شاعر أهلاوي يرد على شاعر هلالي ________

[نجمي نصراوي]

في منتدى الزعيق ابو تونه كتب شويعر صغير
قصيدة يبدو أن قريحته جادت بها من قوة
الهزة الأرضية الأهلاوية التي اعطبت ناديه
فبدل ما يبارك للأهلي بالبطولة كتب هذه الخربشات:

اليوم اشوف البوم ينعق يبي يطير .... مدري علام البوم مدري علامه
مدري يبي يكفخ مع اهل الصقاقير ... . ولا طلع له ريش ولد الرخامه
يقول راقي قلت اله خير ياطير .... مايدري ان اسم الزعامه علامه
زعيم غصب عنك مافيه تزوير ...... وتبطون والله ما وصلتو مقامه
مدري نسيت الاربعه يالمصيغير .... مسرع نسيتو ياوجيه الندامه
كثرت رشاويكم على غير تبرير .... ما فيه شئ مختفي يا قمامه
هذا الزعيم زعيم ما فيه تغيير .... كم مرة ذوق فريقك ندامــــه

وهذا رد الشاعر الأهلاوي على الهلالي

__________
قالوا زعيم وقلت هـــــــذا ضـــــريـر.......... ما يدري إنه للزعامه نعـــــامـــــه
مهــــوب أسد ولا يساوي بــــعيــــر......... مـا غيـر هتلٍ في كلامه ولمامه
حنّا لنا تاريــــخ ياللي غـــــــــريــر.......... تاريخنا من قــبل تـولد وسِــــامه
مــوسوم في كــل الكتب ما يطير......... وتاريخنا لو يا طُعُسْ ما تلامــه
منقوش بمايٍ للذهب فيه تفسير........ توّك ولدّت اليــــوم وانت هـلامــه
أرجع لميراد النــــوادي على البير........ وكلاً بميلاده ويعــــرف غُـــــلامـه
إن كان تحكي عن نتائج وتغيير........ الخمسه اللي فيك تبقى عــلامه
خل الشعر مانتب كفو له تصيـر........ ما يشبهك إلاّ الجرو في منـامه
تنبح بــدارك والقـــوافـــــــل تســــير........ الراقي المحبوب عـــــالٍ مقــامــــه
من يد أبو متعب أخذ كل تقديــر........ ولا حســـب للِّي ضَبَــح بالنّمـامه
توّك على أفعال الآجاويد صِغـير........ تقول عنّا ألمــــاس وإلا ذمَــــامَه
ما عدَّل الميــــزان هرج الحقـــــير........ والمستوى مَنْطوقك اللي قُمـامه
إثرك زعيق ..وإثر فيك الصريــر........ من شدة الكَاوي بوقت الغمامه
خذاك الأهلي يوم يدفس خطــير........ في الذهـاب والايــــاب إلْتِهَــــامَــه
وإن كان تعزف بالحكم يا بثيـــــر........ يا ما حَكَمْ بالظلم نعرف عَمَامه
سنين يعطيكم بطـــولات تبتـــــير......... وزَّع علينـــا من خساته سهـامه
وخالد عفيف النفس ذاك الأمير........ يرفـض أساليب الغـدر والخمامه
قلنا يا بو فيصل تحـــرّك وشِــــير........ وحِنَّــا جُنـودك للمواقــف عَـَزامــه
لكن أبو فيصل رفض ما يطـــير........ في عجــةٍ، والوقـــت باقي أمَـامه
راعي فكر مهوب شخص شرير........ وإلا هو القادر على من يضامه
وفي ختــــام القول يبقى الكبــــير........ هـو الكبيـر (قلعة المجد) هــامه

[ريحااانة]

ومارد على النصر

[أبو سيف الراجحي]

الشاعر الهلالي تجاوز الحدود والأهلاوي رد على الخطأ بخطأ ويبقى الناديان لهما احترامهما رغم

وجود متعصبين لا يفقهون شيئا ويكسبون سيئات لا مبرر لها .

شكرا لك

[دفء الشتاء]

الشاعر الهلالي تجاوز الحدود والأهلاوي رد على الخطأ بخطأ ويبقى الناديان لهما احترامهما رغم

وجود متعصبين لا يفقهون شيئا ويكسبون سيئات لا مبرر لها .

شكرا لك

بعد ردك
لا أجد تعليق
سوى التصفيق

ما زال هناك عقول كبيره لا تنساق خلف سفاسف الأمور

إحترامي و تقديري

[أبو نوف]

لا اجيز القصيدتين
كونها لا ترقى لجمهور الراقي ولا الزعيم
للأسف هناك اقلام خرفه وخربه وهشه جداً
جمهور الفريقين بينهم تنافس جماهيري لا يخلوا من المزاح
وهنا ارى هجاء وقلة احترام وانعدام ذوق وعفن في الكلمات .. وكل إناء بما فيه ينضح ؛؛

[أبـومشاري]

صورة مع التحيه إلى اخي العزيز والغالي البليبل وبن ثابت ودف الشتاء
!!!!!!!!!!!!!!

نجمي نصراوي +اتحادي +اهلاوي +كل فريق ضد الزعيم

نصيحه اهتم بناديك !

[#روميو#]

لا تعليق..
هل هذه قصيدة تكتب او تنشر!!!

لا تعليق لكاتب الموضوع