يحفظكن من كل شر ان شاء الله
وفاء طلعت من الميلس وسارت عطت خواتها تقرير كااااااامل..
ريم: يعني بنحضر العرس.. الله وناسه.. كنت اتمنى احضره تدرون عاد عرس ثنائي.. احسه بيطلع وايد حلو
مها: بس مابنروم نكشخ وايد
وفاء : امبونا امي ماكانت تخلينا نكشخ في الأعراس وايد..
ريم: المهم ان بنحضر العرس..

الكل في بيت بوهنادي متيمع عشان ملجة هنادي ومحمد وهو العرس في نفس اليوم طبعا لأن هنادي ماكانت حابة تسوي حفلة عرس.. يادوب حفلة بين الأهل وبس..
محمد كان واااااااايد مستانس في هاليوم.. بياخذ الإنسانة الي طول عمره تمناها.. ولا بعد عنده بنت يموت عليها... العنود..
غزلان كانت صدق مستانسه ومرتبشه.. وام سلطان وفدوى بعد ماظهروا من بيت هدى راحوا بيت بوهنادي عشان يحضرون الملجة.. كانت هنادي لابسه فستان ذهبي بسيط وحلو .. والمكياج كانت حاطته هادي وكان محليها زياده خصوصا بعد العمليات الي سوتها وشلت التشوهات الي كانت مستويه في ويهها من الحادث.. والعنود كانت مرتبشه ويا الأغاني وترقص وشايلتنا الدنيا وهي مب عارفه شو سبب الحفلة.. ومحمد طول الوقت يطالع العنود وحاس بفرحة وهو قابض ايد هنادي وشابكه بإيده.. وكانت هنادي مستحية ومنزلة راسها.. وغزلان كل شوي تتطالعهم ومرتبشه. قربت صوب محمد
غزلان: اقول محمد..
محمد: اوهووو انتي لازم تخربين علينا الجو
غزلان: هي لازم . كيفي
محمد: ماعليه ترا مصيرج بتعرسين وبراويج
غزلان: عرسي مايدخله غير العزابية.. عشان يدورون لهم حريم وانت خلاص مب من ضمنهم..
محمد: هههههههه انزين قولي شو بغيتي
غزلان: اتشوف هالكيك ؟؟اتأشر صوب الكيك.. اتقطعه اوكي.. بس ان كلته ياويلك..
محمد: لا والله وليش يعني؟
غزلان: بس عشان ماتخرب جدولك
هنادي: شو اكيد تحشون فيني؟؟
محمد: لا الإخت تقول ماتباني اكل من الكيك
هنادي: هههه ليش؟
غزلان: تعبت عليه اكثر من 4 شهور للحين عشان برنامج الريجيم القاسي الي سواه والرياضه واي بكل سهولة يخرب كل شي
هنادي: هيه خلاص ماشي كيك
محمد: عيل شلوه من يدامي من الصبح حاطينه يدام عيني وقلبي يتقطع واحين بتمنعوني خلوني استانس ترا الا هي مره في الحياة بعرس..
هنادي: لا كسر خاطري خلاص خليه غزلان..
غزلان: لا انا ماكسر خاطري
محمد: وينه خاطرج خل اكسره..
غزلان: بااااااااااااايخ..
وراحت عنهم غزلان وهي مستانسه عشانه.. كانت هند كاشخه على الخفيف في هاليوم لأن الإسبوع الي بعده عرسها وماتبا حد يشوفها بكشختها عشان تخليها لليلة العرس.. وعلي كان يالس برع وحارق تليفونها يباها تطلع عشان يشوفها.. بس هند ماترد على مكالماته.. وكل مايتصل في غزلان تقعد تصرخ عليه وتبند وهو يغيض بزيادة...
هند: على منو تصرخين هالكثر في التليفون
غزلان: ريلج المصون
هند:لا والله وليش اتصرخين ان شا ءالله؟
غزلان: حاشرني خليني اشوف هند وخليني.. اقوله مايوز اتريا للإسبوع الياي بس ريلج راسه يابس مايفهم
هند: اقول لا تغلطين على ريلي فاهمة
غزلان: عاشووو الي مايرضوووووون..
هند افتشلت ونزلت راسها وصدت صوب وداد وحاولت تغير الموضوع وغزلان ميته من الضحك عليها
=-=-=-=-=
في بيت بوعمر
كانو الضيوف توهم واصلين على الساعه 7.00 المغرب.. أول ماشافت ام عمر .. أم مهير اتفاجئت صدق... حتى ايمان انصدمت.. وقتها عرفت ليش مهير قطع عنها.. واستانست لأن ابوها صالح وياهم وهالشي بادرة خير .. أم عمر لوت على ام مهير وتمت تصيح من الخاطر.. ونوف ومريم خوات مهير مستانسات من الموقف الي صار.. أخيرا كل شي بيرد شرات ماكان وأحسن.. مريم سمعت عن نوره انها ماتمشي.. بس يوم شافتها بعكازات استغربت .. بس حاولت تخفي هالشي..
أم مهير: جي يالظالمين تقطعون عنا؟؟ هانت العشرة؟
أم عمر: والله ماودي اقطع عنكم يا عذيجة.. بس تدرين بو عمر الله يهداه مادري شو الي كان صايبنه... بس الحمد لله يوم ان كل شي رد على ماهو..
أم مهير: هي والله وهذا اهم شي.. وهذي الحلوه نوره صح؟؟
نوره وهي تبتسم لها: هي خالو انا نوره
أم مهير: ماشاء الله قمر على امها.. وإيمان.. فدييييييت بنتي .. هاي الي انا ربيتها بنتي حبيبتي..
أم عمر: معلوم انها بنتج.. نسيتي انها تربت مع مهير..
إيمان استحت ونزلت راسها..صدت صوبها مريم إخت مهير..
مريم: أونج عاد مستحيه ولا كنج كنتي تضاربين ويانا عشان خاطره..
نوف: اقول إيمان.. خاطري اتعرف على اختج نوره أحسها قريبه من عمري..
إيمان: افا عليج تعالي.. أصلا نوره تستانس يوم بتعرف على حد على عمرها لأن ماعندها حد من نفس عمرها
نوف وهي مستغربه: صدق.. ؟؟ ليش ورباعاتها في المدرسه؟
إيمان: نوره يوم كانت في المدرسة بعدها كانت على الكرسي ويادوب خلصت الثانوية وقعدت في البيت ورباعاتها كلن انشغل بحياته..
نوف: متى مخلصة الثانوية؟؟ لأني انا العام خلصت.. وهاي اول سنة لي في الكلية..
إيمان: هي بعد العام خلصت..
نوف: انزين بس مليت من مجابلج ابا ايلس وياها .. لأني وايد ارتحت لها
وتقربوا صوب نوره الي كانت تتطالعهم وهي مبتسمه..
نوره: انتوا شكلكم كنتو تحشون فيه لأني اشوفكم تتطالعون وتصاصرون.. ممكن اعرف شو السالفة؟

نوف: كل السالفة اني كنت اقول لإيمان خاطري اتعرف على نوره اختج وديني عندها.. لأنج اقرب وحده من الي في البيت لعمري..
نوره: هي والله تعالي ودي اسولف ويا حد بعمري..
إيمان: يلا عيل اخليكم وبسير ايلس عند مريوم..
مريم: مريم لو سمحتي خلاص كبرت انا.. ايام مريوم ولت..
إيمان:ههههه طول عمرج بتمين في نظري مريوم أم الدياي..
مريم: هههههههههه.. خس الله ابليسج.. لا تفضحيني زود..
عهود: اقول شو السالفة؟؟ سمعت طاري دياي؟؟
إيمان: هاج السالفة.. سلمج الله مريوم .. ماكانت مخلية ديايه في الزريبه تسلم من شرها.. اللي تنتف ريشها والي اختنقت منها.. ولا كانت تودرنا كلنا وتركض ورا الدياي.. فالكل في البيت كان يسميها ام الدياي..
مريم: ماعليه .. يالرومانسية..
إيمان: رومانسية!!!.. كيف؟
مريم :سمعي السالفة بتييج.. حضرة جناب المدمووووزيل إيمان.. ماكان يحلا لها القعدة الا ويا مهير.. ولا بعد عند الحوض الصغير.. وفليل يوم الكل رقود هم الإثنين واعين تحت ضوء القمر.. وخل تستوي ضرابه من بيني وبين مهير.. الكل ضدي..
عهود: ههههه اثاريج عايشة قصة حب الطفولة..
إيمان: لا وانتي الصادقة.. هبالة الطفولة..
عهود: هههه متى بشوف عيالي جي..
مريم: الا انتي أي شهر احين؟
عهود: توني داخلة الرابع
مريم: يلا بالسلامة ان شاء الله
=-=-=
أم مهير: والله يا ام عمر ماتصورين اشكثر فرحت يوم دريت اني يايه عندكم .. طول الليل افكر بس كيف بتجابل وياج وشو بقول لج.. ياحسافة الأيام الي ضاعت وانتوا بعاد عنا
أم عمر: هي والله .. ياما كنت ارمس بوعمر كان متلوم بس تعرفين الكبر.. بس الحمد لله يوم انه فكر ورد العلاقة الحلوة الي من بينا
أم مهير: الا ولدج عمر ماعرس؟
ام عمر: عمر.. وبنبرة حزينه.. ليته ماعرس..
أم مهير وهي تحط ايدها على ايد ام عمر..: خير يختي.. شصاير؟؟
أم عمر: سود الله ويهه من ولد .. ثره عذب بنت عمه وطلقها.. وأحين حس بجيمتها ويبا يردها.. بس بعد شو .. بعد ما كسر بخاطر هالبنت اليتيمة..
أم مهير: أظني هاي بنت المرحوم عبدالله..
أم عمر: هي .. الله يرحمك ويغمد روحك الجنه. .
أم مهير: مب هذا الي مرته طلبت الطلاق اونها لأنها تبا تعرس ويا واحد ثاني ..
أم عمر: هيه.. عفرا الله يرحمها..
أم مهير وهي فاجة ثمها وايدها على صدرها: ماتت..
الكل صد صوبها
مريم: بسم الله امي.. منو الي ماتت
أم مهير: لا حول ولا قوة إلا بالله... ماشي بنتي خلج ويا البنيات مالج شغل فينا
مريم: اخيييييييج يالفشيلة
إيمان: احسن عشان تأدبين وماتليقفين مره ثانية
أم عمر: سوت حادث وتوفت الله يرحمها
أم مهير: وطليقة ولدج وينهي؟
أم عمر: في بيتها.. قلت لها اتيي واظني بتيي ..
ام مهير: الله يعينها ويهدي ولدج ان شاء الله
أم عمر: وإنتي ولدج مهير عرس ولا بعده..
أم مهير: ولدي.. هذا لو عيال الديرة عرسوا كلهم هو مابيعرس..
أم عمر وهي تضحك: هههههه ليش؟؟
أم مهير: عيزت وانا ارمسه يقول مابا..
أم عمر: ماعليج كل الأولاد جي.. ومره وحده يقررون ..
أم مهير وهي تتطالع ايمان وسرحانه وساكته.. لاحظت عليها ام عمر هالسرحان.. حطت ايدها على جتف ام مهير: خير يا عذيجة.. في شو سرحتي؟
أم مهير وهي تبتسم لها: بشو سرحت.. ؟؟ .. تذكرت يوم ان كنا في ميلسكم وبو مهير حير بنتكم لولدنا وبوعمر وافق.. وكنا انا وانتي نخطط لزواجهم.. بس الزمــ..
قاطعتها ام عمر: ادري شو بتقولين.. الزمن ماغير شي..
أم مهير وهي مستانسه وبنبرة فرح.. بس وطت صوتها عن حد يسمع: يعني ماعندج مانع نحقق الي كنا نحلم به؟
أم عمر: اذا البنت وابوها مب ممانعين .. لج مني انا اخطب لولدج بنتي.. لأن مهير ولدي قبل لا إيمان تكون بنتي..

ردوا حضنوا بعض وأم مهير الدمعة تذرف منها.. فرحتها لولدها.. وفرحة العلاقة الي ردت شرات قبل..


نوف: هاتو تليفوني.. لقطه مؤثرة يباااااالنا نصورها..

الكل: ههههههههه
=-=-=-=
في ميلس الرياييل
كانوا مرتبشين من الخاطر بسوالفهم ومستانسين.. وبوعمر وبو مهير قاعدين على صوب مخلين الشباب بروحهم.. والسوالف ماخذتهم الي يذكر الثاني بسوالف قبل والأشيا الي صارت لهم.. والأيام الي افتقدوا فيها بعض.. وعمر في هاليوم وبهاللمه قدر يهون على نفسه الي فيه.. حس نفسيته تحسنت شوي.. هاللمة ردت له لو شوي من روحه.. من عرف ان منى بتكون موجودة في بيتهم كان مب مصدق عمره وقلبه يدق.. كل شوي يرمس ويطالع الساحة الخارجية للبيت.. يتأكد إذا سيارة منى موجودة ولا بعدها.. كانو الرياييل ياكلون فالتهم.. وعمر مب قادر يفارق مكانه يطالع برع.. الكل لاحظ تصرفه بس ماقاله شي.. وأول ماشاف نور سيارة داخلة البيت ماعرف كيف ينش من مكانه ويستأذن منهم ويطلع من الميلس..
بوعمر: وليد.. وين سار اخوك؟
وليد وبصوت واطي: منى شكلها توها واصلة وهو سار برع..
سكت بوعمر وتم يكمل سوالفه..
طلع عمر من باب الميلس وراح صوب مدخل البيت.. كانت منى توها نازله من الموتر ومعاها ام عارف.. لاحظ عمر في تغيير في شكلها.. يمكن من الحمل.. وحس انها مهملة نفسها وايد.. لأن تحت عيونها سواد و ويها شاحب شوي.. نزل راسه وحس بلوم.. حس ان هو السبب في كل هذا.. منى من شافته مشت وحاولت تتجاهل وجوده..
مشت ام عارف يدامها ودخلت البيت قبلها.. ومنى كانت وراها .. وتوها بتدخل قبض عمر ايدها..
منى: ايدي لو سمحت.. ؟
عمر: حتى ماتبين تسلمين؟
منى: سوري مانتبهت انك واقف هني.. السلام عليكم؟
عمر: اشحالج؟؟
منى:بخير.. يلا عاد هد ايدي خلني ادخل...
عمر: منى .. دخيلج انا تعبان.. وادري انج تعبانه.. خلنا نعطي فرصة لبعضنا.. مب قادر اعيش بدونج والله اني مب قادر.. عشان الياهل الي في بطنج..
منى وهي تحاول تقبض نفسها عن تصيح: عمر.. موضوعنا شي وانتهينا منه..وخلني ادخل داخل بليز..
ودر عمر ايدها ودشت عمر على طول البيت.. تم عمر متضايق مب قادر يتحمل.. سار صوب موتره وركبه وطلع.. من شاف ابوه ان عمر طلع موتره عرف انه متضايق.. فإعتذر بالنيابه عنه عند الباقي..
=-=-=-=
في بيت هنادي..
بعد ماخلصوا الحفلة.. ودرت هنادي العنود بنتها عند آمنه اختها والكل ركب موتره وقرروا يسوون مسيره من بيت هنادي لغاية فندق حياة ريجنسي .. وكانو صدق مرتبشين ومستانسين لوناسه محمد.. أول موتر كان موتر محمد وهنادي والباقي وراهم.. مشغلين اربع اشاير وناصر و وهادف وأحمد في موتر واحد ورى وكان ناصر طالع من الموتر من فتحه السياره فوق ومتلثم وقابض الخيزرانه في ايده ومعلين على الأغاني وايول.. وهادف من الجامه طالع ونفس الحركه.. وكانت هناك سياره فيها شباب من ربع أحمد من بوظبي.. اتصلوا في احمد وسألون عن سبب هالمسيره وقال لهم ان عرس واحد من الأهل.. ماقصروا الشباب وشاركوهم المسيره والرقص.. هند ووداد وغزلان كانو في موتر اخوهم ومستانسين صدق.. كان جو المسيره وااااايد حلو.. وتموا يتخيلون مسيره عرس وداد وهند كيف راح تكون.. أكيد اكبر عن جي وأحلى..
ومن وصلوا الفندق بركنوا كلهم وسياره المعاريس راحت صوب المدخل ونزلوا المعاريس واما الشباب فاليوله ماخذتهم.. علوا على الأغاني ونزلوا من مواترهم وتموا ايولون في الساحه الي يدام مدخل الفندق.. وقتها صدق حسوا بالعرس وفرحته.. الحريم في المواتر والرياييل برع ومرتبشين.. أحمد وسلطان وعلي وناصر وهادف وربع احمد وجاسم .. كلهم كانو ايولون.. وهند و وداد يغايضون بعض كله وحده فيهن تمدح ريلها.. جان تظهر لهم غزلان في النص..
غزلان: شوفو ولد عمي فديته والله محد احسن عنه..
هند:نعم نعم.. اشوفج نسيتي ولد خالتج؟؟ بس سلطان الي ترس عينج؟
غزلان: منو قال اطري سلطان.. وعع مايعرف ايوول.. شوف احمدوو.. ياربي عذااااااااب.. وينج يا مهوووي تشوفين الي نشوفه
وداد: مالت استانست قلت احين تمدح ريلي..
غزلان: ههههههه.. ماشي شغلة شوي..
وشوي والرياييل شافو السيكيوريتي يايين صوبهم لأنهم مسوين حشره.. لأن كان شي سياح أجانب من شافو هاليوله تموا واقفين يطالعون والي يصور والي والي.. سلموا شباب بوظبي على احمد والباقي وركبوا موترهم وسارو والباقي ركبو مواترهم وتوكلو لبيوتهم..

