عرض للطباعة
"إن حكينا ندمنا وان سكتنا قهر"
إرفع جروحك عن وصـال الخناجـر
نـزفك عــزيز ومثلك النجــم لاطـــاح
ولاتنحني للريــح والــذّل فـاجـــر
والخـوف ســـاس الـذل والغبن ذبـّاح
مادام لك عن خفضة الهـام زاجــر
إمّــا إنكـســـر ولا تعــدّاك الاريـــاح
مانته بعشبٍ نـابتٍ وســط حاجـر
ولا إنت بشـــراع التيـه والـوقت مـلاّح
إنت الّذي باسمك تضيق الحناجر
لو إنطقوا بك همس سمعوا بك صياح
تقفي وكن الحرف للحـرف هاجـر
وتقبل وقـلب الصـخـر بالشـعـــر بــوّاح
ولا من رمى صبحك عباة الدياجر
ثم إنتهى ظمــاه شـع بالنـور مصباح
إرفـع جروحـك عن تـراب الخناجـر
نزفـك عـزيــز ومـثلك النجــم لاطــاح
بدر بن عبدالمحسن
روحي تحبك والمشاعر تناديك
الله لايحرم عيوني عيونك
اصلاً انا كلي كذا ميتً فيك
اقسم بربي صعب ماقدر اخونك
كم يوم تجرحني وافكر اداويك
شكلي كذا صرت استلذ بطعونك
مهما جرحة وزدت في جرحي اغليك
واموووت حتى في قساوة جنونك
ازعل وتزعلني وعود وراضيك
وافرح اذا صادفت لحظة سكونك
اعيشها لحظه غلا بين اياديك
واغوص واتعمق بعالم فنووونك
احس في حبك وفي شي مشقيك
وفي كل مره تشتكي من ضنونك
وارجع وواضح لك وحاول واهديك
واقسم بأني ميتً في شجونك
يعني بما معناه انا ميتً فيك
والله لايحرم عيوني عيونك
يجـزاك بالخــيـر ياحــظ ٍ وقــف ضــدي
..................... عـلمـتـنـي كـيـف اوجـه جـرحي لحـالي
ذكـرتـني بسـلـمي الـلـي مـن زمـن جدي
..................... ونـسّـيـتـني كـيـف طعـم الـمـر ّ والحالي
خـلـيـتـنـي بـجـــد ابـيّـح لـلعــرب ســدي
..................... وانـا الـذي مــا شـكــيت اول ولا تــالـي
كــنـت احـسـب اني حظيظ وماحد ٍ قـدي
..................... إلـيـن زال الغــمـام وشــفــتـك قـبــالـي
ياحـــظ كـانـك عـلـى مـاقـيـل مـتـردي
..................... لاتقـطع بقـسـوتك وجـهـي مــن عـيـالي
ان كا ن لي دون غيري صرت متصدي
..................... اقـــول انـا حــســـبـي الله والله الــوالـي
لـيت الدمـوع الـدفـوق اللي غـزت خدي
..................... تــبـيـت بالعــيـن حـتى تـركــد احــوالي
لـي خا فـق ٍ عـن مــواطي الـذل متعـدي
..................... خلــّى المــطامن ورام الـنـايـف العـالي
ما هـاب جـرح ٍ نـفــذ بالجوف متحدي
..................... ومـا خـاف هــم ٍ قــديــم ٍ دارس ٍ بــالي
والله كــريــم ٍ والى مـــديـت لــه يــــدي
..................... ألـقـى كـــريــم ٍ أبـــد مــاردنـي خــالي
ويجـزاك بالخـير ياحــظ ٍ وقـف ضــدي
..................... عـلمـتـني كـيـف اواجـه جـرحي لحالي
الصمت أحسن حل لاضاق صـدري
بعض السوالف زادت الضيق بالضيق
و اذا نشدني من نشد .. قلـت مـدري
أجحد بـ مدري نشفة الحال والرـيـق
انا بجنبك لاتقول أنت وينك
غايب ولاكن تارك القلب وياك
لو الغياب يطول بيني وبينك
صابر وقلبي يحتري يوم ملقاك
وشلون ابنسى دام قلبي سجينك
ولاضن غير الموت يجبرني أنساك
يامروي قلبي بغلاك وحنينك
ياجعلني مافقد عيونك ولا أظماك
انا على خبرك ولاخالفت دينك
وباقي على عهد الوفا دوم وياك
انا فدى قسوت عتابك ولينك
ياجعلي ماعيش عمري بلياك
ماعاش منهو في كلامه يدينك
ماعاش منو سب اسمك وطرياك
ابيع انا كل الملا لجل عينك
ولاأرخصك لو الكل عافك وخلاك
معك انا في شين وقتك وزينك
والخاطر عيونك لو تبي العمر يفداك
انا بجنبك لاتقول انت واينك
غايب ولاكن تارك القلب وياك
كَـلْ ما ضـآقْ بِـيْ الواقِـعْ أسلِـيْ خ ـآطِريْ بـِ { النـومْ }
....... و هـِذيْ حَ ـآلة أيآمِ ـيْ صـآرتْ فرح ـِتيْ بـِ { نومِ ـيْ } .. !
