عرض للطباعة
خلني جرح(ن) بكى ، مهما تعاظم لاتضمه
خلني دمعة مواجع ، بس دمعك ما أبيه
خلك بعيني كبير( ن) مايهاب المدلهمة
أنت ياللي لا اظلمت ،تنصاك بشوت ووجيه
حظي اللي ماصدقني يوم ،وش وداك يمه؟
ليه من بد البنات تحبني بالذات ؟ ليه
ايه احبك، بس مابي لك حزن والا مذمه
وانت .يا ابن الناس طبعك .واعرفه ماهو سفيه
روح يابن الجود ياعزوته ياخاله وعمه
مالك ومال الهوى ، اهجره يا الذرب النزيه
واما انا لاتخاف، قسمي من ( الحيا) الله متمه
أسأل الله مايضيّعني ، و ابتوكّل عليه.
ويل قلبن لاذكرها ثارة أوجاعه ودمه
وانتفض من هامته لين المكان المحتويه
والله إني راس راكد لو بلغ بي الوجد قمه
مايقول المسعري وثرثرة سعد الفقيه
في حكم اخوان نوره وإنهم من غير ذمه
وإنهم آل السلول وإن فيهم ذا وذيه
وإنهم شالو حلال الشعب من دقه لجمه
ولابقا في شبه الجزيره شبر ماصكو عليه
والله إنها لا طرت لي قلت مرحب حي ياامه
من خفوقن حل حبك في شرايينه وفيه
اعشقك حد الجنون ياحلا الحب ومتمه
وإني خبلن دون حبك كل ربعه تزدريه
سمني ظلم الحياة ولاسمي اللي تسمه
وافي قلبي واعرفه مطلق(ن)حر(ن)نزيه
الغرام البحر ظالم وأنا ما اطيق المذمة
ولأيطيق الظلم قلبي كيف بالله أشتريه؟!
والله إن ودي بقربك احتوي قلبك وأشمة
بس عاقل خاطري يقتلع الف(ن)سفيه
نزوة العاشق توريه السعد في ثوب ضمة
والله ان شقوة حياته بعد قربه تحتريه
ياكريم الطبع سافر وأجمع شتاتك ولمة
اعرفك حر(ن)كريم)ن)صادق(ن)واف(ن)نزيه
حسبي من الشعر حروف وأقراها
حرف حرفين وأجمعها في كلمة
قصر القصيد مهواك يا زين
بالشعر والنثر مجوعة أمه
روض معاني البيد والغيد
وحمل بيوت الشعر بالذمة.
حياك الله عزيزي
محاوله جميله ولكن عليك الألتزام
بوزن وقافية من سبقك من المشاركين
تقبل تحياتي
ماشاء الله يادكتور أشوفك متألق هذي الأيام ..
وماشاء الله المواهب حولك تزداد فجميعهم يحلقون خارج السرب :thumb:..
إلا فين أخينا في الله ..
أبو راما
..