غزلان كانت ترمس ابراهيم في هالوقت
غزلان: لو شفت الربشه.. واااااااو وناسه الصراحه
ابراهيم: بس بعد عرسنا بتكون الربشه فيه اكثر..
غزلان: هيه والله ياريت
ابراهيم: اقول وين امج..
غزلان: في الموتر وحليلها راقده من التعب..
ابراهيم: شو رايج فليل تشردين من البيت ونطلع انا وياج.. واني عند المعاريس ونخرب عليهم ليلتهم الرومانسيه.. وندق عليهم الباب كل شوي ونشرد
غزلان: الله وناسه.. خلاص موافقه
ابراهيم: طاعو هاي ماصدقت.. هههههههه والله انج شيطانه
غزلان: تراك انت الي يبت هالفكره مب انا
ابراهيم: اختبرج يالهبله..


غزلان: انا هبله.. ماعليه.. يلا باي زعلت
ابراهيم: لاحوووول احين بيلس للصبح وانا اراضيها
غزلان: ههههههه كيفك انت تحمل عيل
وصل مسج لهند في نفس الوقت كان من علي..
ماعليه ماخليتيني اشوفج.. براويج يوم الخميس بخليج ياسه على الكوشه بروحج..
ضحكت هند وطنشت المسج.. عشان تغايض به زود
السموحه بس ترا هذا كل الي رمت عليه لأني تغيرت الظروف شوي واظطريت اوقف هني
شو تتوقعون يصير في العرس القادم..
ومنى وعمر؟؟

شوف اخوي القصه وايد وايد طويله وبعد مبكامله انت حاطها من شان تستهزي في حجينا ولا وش قصدوك اها عاد:redhot: :redhot: :redhot: :redhot: :redhot: الحسا حساك لو الدهر نساك

الجزء ( 69 ) : للحب عنوان
في الفندق
كان محمد مستانس من الخاطر.. طول الوقت وهو يطالع هنادي ويتأمل فيها.. وهي ميته من الحيا.. تحس به تحس بكل نبضه ينبضها قلبها.. تحس بشوقه ولهفته.. كل شي ينبان في عيونه.. كانت قاعده يدام المنظره وتفتح شعرها ومحمد قاعد على السرير ويطالعها.. صدت صوبه هنادي ولوت براسها بدلع
هنادي: ممكن اعرف ليش تتطالعني جي؟؟
محمد: ابا استوعب اذا انا في حلم ولا علم؟؟
هنادي: تباني اقرصك عشان تصدق؟؟
محمد: هههههه لا دخيلج..
هنادي: انزين ممكن تطلع برع الغرفه .. لني ابا اسير اسبح..
محمد: جنها طرده محترمه..
هنادي: هههه يلا يلا..
محمد: اوكي.. ماعليه .. ان الغد لناظره لقريب..
هنادي: تدري.. ولهت على عنودوو..
محمد: انا شو اقول.. ليش مايبتيها..؟
هنادي: امي ماخلتني الله يسامحها.. ولا ودي..
محمد: لالالا احسن بتخرب الجو علي..
هنادي: بدينااااا؟
محمد تقرب منها ومسك ايدها وضمه بين ايديه..: انا يوم خذتج .. خذتج وانا مقتنع ان العنود بنتي.. ومافي شي بيغير رايي من هالناحية.. ولا تفكرين.. يعني لا بدينا ولا شي..
هنادي: لو انا ماكنت واثقه من هالشي جان ماوافقت عليك وانا كلي مقتنعه..
محمد: يلا تراج بتتأخرين.. وانا انسان فيه رقاد.. سيري اسبحي وانا بيلس في الصالة بحاول اسلي عمري.؟.
هنادي وهي منزله راسها.. وتسحب ايدها: ان شاء الله..
طلع محمد من الغرفه وبند الباب وراه.. وهو حاس بوناسه.. وهو حاس ان الدنيا مو قادره تشيله من الفرحه الي فيه.. مب قادر يصدق.. هنادي حبه صارت مرته.. صح يته فتره حس انه يكرهها.. بس ماقدر يتمالك فيض الحب الي رد وتفجر في قلبه مره ثانيه ..
=-=-=-=
في بيت بوعمر
كانو أهل مهير مروحين والباقي كلهم ساروا يرقدون من التعب الي حاسين به.. ومنى ردت البيت بعد العشا على طول مارامت تيلس بسبب الحمل كانت حاسه بتعب فراحت.. في هالوقت في غرفه بوعمر.. كان بوعمر قاعد ويا ام عمر ويسولفون..
ام عمر: والله اني تونست وايد.. صدق احس العلاقه الي بينا ردت شرات قبل
بوعمر: الحمد لله على كل حال..
أم عمر: الا يا بوعمر بغيت ارمسك في موضوع
بوعمر: خير.. شو الموضوع..
أم عمر: كل خير.. تحيد يوم كانو عيالنا وعيال بومهير صغار.. بومهير طلب منك انحير ايمان لولده مهير.. اليوم فتحت عذيجة السالفة مره ثانيه
بوعمر: وانا بعدني عند كلمتي.. بالعكس ودي بهالشي الحين اكثر من قبل.. عشان تقوى علاقتنا بهم
ام عمر: بس لازم نسأل راي إيمان.. لا تنسى ان قبل ياما رفضت وايدين يولها..
بوعمر: بس انا عندي احساس انها بتوافق.. وبعدين لا تنسين ايمان رابيه وياه.. ولا تستبعدين انها يمكن تعلقت به من صغيره من كثر ماكانت تسمع انها محيره له..
أم عمر: لا وييييين.. كانو وايد صغار مابتفهم
بوعمر: شو عرفج انتي.. بنات هالزمن الرضع يفهمن كل شي..
أم عمر: ههههه صدقت.. خلاص انا باجر برمسها وبشوف شو رايها
بوعمر: بس انا بتريا بومهير يرمسني.. مب حلوه جي ايي واقول له تعال نحن موافقين..
أم عمر: اكيد بيرمسك لأن عذيجه قالت لي بتفتح السالفة وياه..
بوعمر: خير ان شاء الله.. خلني ارقد احين باجر وراي نشه للصلاة..
أم عمر: خذت دواك..



بوعمر: يعلني ماخلا منج.. كنت بنسى والله.. الكبر شين
أم عمر: لا بوي.. لا كبرت ولا شي.. لا تكبر عن اكبر وياك...
بوعمر: ههههه اخ منكن يالحريم.. من يوصل عمركن ال25 .. توقفن.. خلاص مايزيد
ابتسمت له ام عمر ونشت اتييب دواه
=-=-=-=
في بيت بو مهير.. مهير كان من فرحته مب قادر يرقد.. وكانت اخته مريم سهرانه وياه وطول الوقت ترمس عن بيتهم وشو السوالف الي رمسوا فيها وكيف امها تجابلت ويا ام عمر.. ومن هالكلام.. وكل ما تطري مريم ايمان.. يفز قلبه.. وفي لحظه سرح ومريم لاحظت هالشي عليه.. استغربت..
مريم: مهييييييييييييييييييييييييييييييييييييييييييي يير؟
مهير: بسم الله شفيج.. عنبو في حد يزقر جي؟
مريم: وانا ادري.. شوف نفسك وين وصلت.. اينشتين مافكر هالكثر..
مهير: بايخه..
مريم: ماعلينا ممكن تقول لي شو السالفه؟
مهير: بقول لج.. بس توعديني ماتقولين لحد.. وتساعديني..
مريم: خير.. قول؟؟ شو هالموضوع الي ماتباني اقوله لحد واساعدك..
مهير: انا احب..
مريم: عادي مب شي يديد انت في السنة تحب 365 بت
مهير: اقول نشي نشي.. مو ويه حد يرمسج ويقول لج الي في خاطره..
مريم: لا خلاص خلاص.. مابرمس خلاص.. منو هاي الي تحبها؟
مهير: وحده تعرفينها
مريم: اوهوو ماحب هالألغاز.. بتقول ولا شو؟
مهير: يلعن ابو الحاجه بقووول حشرتيني.. سمعي يا اختي العزيزه.. البنت الي احبها حبيتها من قبل لا اعرف انج انتي وهلي تعرفونها..
مريم: اقول ثور يقول احلبوه..
مهير: لا حووول ويا هالبنت مابتخليني ارمس..
مريم: ههه ارمس ارمس.. خل نشوف اخرتها..
مهير: المهم.. من يوم ماعرفت ان العلاقه ردت بين العايلتين وانا خلاص مب قادر اصبر زود..
مريم: جني شكيت في وحده كمل..
مهير: هيه هي .. ايمان..
مريم: والله يا مهير ايمان بنت وايد زينه.. وكنت انا برشحها أول وحده مجرد ماتقول انك تبا تعرس.. بس طلعت مب هين ومن تحت لين تحت..
مهير: يلا عاااد.. شدي الهمه وساعدي اخوج الطيب المسكين..
مريم: هههه ان شاء الله.. يلا انا بسير ارقد تعبت مسهرني لين احين عشان هالموضوع.. قول ابا اعرس ويا ايمان وخلاص... عاد احب ومادري شو وغيره ليش..
مهير: ويا ويهج..
وراحت مريم صوب غرفتها ورقدت.. ومهير يحس انه كل يوم يقرب من ايمان.. احبها ياربي..
-=-=-=-=-=-
اليوم الثاني
حصه كانت توها ناشه من الرقاد على رنة التليفون.. كان عادل الي متصل فيها
عادل: ياويلي على الرقود انا..
حصه: اشحالك؟
عادل: بخير دامج بخير انتي اشحالج؟
حصه: الحمد لله.. كم الساعه احين
عادل: لازم مابتعرفين.. ضاربتها رقدة.. نشي يا كسولة الساعه 10:00
حصه: وانت من متى ناش
عادل: نشيت من الساعه 9:00
حصه: ماشاء الله.. انزين احين بسير اسبح عيل
عادل: انزين اخبرج متى بتون؟
..

