محاولات الأعضاء الشعريه

[عبده حكمي]

غَسَّلتْ قلبي من غرامك وقفّيتْ

مال الحبيب إلا الحـــزِنْ والمآسي

:

غَنِّيت بك فَرْحــي وياما تغنِّيتْ

باسْم المحبَّـة وانْت مِقْفِي وناسي

:

:

عبده حكمي

[عبده حكمي]

مدري متى بتحس ترأف بحالي

تعبت أنا من كثر ما اتبع سرابك

:

قدرك تعلاّ وانت بالحيـــــــل غالي

متى علا الله تفتــــح بْطيب بابك

:

قلي ولو ودّك تقطّـــــــــــــع وصالي

تكفى وصارحـــني وزوّد عتابك

:

:

عبده حكمي

[دكتور حب]

السلام عليكم ورحمه الله


اهداء للكريم عبده حكمي




كم قلتلك ياصاح عنه ت(ي)جنب
دربه صعيب ومايطيقه اصطبارك..
قلت الصمود عادتي ومتدرب..
حتى وقعت..شوف ناقع غبارك

[عبده حكمي]

وعليكم السلام ورحمة الله وبركاته

:

وارحب يا هلابك نوّر المكان بطلّتك وشكراً لك من القلب على الإهداء الجميل

والعذر يبقى للذي قلبه عليل

:

:

شـــــرّق بقلبي يالحبيّب .. وغَرِّبْ

ما يسعــــد المحبوب طول انْتظاركْ

:

اقْصِدْ دروب الحب ياشيخ جَرِّبْ

اقســـــــــــــم بربّي تنطفي فيه ناركْ

:

لحظة جفَا تنهي حلوم .. وتخرِّبْ

ولحظة لقا . .تزرع سعادة بداركْ

:

:

عبده حكمي

[دكتور حب]

وعليكم السلام ورحمة الله وبركاته

:

وارحب يا هلابك نوّر المكان بطلّتك وشكراً لك من القلب على الإهداء الجميل

والعذر يبقى للذي قلبه عليل

:

:

شـــــرّق بقلبي يالحبيّب .. وغَرِّبْ

ما يسعــــد المحبوب طول انْتظاركْ

:

اقْصِدْ دروب الحب ياشيخ جَرِّبْ

اقســـــــــــــم بربّي تنطفي فيه ناركْ

:

لحظة جفَا تنهي حلوم .. وتخرِّبْ

ولحظة لقا . .تزرع سعادة بداركْ

:

:

عبده حكمي

لحظه هوى ياشيخ عبده تخرب
باقي حياتك..بس انته في سكارك
مخمور حب..تحت لحنه تطرب
ماتشوف ضنك الحال فيها وعوارك
لابد ماتصحى بعد ماتجرب
وتقول يادكتور..عطني قرارك

[كنانة المجد]

‏كذاب كانت أحلامي معك مثل السراب
‏إلاّ سراب
‏كانت انقى من ثلج باريس و روما
‏كانت اشبه بالسلام
‏
‏•
‏
‏

[عبده حكمي]

كذاب كانت أحلامي معك مثل السراب

إلاّ سراب

كانت انقى من ثلج باريس وروما

كانت أشبه بالسلام
‏•
كنانة المجد

مرحباً بك وبجمال حضورك وحرفك الآسر

كوني بالقرب فبك يزدان المكان

[عبده حكمي]

كل الخلايق بعـــــــــــــد فرقاه غيّاب

الفكر ســــــارح .. والمواني بعيده

:

رحلة غلا مرّت كما صفحة كتاب

فيها حلـــــــوم وشي ما حنا نجيده

:

أحب واعشق والغلا ماله أسباب

كذا من الله جيت يمّــــــــــه واريده

:

ومثلي كذا فتّــــــح لنبضاتنا ابواب

واقْسَــــــــــــم بأني جارين في وريده

:

مرّت ليالي قطّعت وصل الاحباب

وانهت غرامٍ .. ظنّـــــتي ما نعيده

:

مرّوا كما دمعة تهاوت من اهداب

من عين طفـــــــــلٍ كدّرت يوم عيده

:

ما يرجِعْ المقفي حزن قلب وعتاب

دامه رحــــــــــل واقفى يلّوح بـ إيده

:

:

عبده حكمي

[عبده حكمي]

بعــــــد ما خَذْت الفُؤاد وكل مابي

رحت عنّي وانت باليُمنــــــى تلَوِّحْ

:

إيه لَوِّح دام ما همّـــــــــــــــك عذابي

بس تجمَّل خِذْ مَعِكْ روحي ورَوِّحْ

:

:

عبده حكمي

[عبده حكمي]

مسكين راعي الحب دايم مسهّمْ

وحيد لو حوله من النــاس مليون

:

ودّه بواحد بس بالحـــــــــال يهتَمْ

ترد روحَــــــهْ لا نطَقْ كلمة العُون

:

:

عبده حكمي

/

رد يابو ريوف ولا تزعل علينا