أحيان: صدري من نظر عيني يضيق
وأحيـان لا والله .. من اللي أسمعه
مدري أنا اللي غير واحساسي رقيق
والا صدور الناس .. مـافيهـا سعــة
بذمتك عاد قلبك مثل مااخابر
يحس فيني ويتفاعل معا اخباري
ولا نسيت الغرام
وحبي الطاهر
ماعاد لي في خيالك صورة
وطاري
مرت علي ظروف تكدر الخاطر
فيني درى من درى وانت
ولا داري
مادري تجاهلتني او قلبك يكابر
ولا شعورك
غفى عن فكري الساري
كل يوم طيفك معي في ناظري حاضر
اشكي له
الحال واكشف له عن اسراري
مابلغك عن عناي
وشوقي او ماحفر فيك مجموعه اشعاري
محبتك في فؤادي مالها اخر
مهما افترقنا
وغبت انت عن انظاري
انت حياتي ويومي وامسي وباكر
انت المطر والشجر والشمس واقماري
شعور مهما اكتمه في صورتي ظاهر
يغني عن البوح والشكوى واعذاري
وكنت منتا بالحال داري وشاعر
هذي حروفي وهذي اخر اخباري
لاباس يلي تشتكي الضيق لابـاس
اصبـر وعنـد الله تلاقـي فرجهـا
**
لاتشتكي من ضيقتك ساير النـاس
الناس ماتدري وش الـي عوجهـا
**
خل الصبر دايم معك رسم مقيـاس
واحذر من انفاسك تصدق حججهـا
**
الله ولا الهاجس اللي مايريحني
اسهر عيوني وعنّاني وعنّيته
.
.
آحاول أخفيه مير الحزن يفضحني
متمركزٍ بالحشا كن الحشا بيته
.
.
ياللي تعاتب غموضي لا توضحني
ماباقيٍ في الخفوق الا تناهيته
.
.
آصافح الهمـ قبل إنه يصافحني
وأحب خشمه واردد في الخفا ليته
.
.
ليته قبل لا تزل خطاي ينصحني
والا يريح خفوقي من عفاريته
.
.
والغالي اللي عليه الشوق ذابحني
اقفا به الوقت ماجاني ولا جيته
.
.
ياسيد الـنـاس قبل اقول لك بحني
بخبرك عن كلامٍ عنك خفّيته
.
.
تدري وش اكبر خطآي الله يسامحني؟
إقفايتي عنك وأنت اللي تمنيته
.
.
هذا هو اللي معذبني وجارحني
اقول بنساه وانا ماتناسيته
الشاعر / تركي الميزاني المطيري
يامركب الوهم عمري ضاع ... مابين الامل في لقاء ووداع
وبحر الاماني ماله مواني ...ضيع زمانك وضيع زماني وضاع المركب بربانه ..
يا صاحبي مشكور يوم أنت وفّيت ،،
يومي شكيت وقلت دنياي كفّت
عزّ الله إنك في خيالي تساميت
ولك صورةٍ في محجر العين ، غفّت
كنّي هبوب ولجل فرقاك هبّيت
منها مزاج غصون الأشجار .. زفّت !
وأوراقك اللي صفّرت من تماديت
طاحت ، ومرّتها هبوبي وحفّت !