حصه: والله مادري امي البارحة سمعتها تقول بعد ما ابوي وابراهيم يرجعون من صلاة اليمعه بنيي ان شاء الله.. عاد كله ولا عزيمة عمتي .. لازم نستقبلها.. عروس اشعليها
عادل: هههه والله كل ما اسمع ان امي عروس.. اتييني ضحكة.؟. احس عمري اخوها مب ولدها
حصه: لا والله.. هههههههههه..
عادل وبنبرة حزن: حصه اذا انا رحت من هالدنيا انتي بتاخذين غيري؟
حصه تضايقت من الرمسه وماقدرت تيود نفسها على طول بدت تصيح..
عادل: افاااااااا حبيبي عاد.. مابا ازعلج ولا اباج تصيحين..
حصه: لا تقول هالرمسه عادل.. بعد عمر طويل.. انا والله ماتخيل نفسي من دونك وانت تقعد تفاول
عادل: خلاص حبي انا اسف
حصه: انزين انا بسير اسبح احين
عادل: لا والله ماخليتج غير يوم اتأكد انج مب زعلانه..
حصه: مب زعلانه خلاص
عادل: احلفي
حصه: والله والله مب زعلانه.. خلني ارووووووح..
عادل: روحي فديتج لا خليت منج ان شااااااء الله
حصه: ولا منك ان شاء الله..
عادل: عاد اكشخي اليوم.. اباج تطلعين احلى من أميره الي من الصبح ناشه ومجابلة المنظرة الي يشوفها يقول اليوم عرسها... ولا جنه بس اهل ريلها بيون
حصه: هههههه وحليلها خلها اشعليك انت.. ليش منحر جي..
عادل: بس انا ابا حرمتي تطلع احلى من الكل
حصه: ليش انا في نظرك مب احلى من الكل؟
عادل: بلا فديت روحج دومج حلوة في عيني كيف ماكنتي..
حصه: انزين اذا يلست ارمسك لا بلحق اجهز ولا شي..
عادل: لا عيل سيري مابعطلج.. أحبج
حصه: وانا بعد
عادل: فديتج
حصه: مع السلامه
عادل: بل شديدة.. مع السلامه حبي
بندت عنه وسارت عسب تسبح وتزهب للطلعه.. كان مقرر ان ام عادل ترد في هاليوم ومسوين عزيمة غدا في بيت ام عادل بمناسبة زواجها..
=-=-=-=-=
بيت بومهير
كان مهير وابوه سايرين المسيد عشان يصلون اليمعه ومريم قاعده في البيت مع امها.. كانو فارشين حصير في الحوي برع لأن الجو كان براااد ووايد حلوه القعدة برع..
مريم وهي تحط كوب الجاي على الصينية: تدرين امي ان مهير يفكر في الزواج..
أم مهير: والله.. بشرج الله بالخير.. وانتي كيف دريتي؟
مريم: امس رمسني وقالي عن البنت الي يباها وحاطها في باله..
أم مهير: لا يكون وحده من الهايتات الي يرمسهن؟
مريم: لااااااااا.. بنت عرب وحشيمه ولا عرفتيها احين بتسيرين تخطبينها
أم مهير: بس انا في وحدة في بالي واباها لمهير.. وهي اصلا محيرة له..
مريم وهي فاجة عيونها.. في قلبها تقول.. لاااااااااااا كل شي راح واخترب عيل.. عز الله بتاخذ ايمان..
أم مهير: يلا قولي من هالبنت؟
مريم: بس امي حرام مهير يحبها..
أم مهير: ياربي من هالبنت الي بتنشف لي ريجي.. قولي .. من هالبنت؟
مريم: مهير من قبل لا نتصالح مع بيت الفلاني.. شايفنها ودشت خاطره ويوم سأل عنها ودعرف انها بنت بوعمر شوي تريث.. بس احين يقول مايروم يصبر اكثر عن جي..
أم مهير وهي تبتسم.. ومستانسه من الخاطر: طمنتيني .. ربي يطمن لي بالج.. انا نفسي ابا ايمان لمهير اصلا.. لأنها من الصغر محيرة له.. ويوم تصالحنا رديت فتحت الموضوع مع ام عمر.. وقالت لي ان بعدهم عند كلمتهم.. فكل واحد فينا بيشاور ولده..
مريم: الله وناسه عيل ببشر مهير يعني بس باقي موافقة البنت..
أم مهير: لا لا تييبين له طاري.. خلاص عرفنا رايه.. خلني بسويها له مفاجئة..
مريم: الله ونااااسه المفاجآت الصراحة.. خلاص انا بقول البنت ما وافقت وبوقف له قلبه
أم مهير: لا حرام عليج.. عاد مب جي
مريم: مب قلتي مفاجئة خليني عيل اسويها صدق مفاجئة
أم مهير: مادريبج سوي الي تبينه... خل اتصل في أم عمر وابشرها...
مريم: خليه على الإسبيكر عشان اسمع...
ام مهير: شو ها اسكيبر..
مريم: ههههههه وحليلج امي شو عرفج بهالسوالف.. الإسبيكر .. في فص على التليفون عود شوي لونه رمادي غامج.. هذا لا رصيتي عليه يطلع الصوت عالي..
أم مهير: ويديه عيب شو تبين تسمعين الجيران صوت الحرمه
مريم: خلاص مابا هونت بس بشل التليفون الي في غرفتج عشان اسمع
ام مهير: والله ان سويتيها .. عيب
مريم: ههههه عصبت العيوز مافينا خلاص على زعلها
ام مهير: سيري هاتي التليفون مافيي صبر .. لازم ارمس الحرمه وابشرها واسمع البشارة منها.. ولدي بيعرس الود ودي املج به الليلة قبل باجر
مريم: شعليييييييه بياخذ الي في باله .. ولا بعد حلوه وبنت ناس وحشيمة
ام مهير: هذا ولدي مهير مايعرف يتنقى الا الزين
مريم: لازم دامه ولدج..
وشلت التليفون واتصلت في ام عمر الي بدورها بشرت ام مهير بعد ان ايمان ماعندها أي اعتراض كل الي قالته الي تشوفونه.. يببت ام مهير من فرحتها.. وكانت صدق مستانسه.. ومريم على طول سارت عند نوف وقومتها من الرقاد
مريم وهي تفتح الليت ونوف من حست به غطت ويهها باللحاف..
مريم: نشي نوفوووووو عرس عرس
نوف: عرس في النهار.. مينونه انتي خليني ارقد
مريم: اقولج نشي عندنا عرس..
نوف: هذي الي بتييب اجلي اليوم.. انزين عرس عرس.. خليه لج انا ماحب الأعراس.. واذا حصلتي ريل خذيه بعد خل يفكني منج
مريم: يالسخيفه...فرت عليها المخده.. نشي عندي خبر هام.. اخوج قرر يعرس
فزت نوف من مكانها وشعرها كان مكشوش وفاجه عيونها وثمها ومستغربه: شوووووووووووووو.. مهير قرر يعرس.. لا ماصدق اكيد اكيد انا احلم
مريم: أي حلم انتي بعد.. لا صدق.. وبياخذ ايمان.. الي شفناها البارحة
نوف: قوووووولي والله
مريم: مايحتاي احلف.. اصلا انا الأخبار الي اييبها دوم صح وموثوق منها..
نوف: واااااااااي فديتج.. وانا ادري ومتأكدة من اخبارج.. احبج اختي احبج.. واخيرا بفصل فستان وبتعدل وبتسنع .. يااااااااي
مريم: لا لا .. لاتحلمين وايد .. لأنج ما بتحضرين العرس
نشت نوف وقفت على السرير وحاطه ايدها على خصرها.. :ليش ان شاء الله؟؟
مريم : طاع هالويه انتي.. شعر مكشش..حطت نوف ايدها على شعرها وتمت اتسحيه بإيدها ويلست على السرير وتربعت.. والويه عفن.. ها ويه يحضر عرس
نوف: اطلعي برع انزين خل الحق اتفرغ لنفسي واكشخ... عاد انتي الي بتغثين بي.. عشان اسير اباااااارك للمعرس
مريم: اوووووووه تعالي نسيت اقولج شي مهم
نوف: قولي فديتج قولي.. اخبارج اليوم عسل مثلج..
مريم: فديتج كلج نظر.. لا تقولين شي لمهير فاهمة
نوف: ليش؟
مريم: لآنه مايعرف
نوف: كيف مايعرف يعني بتيوزونه غصب شو؟
مريم: لا بس البنت الي كان يباها هي نفسها الي امي تباها له.. فتلاقت الرغبات قلنا بنفاجئه .. فلاتقولين له
نوف: افا علييييييج.. سرج في بير
مريم: اشك الصراحه ان عندج بير..
نوف: افا افا يا أختاااااااه ماذا تقولين
مريم: يالله انزين سيري عدلي هالويه السمح الحلو هذا
نوف: هيه خلج جي.. رمستج حلوه ومرتبه..
مريم: دومي رمستي حلوه ولا عندج راي ثاني
نوف: لا فديتج لا ثاني ولا ثالث.. خلني اسير اسبح ابرك لي
مريم: وانا اقول جي بعد
وكانت نوف وااايد مستانسه من الخبر الي سمعته..
وصل بومهير من المسيد ويا مهير.. طلبته ام مهير الغرفه وقالت له السالفه كلها.. وقرروا انهم يروحون نفس الليله يخطبونها رسمي.. ويحددون كل شي.. واتصلوا في بيت بوعمر وقالو لهم انهم بيونهم الليله عشان يخطبونها
=-=-=-=-=-=
إيمان كانت واااااااايد مستانسه.. حست وقتها فعلا ان مهير يباها لنفسها.. وكل المخاوف الي كانت في قلبها راحت.. حست ان الله بدا يرسم لها حياة يديدة سعيدة .. قعدت تفكر وتفكر كيف بتكون حياتها وكيف بتقضيها مع مهير.. وكيف بيكونون..
في هالوقت وصل لها مسج من ابتسام ربيعتها..
قلبي من عرفك وهو دايم فخور
ما أظنه بيوم أو لحظة نساك
يردد كلمات غلاك
في سرور
وأرددها يا عسى عمري فداك
خل شمس الغلا تتباهى بالنور
وإنشر الغلا
في سماك
والسموحه لو بدى مني قصور
قاعد ارسل وفكري معاك
عصبت ايمان من شافت المسج.. حست بغيره غير طبيعيه.. يمكن لأنها تعرف ان ابتسام لها معرفه مسبقة بمهير.. وهالشي يغيض بها ويخليها تغار بالفعل.. حاولت تتناسى الموضوع وتطنشه ماقدرت.. طرشت لها مسج
رجاءً هالرقم تنسينه.. ولا عاد اشوف منج شي.. مابيني وبينج اي شي..
من قرت المسج ابتسام حست بالدمعه في عينها.. صح انها كانت مع إيمان لمصلحة والي هي بيزاتها.. بس ماتقدر تنكر انها كانت ترتاح لها اكثر وحده من بين البنات الي تعرفهن كلهن.. كانت تحب تقعد وياها وتسولف.. يعني أعز وحدة من رباعاتها.. ولكن فقدتها بقلة عقلها.. خسرت صداقتها.. تمت تتصل على تليفون إيمان.. بس ماشي فايده في البداية إيمان ماكانت ترد.. وبعدها اغلقت التليفون.. تمت اتصيح من الخاطر.. ومن القهر الي فيها كسرت التليفون .. ورقدت.. أما إيمان رغم طيبه قلبها كان ودها ترد .. بس كانت تحس ان الي سوته شي مايغتفر.. وهاي مب صديقتها الحقيقية.. فقررت انها ماترد عليها بالمره.. وداست على احساسها وشعورها

=-=-=-=
في بيت غزلان
هالبيت الي كان شرات خلية النحل.. محل الأفراح ياهم وزينوا البيت بالليتات لأنهم راح يشغلونه تقريبا من يوم السبت فليل ليوم الخميس.. الي راح يكون يوم العرس.. غزلان في هالأيام ماكانت ترمس إبراهيم وايد وهذا لإنشغالها.. دوم برع البيت .. يتشرون ويجهزون ويرتبون.. وداد وهند قرروا انهم مايكلون رياييلهم ليوم العرس.. وهالشي الي غيض بهم زود .. حتى سلطان وعلي واهاليهم كانو مشغولين والوقت ماخذهم.. ترتيبات العرس وايده.. وماتخلص.. وكلن يترقب هالعرس بفارغ الصبر
=-=-=
في بيت عادل
كان الكل متيمع.. حصه واهلها.. وحمد واهله وأميره وعادل طبعا.. في استقبال امهم الي كانت راده من جولتها.. أول ماوصلت البيت شافت المواتر الموقفة عند باب البيت.. استغربت..
ام عادل: أقول.. غانم.. شو سالفة هالسيايير.. ويدييييييه ليكون حد من عيالي فيه شي..
غانم: شوفيج ياحرمه .. مافيهم الا كل خير.. وبعدين توج رمستي أميره ماقالت شي..
أم عادل: بس مادري.. هالسيايير كلها لمنو..
غانم: بندخل وبنشوف ترانا..
اتصلت ام عادل في اميره وقالت لها انهم وصلوا والكل وقف في الحوي عشان يستقبلهم.. أول مادخلت ام عادل وشافت كل هالناس استحت من الخاطر.. وعرفت سالفة السيايير..
أم عادل: انا براويج يا أمووور.. هاي حركاتها ادري..
غانم: ليش وحليلها شو سوت؟؟..
أم عادل: استحي انزل.. غديت عيوز ويسوون لي عزيمه لعرسي..
غانم: شو هالرمسه.. ومنو قال انج عيوز.. انتي الشباب كله.. وبعدين لاهو عيب ولا حرام..
أم عادل: مادري بس مستحيه..
غانم: عاد احين صدق بيضحكون عليج.. بيقولون ياسه ف السياره وغيرها وغيرها..
أم عادل: لا حوووول.. بنزل امري لله..
ونزلت ام عادل والكل تقرب وسلم عليهم.. وبارك لهم على الزواج.. وأميره الي من شافت امها حست كأنها ماشافتها من سنه.. لأن اول مره امها تبتعد عنهم.. ربعت وحضنتها وتمت اتبوسها وتبارك لها بحراره الي يشوفهم يقول مب أم بنتها.. كأنهم صديقتين مقربات لبعضهن..
ودخلوا وقضوا اليوم بكبره ويا بعض والسوالف والضحك ماختذهم..
=-=-=-=-=
في بيت بوسلطان
أحمد توه كان طالع من الغرفه وكاشخ على الآخر.. الي يشوفه يقول معرس.. وام سلطان ياسه مع فدوى ويسولفون..
أحمد: يلا امي تامريني على شي .. أنا ساير عند ربعي..
أم سلطان: عاد انت خف من طلعاتك.. خطيبتك لا درت بتزعل عليك..
استحى احمد وطلع بسرعه..
فدوى: الله يهنيه ان شاء الله..
أم سلطان: آمين.. ويهدي سر منى ان شاء الله ويوفقها في حياتها
فدوى: إلا أمي انتوا ماتفقتوا على ملجة أحمد وزواجه وغيره؟
أم سلطان: قلنا احين حيرناها.. والود ودي ايوزهم بعد ماتخلص السنه.. وتكمل الثانويه مسائي.. بس ماعتقد اخوها يوافق..
فدوى: هي تبين رايي انا بعد اقول جي.. صح صغيره.. بس بتكون عندج وانتي الي بتعلمينها.. وهي ماشاء الله حرمه عاقل..
أم سلطان: بس بوسلطان يقول لا خلوها تكمل دراستها ويكون احمد بعد مخلص وقتها ..
فدوى: والله مادري.. الي تشوفونه.. بس اهم شي ان البنت تحيرت له خلاص..
أم سلطان: تدرين.. ودي أخطب الثانيه لناصر.. بس مب ألحين.. يوم يكبر ناصر شوي..
فدوى: أي وحده.. ريم ولا وفاء؟؟



أم سلطان:لا وفاء.. ريم صغيره وايد..
فدوى: ههههههه.. وحليله ناصر والله وكبر اخوي..
سمعهم ناصر..: معلوم بكبر.. عيل بتم ياهل شرات عبود ولدج..
فدوى: هههههه.. لا تحط على ولدي لو سمحت..
ناصر: انزين انزين.. اقول امي انا بمر على هادف وبنظهر سوى.. تامريني على شي..
أم سلطان: لا سلامتك يا ولدي.. ربي يحفظك.. متى اشوفك معرس شرات اخوك سلطان واحمد ان شاء الله..
ناصر: انا الي اعرفه سلطان معرس صح.. بس أحمد ماحيده بيعرس؟؟.. وانا لا تيبين لي طاري الزواج الا يوم ادخل ال30
أم سلطان: اشووو.. ثلاثين.. تحلم انت.. ودي اطمن عليك قبل ماتغمض عيوني
تقرب ناصر وباس راسها: ربي يطول بعمرج.. بس قولي لي.. أحمد متى استوى معرس؟
فدوى: خطبنا له مهى اخت عبدالله.. وانت امي حاطه عينها على وفاء لك..
ناصر: شوووووووو.. بيخطب الخبيله مها.. صدق اهبل.. وانا مابا وفاء.. ابا الصغيره .. ياااااويييل حالي.. اتطيح الطير من السما..
فدوى: والله وطلعت مب هين..من تحت لين تحت..
ناصر: هههه لين ما اخلص جامعه وكل شي.. تكون خلصت ثانويه وتنفع لي.. صح..
أم سلطان: طاعو الولد مخطط على كيفه ولا شاور..
ناصر: فديتج انتي الكل في الكل.. المهم انا ساير.. وانتوا عاد اتفقوا في السوالف الباقية.. يلا مع السلامه
فدوى: شفتي ولدج امي كيف..
أم سلطان: الله يوفقهم كلهم وانتي أولهم.. وتربين بالسلامه..
فدوى: مابقى شي.. كلها 4 شهور وبربي بإذن الله..
=-=-=-=
في بيت بوعمر
في الميلس كان بوعمر قاعد مع بومهير وعمر و وليد.. بس مهير ماعنده خبر بالموضوع والي يصير بالمره.. ولا يدري ان هله في هاللحظه يتفقون على تفاصيل الخطبه والملجة..
بوعمر: شوف يا حسن البنت بنتكم.. وماعندنا أي أمر عليكم.. لو تبون البنت تاخذونها من ألحين ماعندنا مانع..
بومهير: تسلم والله.. هذا العشم فيك يا علي..
بوعمر: إلا مهير وينه ماشوفه وياك..
بومهير بدا يفهم بوعمر السالفة.. وقال له: مهير شايف ايمان من قبل وسائل عنها ويوم عرف انها بنتك كان يبا يبدأ يحاول يصلح من بينا عشان يقدر يخطبها.. لكن الله راد انك انت تسهل كل المشوار عليه.. وكلم البنت العوده عشان ترمس امه.. وعاد كل شي ضبط.. الظاهر ناسين انهم كانو من الصغر محيرين لبعض..
بوعمر: عيل انتوا تبون تفاجئونه..مايصير ياخوي..
بومهير:والله ها طلب الحرمه.. تقول تبا تفاجئه..مابتقول له غير يوم الملجة..
عمر: هههه بس حركة حلوة بتكون..
وليد: ماتخيل امي كانت بتسويها فيني..
وكملوا اتفاقاتهم عساس الأربعا يملجون بهم ملجة بسيطة في البيت.. بس بومهير اصر انه يبا يسويها حفلة.. وقالهم بينصب خيمه وخدمات فندقية وكل شي.. يبا العلاقه الي بينهم تبدأ بشي كبير وقوي.. وبوعمر ماعارض بالمره..
=-=-=-=-=-=
هذي الأحداث الي صارت ومشت على حالها.. كلن على تحضيراته واشغاله..
أهل بوسعيد وبوسلطان.. وبوعلي.. كلهم يحضرون للعرس الكبير..
وأهل بوعمر وبومهير.. يحضرون للملجة.. وماباقي غير 5 أيام.. والبنات مرتبشات.. نوف ومريم ونوره وإيمان وعهود ومنى بعد.. كل وحده تدور وتدور لها شي عشان تلبسه في يوم الملجة.. وسارت دار الهودج وخذت لها من عندهم جلابيه عشان مايبين حملها..