يادكتور إعذرني عن القصور إنت تدري هذي الأيام البال مشغول وربك يعين:smileyb:
آه من قلبن حزينٍ قد علا مــــع الوقت همه
مانسى خله ودايـــــــــــــم هربتـــــــــه منه إليـــــــه
أذكره دايـــــــم وطيــــــفه يمرني وبالحيــــــــل أضمه
أعشقـــــه ونبضي بفــــــؤادي والله إنه مشتريه
ياحبيبن قد تعلا مالكـــــن نبضي ودمــه
كيف أنا بحيـــــــــا بدونك والعمـــــــــر دونك ما أبيـــه
والله إني جيتــــــــــــــك بعـــــزمٍ وإصرارٍ وهمــــه
منهو غيرك قد قصدته وصار كل أمــــــــري بيديه
دامها الدنيا بتمضي والليـــــــــــــالي المدلهمه
وش بقى في العمر لجل إني أتحسف عليه
حكمي
:thumb::thumb::thumb::thumb::thumb::thumb::thumb:: thumb::thumb::thumb:اقتباس:
المشاركة الأصلية كتبت بواسطة النواوي
.:thumb:wrفراشة.wr:thumb:اقتباس:
المشاركة الأصلية كتبت بواسطة فراشة نور
:thumb::thumb::thumb::thumb:.دكتور إنك تتقدم .:thumb::thumb::thumb::thumb:اقتباس:
المشاركة الأصلية كتبت بواسطة دكتور حب
من يعدل في مصيره يشتري فرحه بغمه
من يسامر في ظلامه خوف كافر محتويه
من يعادي في ليالي غربته خاله وعمه
وكيف يغفل شخص عاقل يوم قبره يحتريه
أسئلة هاجت أثارتها هموم مدلهمة
ليتني ألقى جواب (ن)لو بمالي أشتريه
ليتني لاقلت وينك تنعش الخافق بضمه
وليتني لاصحت تكفا قلت دوك اللي تبيه
وليتني لاجيت حضنك ونكسر شوقي وكمه
تشعر اني حس جيتك يحسب انك مهتويه
انت ياللي دس زيفه في دموعه ووسط كمه
بوشذا يقولك حسافه كان هاقي تشتهيــــــه
واثرك اللي في حياته باع حتى ابوه وامه
ومن غدة هذي سواته كيف انا اشره عليه
متابع وأعتذر عن تأخر مشاركاتي لأرتباطي بعمل
السلام عليكم ورحمة الله وبركاته
مساء يتنفس شعرا:thumb:
احيي جميع الشعراء على هذا الإبداع
من الجنسين
..
وحقيقة وجدت هنا قامات شعرية سامقة فعلا
واسمحوا لي ان اشيد بالبعض ولا يهون البقية
لانه فعلا اندهشت لتمكن كل من
..فراشة نور
.. وملكة حرفي
للادوات الشعرية
ويمتلكان تجربة شعرية ناضجة فعلا
اعجابي وتقديري للجميع
.. حاولت المشاركة ولكن وجدت ان القريحة على وشك النضوب
.. ساستدرها لاحقا إن سمجت..
صرخة(ن) من قلب عاشق للي حبه واستذمه\
قلب غافل عاش قبله لاهو له ولا عليه
قلبي ياللي ارتسم لك في شرايينه ودمة\
عرش وصفه ما يناسب غيرك احدن يعتليه
بك شتاته وبك مماته إلا لو ودك تلمه؟\
وتطفي نار(ن) في نياطه فيها مين ؟؟ وفيها ليه؟؟
.. الحاصل اللي لقيناه::d::
ياحامل السر أحذر من السر همــــــــه
كم حامل للسر الهم ياصاح يقليه
قول السر يورثك لوم الخوي وذمه
حذاري ياحامل السرالسر تفشيــــــه
كم حامل للسر بالسر هان عزمه
وأنت أحذر سرك للناس تبديـــــــه
اعزائي فرسان القاف والقافيه
هذه قافيتنا الجديده
اتفكر كيف وقفات الجبال
كيف تنظر كل قاع ن جرهدي
كيف لاهبن هبوبك ياشمال
وش نصيب الغيم يالحظ الردي
لايغرك يالنظر شوف الخيال
وان لمع برقه ومزنه يرعدي
دام ماهلت من المزنه زلال
لوتهب الريح يمضي ويغدي
الفل لقلوبكم جميعا.
وأشكر للجميع هذا الحضور والجمال.
ضيفنا الجديد العمدة أهلا بك ..أنار المكان وازدان.
أعتذر لقل متابعتي للموضوع ومثلكم يعذر.
إذن لنستمر ونحن على قافيه النواوي الجديدة حفظة الله
الله يالنواوي رائعة
كل ماهبت نسايمها الليال
عشت ذكرى من عبير(ن) سرمدي
غصب عني طاحت الدمعة سؤال
عن غيابه اللي سرقني مرقدي
ويل حالي من همايلها الزلال
يوم خانت كل ظروفي موعدي
غبت عنه وحل ظرف الارتحال
ومات كلي لن وصاله مولدي
،،
،
دكتور حب ودكتور ذوق:thumb:اقتباس:
المشاركة الأصلية كتبت بواسطة دكتور حب
الف شكر يالاصيل على الترحيب
المكان منار بك وشرواك wr