أبشرك من بعد صدّك تعافيت
وحمولي اللي كانت ثقال .. خفّت
علامك جيت ياقلبي وراجع خاطرَك مكسور؟؟
أبد لاينكسر خاطرك دامـه صاحبـي جايـر
أبي تنسى مبادئنا وتترك طبعنـا المغـرور
وأبي هالحين ترجع له.. وقلّه يطلب ويامر
وإذا جت عينك بعينه أبي تشهد شهادة زور
بأني مذنب ومخطي.. وقلبه ناسي وغافـر
وقلّه لايخليني على حزنـي أبـات شهـور
لأن الموت أشوالي وأنا من طبعي ماكابـر
ولايفكّر يقول: (انسى وغيري بالبشر مذكور)
لأني ماخبر غيره / قسـم بالله مـو خابـر
أحس اللي خلق زينه خلق باقي البشر ديكور
وأحس الورد لاشمه يميل وينثنـي شاكـر
وربي هالبشر بعده هياكل والبيـوت قبـور
ولابه شي بالدنيا يجـاري غيابـه الكافـر
حبيبي يابعد كل الحبايـب والزمـان يـدور
علامك ماتخاف الله تعال وشوفنـي وناظـر
لك الله دنيتي عقبك ظلام ٍ ماغشاهـا نـور
ألا يانور هالدنيا بعينـي وجوّهـا العاطـر
ترى قدرك بعيني صعب أحصِرْه بغلا وشعور
أبي باصبعك تشّر لي وأجيلك وقتهـا طايـر
ألا ياصاحبي القاسي بدونك هالحياة تغووور
ألا ياسبّـة جروحـي..ألا ياحظـي العاثـر
أحبك.. يامنى عمري وغيرك يمسك الطابـور
أحبك يامولّعنـي وأذوب بصوتـك الخاثـر
أنا من كثر مااحبك أحس إني معك مسحور
فديتك خلني مسحور إذا تبقى لـي الساحـر
أنا لك مثل ماودك قصيد وشاعـر وجمهـور
فداك اللي قصدته أمس واللي بَقصِده باكـر
أنا ادري فيك خابرني شجاع ولا علي قصور
ولكن لو وصل أمري بيدّك... آآه ياساتـر!!
أنا حبي معك والله عفيف وطاهر ومستـور
حشا صعبه تلاقي قلب شروى قلبي الطاهر
إذا ناوي تجربني ترى وقتك معـي مهـدور
أموت بنار طغيانك.. ولاينقال لـي صابـر!
أمانه روح ياقلبي وأبي تضبط عليه الـدور
أمانه طير له تكفى وأبي هالحين ياشاطر
أبيك تحب لي راسه وتنسى طبعنا المغـرور
ترانا اثنيننـا والله بدونـه نكسـر الخاطـر
إبراهيم فرحان شاعر مع تمنياتي لك بالتوفيقاقتباس:
المشاركة الأصلية كتبت بواسطة إبراهيم الفرحان
مدري علامك ياحبيبي تغلا
طرد السراب لمن يحسبه ماء مهي بمشكله
المشكله من يطرده ويعرف انه سراب
لما تمرّ بغيبتك يوقف حضور العمر
يخطفني القيد لمتى، ليه المسافة جمر ؟!
خليل الشهري
ياكبرها لاطاحت الدمعه من عيون الكبيـر.....كن المهابه مـن كرامتهـا تهـز اركانهـا
وياقوها لاضاعت الهيبه من يديـن الاميـر...وقامت كبار الهيمنه تضحك على عميانهـا
وياشينهالاصرت بين اعداك مغبون وكسيـر....ضاقت عليك وسكرت من دونكـم بيبانهـا
دنيا رحاها كل يوم بحـال دايـم يستديـر....تضحك معك بس انتبـه لاعقـدت حجانهـا
خلك ذكى وفهم لها ياصاحب العقل المنيـر.....لوجات فرصتها تـرى ماترحمـك نيبانهـا
قبل تغوص ابحورها احسب حسابك وستشير.....ياكم خانت من يقول انـى حـدى خلانهـا
والقشه اللى قصمت ياصاحبى ظهر البعيـر....يمكن تكون انت البعير اللى غوتك اشجانها