إخترت هالجلابية لأن إختي يوم كانت حامل لبستها في حفلة وشكلها وايد حلو
=-=-=
منى عزمت هند والبقية للملجة بس اعتذروا طبعا لأن الليله نفسها راح تكون ليله حنا وداد وهند.. ومايقدرون يحضرون.. وسعيد بيوصل يوم الثلاث فليل..
=-=-=
يوم وصول سعيد
راح محمد يستقبله مع علي وسلطان .. وكان مستانس من الخاطر.. طلع لهم وهو شاق الحلج.. ومستانس من الخاطر.. كان شال وياه شنطتين.. استغربوا يوم شافوه ياي ومعاه شنطتين بالعادة شنطة وحده.. ليش هالمره ثنتين؟؟
سلطان: اشوف هالمره خاف استراليا ويايبها وياك؟؟
سعيد: ههههه لا وحياتك.. هاي هدايا للعرايس..
علي: اي عرايس..؟؟
سعيد: هههه استهبل اشعليك.. معرس بعد يومين بنزفك..
وراحوا وصلوه البيت.. طبعا الكل واعي.. وعلي وسلطان الود ودهم يدخلون بس ماخلوهم حتى يدخلون الموتر في الحوي..يادوب نزل محمد سلم على خالته ورد..
علي: شفتها؟؟.. محلوه مرتي اكيد؟؟
محمد: مينون انت احين مرتك بتظهر لي ليش؟؟ وانا بيلس ادقق في ويهها يعني؟
سلطان: هههه عاشق المسكين.. متعذب..
علي: اتصل فيها من متى غالقة تليفونها الظالمة..
سلطان: نفس الحالة.. تراهن متفقات الظاهر ..
من دخل سعيد البيت ماحس الا بغزلان تعفد في حضنه.. فدييييييييييتك اخويه حبيبي ولهت عليك.. لا خليت من هالويه..
سعيد: يه يه .. شو هالترحيب.. خوزي.. خل اسلم على ست الحبايب...
غزلان: ماقدر خلاص لصقت..
سعيد: خوزي خس الله ابليسج..
غزلان تمت حاطه ايدها على جتفه وتمشي وراه ولا تشله.. : شوف شوف.. ايدي ماتنشال .. لصقت
سعيد تم يضحك وطنشها وسار صوب امه وباس راسها وحضنها.. وابوه نفس الشي.. وهند ووداد.. عاد غزلان الي ما ودرته ولا دقيقه.. طول الوقت ملاصقه فيه..
سعيد: شفييييييج صايره لزقه عنزرت..
غزلان: كيفي اخوي وولهانه عليه..
سعيد: ههههههه والله اني انا الي متوله عليكم زود وزود
غزلان وبخبث وبصوت واطي..: اقول.. شو سالفة الشنطتين دومك شنطه وهاند باج..
سعيد: هداياكم هاي..
غزلان: الله وناسه يايب لنا هدايا..
سعيد: هيه يايب لج وللعرايس
استحوا هند و وداد ونزلو روسهم وسعيد يضحك.. ومن بعد ما نشت امه وسارت الغرفه ترقد .. نش سعيد مع خواته وهادف وداهم الغرفه وفتح الشنط وتم يطلع الهدايا ويوزعها.. والنصيب الأكبر كان للعرايس طبعا..
وكملوا سوالفهم ولا رقدوا الا بعد صلاة الفير.. وغزلان كالعادة في هالأيام بترقد في غرفه سعيد..
=-=-=-=-=
وصلنا ليوم الأربعا..
في كل من بيت بوعمر وبوسعيد كان الجو مرتبش من الخاطر.. كل واحد يرتب ويشتغل.. في بيت بوسعيد.. كانو يجهزون لحفلة بسيطة للحنا مابين الأهل والقراب منهم بس..
غزلان وحصه كانو لابسات مخاوير جلابية واما هند و وداد فكانت كل وحده فيهم لابسه لبس مغربي تطيرزه من أروع مايكون.. ويابو حنايات من عند صالون قمر.. وكل وحده فيهم فاتحة شعرها ولابسه الطاسه والمرتعشه.. عاد الباقي ماعرف اسمهم.. نزلن على اغنية فطومة.. هب السعد.. وكان مكياجهم بسيط وايد.. عشان مايبرز جمالهم ويخلونه لليله العرس.. بس مع ذلك كانو طالعات صدق حلوات.. واما الرياييل برع فكانو يايبين فرقه الحربية والربشه واليوله شالتنهم شل.. مرتبشين من الخاطر.. خصوصا كل من علي وسلطان.. سلطان بعد العناء والتعب والعذاب أخيرا راح يجتمع مع بنت عمه الي حبها طول عمره.. وعلي تحدى كل شي واصر انه يتم مع هند رغم رفضها له..
كانت غزلان ويا حصه يضيفون الحريم الي قاعدات ومرتبشين من الخاطر.. والحنايات كانو يحنن ايادي العرايس.. وكل وحده فيهم ولا حاسه بالي هي فيه.. حاسين بخوف وربكه ومب عارفات كيف يتصرفون..
بس الجو في البيت كان ربشة وحلو وايد.. وكل حد متفاعل وياهم..
إبراهيم كان حارق تليفون غزلان من كثر ما متصل.. يوم انتبهت على التليفون ردت اتصلت فيه بس يادوب كانت تسمعه من الحشره والأغاني..
غزلان: كنت مشغولة مانتبهت حبيبي..
إبراهيم: ماعليه عشان تراضيني ابا شي..
غزلان: امرني
إبراهيم: انتي متحنية صح؟
غزلان: صح..
إبراهيم: صوري لي ايدج وطرشي ابا اشوف ايدج وهي محنايه
غزلان: بعدين بعدين
إبراهيم: توه امرني وغيره.. واحين بعدين..
غزلان: فديييييتك كله ولا زعلك.. خلاص احين بصور وبطرش
إبراهيم: يلا اتريا عيل
وبندوا وتمت غزلان تصور ايدها واختارت احلى صوره وطرشتها.. وثواني وصلت على تليفون ابراهيم..

إبراهيم: فديت هالإيد انا..


سعيد انتبه عليه يالس يطالع التليفون.. قرب من ابراهيم وحط ايده على جتفه وتم يطالع..

ابراهيم: سر بيني وبين مرتي شو حاشرنك.. ؟؟
سعيد وهو يغمز له: حرمتك... !!!!!!!!.. أشك.. احين بسير افتن
ابراهيم: لا دخيلك كله ولا زعل الحبايب.. شوف بس قلت لها اطرش لي صورة ايدها محنايه..
تم يطالع سعيد وضحك..: انتوا صدق مال اول
ابراهيم: احسن احسن.. خلينا التطور لك..
سعيد: ههههه تعال خل عنك التليفون خلنا نيول ويا الربع..
=-=-=-=-=-=
في بيت بوعمر
الكل كان مرتبش من الخاطر..
الخيمه كانت مجهزة على الآخر وحلوه.. ويايبين دي جي .. إيمان ماتوقعت ان الحفلة تكون بهالحلاة.. واهل مهير وخواته كانو كاشخات على الأخر ونوره لأول مره بتظهر يدام الناس كاشخه وبليا عكازات بعد.. كانو لابسين فساتين بسيطه ومتعدلات بس نوره كانت طالعه آيه من الجمال على بساطتها لابسه فستان بسيط وردي.. ومكياج وردي وفاتحه شعرها.. الكل كان يطالعها بإعجاب..
مهير في هالوقت ماكان يدري ولا عنده اي فكرة عن الحفلة .. كل الي قاله له ابوه.. بنسير بيت بو مهير عندهم عزيمه هناك.. وانت اكشخ والبس لآن في كباريه يايين هناك ومب حلوه.. ومن هالكلام.. مهير صدق... هو كشخ لسببين الأول إيمان.. الثاني الضيوف الي بيكونون موجودين.. وتبخر وتعطر.. وطلع ويا ابوه.. وامه وخواته كانو بعد وياه.. بس مانتبه على كشخة خواته لأنهن كانن متغشيات.. وأول ماصلوا بيت بوعمر.. انصدم من وجود الخيمه..
مهير: عرس منو؟
بومهير: مب عرس.. ملجة بنت بوعمر..
مهير انصدم.. على طول يت على باله إيمان: ها.. اي وحده..
ام مهير: اشعليك تسأل انت.. عيب... يلا ادخل ويا ابوك الميالس عيب تأخر عليهم
مهير نزل من السياره وحاس بضيقه في صدره حاس بإنه يبا ينفجر من الصياح والألم.. لا مستحيل الي اسمعه.. معقوله.. بس .. بس إيمان لها اخت ثانيه.. اكيد هاييج.. اوهووووو بلاني راسي افتر والله..
وأول مادخل الميلس تقرب منه عمر ومعاه وليد وسلموا عليه
عمر: هلا والله بنسيبنا حياك..
مهير انصدم من هالرمسه.. مافهم عليه ولا قدر يستوعب
وليد: يالنسيب عاد خلك على المواعيد..مب زين تأخرت على الشيخ من متى يتريا عشان يملج بكم..
مهير صد صوب ابوه يتريا تفسير بس اكتفى أبوه بإبتسامه.. لكن مهير بعده مب مستوعب..
بوعمر: تعال اقعد حذالي.. يا جماعه هذا نسيبي.. مهير فلان الفلاني.. راح يكون ان شاء الله بعد شوي نسيبي..
مهير حاس بفرحه بس يحس نفسه في حلم.. أو في شي مب طبيعي قاعد يصير حواليه.. قرب من ابوه وبصوت واطي: شو السالفه؟
بو مهير: اليوم ملجتك على ايمان.. وهذا كله عشان ملجتكم..حبينا نفاجئك..
يوم سمع مهير هالرمسه.. لولا الحيا والحشيمه جان نش رزف من فرحته.. صد صوب ابوه بصوت واطي: وين الملاج خل يملج بسرعه..
بومهير: هههههه.. الله يهنيك يا ولدي..
نش مهير وباس راس ابوه وبوعمر ورد مكانه.. ودقايق وملج الملاج بهم..وشلوا الدفتر لإيمان عشان توقع وقعت وردوا الدفتر والشهود وقعوا.. وتمت الملجة على خير.. وانتشر الخبر بين الحريم الي كانن في الصالة.. وكل وحده اتيبب اكثر عن الثانيه..
وعالساعه 10.00 نزلت إيمان بفستانها العنابي البسيط.. وهي عجمالها الطبيعي.. بعد المكياج وهالتعديل كله.. كانت طالعه ملكة جمال.. الحريم انبهرن بجمالها.. كانت طالعه فضيعه.. كلن يحسد مهير عليها.. مشت من بين الناس ويلست على المنصه البسيطه الي كانو مسوينها لها.. ونوره وعهود ومنى كانو وياها.. منى كانت لابسه جلابيه عنابية الصورة الي شفتوها.. ورافعه شعرها ومكياج خفيف.. كانت طالعه أنيقه.. وابتسامتها حببت الناس فيها..
وعالساعه 11.30 قرروا يدخلون مهير.. الي كان صدق مرتبك.. لأنه ماكان له أي إستعداد لهالليله.. ماكان يدري ولا جان مابات الليل.. دخل مع بومهير وعمر ووليد.. عمر من أول مادخل وعيونه تدور عليها... نظر عينه.. يحس بها حتى وهي متغشيه وقاعده قدر يعرفها.. يحس نفسها حافظ كل شي فيها.. ومن شاف مهير ايمان من قرب.. انبهر بجمالها.. : اقول وليد.. احين صدق هاي اختك اخاف الا مغلطين..
وليد: ههههههه... لا لا... اختي اكيد..
مهير تقرب من ايمان شوي.. ولا حيا ولا مستحى..: محلوه..

استحت ايمان ونزلت راسها.. ومن طلعوا الرياييل الا عمر الي سار صوب امه.. وسلم عليها.. لأن يومين كان برع البيت وماشافته.. كان واقف عند امه ومنى قاعده على الكرسي الي حذال ام عمر.. كان طول الوقت يطالعها ومنى كانت منزله راسها ولا طايعه ترفعه عشان ماتجابله.. بس ماتقدر تنكر اعجابها وحبها له..
منى: هالإنسان فيه سحر عجيب يجذبني صوبه.. أحبه وربي احبه .. أحتاج لك بكل مافيني.. بس ليتني اقدر انسى ليتني..
طلع عمر وهو مكسور الخاطر.. ماقدر يقعد عن الرياييل سار ويلس في موتره.. اما ام عمر فقعدت حذال منى..
أم عمر: يما منى ترا عمر وايد حالته تعبانه.. صار بالأيام يبات برع ومتضايق.. منى ترا عمر ندمان ويحبج.. فكري فيه..
تمت منى ساكته ومابغت ترمس ولا تقول بأي شي في خاطرها.. لأنها تعرف لو رمست بتقول موافقه بدون تفكير وهي ماتبا هالشي.. تبا تعيد تفكيرها شوي.. وتختلي بروحها يمكن تتأكد منه وترجع له..
ابا اعرف رايكم بهالجزء.. والأحداث
أول شي .. سامحوني .. الظروف كانت أقوى عني.. فعهد كان بيني وبين نفسي اني انزل لكم البارتهالإسبوع ويكون ان شااااء الله من احلى مايكون.. وتستانسونعليه..

