مع الاداري المتألق ( بن ثابت ) امتحان مدارس صامطة الثقافية غييير !!

اقتباس:

المشاركة الأصلية كتبت بواسطة بن ثابت

السؤآل الثالث:

أيآم الدرآسه..

أشرح مآ يأتي,,
1/مدرس مو قآدر تنساه ابد من هو ؟
كثير ولكن ربما الاستاذ على عمير هو أكثرهم , راهن على طالب لم يراهن عليه الكثير وان شاء الله انه نجح وتأتي القصة لاحقاً
2/موآد درآسيه تحبها؟
الرياضيات والكيمياء وايضا اللغة الانجليزية ولكن سوء مدرسيها في الثانوية وسوء المناهج قلل من حبي لهذه الماده
3/مواد دراسية تكرها ؟
التاريخ مع اني احب قراءته ولكن حفظة كمادة دراسية والادب لوجود النثريات والتي تعتمد على الحفظ وهذا اكرهه بشكل كبير
4/ وين كنت قآعد بفصلك سواء اذا كنت تدرس الحين ولا من قبل؟
في الصف الاول او الثاني بافضل تقدير
5/وش اكثر مرحله دراسيه تحبها مره ؟
المتوسطة والثانويه ولكن الضغط النفسي في الثانويه يجعل المتوسطه هي الافضل كانت دراسة ومتعه
6/ وشو هو اشين عقآب صآر لك وانت تدرس ؟وفي أي مرحله؟
اسوء عقاب كان في المتوسطه اصر مديرها على احضار ملفي وفصلي من المدرسة لسبي مدرس في المتوسطه بشكل علني , القصه :
كنت عريف الفصل وغاب المدرس يومها وحضر مدرس مصري مدرس الفنيه عوضا عنه وسال من العريف فقلت انا fgfg:, راح اختار طالب ثاني ووضعه عريف وطبعا راح المدرس ينام في غرفة الفنيه , قلت للطالب ارجع مكانك انا عريف الفصل من أول السنة , لكنه تعذر بان المدرس اختاره
قلت له ياشيخ طير انت و............... لقب كان مشهور به مدرس الفنيه , ما كملت هرجتي الا وهو يجري لمدرس الفنيه يقول له , شويه والا الفراش يدق باب الفصل ويسال فين فلان
قلت خير , رد علي الظاهر مو خير انت ايش سويت , رحنا للمدير والا مدرس الفنيه بصوته كله عند المدير يبكي ومسويها مناحه ويردد انا بعد السنين دي كلها بيتقلي الكلام ده , ده ما حصلش الا معاك يا مدير
والمدير كان في ثورة غضب كبيرة (الله يرحمه ويغفر له ) , وسألني انت قلت عنه كذا
قلت : ايوه
سألني وليش تقول له كذا
قلت : سمعت ولدك (كان زميلنا في نفس السنة ) يقول عنه كذا وهو اللي سماه بالاسم ذا
وقتها بصورته كلها يا حمووووووووووووووود (الفراش)
جيب لي ملفه
وفعلا ما قصر حمود جاب الملف , وقتها قال لي خذ ملفك وروح مالك دراسة عندنا , وقتها تدخل الوكيل (الله يرحمه ) وقال لا لا نعاقبه لين يرضى مدرس الفنيه وما يعيدها ان شاء الله
لكن المدرس رفض وصارت غرفة المدير مليانه وتدخلت الاطراف المختلفه وقالوا خلاص يتعاقب وما تنعاد
وقتها المدير قال خلاص ينضرب لين مدرس الفنيه يقول خلاص
وفعلا كان الوكيل يضرب والمدير يسال المدرس خلاص
والمدرس ابدا ما ينفعش
والوكيل يزيد
والمدرس يكرر ما ينفعش
والوكيل يزيد
والمدرس يكرر ما ينفعش
واظن الوكيل تعب من الضرب وقال خلاص روح
يمكن هذا صار في الحصه الرابعه , والله الى نهاية اليوم وانا ما اقدر امسك شيء بيدي حتى كتبي يومها شالوها معي للبيت زملائي , بسس للحق ثبات ولا وحتى درجة خوف كانت موجوده وهذا اللي استفز المدرس كثيراً
