حملة احمد ربك انك متزوج سعودية

[سيرين خالد]

حملة إحمد ربك إنك متزوج سعودية

حملة إحمد ربك إنك متزوج سعودية

* اذا تزوجت سعودية ترا بس هيا اللي ترضى تروح حضرتك يوميا الاستراحة او المقاهي من المغرب للفجر ..< زين الدششرة

*ترا بس السعودية اللي تخليك تاكل وتشرب وتمسح ايدك بالسفرة وتقوم وماتسوي شي .. < خدمة خمسه نجوم


* ترا بس السعودية ترضى تاخذلك قرض وتدمج الراتب مع حضرتك اذا هي تشتغل او تتسلف اذا ماتشتغل ..<لآتمنون عآد


* ترا بس السعودية اللي تستر على بلاويك وفضايحك واذا طحت تتحملك والا غيرها تهج وتخليك ..< فدييتهه


* ترا بس السعودية ترضى انك ماتفتحلها باب السيارة وهيا معاك وماتفتحلها باب المحل.. لا وتدخل قبلها بعد ..< ي عيشتن قشرآ


* ترا بس السعودية تتحمل وجهك الودر وصراخك الي يسمعه كل اهل الحي ..< فششيلهه


* ترا بس السعودية تضحك على نكتك وقطاتك البايخة ودلعك الماصخ ..< ههههه مافطست ابد


* ترا بس السعودية الي تقدر تآمن بيتك وعيالك عندها وانت تفترررر مع ربعك ..< آنا اشههد


* ترا بس السعودية اللي تودي عيالها المستشفى بنص الليل لان حضرتك مسافر .. < اخلعييهه


\
\
مع تحيات حملة : إحمد ربك إنك متزوج سعودية

[البليبل]

	حملة إحمد ربك إنك متزوج سعودية اللهم لك الحمد والشكر هذه الحملة لمن لا يستحق الزوجة النقية التقية الصابرة المضحية رغم الفكاهة إلا أنه واقع مؤلم نعيشه لبعض المحسوبين على الرجولة بمعناها الحقيقي . سيرين سوف نشن غارة على السعودية المُقصرة إذا تزوجتي سعودي ترا السعودي هو اللي يدللك ويوديك أي مكان تبينه عشان تكون أيام لا تنسى بحياتك حبيت بس أذكرك ترا السعودي اللي يصبر على قرقرتك على راسه كل يوم وين رايح ووين جااي ومع مين وصابر عليك حبيت بس اذكرك وترا السعودي هو اللي يخليك مرتاحه ويجيب لك شغاله تسوي عنك كل شي حبيت بس اذكرك ترا السعودي هو اللي ياخذ القرض عشانك ويشتري لك ذهب ويخلي على نفسه هرم من الديون لجل يرضيك حبيت بس اذكرك وترا السعودي اذا رحتي لبيت اهلك زعلانه يتعنا ويراضيك عشان ماتهون عليه العشره حبيت بس اذكرك ترا بس السعودي اللي مايحاسبك على نسيانك انك تسوين له غدا ويحترم كلمة جيب غدا معك وانت جااي حبيت بس اذكرك وترا بس السعودي اللي يتحمل ريحة ملابسك اللي كلها طبخ ويصبر عليك ولايزعل حبيت بس اذكرك وترا السعودي اللي يحاول يسوي المستحيل عشانك ويخليك سعيده بحياتك حبيت بس اذكرك وترا السعودي لو تطلعي للسما وتنزلي للارض مستحيل تلااقين مثله في حبه لك وخوفه عليك وغيرته عليك حبيت بس اذكرك وفي النهايه السعوديمايملا عينهالا سعووديه النتيجة : 1 مقابل 1 وبإنتظار ركلات الترجيح

[أبحر بأفكآري ~]

ونآسه صىآرت حرب

كملوآ

[جــــــــــوري]

حملة فلّة ,

[خزامى]

اقلبوها حمله احمد ربك تزوجت سعوديه
وانتي احمدي ربك تزوجتي سعودي ^_^

تعادل 1/1

[شذا الورد]

ههههههههههههههههه....يعطيكم العافيه..
أخي البليبل واختي سيرين..إعذريني سيرين إني قدمت
اسم البليبل عليكــ وإنت صاحبة الموضوع
بس هذه عادات السعوديين الحلوة
إنه ماتقدمين أسمك عليه..طبعاً إحتراماً له..ههههه
لابد أن نضع تلك الكلمات بين أيدينا..
< السعودي مايملا عينه الا سعووديه>...