--------------------------------------------------------------------------------


الجزء ( 70 ) : للحب عنوان


من بعد ماراحواالمعازيم.. تمت إيمان قاعده مع مهير.. وطول الوقت يسولوفون.. وأول مره يشوفون ايمانبهالإبتسامه والفرحه..والكل كان مستانس لفرحتهم.. هالحفلة خلتهم ينسون شوي موضوععمر ومنى.. وحتى منى نفسها يمكن شوي قدرت تنشغل وتنسى.. بس من بعد ماشافت عمر وسمعتكلام مرت عمها.. حست بغصه في صدرها.. راحت صوب ام عارف وهمست في اذنها انها بتردالبيت وهي خل ترجع مع عارف.. لأنها تحس بتعب شوي.. طلعت من الخيمه ومشت صوب الكاراجعشان تركب موترها وتروح.. لاحظت سياره عمر مفتوحه .. يعني اكيد عمر في الموتر.. ماقدرت تشوف منو في السياره لأن السياره مشملة .. وماتقدر تشوف منها.. وكانت موقفهسيارتها حذال سيارته.. كانت متردده انها تروح سيارتها بس قاومت وراحت ركبت السيارهوقعدت.. وشغلت المسجل على هالإغنيهأدري بتقولون الإغنيهيديده والقصه اونها شهر واحد.. بس انتوا مشوا.. لأني حبيت ادخل الإغنيه هذي..
http://www.ma7room.com/vb/uploaded/meshakil.jpg


وعلت على الصوت ..ونزلت الجامه شوي عشان يقدر عمر يسمع الإغنيه.. وكانت تضحك في خاطرها ماتدري شو السبب.. بس حست ان عمر بينقهر زود بهالإغنيه.. وطلعت.. وعمر على طول طلع وراها.. وهي كانت ملاحظه انه وراها بالسياره فكانت تحاول تتهرب منه بس مب قادره.. لأنه كان ملاصق في سيارتها ومنى بطبيعتها تخاف تسرع.. وعند الإشارات.. وقف سيارته حذال سيارته.. وبحكم ان الوقت متأخر فكانت الشوارع فاضيه تقريبا..
وقف موتره ونزل الجامه.. وعلى صوت المسجل..
... أنا لا جيت أبهدي لك.. عيوني لك أبهديها..وإذا ماكفت عيوني.. فداك العين وراعيها.. أنا عمري فدا عمرك.. أنا كلي تحت أمرك.. لأنك أغلى شي عندي فهالدنيا ومافيها ...
منى كانت مستانسه وايد.. بس ماتبين.. وسلطان كان طول الوقت يطالع سيارتها ويسوي حركات على حسب الإغنيه.. ومنى من شافت الإشاره اخضرت مشت بالسياره وبعدها عمر لاحظ فطلع وراها بس شوي متأخر.. وعاد على حظهم.. عمر مالاحظ ان الشرطه شافو حركاته.. فمشوا وراه ووقفوه.. تم يضرب على السكان من القهر لأن منى بتمشي عنه.. افففف احين وقته يمسكوني على المخفي.. ومنى خافت .. فوقفت على جنب الشارع شوي يدام..
الشرطي: لو سمحت اخوي.. الليسن والملكية..
عمر طلع الليسن والملكية وراواهم للشرطي.. وعلى حظه كان تصريح المخفي موجود فماخالفوه عليه..
الشرطي: ممكن تتفضل ويانا المركز..
عمر:ليش؟؟ تصريح المخفي يدامك.. بعد ليش المركز..؟؟
الشرطي: نحن شفنا الي سويته عند الإشارات..وهاي مايبالها مركز في نظرك..
عمر: لا طبعا مايبالها..لأني ماسويت شي غلط
الشرطي وبعصبيه: كل هذا وتقول ماسويت شي غلط..
عمر وهو ينزل من السياره ومعصب.. الود وده يضرب الشرطي.. بس عاد بهالشي بيروح في ستين داهيه .. : قلت لك مب غلط.. ومب انت الي بتعلمني الغلط من الصح.. وهاي الي كنت اسوي لها حركات حرمتي..
الشرطي وبإستهزاء: شو تشوفني ياهل يدامك تقص علي بكلمتين.. يعني تبا تفهمني ان المغازل الي في الشارع هذا لحرمتك.. ولا بعد حرمتك في سياره وانت في سياره..
عمر: انت مب فاهم شي.. بس لحظه ..
شل تليفونه واتصل في منى..
منى ردت على طول لأن حست في شي صاير: الوو..شو مستوي.. ليش وقفوك؟؟
عمر: يتحروني اتحرش ببنات الناس.. قلت لهم انج حرمتي مب مصدقين.. ممكن اتيين واتيبين اثبات اي شي انج مرتي..
منى : هههههههه.. احسن خل يسجنونك..
عمر استانس من الخاطر يوم سمع ضحكتها .. ما قدر ايود عمره.. يود الشرطي وباس راسه.. والشرطي يطالعه مستغرب.. يقول هذا ياسكران يا مينون..

منى: شفيييييك تبوس الشرطي.. هههههه.. انت مب صاحي اليومبالمره..






عمر: دخييل عمي الي يابج لا تسكتين تمي اضحكي..






وقتها ماتحملت منى وضكت من الخاطر.. وعصب الشرطي..






الشرطي: لوسمحت.. تراك وايد طولتها.. وتحرى حركاتك هاي حلوهيعني..






عمر: اقول هاتي الإثبات وتعالي..






منى: أوكي..






وبند الخط.. ومسك عمرالشرطي ورد باسه على راسه...






عمر: انت ماتدري شو سويت.. انت سويت شيكبير.. مرتي ضحكت لي.. تعرف يعني شو ضحكت.. وتم ايول ويغني.. ويلي ياويلي ياويييييلي.. يا وييييلي.. ويلي انا يا ويلي.. راح القمر عن ليلي.. يا ليلي.. ليلالسهر يا ليل.. ..






الشرطي الثاني كان يالس في السيارهويطالع الي يصير وميت من الضحك.. وهو واحد من ربع وليد .. فيعرف عمر.. مانزل منالسياره عشان ماينحرج يدامه ..






الشرطي: انت مب بس لازم تروح المركز.. انت بعد لازم نوديك المستشفى.. يشوفون نسبة الكحول في دمك.. الظاهر شارب عدلاليوم..






عمر: الا شوفتك خلتني اسكر.. وينها هاي خل توصل..



وشوي الا منى وصلت.. وسار عمر عندها وشل البطاقه من عندهاوهي كانت مبتسمه له لأول مره في حياتها من بعد الي صار له..

وسار عند الشرطي: والله ان اذا ردت العلاقه بيني وبين حرمتي شرات قبل .. لا اييب ترقيتك من تحت الأرض..





ضحك الشرطي وقتها فهم ان في خلاف بين عمر ومرته.. من بعد ماشاف البطايق الي تثبت انه ريلها..






وسار الشرطي وركب سيارته.. ويضحك من خاطره..






الشرطي الثاني: ها شو صار وياك؟؟






الشرطي الأول: طلعوا ريال ومرته.. متزاعلين وشكله يسوي كل ها عشان يراضيها..






الشرطي الثاني: إحلف.. ههههههه وليش يرزف ويغني عيل..






الشرطي الأول: خل نمشي وفي الدرب بخبرك السالفه..






=-=-=






وقف عمر موتره عند باركن الممزر وركب موتر منى.. ومنى ساكته ولا ترمس.. بس كانت منزله راسها ومستحيه.. بس كانت مستاااانسه وتحس ان الي قاعده تسويه شي كان مفروض يستوي من زمااااان وتفرح به.. فتح باب الموتر عشان يقعد.. بس رد وقف فالشارع.. ويطالع منى: بقولج شي قبل لا اركب..






وكانو شي شله شباب توهم واصلين ونزلوا عشان يقعدون عالممزر.. وشويه عايلات بس بعاد..






عمر: سمعيني اوكي






منى: اوكي..






عمر وبأعلى صوت يقدر عليه.. : أحبــــــــــــــــــــــــــــــــــــــــــ ـج..






منى ضحكت من الخاطر.. بس كانت مفتشله لأن الكل كان يطالعهم.. صد عمر صوب شله الشباب الي كانو يطالعون عمر بإحتقار.. يتحسبونه يقول هالرمسه لربيعته.. صد صوبهم وهو عاقد حياته:شوفيكم.. فيها شي أحب مرتي.. مافيها شي ..

ضحكوا الشباب و واحد فيهم علق: اقص ايدي اذا هاي مرتك..
عاد عمر كان رايق ومتفيج وقتها.. قرب صوبهم: اقول يلا قصايدك عيل.. لأنها صدق مرتي.. وتباني اييب لك الإثبات شرات مايبت للشرطي..ترا عاديعندي.. المهم تقص ايدك..
عاد الشباب كلهم ضحكوا على ربيعهم اليتغير ويهه..وضحك لكم عمر وراح صوب موتر منىوركب...
عمر: وديني القمر..
منى: هههههه وايد بعيد... البترول مابيكفي..
عمر: انزين ممكن قبل لا تحركين السيارهتصفعيني..
منى: اتصدق خاطري اسويها من زمان..
عمر: يلا فرصه لا تعوض..
عاد منى ماصدقت وعطته ذيك الصفعه الي من الخاطر.. احمر ويههبس تم يضحك: وااااااااااااااو.. فديت هالإيد.. حط ايده على خده وباس ايده..ومنىتضحك على حركاته .. اول مره تشوفه جي.. احين صدقت ان الي يدامي منى.. من الصبحوحاس نفسي في حلم.. منى دخيلج خل نرجع لبعض.. منى والله ماقدر اعيش من دونج.. أحبج.. والله احبج..وشغل المسجل... وكانو حاطين هالإغنيه في الخليجية..
عمر: سمعي هذا اهداءمني..
حركت منى الموتر.. وتمت تسمع الإغنيه.. وكان عمر صاد الصوبالثاني ويطالع برع..




http://www.ma7room.com/vb/uploaded/ehda2-ashtag.jpg







حست منىان في شي مب طبيعي في عمر.. حطت ايدها على جتفه.. :عمر.. شفيك؟؟
نزل عمر راسه ومسك ايد منى وباسها.. حست بدمعته تنزل علىايدها.. حست بحرارة دمعته على ايدها..
منى: ليش هالدموع..
عمر وحاط راسه على ايدها.. : سامحيني.. منى انا غلطت.. ومافي انسان معصوم من الغلط.. بس الغلط ان الواحد يستمر في غلطه.. ومايحس به..
منى ودها تقول له عمر خل نرجع لبعض.. وساعات تخاف انهاتتسرع.. تمت تمسح دموعه وسحبت ايدها.. : عمر بس مب قادرة انسى..
عمر: منى عطيني فرصه.. فرصه أخيره اثبت لج ان عمر تغير.. اثبت لج ان عمر يموووت عليج..
منى تمت ساكته وعمر يطالعها ويترياانها تنطق او ترمس وتقول اي شي.. وقفت منى على جنب الشارع.... وتساندت على السكان..
عمر وبخوف..: منى.. شفيج؟؟
منى والدموع تنزل من عينها.. : عمر .. مابا ولدي يعيش بعيدعن ابوه..
استانس عمر من هالرمسه.. وحط ايده على جتفها وتم يطبطبعليه..




منى نشت وصدت صوبه وهي تبتسم له وعيونها تدمع.. : خلاص ماعدت اتحمل البعد.. ماعدت اتحمل..
عمر: خل نعطي فرصه لنفسنا نعيش سوى ...
منى اكتفت انها تبتسم له.. وسكتت شوي.. وبعدها: ممكن احين انت تكمل سواقه عني لأني تعبت..
عمر: افا علييييج حاضرين.. نزلي..
نزلت منى ونزل عمر وبدلوا أماكنهم.. وقعدوا ..
عمر: والحلو وين يبانا نروح..
منى: بيتي.. بيت عمي..
عمر طار من الفرحة.. على طول داس على الريس..
منى: عمـــــــر.. شوي شوي.. لا تسرع..
عمر: اخاف تغيرين رايج..
منى: هههههههه





وصلوا البيت.. وكانوالمعازيم كلهم مروحين.. بس الأهل.. أهل عمر واهل مهير قاعدين في الخيمه.. نزلوا منالموتر.. وكان وليد واقف برع يرمس عمه جاسم.. استغرب يوم شاف عمر نازل من الموتروقابض إيد منى.. ويضحكون وداخلين الخيمه..
جاسم: شو السالفه؟؟اتصالحوا؟؟
وليد: الله يسمع منك.. خل ندخل نشوف شوالسالفه..
جاسم: يلا..
ومشوا ودخلوا الصاله شافوعمر واقف على الكوشه محتشر.. ومنى متغشيه واقفه حذاله ومنزله راسها من الفشيله.. وهو قابض ايدها..
عمر: يلا عاد.. عمي قول ولدك خل ينش هوومرته.. يلا عاد .. دوري انا ومرتي نيلس..
الكل كان مستغرب من اليقاعدين يشوفونه.. وفي نفس الوقت مستانسين.. يوم شافو عمر ومنى واقفين عند بعض..
بومهير طبعا يعرف بموضوعهم.. ومن شاف عمر بهالوناسه.. وقفوياه: يلا مهير .. نش خل عمر ومرته يقعدون..
إيمان كانت طول الوقتفاجه عيونها تبا حد يفسر لها الي يصير..
مهير: مايصير عاد اليومملجتي ولا ملجتك.. روح مناك.. خلاص يابوووي.. انت عرست وخلص دورك.. خل الدور لنا..
عمر: ماشي يلا نشوا.. ابا اعرس مره ثانيه عندك مانع..
مهير: ههيه عندي.. مابا علىحسابي
إيمان بصوت واطي: مهير لا تغلس عليهم.. الظاهر اتصالحو..
مهير: خليني العوز شو فيج انتي.. هاي فرصتي..
إيمان: انا بنشي..
يود مهير ايد ايمانوسحبها ويلسها..
وعمر وده يضحك..بس قابض عمره.. : مابتيلسنا عيل هاا.. اووووكي..
كان شي مساحه بين كرسي إيمان وكرسيمهير.. سار عمر.. ورص عمره ويلس حذال مهير.. وسحب منى.. : يلا ايلسي حذال إيمان..
مهير: افففف.. يعني غصب طيب لازم انش..
عمر: هيه لو سمحت يعني..
ونش مهير ويا ايمان.. وقعد عمر وسحب منى عشان تيلس حذاله..
عمر: هاتو كيك خل اكلها..
مهير: خلصناه.. يكفي انك خذت مكانا. بعد تبا تاخذ الكيك..
الكل تم يضحك.. وام عمر سارت عالكوشه من فرحتها وتمتاتيبب.. والبنات ارتبشوا صدق.. نوره الي من الخاطر استانست..
أم عمر: لا خليت منكم ياعيالي.. ألف ألف ألف مبروووووووك.. الله يديم المحبه بينكم..
منى: تسلمين عمتي..
عمر: عشان تعرفين ولدج خطير.. يعرف كيف يكسر خاطرها..
ابتسمت منى ونزلت راسها..
=-=-=-=


الظهر في بيت بوسلطان..كانوكل ربع علي وسلطان وأحمد وناصر وسعيد وهادف متميعين وبما إن الجو حلو.. فقرروايسوون حفلة بسيطه ..لأن الحريم كانو متميعين في بيت بوسعيد... طبعا عشان العرس.. الي راح يكون في فندق حياة ريجينسي اليديد..