/7 عمرك اخذت شهآدة تقدير او تكرمت بالطابور؟
أكثر من مره في الابتدائية والمتوسطه يمكن خمس او ستة شهادات تفوق
8/ موقف محرج صارلك بالمدرسه ؟
موقف مبني على الموقف الاول مع نفس المدير , كانت فيه مسابقة لمادة الرياضيات اختاروا تقريبا 15 طالب منهم سبعه مصريين من كل الفصول وقالوا لهم يتجهزون للمسابقة بعد 10 ايام وما اختاروني , وفي يوم المسابقة أذكر لحظتها كأنها اليوم مر من عندي مدرس الرياضيات وهو اللي مسوي المسابقه وانا كنت افطر قال لي فلان غاب وما راح يحضر المسابقة تعال مكانه , قلت ما راجعت وانت تقول المسابقة للمناهج السابقة كلها , قال تعال بس
وفعلا دخلت المسابقة , وبعدها بكم يوم وانا من ضمن المعاقبين للتاخر عن حضور الطابور والمدير مجمعنا في زاوية اسمع اسمي في الاذاعه المركز الاول في المسابقة فلان الفلاني (انا ) وكان مدرس يناديني روح استلم الجائزة والمدير مقفل علي الخط قربت منه واستاذنته اروح استلمها , رد علي انت حقك تنضرب وانت كل يوم متأخر وما لك اي جائزة وكلم مدرس الرياضيات وهو واقف على منصة الاذاعه يسلمها للمركز الثاني و وهنا كانت المفاجاه
رفض المدرس تسليمها وأصر اني انا استلمها للفارق الكبير في الدرجات بيني وبين الثاني وفعلا كانها توقفت الساعه وقتها, والمكان صار متنشن يستلم الجائزة والا لا , وهذا كله قدام الطابور وبحضور المدرسين , بعدها قال المدير يستلمها لكن ينضرب بسبب التاخير , وطلع له مدرس ثاني الله ذكره بالخير كان جارنا ويعرف ليش انا اتاخر وحلف اني ما انضرب قدام الطلاب , وصار الموقف اكثر تعقيداً بعدها قال المدير يحرم من الجائزة وما ينضرب , الكل وافق مع اني كنت اتمنى اني استلم الجائزة والضرب مقدور عليه
9/ سنه كنت فآشل فيهآ درآسيا ؟؟
الاول الثانوي وما كنت فاشل بالمعنى بس كنت متساهل بشكل كبير ولا يهمني لا التقدير ولا الترتيب وايضا ثاني جامعه
10/ سنه كنت دآفور فيهآ ؟؟
سادسه(الثاني على المدرسه) وثانيه وثالثه متوسط(الاول تقريبا على الفصل والرابع على المدرسه ) وثاني وثالث ثانوي هي الافضل
11/ اذا انت متخرج من الثآنوي كم كآنت نسبتك وأدبي ولآعلمي؟
علمي 88 % ايام ما كان التسعين يخش الطب بدون واسطه , واذكر اللي جابوا التسعين يمكن ثلاثة او اربعه
واذا متخرج من الجامعه وش تخصصك ؟؟

بكالوريوس هندسة كيميائية

الله عليك يابن ثابت
تمتلك اسلوب قصصي رائع
::sa05::
تحملنا معك لقلب الحدث وكأننا نشاهد المواقف ماثلة أمامنا

موقفك مع المدرس المصري ( ما ينفعش ) ههههه

عليه قسوة قلب جته نيله

::d::

اما موقف المدير مع الجائزة والله ظلم وحرام عليه
عشان تاخرت يحرمك منها

مدراء اول قاسين مرة

مدري ليه حسيت المدرسة حقتك ما هي زينة
::sa03::

كلها ضرب بضرب

لكن ما شاء الله عليك نجحت منها

والحين باش مهندس اد الدنيا

بن ثابت

::sa06::

ابشششررك

نااااااجح في الدراسة

الف مبروك

wr