النواوي وهمسة ليل

ياهلا باللي لفاني من حلاه
انبهرت وذاب كلي وسط كلي

جل منهو كمله فيه الصفاه
بكل انش وكل سنت وكل ملي

اعشقه عشق الجدايب للمياه
وعن هجير البعد والحرمان ضلي

في سكون الليل جتني عاقصه
وسافرت بي في دهاليز القديم
صوب ذيك الذكريات الناقصه
من طياشة عقل ومغازل حريم
يوم كاس الغي بيدي اراقصه
وكل ذنبٍ كان ماخذني نديم
كان انا وابليس نحيا مواقصه
ند يدحر ند في خصم وخصيم
يوم دنيا الطيش مثل امناقصه
كل مانملك بها روح هشيم
ذاك ماله جم وهذا يباقصه
وكلهم راحو من الدنيا حطيم

الله اقوى ياسنيني لاتهابي ولا تخافي
عادتي كالند احرق بس حتى لجل افوح


والا حظي من لقيته ماجمعنا ائتلافي
بايرن بي من عرفته عاثرن ماهو جموح



والله اني من حضنته ماشعرت بصدر دافي
ولا لقيته في معاشر لاولا فخلقن سموح

الضيق يذبح قلب الانسان ويضيق
بالمشتكي صدره وتلقا ضلوعه


متخالفه با الهم من فكة الريق
من لايعن ياصاح دايم يلوعه


حتى الذي قالو عليهم مصافيق
من جنن العاقل سواهم ربوعه

اشتقت لك ياضحكتن صوتها غير
تضحك ويضحك لي معا ضحكها الكون

مليت ادور عنك بين الغنادير
واقول هذه اكيد اوذيك بتكون

كل البني سكه كثيرة دواوير
هذي اتسلا بس وهاذيك بتخون

يالله اجعل تالي العمر ذا خير
وارزقني باللي دونها الكل يهبون

مهما تغير اتضل هي وحدها ذيك
اللي على روس الغنادير رايه
ام العيال اللي لها دون تشكيك
كل الغلا والحب داخل حشايه
لاسلهمت لي قلت يابنت لبيك
لبي العيون اللي خذتني سبايه
انا واحاسيسي ترى ملك يديك
يااول بداية عشق واجمل نهايه

مليكة حرفي لا تجني على العاشق بدستورك
ترين العدل في شرع الولاة اهم غاياتي
انا رغم الاسى والحزن الاطم عاتي ابحورك
واصغر جرح في قلبي يعد اكبر معاناتي
زرعت احلامي اكثرها هناك وضمها سورك
ورى صمت الغرام اللي غدا رحلة متاهاتي
كتبتك للملا قصه وصار الكون جمهورك
يردد عذب ماصاغ الغلا في جم ابياتي
مليكة فكري العظماء عظيم اصير بحضورك
ويهزمني الغياب اللي ينكس فيك راياتي

انا ماهمني فهم الملا ولا همني غرورك
ويمين الله ماكنتي ولا زرتي خيالاتي


انامهما تشافيتي اضل اكيد دكتورك
يرجعك الولع يمي تبين جديد وصفاااتي


انا ياملهمة حرفي ترى ماخلت ديجورك
ولامره خطر انك تكوني ضمن نزواتي

لبيه ياصوتٍ من البعد مذهول
أذاه من فقد المحبين آذي
محمول ياصوتٍ لفاني ومكفول
عيني وطاك ولك خفوقي ملاذي
لاقلت اقول واعني ياصاح ماقول
ماني بخبلٍ بالسوالف يهاذي
ابوشذا سيفي به العز مسلول
افزع بقومٍ غانمين وفذاذي
يوم الوغى وياك قاتل ومقتول
وفي فرحتك نرجس وفلٍ وكاذي

الورق رق وناعس الطرف مارق
متى يرق ويرحم انسان محروق


مايدري انه بالجفاء شقني شق
شق الورق قلبي من الصد مشقوق
إن كان له حقٍ انا اقوم بالحق
وإن كان ماله حق الزمه بحقوق

ياعين ودي بشوف خلي دقايق
وياوقت بسك بعد واحزان وفراق
ابلتقي بالزين سالي ورايق
ونعيش لحظة حب وافراح واشواق
ضايق فبعدي وبعده الكون ضايق
ياالله جمع بين مغرم ومشتاق

اول خميس يمر من غير خوبه
ياحظ من بره تمشى وسوق
هذا اشترى له قعب وهذاك قوبه
وهذا من اتراث الاصاله تذوق
في شمس وإلا حر زايد رطوبه
كلن على صاحبه سلم وحوق
سوقٍ خلط فله وسمنه وشوبه
لا شافه الطفشان والله روق

