مرثية صالح الشادي في وفاة الملك فهد ( رحمه الله )

[أبو نورة]

(التعازي لسيدي شيخ المسيرة )


في سراديــب الحزن مليون ديرة
وكل ديرة في حداد وفي وجوم
هزنا وقع الخبــــر، والأمر خِيرة
وفوق رحمات الرحومين ،الرحوم
كالحة من سطوة الوجْد السريرة
والقدم من ثقلهــــــا عيّت تـــــــقوم
افتقدنا من غَمر هالأرض خَيره
وافتقدنا سيفنا، صلْـــــد العزوم
وافتقـــدنا راعي اليُمنى وطَيره
وافتقدنا نبضه.. بليلة ويوم !.

ولْ ياشين النبـــا ويـاقُـوْ ضَيره
هَمْ.. ضاعت فيه جزلات الهموم
لوحكى موج البحروأتعب هديره
مـاسقــانـــا علم من غبـــة علوم
(الفهَــد ) تــاريخ مانقـــــرا خشيره
ولا توفيــه المــــراثي والرســوم
سيّدٍ ساد المعـــــــالي في مسيره
وافتخر في سيرته ســــادات قوم.

يا الرياض احكي عن النظرة الأخيرة ؟
ويا الفياض احكي عن رياح السموم ؟
وكيف صار الموت معدوم ضميــره
هدّنا في كشـــــــرته وأقفى جُهــــــوم
وكيف صار الجو في عــز الظهيــرة
من غــــــلاة اللي رحــل عنّا عَتــــوم
وكيف صار القبر ميــــلاف وعشيرة
هيبتـــــه صفّت على جــــاله قـــــروم
وكيف صار الدمع يرسـل من غزيره
وكيف غطتنـــــا سحــــــابات الغموم

آآآهْ ثم ٍ آآآهْ... صار الحــــــزن سيرة
روّحت بين العطاشى والغيوم
موسهل هالبُعــــد ، والفرقا عسيرة
موسهل.. هذا الرحيــــل اللي يدوم.

البقــــــــا لله، ربٍ نستخيــــــــره
والبقا في راس أهَلنـَــا والعموم
والتعازي لسيّدي شيخ المسيرة
خادم البيتين والشهم الصروم
الحكيم اللي نجيــــه ونستشيــــره
والعظيم اللي تهادنْهْ الخصوم
والتعازي لوافِيَ العهــــد ونصيره
الكريم اللي بنى جـــوده تخوم
العضيد أبو المراجل والبصيرة
والحميم اللي تَحَار بْهْ النظوم
والتعازي للوطــــــن وأهل الجزيرة
وللمداين والكواكب والنجوم

صالح الشادي .

[الحـ83ـاج]

سلمت يا بو نورة

وسلم الشاعر

ويستحق منا فقيد الأمة كل الدعاء

رحمه الله رحمة واسعة واسكنه فسيح جناته

(انا لله وإنا اليه راجعون)