ملذِإْتٌِ إْلحيـــآهً .. نآصرِ إْلقحطآ‘إْنيِ وِ حآمدِ زيدِ ..

[غصن التوت]

نـاصر :
الله يا زين الليالي كل ما نرجع ورا
شان الزمن، ياهل ترى ؟ والا يا عالم وش جرى !
لا طعم للضحكه ولا اللقمه ولا حتى الكرى
والعمر ينقص مثل ما تنقص الحياة
ما فيه صدر الا وً فاح / ولا كلام الا انحكى
واللي شكا وً اللي بكا .. واللي على الحزن اتكا
واللي خذا له بندق و دور خويه و ارتكى
حتى افلس وضاقت عليه الأرض من كل الجهات

حامد:
كل/ن يجود بـ نيته ولكل مؤمن مانوى
الكره داء بلا دوى ، واصابعك ماهي سوى
العين تتبع ما هوت / وًالقلب يتبع ما هوى
وان قوّم الله القيامه ..نسأل الله الثبات

مايجرحك غير الصغير اللي يحسب انه عظيم
لاهو بشهم ولا كريم / ولا صراطٍ مستقيم
تعامله مثل الخوي ويعاملك مثل الخصيم
ان كانها من باب غيره ما يغار الا البنات !

ناصر:

إلا على طاري النسا .. قل للنسا عل وعسى
تذكرون اللي نسى ، واتدلّهون اللي قسى
وإلا تردى بعضنا .. تكفون يا جمع النسا
اخذوا الغتر ،والثوب ،واعطونا الغطاوي والعباة

يمارس الهاوي هواه من المهد /لين اللحد
حتى اكثر العالم جحد ، واصبح مااحد فاضي لـ احد
من قدم السبت احسب انه دايما يلقى الأحد
لاواحلالاه سنتين من العصور الماضيات

حامد:
صحيح لي قال المثل : ما كل حاجة بالفلوس
المال مايجمع نفوس ؛ ان عز روس يذل روس
من صار للدرهم قدر ..وً الناس تنداس وتدوس
جمع الرجال الاوفياء يغنيك عن جمع الفتات

اللي يحسب ان الرجوله فـ الشماغ وفي العقال
وبالضيق ماهو راس مال .. وما يعد من الررجال
هذا اللي لي من ثورت في راسه الطلقه حلال
الموت خير من الحياه اذا الحياء بالناس مات

ناصر:
الفقر كرهنا بعضنا..والنبي منه استعاذ
وان ما لقى الطاير ملاذ .. العمر تاليه النفاذ
إلا اجدبت كف العزيز ولا غشاها الا الرذاذ
قل له عليك ان طعتني بـ الباقيات الصالحات

كن مبتسم / واحذر يقال انه عبس والا بسر
حتى ولو جاك العسر.. تلقى مع العسر اليسر
اجبر خواطر وانتبه ينقال خاطرك انكسر
وارسم حلومك في البياض مربعات مربعات

حامد:
ياكثر ما عبنا الزمن / واثر الزمن مافيه عيب
إن عشت ذيب ومت ذيب .. وكل فعلك فعل طيب
خذها نصيحه من مجرب قبل لا تسأل طبيب
[اذا عيون الناس باتت عين ربك ما تبات]

الله عطاك الموهبه والله كريم اليا وهب
لو حكيهم يشعل لهب .. واقلامهم توزن ذهب
ماتبت ايدين النبي.. تبت يدين ابو لهب
اللي جمع شتاتهم يقدر يرجعهم شتات

ناصر:
من هم بصعود الدرج .. لا يلتفت للي هرج
يصبر و لو حظه عرج .. والصبر مفتاح الفرج
وإن حس في صدره حرج .. والهم طول ما خرج
يجلس مع نفسه دقايق فوق سجادة صلاة

افتح عيونك للحياه أكثر وناظر في علو
لو عنك احبابك سلو .. و اعداك في كرهك غلو
والله لو تصنع من الليمون مشروبٍ حلو
كان اكتشفت الوجه الأجمل لـ المحن والنايبات

حامد:
ان صابك من النايبات المعضله خطبٍ جلل
واجتاحتك موجة ملل .. وإغرورقت عينك بلل
يا عل كتف الصاحب اللي ما يشيلك لـ لشلل
ولا بارك الله بالرفيق اللي يسوي هالسوات

حتى ولو تقدر تبوق الكحل من فوق الرموش
وتجري مثل جري الوحوش .. سواة رزقك ماتحوش
يعني بلا توفيق ربك لا تهوش ولا تنوش
يالادمي ما فات مات و كل ما هو آت.. آت

ناصر:
الله على قدر النصيحة فى القديم من الزمن
كلٍّ إلى قالوا تمن .. قال أشري وصاه بثمن
واليوم الآباء قبل الابنا نصفهم ما ينضمن
وجدي على لقمان والا يا وجودي يا بْركات

تشكي مشاعرنا الجفاف وكل صدرٍ فيه خوف
أزمة ثقه وأزمة ظروف .. الكل منها ما يشوف
من كثر ما قل العدل ما عاد يرجون الضعوف
من بيت مال المسلمين ايّ صدقه وايّة زكاة

حامد:

من عزه الله في ذرانا ذي فراش وذي غطا
نعطي ولا نرجي العطا .. ولا يجي منا الخطا
نصبر على مر الليالي لو يطول ابنا البطا
بعض الاوادم لو يموت من الفقر ما قال هات

ما يجتمع كفٍ جواد ومدةٍ متباهيه
خل الاوادم لاهيه .. واعط العطايا راهيه
ياتكرم الناس بشرفها , يا تغور بداهيه
لو صدق لك نيه تجود تجود لكن من سكات

,’
’,
مجآ‘إْرٍإْهً رٍإْئعهً
بينٌِ شآ‘إْعرٍينٌِ رٍإْئعينٌِ ..
,’
رٍإْقتٌِ ليٌِ فـ إْحببتٌِ إْنٌ تشآ‘إْرِكوِنيٌِ رِوِعتهآ‘إْ ..

[أنوار]

ذائقة رائعة وانتقاء مميز

تقديري

[غصن التوت]

انوار لااجدبالفعل مااستطيع قوله لك غيران ذائقتك هي الاروع والاجمل مرورك شكرالتواجدوالتنبيه لكي ودي

[نقطه .]

محاورة رائعة
شكرآ لنقلك الجميل

[غصن التوت]

نقطه الشكر ثم الشكر لله ثم الشكر لشخصك وامثالك على مروركم الاكثرجمالالك ودي ومحبتي

[ارخميدس]

جميل ما راق لك

[المتأصل]

شكرآ لطرحك الرائع

[راااااشد]

يعطيك الف عافيه على الطرح الرائع

[غصن التوت]

نوووووووور المتصفح بمروركم العطرلكم مودتي وتقديري