أحمد كان يالس من بينهم.. ويشل .. وشوي يحطون أشرطهوايولون.. وسعيد من الخاطر مستانس..
ناصر: والله تونسنابوجودك يا سعيد..
سعيد: انا كنت بخسر نص عمري لوماحضرت..
كان بوسلطان توه راد من برع وياه بوسعيد.. ودخلوا وشافوربشه الشباب في الحوي.. شل كل واحد فيهم خيزرانته وارتبشوا ويا الشباب..
أحمد: عاش الشيبه.. عاش يابس يابس..
راح بوسلطان صوب أحمد وضربه بالعصا: محد شيبه غيرك..
هالصوره لحفل اليوم الوطني الي في الكلية عندنا .. بس حبيتاحطه عشان تحسون بجو اليوله
http://www.ma7room.com/vb/uploaded/3eed%20w6any4.gif

وكملواالرياييل يولتهم وفرحتهم..
أما عند الحريم..
فكان الجو هادي في بيت بوسعيد.. بحكم إن البنات كلهم سايرينالصالون.. يتعدلون للعرس.. وحصه بعد سارت وياهم..
=-=-=-=
=-=-=-=
في بيت بوعمر..
منى كانت بالنسبه للبيت عروس يديده.. خصوصا بعد ما كل شي ردطبيعي بينها وبين عمر.. صارت الساعه 2:00 ومحد طلع من غرفه عمر ومنى..
وليد: وينه عمر؟؟ ماسار المسيد ويانااليوم؟
أم عمر: خله ولدي معرس اليوم.. اشعليك..
وليد: لا يكون ذبحت اخوي.. سوت كل هذا بس عشان تنتقم..
أم عمر: هيييييييه ويدي.. بسم الله على ولدي..
وليد وفيه ضحكة ليش انه امه مبين عليها صدقت..: هيه سيريشوفي.. أحين بتشوفين ولدج مقتول.. ومنىشارده..
أم عمر: واحسرتي على ولدي.. خل اسير..
نشت ام عمر وصعدت فوق عشان تشوف شو السالفه.. وليد فيهالوقت تم يضحك من الخاطر.. تقربت منه عهود وضربته على جتفه..: مب حرام عليك ليشتقص عليها..
وليد: سوالف ماعليج.. بسهم رقاد..





عهود: نسسسسيت يوم عرسنا نحن متى كنا ننزل؟؟ جريب المغرب..
وليد: ههههه لا نحن غير..
عهود: بالعكس.. قول الا هم الي غير.. هم ردوا لبعض بعد فتره فراق..
وليد: بس اقول.. مب جنه لازم يملج بها من اول ويديد.. لأن العدة خلصت..
عهود: صدق انك خديه في الشرع.. الطلاق ما يجوز وهي حامل.. لازم تربي عقب يطلقها.. يعني هي كانت حرمته بعدها.. ومتى مايردها يردها..
وليد: هيييييه .. وبعدين لا تقولين عن ابو عيالج خديه فاهمه.. ويا هالكرشه..
عهود: لا تعيب على كرشتي .. ترا ولدك داخل..
وليد: وا فديييييييت ولدي عيل.. ابوسه..
عهود: لا دخيلك..
أم عمر تمت اتدق عليهم الباب لين مانشت منى وفتحت الباب.. : هلا عمتي..
أم عمر: وين ولدي وينه؟؟
منى وهي مستغربه: راقد..
أم عمر: شو سويتي بولدي.. أكيد ذبحتيه.. واحسرتي ولدي مايرقد هالكثر..
منى: هههههه .. لا لا ماسويت به شي.. عمر .. عمر نش امك هني..
فج عمر عيونه ومستغرب شو ياب امه الغرفه..
عمر: أمي.. شو مستوي خير؟؟
أم عمر: خل اشوفك.. مامستوي بك شي..
عمر: لا لا.. انا بخير..
أم عمر: انا اراويك يا وليدوو..
منى: لحظه شو يخص وليد في الموضوع..
أم عمر: اسمحي لي بنتي خربت عليكم.. بس ها وليد.. الله يغربل ابليسه.. يلا بخليكم..
وظهرت ام عمر من الغرفه وهي مفتشله.. وتنادي على وليد..
أم عمر: حسبي الله عليك من ولد.. انا احين يايتنك.. وليييييييد
وليد: ابيييييه امي اكتشفت.. الشرده نص المريله..
عهود وهي تمسكه: ماشي شرده... عمتي الحقي ترا وليد بيشرد.. وبعدين ان شردت مردك بترد البيت وبتتعاقب.. فخل احين احسن من بعدين..
وليد: عهود.. ماوصيج على ولدي..سميه وليد..
عهود ميته من الضحك.. ونزلت ام عمر وهي معصبه وتربع صوب وليد وشلت خيزرانه بوعمر وتمت تضربه وهو يشرد..
=-=-=-=-
في الغرفه..
منى: مب بسك رقاد ..ماحيدك كسول..
عمر: مب كسل يا منى.. أحس نفسي من زماااااااان مارقدت.. وحسيت اني محتاج للراحه..
منى: كل هذا حب لي؟؟.. ماصدق..؟
عمر: صدقي.. منى حياتي من دونج كانت ولاشي.. والله انها ولا شي.. منى احبج.. احبج احبج..
منى: وانا بعد احبك يا بوعيالي..
عمر: تعالي..
منى: لا لا .. بس خلني اقول شي قبل لا انسى..
عمر: قولي..
منى: اليوم عرس 2 من رباعتي..
عمر: يعني اليوم بتطلعين.. ماشي..
منى: عمــــــــــــر بدلع.. حبيبي.. تراهن بيعرسن مره وحده في حياتن.. واليوم عرسهم ويا بعض لأنهن خوات..
عمر: من بعد هالدلع وتبيني اقولج لا.. ماقدر.. والله ماقدر..
منى: هههههههه..

عمر: لا انا اليوم بيستوي بي شي. مرهدلع.. ومره هالضحكه ومره هالويه القمر..
منى: بس عاااااد..

عمر: انزين ومع منو بتسيرين..
منى: نوره وإيمان اذا بتيي.

عمر: خلاص اوكي.. بس لا تأخرين على ريلج..لأنه مشتاق لج..
منى: وانااقدر اصلا اتأخر عليه..
عمر: اقول.. تعالي هني..
منى: هههه لا لا .. خل اشرد..

عمر: ماشي شرده تعالي..
وطلعت منى قبل لا يقبضها عمر.. وتمت تضحك.. وكان صدق مستانسعمر.. حس بحياته.. حس بالي هو فيه..
=-=-=-=
في بيت عبدالله
مها: انزين اقول.. البس هالفستان.. ولا الأخضر.. ولا شو رايج فستان عرس هدوو؟؟
جواهر: شوفييييييج.. والله ماخلت فستان ماطلعته..
وفاء: خلها يمكن تشوف حبيب القلب..
ريم: ههههههه روميو وانتي الصادقه..
جواهر: ههههههه.. بس والله انكن سوالف.. مها البسي الأسود واااايد حلو بيطلع عليج..
مها: انزين عاد اي لون بتسوين لي المكياج جواهر ماشاء الله عليها شاطره في المكياج ومكاياجها روعه ساعات في عرايس ايون لها عشان تمكيجهم..
جواهر: وردي أو بنفسجي.. أحلى شي عل الأسود
وفاء: لا احمر..
مها:لا وع .. ماحب مكياج احمر.. خلاص وردي وردي..
ريم: وانا مابا اتمكيج.. بس بتجحل وجلوز.. وبفتح شعري وبطلع قمر 14
الكل: هههههههه
دش عليهم عبدالله وشافهم وهم يضحكون استانس.. : ان شاء الله دوم هالضحكة.. انزين تخيلو منو معاي؟
وفاء: انا خيالي مب واسع.. فشي أكيد مريم..
عبدالله: شاطره اختي..
ريم: مايبالها شطاره.. وخوز خل تدخل..
عبدالله انتبه ان مريم وراه يعني وفاء يوم خمنت كانت شايفه مريم ..
عبدالله: انا مب قلت لك وقفي هناك عشان مايشوفونج..
مريم: عاد ولهانه عليهم.. مارمت اصبر..
مها: مريووووووووم ييتي في وقتج .. اي فستان البس..
جواهر: رديناااا.. تونا قلنا الأسود..
مريم: هيه الأسود وايد روعه..
وتمت كل وحده اتجهز الي بتلبسه وسوالف ورا سوالف

في الفندق.. كانو وداد وهند قاعدين فيالغرفه..والكوافيره عندهم.. قاعده تزهبهم.. كانت الساعه 5.30 العصر..
وداد: لحظه .. اي لون هذا.. مابا ازرق..
ليندا خليفه: هيدا مش أزرق.. هيدا بنفسجي مايل للزرقه..
وداد: مابا .. انا قلت ابا درجات الوردي والبنفسجي..
هند: بس وايد حلو طالع عليج..
ليندا: اسمعي كلام اختك..
وداد: خليني على اللون الي في خاطري..
ليندا: خلاص على راحتك.. لك اختك كتيير زوقها صعب..
هند: توج تدرين.. ههههههه... انا عاد سوي الي يناسبني..
ليندا: انتي لأن وشك كتييير طفولي وصغير.. احلى عليك يكونمكياج شوي هادي ..
هند: أحسن بعد لأني ماحب ألوان غامجه ولا احب اكثربالمكياج..
وداد: اقول .. غزلان اي صالون بتروح؟؟
هند: هي حجزت عند غاده.. صالون بافان.. وفدوى وحصه وياها..
وداد: هييييه.. افف وايدمرتبكه
هند: وانا اخس عنج..
وداد: ودي تمر الساعات ويخلص العرس عشان ارتاح..
ليندا: هههههه.. هيدا الكلام صار لي اكتر من سنه بسمعه منكل عروس بتجي لعندي..
هند + وداد: ههههه
=-=-=-=
وكلها سااعات والمعازيم بدوا يوصلون الصاله .. وغزلان وفدوى وأم سلطان وأم سعيد.. وأم علي وآمنه وهنادي وعليه إخت علي كلهم واقفين على الإستقبال ويستقبلون الحضور..
غزلان ماكانت قادره تمسك نفسها من الفرحه.. كانت اضاءة الصالة والكوشه والليتات والحضور..كل شي كان محلي المكان.. والفرحه في ويوه كل الحضور.. كانت كل شوي تروح وترقص ويا البنات..
دخلت الصاله منى.. ومن شافتها غزلان تقربت صوبها.. وسلموا عليها.. وشافت نوره .. كانت طالعه جميله.. تمشي بدون العكاز.. ولو ان شوي مشيتها كانت فيها ثقل.. لأن بعدها تحتاج للعلاج الطبيعي المطول.. كانت طالعه بسيطه وحلوه..وأحلى مافي نوره عيونها الكبار والوساع..
منى: ألف ألف مبروك..
غزلان: ماسمعج.. بس حياج تعالي وراي بوديج الطاوله الي حجزتها لكم..
نوره لمنى: منو هاي؟؟
منى: إخت العروس.. وبنت خاله واحد من المعاريس وبنت عم المعرس الثاني..
نوره: يا حظها الفرحة من كل صوب..
منى: ماعليج هي بعد كم شهر بتصير عروس بعد..
نوره: والله ماشاء الله عليها.. حلوه بعد..
منى: الا قمر ..
ومشت وياهم غزلان ويلستهم على طاوله من الطاولات الي يدام.. وقعدت وياهم عالطاوله تتعرف على ايمان ومنى.. منى كانت معظم الوقت منشغله مع فدوى وإيمان بعد.. بحكم تقارب العمر أكثر.. واما نوره فإنسجمت مع غزلان بسرعه وحبتها.. وزقرت غزلان حصه عشان تيلس وياهم.. وشوي كانو مها وريم ووفاء وهدى وجواهر داخلين.. نشت غزلان عشان تسلم عليهم واتييبهم على نفس الطاوله لأن في مكان..
غزلان: عاشووووو العروس محلوه..
مها: قولي والله..
غزلان: ههههههه .. عاد لا تصدقين عمرج وايد..
ريم: غزلان.. اتخبلت عليج.. اذا انتي جي محلوه.. عيل العرايس شو؟؟
غزلان: ههههههه.. امشي امشي..
وفاء: لحظه لحظه.. انا منبهره في الكوشه.. وااااايد حلوه..
غزلان: تعالي قعدي هناك وانبهري فيها..
ودتهم صوب الطاوله وقعدوا.. البنات كلهم اندمجوا مع نوره بسرعه بحكم طبعها الإجتماعي.. وجواهر وهدى اندمجوا مع إيمان ومنى..






نوره: ماشاء الله عليكن.. كل وحده احلى عن الثانيه..
ريم: ادري تقصديني انا بس.. فعممتي عشان مايزعلون ..
نوره: ههههههههه..
غزلان: اقول.. شو رايكم تنشن ترقصنشوي.. بليييييز.. كله ارقص بروحي..
نوره: هيه يلا خل اشوف.. تقربت منغزلان وبصوت واطي ترا هذا اول عرس احضره في حياتي.. غير عرس منى وملجه ايمان..
غزلان: والله.. وحظي حلو يوم ان عرس خواتي هو اول عرستحضرينه.. لأن دايما اول شي ماتنسينه..
نوره: لا افا عليكم.. كيف بنساكم..
غزلان: ذكريني قبل لا تروحين اخذ رقمج.. لأني حبيييييتج منخاطري..
حصه: احم احم..
غزلان: اوييييه احين بتخبر اخوها..
الكل: ههههههه
ونشت غزلان وقومت وياها ريم ومهاوحصه.. وتمن يرقصن سوا.. وكان الجو روعه..
ومن عقب كان ام سعيد سايره صوب طاولهالبنات عشان تيلس وياهم شوي.. لفتت نظرها نوره وايد.. حبتها وايد.. كانت بسيطهوالطيبه تبين في عيونها.. وحلوه.. واجتماعيه.. كانت قاعده حذال ام سعيد.. وطولالوقت تسولف وياها..
أم سعيد: انتي كم عمرجبنتي؟
نوره: 18..
أم سعيد: العمر كله فديتج... وينتدرسين..
نوره: انا خلصت الثانويه ويلست في البيت بحكم حالتي.. بسخلاص سجلت وعلى الكورس الياي ببدأ دراسه..
أم سعيد: ليش شو كان فيج بسم اللهعليج..
نوره: كنت مشلوله.. بس الله كتب لي امشي .. ومشيت الحمدلله..
ام سعيد تمت تذكر الله وتسبح..: سبحاااااان الله.. شفتي .. صبرج وايمانج ربج عوضج اياه.. الله يوفقج يا بنتي.. الا وين امج ليش مايت..
نوره: في حريم عندها عشان يباركون لملجة اختي من جي مارامتاتيي..
ام سعيد: ماشاء الله اختج املجت.. ربي يبارك لها.. وعقبالج
استحت نوره ونزلت راسها..
في هالوقت كان مقرر عالساعه 10.00 تنزل هند بالأول ومن عقبماتيلس تدخل بعدها على طول وداد.. بندوا الإضاءات وخلوا الإضاءه الي على الكوشه.. والإسكوب الي بيكون مع العروس..
http://www.ma7room.com/vb/uploaded/wedding-hall.gif
طبعا الكوشه مأخوذه من صورة مجلة.. والمشكله ماحصلت كوشه لعروسين ويا بعض.. لكن اتخيلوا المكان..
وعلى نغمه اغنيه راشد الماجد دخلت هند بفستانها الأوف وايت.. والتطريز البسيط الي عليه.. وباقه الورد الورديه الي في إيدها.. وشعرها المرفوع والخصل الي نازله على ويهها..والطرحه الي يايه عليها.. وايديها المحنايه.. وابتسامتها الرقيقه.. تمت تمشي وتطالع شوي يمين.. وتطالع يسار.. وتمشي يدام.. الكل كان يسمي بالرحمن ويسبح على رغم من بساطتها.. الا انها كانت طالعه قمر.. ام سعيد كانت من فرحتها تدمع.. وهي تشوف بنتها غدت عروس.. وبعدها بتشوف بنتها الثانيه وداد وهي عروس.. اي ام في هالدنيا بتكون طايره من الفرحه.. صح ان

بنتها بتفارق البيت اليكبرت وتربت فيه.. لكن بتروح لحياة يديده وبتستقر وهاي امنيه كل أم تشوف بنتهامستقره ومرتاحه...