[دكتور حب]

شوفوا هذا العنصر الخطير
اسم العنصر: الـــمرأه 
الخــــــواص الفيزيائيـــــــة
يصل لدرجة الغليان لأتفه الأسباب 
يمكن أن يتجمد في أي وقت 
يذوب بسهولة عند معاملته بالشكل اللائق 
* شديد المرارة إذا لم يستعمل بالطريقة الصحيحة 
الخـــــــواص الكيميائيــــــة
عضو نشط جداً وقابل للحركة في كل مكان وبالذات في الاسواق
يتفاعل بسرعة قوية مع الذهب والفضة والبلاتين والأحجار الكريمة 
عنيف إذا ترك وحيداً 
قابل لامتصاص كمية هائلة من الشوكولاتة والمثلجات والمقرمشات 
* يتحول إلى اللون الأحمر عند وضعه بجانب عنصراً مشابهاً أكثر جمالاً 
الاستخـــــدامـــــــــات:
يتميز بصفات جمالية تؤهله لأن يكون عنصرا مثاليا للزينة والجذب في أي مكان 
محفز مثالي للحصول على الحياة الهنيئة المليئة بالحب 
أجمل ماخلقه الله 
من الممكن استخدامه كمحطة للبث المباشر للاخبار وضمان وصول الخبر قبل حدوثه ! 
 تحذيــــــر 
قـابـــل للانفـجـــــار إذا تعـــرض للاهمال 
‏​‏​‏​‏​‏​‏​‏​من عجائب هذا العنصر 
إنه اذا عصب يستطيع التحدث بسرعة الضوء لمدة 6 ساعات متواصلة  وبنهاية الكلام يضع قدماً على قدم ويقول : خليني ساكتة بسسس

[أبحر بأفكآري ~]

وينكم يآ بنآت

جآ الدكتور وصآرت النتيجه 2 ـ 1 لصآلح الرجل السعودي

[سيرين خالد]

السعودي ما يعجبه العجب ندلل عليه يقول اخلصي طلباتك
البيت نظيف ها من جاي عندنا
تعبانة يفكر بالزواج ..
طفل مدلل على طول وكله كوم ومرضه كوم يخاصم على طول
يكون ماخذ دواه ونايم ويصحى ما تدرون إني مsa02:: يعني بالله ايش نسوي
نوقف حرص عليك نطمن كل فترة ما يكفي حليلنا نمرض نخذ دوانا ونسكت
أما السوق فأغراضنا كثيرة وانتوا ياساتر هذا ليه وهذا ايشتبغون فيه
وفي النهاية السعودية بدت تفكر في الأجنبي

[أبحر بأفكآري ~]

2 ـ 2
تعآدل

أنآ الحكم

[دكتور حب]


‏​‏​‏​‏​‏​‏​‏​البنت السعودية تآكل ‏​سلطة فيها :

دجاج وملح وخبز ومايونيز وباستا وزيت زيتون وبيض وجبن وبطاطس وليمون وذرة وفاصوليا حمراء
وباذنجان ومكسرات وخس وجزر وزيتون وصوص بعد !

وتجيك تقول ما آكل إلا سلطه ;</3 !



حياتي أنتي أكلتي كل اغراض بنده
مابقى الا الكاشير </3
هههههههههههههههههههههههههههههههههههههههههههههههههه ههههههہ =)

[أبو نوف]

جنت على نفسها قراشع

السعووودي هو الوحيد اللي ما يدور رشيقه ولا نحيفه ولا طويلة ويرضى بالدبه وبالبطه وبالبترا



سيرين كلامك صح بس احنا صحين

[أبحر بأفكآري ~]

مع مشآركة دكتور الحب وأبو نوف صآرت النتيجه

4 ـ 2 لصآلح الرجل السعودي

البنآت الظآهر بتنهزمون هزيمه نكرآء

[أبحر بأفكآري ~]

جنت على نفسها قراشع

السعووودي هو الوحيد اللي ما يدور رشيقه ولا نحيفه ولا طويلة ويرضى بالدبه وبالبطه وبالبترا



سيرين كلامك صح بس احنا صحين

أبو نوف ممكن سؤآل..

من هي قرآشع ؟؟

[أبو نوف]

مع مشآركة دكتور الحب وأبو نوف صآرت النتيجه

4 ـ 2 لصآلح الرجل السعودي

البنآت الظآهر بتنهزمون هزيمه نكرآء

جالسه لمحارشه بس

[سيرين خالد]

والسعودية ترضى بعريس سعودي لو سواق لا ويشوف نفسه عليها
السعودية ناعمة ونعمة ربي باينة عليها تعرف تلبس وتكشخ والسعودي
ياقلبي لا تحزن بالروب في البيت أو الفوطة يتمشى وينتقد اذا صحي نفس الشي واذا
نام نفس الشي يمكن يحط شوية عطر قبل النوم حسب المزاج
اما الدوام يكشخ ويتعطر ويحلق يدخل البيت يرمي كل شي أكيد أنا صح
سفريات وتمشية نادر ويمكن في السعودية كلها 20 بالمية وغيرهم بلوت وتخازين وجمعات استراحات رجالية
والأجنبي بدا ينافس وأسمع يمدحون المصريين يقولون دلع مرررة
بس انا عندي السعودي وبس

[أبو نوف]

أبو نوف ممكن سؤآل..

من هي قرآشع ؟؟

بنت عم براقش

[سيرين خالد]

النتيجة صارت 5/4 لصالحي ما معي أحد ردي باثنين

[أبحر بأفكآري ~]

جالسه لمحارشه بس

إييييييه ونآآآآسه

[أبحر بأفكآري ~]

وعن قلوبنا نحن الشباب







قلب الفتاة مثل القارب اذا احب اكثر من شخص غرق



.
.
.
.
.
.
.
.
.
.



.
.
.
.
.
.
اما قلب الشاب ماشاء الله فاتحها سفينة تيتانك








كم صآرت النتيجه الحين