يا ناس ماكل الجوارح كواسير
الصقر غير البوم والكل لله
البوم بوم ولو تملك قناطير
من الذهب يا ناس مايصلحن له
والصقر وإن ماصاد تدرون به طير
يكفيك إنه ناض لوما صفن له
وهذه ترى الدنيا ظروف ومقادير
مره تعز الصقر ومره تذله
ولولا الظروف اللي تجي عكس مانسير
مالبسو البرقع على الصقر لله

خل السفر لاتطري للبعد طاري
اقعد وخلك مع حبيبٍ توده
اخاف تبعدنا كثير المساري
واخاف قربك ياقف الكل ضده
واخاف دمعٍ فوق الاوجان جاري
يعمي عيونٍ شوقها منك لده
الهم في بعدك على الكبد ظاري
والصبر حبل وقطع الوقت قده
وش حيلتي لاصار ليلي نهاري
وضاع عمري بين جزرك ومده

لاتحسبين البعد لي عنك راحه
تعبان في قربك وفي البعد تعبان
محدٍ ضوى مثلي وآو جراحه
في غيب وقتٍ يلدغ بناب ثعبان
ولاحدٍ فقد داره وضيع مراحه
وإلا بنا حلمه على كف شيطان
إلا انا في وقت زاد اكتساحه
نفسي وعذبها فراقٍ وحرمان

اول الغيث قطره يأول الغيث هلي
لاتكوني سرابٍ في بقيعٍ يباس
لهفتي لك حنين وصادق الشوق قلي
قطرة من شفاتك هي غذاء الحواس
يأجمل الحب وينك ليه هذا التغلي
من عرفتك وعيني ماغشاها نعاس
اترقب وصالك وشوفكم ماحصل لي
ويل منهو مصيره بين ناسٍ وناس
من عرفتك وقافي دايمٍ بك يهلي
كني ابن الملوح او تقولي فراس

فارس الكلمه اخ وصديق عزيز وغالي على نفسي
يحثني دائما على كتابت الشعر بالفصحى
وهو مالا اجيد فأنا اجد نفسي في النبطي
ولست بذالك الشاعر المتمكن من ادواته
فأهديته هذه المقطوعه معزة له وإرضا لرغبته
فعليه وله سلام محب



لست ادري اي بحر لك اركب
فبحور الشعر من عذب لأعذب
كل يوم يعتريني الف حس
لست ادري ايها للقلب اقرب
كل يوم شأننا شأن عجيب
غربة انت ومنك صرت اغرب
اترانا صرنا للشعر ضحايا
او لنا في الشعر اراء ومذهب
لست ادري اي امر ترتجيه
فحروفي من مصب النيل تشرب
لا اراهن انني للشعر رمزا
فرهاني ان منا من سيتعب
فحروفي كجروحي لا ضماد
لاطبيب في حياتي لا اطبب

تحطم مركب الربان ولا ادري كيف لك يوصل
يقاوم موجك العاتي يصارع قوة ارياحك
حبيبي ضاعت افكاري حبيبي كيف ايش الحل
كنيني باح لك خافي وخافيكم ولا باحك
حبيبي طلبتي تكفا دخيلك جود لاتبخل
تعال وضمني بصدرك وحررني من اشباحك
اناديلك تعال ارجوك ترى زهري بدى يذبل
ابي ضمك ابي اهنى ابي ارتااااح وارتاحك
تعال وجمل اوقاتٍ جميله فيك وانت اجمل
تعال وبين احضاني وارمي فوقي وشاحك

ابدع السامر ونقض بي طعون
لين دمع العين فوق الخد فاض
وكل جرحٍ كان في لحظة سكون
انتفض واهتز لسامر وناض
عشت شرطان الذهب لونٍ بلون
عشت ماخطيت في نوة بياض
وشفت في جازان غيدٍ يذبحون
هرجهم بالرمش مفروض افتراض
ماحكو للغير حتى يسكتون
بس رمش العين للعشاق قاض
بالدلع والغنج دايم يسحرون
مارائت عيني مثلهم بالرياض

حبيبي الجرح لاتطريه
خل الجرح شي فات
دخيلك لاتقلب بي
جروحٍ كنت ناسيها
حبيبي اترك الماضي
وعش وياي في لحظات
مدام اني انا وياك
جروحي لا تطريها
دخيلك ارفق بقلبٍ
تعذب لين اضنه مات
وعينٍ عافت العبره
دخيلك لا تبكيها
حبيبي هاوي التعذيب
مولع بس في الصدمات
وربي مابقى بروحي
كثر ماصارلي فيها