ومن وصلتهند الكوشه .. انفتحت باب الصاله وادخلت العروس الثانيه.. وداد.. الي كانت الربكهباينه على ويهها.. فستانها كان نظام غربي.. يعني ماياي منفوش من تحت.. كان ياي علىقصه فرنسيه.. وكان بارز ضعفها.. وهالشي الي كان محليها.. فستانها كان جدا بسيط.. والطرحه كانت نازله من شعرها وتمتد عالأرض كأنها ذيل.. ومكياجها كان طالعرووووووعه.. وباقه الورد الي ماسكتها كان على شكل سله ورود.. الكل كان يطالعهاويسمي بالرحمن .. جميله بالفعل هالإنسانه.. غزلان ماتحملت .. ومن فرحتها ادمعتعينها.. لاحظت نوره الدمعه الي في عين غزلان.. تقربت منها ولوت عليها.. ابتسمت لهاغزلان وهي تمسح دموعها..



غزلان: ماتصورين اشكثر فرحانه لهم.. وفي نفس الوقت البيت من غيرهم مب شي..



نوره: تراجشراتهم بعد كم شهر بتروحين لبيت روحج..



غزلان: بسانا بكون حذال بيت امي.. مب متعوده اني ادخل البيت وما ألقاهم..



نوره: يلابتعودين.. عيل انا شو اقول.. يوم بديت ارتاح لإختي إيمان.. وبدت تهتم فيني.. البنتبتعرس وبتروح..



غزلان: الله يوفقهم.. ويرزقج بريل وتروحين وياه..



نوره:هههلا ماتخيل عمري عروس..



مها: انتوافي شو تسولفون؟ ابا اعرف؟؟



ريم: يوزيعن هالحشريه.. ترا اذا خطيبج درا عنج بيشرد عنج..



مها وهيتسوي عمرها بيغمى عليها وتمسكها وفاء: واااااااا فديييييييت هالطاري..



غزلان: هههه مينونه.. بس اقوووول.. تراه بيدخل يوم بيدخلون سلطان..



مها وهيتفج عيونها..: شو شو .. قولي والله؟... ومتى بيدخلون سلطان.. خل يدخلونه ترا العروسهني .. يلا عاد..



الكل تميضحك على مها وحركاتها وخبالها..



طبعا كانالمفروض ان العرايس كل وحده تيلس على الكرسي المخصص لها على ينب..لكنهم كانو طالبينقسم في النص مابين قسم كل وحده فيهن على الكوشه في النص.. وقعدن حذال بعض.. وقبل لايدخل الرياييل راح تروح كل وحده على صوب.. وطبعا بين الأقسام حواجز عشان ريل كلوحده مايشوف الثانيه.. خخخ



والبناتكملن رقص وغنى ووناسه.. لحد الساعه 11:45 .. قرروا يدخلون علي بالأول... ومعاه سعيدوبوسعيد وبوعلي.. ومحمد وجاسم راح يدخلون بس يسلمون ويظهرون لأن العروس بتكونمتغطية طبعا في هالوقت..



برع عندالباب..



علي: ادخل..



سعيد: تريث.. شوفيك مستعيل..



علي وبصوتواطي: ابا اشوفها.. من شهر ماشفتها..



سعيد: هههههه .. حالتك صعبة.. يلا هانت على الدقايق هاي..



علي: اباعرف شو تتريا..



سعيد: اتصال غزلان عشان ادخل..



علي: لا حووووول.. عز الله بدخل عيل لوبنعتمد على غزلان..
وكلها دقايق واتصلت غزلان.. وعلي ماصدق لصق عند الباب قبل الرياييل.. الكل تم يضحك عليه.. بوسعيد رفض انه يدخل .. من عاداتهم ابو العروس مايدخل.. بس بعد اصرار بوعلي عليه.. وافق انه يدخل.. ودخلوا الرياييل.. وعلي من كثر ما مستعيل كان بيروح قسم وداد.. والحريم من الربشه من منتبهات.. على آخر لحظه لاحظت غزلان.. وصرخت..






غزلان: الصوب الثاني.. الصوب الثاني..

--------------------------------------------------------------------------------


وعلى طول الرياييل غيروا اتجاهم والحريم ضحكوا على علي ومنكثر ما مستعيل..
علي انحرج واحمر ويهه..
غزلان: صدق انه ملقوف..
وقفوا الرياييل ومحمد وجاسم تصوروا وعلى طول طلعوا.. اماسعيد تم.. مهما يكون هاي اخته التوأم.. عاد من شلت الغطا.. بدال ما علي يقرب ويبوسراسها علي تقرب قبله وباس راس اخته.. ونزلت الدمعه من عين هند.. مسح الدمعه من عينهند وابتسم لها..
سعيد: ألف ألف مبروك يا أحلى إخت في الدنيا..
غزلان ونوره كانو يطالعون الموقف.. ومتأثرات الحبايب.. خصوصا نوره .. بحكم انها انسانه حساسه وايد.. ماقدرت .. نزلت دمعتها غصبن عنها.. وعيبتها شخصية سعيد واحترامه لإخته كيف..
نوره: ياحظج على هالأخو..
غزلان: ليش؟
نوره: ماشاء الله عليه مبين وايد يحبكم
غزلان: ونحن نموووووووت عليه..
نوره: اقول .. تعالي وياي ابا اسيرعند قوم منى وايمان.. يبتيني هني..
غزلان: شو اسوي بج قلتي تبين تروحين الحمام..
نوره: ههههه عاد لازم الإحراج تعالي وياي استحي امشي روحي..

كانو يمشون عشان يروحون صوب منى والبنات.. ونوره بسبب حركتها الثجيله فكانت تمشي شوي شوي.. وفي هالوقت كان سعيد ينزل من الكوشه.. ونوره كانت تتطالع الأرض تراقب حركات ريولها.. خايفه حد يلاحظ العري البسيط الي تمشي فيه.. ومن غير لا تنتبه انلوت ريلها وبغت اتطيح.. بس في حد قبضها.. لاحظت كم الإيد .. أبيض.. وكانت غشوتها طايحه.. من رفعت عينها شافته من قريب.. قلبها كان يدق بطريقه غير طبيعيه.. من شاف عيونها ولاحظ انها مب من الأهل نزل راسه واستحى..
سعيد وبصوت دافي وحنون: سلمتي..
غزلان من سمعت صرخه نوره صدت وراها .. وشافت المنظر تمت تضحك بخبث.. وقربت صوبهم وقبضت نوره عن سعيد
غزلان: شوفيييج نواري.. ماتعرفين تمشين شو..
اتعمدت غزلان تذكر اسم نوره يدام اخوها.. الي كان ويهه متلون من الإحراج وراح بسرعه وطلع من الصاله.. الحريم كانو يضحكون على الموقف.. خصوصا البنات.. الي فطسن من الضحك على نوره..
إيمان: وحليلج اول عرس يايتنه في حياتج استوى بج هالموقف..
نوره: بس عااااااااااااد..
إيمان: الظاهر اخر مره بتحظر عرس..
نوره وهي تسوي عمرها عاديه: لا لا .. بحضر وبحضر وبحضر.. بس مابتمشى.. المشكله واير الإضاءه ماشفته وتخرطفت..
غزلان: هذا ونتي طول الوقت عينج تحت..
نوره: اوهووووو
مها: حرام عليكم عاد.. روحها منحرجه.. بس ليت الموقف صار لي معااااااه.. آآآه..
الكل ضحك.. بس منى ماكانت مستوعبه شي من كلام مها.. ولا مها تعرف ان منى هي نفسها الي كان أحمد في يوم من الأيام يفكر فيها..
منى: شو السالفه؟
ريم وبكل براءة: ترا الإخت عاشقه ومخطوبه.. والخطيب هو اخو المعرس الثاني.. أحمد.. وعاد تتخبل لا صار لها هالموقف.. ولا بتنحرج..
منى صدت صوب غزلان.. الي كانت منزله راسها تحاول تتهرب من الموقف.. : صدق .. أحمد خطب.. افاااا وانا اخر من يعلم.
وقتها مها قامت تستوعب شوي.. تصرف غزلان.. وهاي اسمها منى.. وسؤالها.. معقوله.. ؟؟
غزلان: لا ترا خطبه بس كلام .. مافي شي رسمي.. ومن فتره بسيطه..
منى نشت وتقربت صوب مها ونشت لها مها..: ألف ألف مبرووووووك.. وباستها.. فرحت لج من كل خاطري ولو اني ماعرفج..
ردت عليها مها وبصوت واطي/: بس انا اعرفج..
علامة تعجب كبيره انرسمت على ويه منى؟؟
مها: قالو لي عنج .. وعرفتج.. هاي هيه..

منى ابتسمت لها: مها لا تحطين في بالج ان في شي كان بينيوبينه.. كان جهل مراهقه.. وانا احين احب ريلي واموت فيه.. وانتي خطبج انسان طيبوخلوق.. حافظي عليه.. وخلج مسامحه.. لا تغلطين غلطتي.. فرقت نفسي عن ريلي فترهوتعذب.. بس فالنهايه عرفت ان مالي غيره.. ورديت له..

ارتاحت مها لمنى وايد واستانست.. ورن تليفون غزلان فيهالوقت.. فزت مها.. وتقربت صوب غزلان.. والي كان على الخط هو أحمد.. بس مها ماكانتتدري.. واحمد عرفها من صوتها وحشرتها..
مها: بيدخل.. اسألي إسألي.. دخيلج.. احين بيدشون صح.. اييييه ارمسج انا..
غزلان ماكانت رايمه ترمس احمد ولا تردعليه من كثر الضحك.. شلت حصه التليفون..
حصه: الوو..
أحمد ماعرفها.. بس المهم عنده يقول الي عنده: اقوول.. قوليلهم المعرس بيدخل احين..
حصه: اوكي..
وبندت الخط.. وقالت لهم.. واعلنوا الفرقه ان المعرس الثانيبيدخل..



=-=-=

في هالوقتكان سعيد على حشرته الي كان عليها... صار هاااادي.. واحمد واقف حذاله ولاحظسرحانه..



أحمد: انتمن دخلت داخل وطلعت.. انجلبت 180 درجه.. في شي مب طبيعي..



سعيد: شوقصدك؟؟



أحمد: انتشو شفت داخل؟



سعيد: غرشووب.. طيح حيلي..



أحمد: عاشووو بوعسكووور..



سعيد: اوووه انا شو قاعد اقول.. وين المعرس خل ادخل وياه..



أحمد: عاشالي يغير الموضوع..



وعالساعه 12:00 دخل سلطان ومعاه ابوه وبوسعيد وسعيد وهادف وناصر واحمد..



مها كانتمتخبله في هالوقت.. متغشيه وتتطالعه من تحت الغشوه.. وكل شوي تحرك ايدها واتهوينفسها.. والبنات يضحكن.. واما نوره كانت متغشيه لكن عينها ما انشالت من على سعيد.. حست بإرتباكه وهو يمشي هالمره.. تتذكر الحنانا الي حست به وهو يقول لها سلمتي.. وحست بعيونه رغم انه منزل راسه انه يدور على شي.. ونفس الشي احمد.. الي من دخل وهويرزف ومستانس من الخاطر.. ومها متخبله عليه..



ومن طلعاحمد وناصر شلوا الغطا وباس سلطان راس وداد ومن بعده سعيد باس راس اخته وتصوروياها..



ومهاتحرطم.. ليش انه احمد ما تم وايد..



راح سعيدصوب هند وسلم عليها بعد مره .. وكان مرتبك.. وهو ماشي عشان يطلع من الصاله.. يودتهامه وكانت ترمسه.. وكان مجابل غزلان والباقي.. لاحظ غزلان وكانت نوره قاعده حذالهاعلى طول.. بس منزله راسها وشاله الغشوه لأنها شافته روح بس ماشافته وقف.. وصدت ترمسايمان اختها وبعدها مب منتبهه.. سعيد يرمس امه بس عينه مانشلت من عليها.. جمالهابسيط بس يفتنه.. يتذكر ملمس ايدها وهي في إيده.. يحس انه يحرم عليه يفكر فيهالإنسانه بهالطريقه.. بس في شي قلبه يدفعه لهالتفكير.. وطلع من الصاله وهو سرحان.. يوده احمد وسحبه..



أحمد: ليشتأخرت؟



سعيد: -------



أحمد: بوعسكوووووور. أرمسك انا..



سعيد: هلابوشهاب .. بغيتني..



أحمد: لااااااا .. الريال راح فيها.. عمي.. عمي..





بوسعيد وهويصد صوب أحمد: هلا..
أحمد: ولدكطلع من الصاله بس ودر قلبه هناك..
الكل تميضحك..
بوسعيد: افا عليييه.. احين بندخل وبنييبه..
سعيد انحرجبس تم يطالع احمد من طرف عينه.. يعني براويك خلاف شو بسوي..
=-=-=-=-=
ومر الوقتوعالساعه 12:15
نشواالمعاريس عشان يقطعون الكيكة.. وطبعا الناس يقدرون يشوفون المعاريس .. الا المعاريسمايقدرون يشوفون بعض..
سلطانووداد..
سلطان: وداد متخبل عليج والله متخبل.. متغيره واااااايد ومحلوه موووتتدرين
وداد: عيبيدام هالناس بيلاحظون كلامك..
سلطان: اشعلي منهم.. وبعدين انتي مرتي وبنت عمي.. وام عيالي ان شاء الله.
وداد وهيتحاول تغير الموضوع: كيكهم حلو؟؟ اذا مب حلو ماباكل..
سلطان: عادانا اول مره اعرس هني.. مادري.. اليوم بجرب.. والمره اليايه بقولهم يغيرونه اذا مبحلو
وداد: نعــــــــــم..
سلطان: فديتها يوم تعصب بعد حلوه..
انحرجتونشوا يروحون صوب الكيك عشان يقطعونه.. وكانو وقتها يغنون إغنيه الحربي الحب إنتوأنا إنت.. شمسي إنت .. ظلي إنت.. .. وسلطان موطي راسه ويرمسها وهي تبتسم.. والكليشوفهم ويدعي إن الله يوفقهم..
سلطان: شوفي الكيك شكله يفتح النفس..
وداد: وانااقول جي بعد..
سلطان: بسعاد ماوصيج.. قطعه صغيره عشان اقدر ابلعها
وداد: وانابعد ابا نفس الشي منك.. مافيني
وقطعواالكيك .. وشلت وداد قطعه صغيره ونفس الشي سلطان.. وكانو بيأكلون بعض والمصورة كلشوي تقول لهم لحظه وتعابل بالكيمرا..
وداد: يوعانه..
سلطان: اناشو اقول من الصبح مب ماكل شي..
وداد: يلايلا هذي تأشر.. وأكلوا بعض الكيك وابتسموا وهم يصورون... اما الصوب الثاني فكانوعلي وهند هادين جدا... لطبيعه هند الهادية وعلي نوعا ما هادي لكنه حاس بالإحراج فيهالوقت .. الكل يطالعهم وصاد صوبهم.. خصوصا ان الي في الصالة حريم..
هند: العصير كان وايد حامض.. والصراحه خايفه من الكيك
علي: شكلهيشجع..
هند: اخافبس شكل
علي: لا انشاء الله.. هههه..

واكلوا بعضالكيك وعيبهم .. والمصورة صورتهم.. والبنات نشن وراحن.. منى وايمان ونوره ردواالبيت.. ومها وريم ووفاء وهدى وجواهر بعد راحوا بيتهم .. مها وهي طالعه كانت تمشيشوي شوي.. وقابضه ريم غاصبتها تمشي شوي شوي وياها عشان تشوف أحمد.. أحمد في هالوقتكان يرمس تليفون واقف عند الموتر ويضحك... مها عدت وماشافته بس من سمعت صوته يضحكعرفته صدت ورا وشافته.. ونفس الوقت أحمد رفع راسه وشاف يدامه.. لاحظ عيونه من تحتالغشوة... تم يرمس بصوت واطي ويضحك بس عشان يغيض فيها زود.. عاد مها ماتت منالغيض.. شوي وبتصيح.. سحبت ريم ومشت بسرعه صوب موتر هدى .. بس كان عبدالله يترياهملأن هدى بتروح بيتها..



وركبواالموتر عند عبدالله كلهم وتموا يسولفون.. وماخلو شي ماعلقو عليه..



ريم: بسالصراحه العرس كان مرتب..



وفاء: هيهالصراحه.. واااايد عيبني..



مها: اااااااااه.. بس اخر شي استوى ابيخ عرس في حياتي



عبدالله: ليش؟



مها وهيانتبهت لوجود عبدالله.. لا بس جي..



وفاء وهيتحاول تغطي الموضوع: ماتعرف مهوووي مزاجية..



عبدالله: هههههه.. جواهر ليش ساكته؟؟



جواهر: اسمعكم..



عبدلله: لاانتي سرحانه مب ساكته..



جواهر: بستذكرت امي الله يرحمها..



الكل: اللهيرحمها..



ريم: مفتقدة امي وايد..



وفاء: مببس انتي.. كلنا مفتقدينها..



مها: عبدالله.. ممكن اطلب طلب؟؟



عبدالله: انتي تامرين..



مها: فديتني والله... خاطري اسير البحر احين؟؟



عبدالله: انتي مينونه كيف وانتوا بفساتينكم ولبسكم ومكياجكم مايستوي..



ريم: هي هياخوي.. انت عاد ويانا.. وبعدين فليل مايبين شي..



عبدالله: كيف مايبين شي.. تستهبلين.. اليوم خميس العوايل كلها هناك..



وفاء: اسمعن الرمسه..



تمواساكتين شوي.. ورمس عبدالله: ماقدر اردكم .. خلاص بنسير صوب بحر جميرا.. وين برجالعرب.. هناك عادة ماتكون شي زحمه..



ريم ومها: اللــــــــــــــــــــــــــــــــــــه..



جواهر: متفيجات هاييل..



وفاء: توجتدرين بهن..



ريم: يلاعاد ترا هاي اجازتنا لا طلعنا ولا شي.. خلنا شوي نستانس.. وبعدين توها الساعه 1 .. يعني تو السهر يبدأ..

عبدالله: السالفه فيها سهر.. عيل عز الله برقد اليوم..
مها: انتكم اخت عندك.. كلهم 4 زي العسل
عبدالله: وهدى نسيتيها .. 5
مها: لامانسيتها.. بس ترا هدى معرسه.. ونحن الي مجابلنا 24 ساعه..
وكلهادقايق وصلوا شاطئ جميرا.. وفعلا كان شوي فاضي المكان الي قال عنه عبدالله.. ونزلواالبنات وهن بفساتينهم.. الا جواهر الي كانت قاعدة في السياره.. وهن سارن صوب البحروعبدالله في السياره مع جواهر يطالعهم ويطمن عليهم.. كانو شوي رافعين عبيهم ومدخلينريولهم في الماي ويطالعون منظر البحر ويدامهم برج العرب بإضائاته وجماله في الليلوالقمر كان مكتمل والجو شوي بارد.. كان طالع المكان رهييييييب.. وبعدها يلسوا علىالرمله ويطالعون البحر ويسولفون ويضحكون..
عبدالله: احين ممكن اعرف شو بلاج..
جواهرمارامت تحمل.. دمعت عينها وتقربت من عبدالله ولوت عليه..: متضايقه عبداللهمتضايقه..
عبدالله: خير اختي شو فيج؟؟ في حد في العرس ضايق فيج؟
جواهر: لامحد.. بس انا تذكرت الوالدة الله يرحمها
عبدالله : الله يرحمها.. جواهر الوالده سلمت روحها لباريها.. وهذا العمر.. وهذي الدنيا .. حياة ومماة..
جواهر وهيتقاطعه: بس.. اليوم يوم شفت ام العرايس وهي مستانسه لعرس بنتها وموجوده.. مب عرسيالي ..
قاطعهاعبدالله: افاااا يا اختي.. ونحن وين رحنا.. امي موجوده.. لو مب بجسدها.. ترا بروحهاويانا..
جواهر: كانودي تشاركني فرحتي.. وخصوصا ان هي الي خلتني اوافق على الزواج..
عبدالله: جواهر انا ربيتكم وكبرتكم وكنت شرات الأبو لكم من بعد ابوي الله يرحمه.. وعمريماقصرت عليكم.. ومثل ما قدرت اخذ مكان ابوي.. اتمنى لو اقدر اخذ مكان امي بعد...
جواهر : عبدالله انت الأبو والأخو والعم والخال.. لكن الأم محد يحل محلها..
عبدالله : وانا عارف هالشي.. بس يا جواهر.. مب بس انتوا الي حاسين بنقصها في البيت.. انا اكثرواحد فيكم مفتقدنها.. جواهر ماتدرين امي اشكثر تركت فراغ في قلبي.. وغير المسؤوليةالي الي تركتها علي.. جواهر انا يمكن اكثر واحد فيكم قريب للوالده... في كل خطوةاخطيها كنت اشاورها واكلمها واخذ رايها.. واحين هالإنسانه مب موجوده في حياتي.. بسريحتها موجودة وهم انتوا.. وماحب ارفض لكم اي شي.. ولا احط في خاطركم شي.. ودي اعبيفراغها في قلبكم بأي طريقه.. ماباكم تحسون بأي نقص..
وجواهر وهيتمسح الدمعه: وعمري ماحسيت هالشي.. طول عمرك مب مقصر في حقنا..
عبداللهوهو يحاول يغير الموضوع: احين ممكن نروح نقعد عند خواتنا..
جواهر وهيتبتسم له.. وحاسه براحها لأنها طلعت الي في خاطرها.. : يلا نروح..
وسارواقعدوا وياهم وكملوا قعدتهم..
=-=-=-=-=
في الفندق.
في هالوقتزفوا المعاريس لغرفهم.. والأهل سلموا على بعض وكلن سار في دربه للبيت.. ام سعيدكانت طول الوقت تصيح.. وغزلان وياها.. وسعيد ماعليه غير يهدي امه شوي ويهدي غزلانشوي..
ام سعيدركبت السياره مع بوسعيد.. وغزلان وهادف وسعيد في موتر واحد..
سعيد: بسعاد غزلان .. سويتي لنا مناحة.. تراهن عرسن بس..
غزلان: البيت فضى من غيرهم.. وانت بعد بتسافر بعد يومين منو تم في البيت غير هادف...


هادف: وليشانا مب تارس عينك... ؟؟



غزلان: هادف انت موجود بس مب دوم.. انت تطلع ويا ربعك ولا ناصر.. اما هند ووداد كانو دوممعاي في البيت



سعيد: تبيني اعرس اييب لج وحده تسليج..



غزلان وهيفاجة عيونها.. وجفت دموعها..: صـــــــــــدق بتعرس..



سعيد: لاحووووول توها تصيح.. نست الصياح بكبره من لقافتها.. هيه ان شاء الله ناوي..



غزلان: وفيحد في البال..



سعيد: تقريبا.. بس اتأكد..



غزلان: منوووو؟؟



سعيد: قلتلج يوم اتأكد من الي اباه.. مابا اتسرع شوفيج..



غزلان: هههه.. انزين اليوم وحليلها اشكثر نوروو علقوا عليها.. بمكر..



سعيد وهويسوي عمره مب فاهم شي.. : منو نوره؟



غزلان: هايالي دعمتها.. اوه تعال انت ماتعرفهم.. تحيد منى.. ؟



سعيد: هذيالي بغا احمد يعرس وياها..



غزلان: هيه.. هاي تستوي بنت عمها.. اليوم يادوب تعرفت عليها..



سعيد: ليشهي كبرج؟



غزلان: لاأكبر عني بسنه.. بس ماشاء الله عليها وااايد حبوبه. الكل حبها.. طيبه وايد.. اتصدقان هاي المسكينه كانت في يوم من الأيام عاجزه عن المشي.. مشلوله..



سعيد وهوفجأة يدح بريك لأن الإشاره احمرت.. : شووووو



غزلان وهيقابضه الباب: شو فيك.. شوي شوي.. هيه كانت مشلوله.. بس بإرادة رب العالمين قدرتتمشي وترد توقف على ريولها..



سعيد: سبحان الله.. عسب جي بغت اتطيح..



غزلان: لامب عسب جي.. بس كان في واير مال الإضاءة من جي بغت اتطيح..



سعيد: هيييه.. انزييين .. وهي وين تدرس؟



غزلان: هيهيوم خلصت الثانويه ماكملت.. بسبب حالتها. بس احين بعد مامشت.. تبا تكمل في جامعهالشارجه..



سعيد: زينوالله يوم فكرت انها تكمل..



غزلان فيخاطرها.. والله وكبرت يا سعيد.. وقمنا نحب ونهتم.. خخخخخخ..




-=-=-=-=-=-=-



اليومالثاني في بيت بوسعيد..



الكل كانمجتمع هناك لأن المعاريس كلهم راح يجتمعون على الغدا هناك.. ومن الصبح الكل مرتبشويجهز ويرتب.. خصوصا غزلان .. الي بخرت البيت كله وعطرت كل مكان.. وكان هالوقت يرنتليفونها.. وماكانت تشله لأنها مشغوله.. سعيد استغل الفرصه وشل التليفون.. تم ساكتفي البدايه..



إبراهيم: غزوووول عاد حبيبتي بلا دلع.. ماكان قصدي كنت اسولف..



سعيد وهوفي خاطره يضحك.. بس يحاول يقلد صوت غزلان..: مابا

إبراهيم: غزوولتي.. والله آسف.. أحبج.. والله أحبج.. وماقدر على زعلج..



سعيد: أياالهرم ياللي ماتستحي.. تغازل اختي..



ابراهيم منسمع صوت سعيد انحرج.. وبند الخط.. رد اتصل فيه سعيد .. ورد عليه ابراهيم..



سعيد: بعدتبند في ويهي مسود الويه..



إبراهيم: اوهووووو.. انت ماتطلع الا في الوقت الحرج.. وبعدين هاي مرتي مب غريبه.. كيفياغازلها..



سعيد: ماعااااش الي يغازل اختي وراسي يشم الهوا..



إبراهيم: اوهوووو علينا.. بنشوف انت يوم بتعرس شو بتسوي..



سعيد: مابسوي شراتك.. بسير عندها وبغازلها وانا مجابل عيونها..



ابراهيم: ههههههههه.. انزين وينها؟



سعيد:مشغوله عشان المعاريس بيونا اليوم..



إبراهيم: يالله.. وانت مب معزم على الزواج؟



سعيد: تقريبا..



ابراهيم: ومنو سعيدة الحظ؟؟



سعيد: بالأول بشاور الأهل.. بعدين بخبرك..



ابراهيم: اخاف الا وحده من الشقر.. والله لا تدفنك العيوز..



سعيد: لابوووي.. مافيني على العيوز.. ولا فيه حيل على الشقر.. خلهن حق اعمارهن..



ابراهيم: انزيييييييين.. ممكن تعطيني المدام..



سعيد: اتهبي.. قلت لك محد يغازل اختي وراسي يشم الهوا..



إبراهيم: شو هالنسيب الغلس..



سعيد: كيفكعاد اتحملني.. يوم بتعرس وبتشلها من هالبيت.. عاد برايك..



ابراهيم: انزين يلا سير سير..



سعيد: نــــــعم نعم شوقلت...




إبراهيم: قلت فديت خشمك..



وبندواالخط وراح سعيد يلعوز امه في المطبخ..



ومر الوقتوصلوا المعاريس والكل قعد وياهم وبارك لهم.. وهند ووداد كانو محلوات بزياده.. وسعيدكل شوي يعلق عليهم..



سعيد: مادريت ان العرس بيحليكم هالكثر.. جان خليتكم من زمان تعرسون..



وهم يقفطونوينزلون راسهم..



وغزلان كلشوي تنغزهم..



جرب سعيدصوب هند.. مهما يكون توأمته..: ها شو.. غازلج؟؟ شو قالج؟؟ علميني.. وحليلي غشيمماعرف شي في المغازل..



هند: انااعلمك.. المفروض انا ايي اتعلم منك.. خريج استراليا..



سعيد: عفانالله الإستراليات مايعرفن يغازلن..



هند: ههههههههه.. يقطع الله سوالفك يا سعيد..



سعيد وبصوتواطي ومنحرج.. : ابا اعرس..



وهند منفرحتها يببت..



أم سعيدصدت..: وييييييه.. شو السالفه.. حامل؟؟



هند قفطتونزلت راسها..



سعيد: اميشو حامل الله يهداج.. توها امس معرسه.. ههههه حامل أونه.. ماشي كل السالفه اني قلتلهند اني نويت الزواج.. يببت..

ردت امسعيد ويببت من فرحتها.. والكل تم ايبب..
علي: لحظهانتوا اتيببون.. بس وين العروس؟
سعيد: مادري بس انا ودي في بنت في بالي..
أم سعيد: منو يمي قول.. وانا من باجر مستعده اخطبها لك..
غزلان: تراانا وامي اليوم رمسنا فهالموضوع.. وحاطين وحده في بالنا..
سعيد: منوو؟؟
غزلان: أولإنت قول منو في بالك... ونحن بنقول لك عقب..
سعيد وبصوتواطي.. وخجل.. أونه عاد.. : نــورة بنت عم منى..
في هاللحظةغزلان وامها تموا يضحكون من الخاطر..
سعيد قفطزود..
وداد: شوالسالفه؟؟ ليش تضحكون؟؟ وبعدين منو هاي نوره.. وشو عرفك فيها؟
غزلان: هاينفسها الي انا وامي حاطينها في بالنا..
سعيدوبفرحة: صدق.. واي ياحظي..
هند: لحظهفهمونا؟؟ منو هاي نوره؟؟ وسعيد كيف يعرفها..
وبدت غزلانتقول سالفه الدعمه الي صارت.. وتمت تعلق على الموقف.. وعلى قولتها.. نظرة الحبالفتاكه..
الكل تميضحك ومستانس.. وام سعيد استانست لأن طلع اختيارها شرات اختيار ولدها.. وقرروا فيأقرب وقت يخطبونها.. وسعيد عاد يوم الأحد الصبح بيسافر.. فإقترح لو يخطبونها بالسبتفليل عشان يكون موجود ويتعرف على اخوان نوره وابوها.. ويكون كل شي رسمي..
شو رايكمبالبارت..
كتبته منخاطري.. وان شاء الله يكون طويل كفايه.. وبالأربعا اذا الله راد بكتب بارت ثاني..
وقربتالنهايه؟؟
توقعاتكم؟؟ كيفبتكون حيات عمر ومنى؟؟
وهل بيوافقون على سعيد؟؟